ដោយ៖ ញឹម សុខន
ថ្ងៃសុក្រ ទី3 ខែមករា ឆ្នាំ2014
http://vodhotnews.com
ព្រះសង្ឃនិងសកម្មជនដីធ្លី នាំគ្នាមកសាលាដំបូងរាជធានី ដើម្បីទាមទារឲ្យដោះលែងលោក វន់ ពៅ ព្រមទាំងមនុស្សដែលត្រូវចាប់ខ្លួនកាលពីម្សិលមិញ១០នាក់ ក្នុងហេតុការណ៍ប៉ះទង្គិចគ្នានៅតំបន់រោងចក្រយ៉ាកជីន (រូបភាពដោយ ញឹម សុខន)
ព្រះសង្ឃ សកម្មជនជនដីធ្លី និងក្រុមសមាគមសេដ្ឋកិច្ចក្រៅប្រព័ន្ធ ប្រមាណ ៣០០នាក់ នៅព្រឹកថ្ងៃសុក្រនេះ បានហ៊ុមព័ទ្ធសាលាដំបូងរាជធានីភ្នំពេញ ទាមទារដោះលែងមន្ត្រីអង្គការសង្គមស៊ីវិល សកម្មជនដីធ្លី និងកម្មករទាំង ១០នាក់ ដែលអាជ្ញាធរឃាត់ខ្លួន កាលពីថ្ងៃម្សិលមិញ។
ការហ៊ុមព័ទ្ធសាលាដំបូងរាជធានីភ្នំពេញនេះ បានធ្វើឡើងនៅពេលមានសេចក្តីរាយការណ៍មកថា លោកវន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ អ្នកសម្របសម្រួលសម្ព័ន្ធសហគមន៍កសិករកម្ពុជា លោក ថេង សាវឿន ប្រជាសហគមន៍បឹងកក់ លោក ពុទ្ធិស័ក្កិ នឹងត្រូវបញ្ជូនទៅកាន់សាលាដំបូងរាជធានីភ្នំពេញ នៅព្រឹកថ្ងៃសុក្រនេះ ដើម្បីធ្វើការចោទប្រកាន់តាមផ្លូវច្បាប់។
បើតាមសេចក្តីរាយការណ៍ មានការបិទកំណាត់ផ្លូវមុនីរ៉េតពីរកន្លែងផងដែរ ដោយមួយកន្លែងនៅក្បែររូបសំណាកនាងគង្ហីង ជាប់របងវត្តព្រះពុទ្ធមានបុណ្យ និងមួយកន្លែងទៀតនៅមុខធនាគារអេស៊ីលីដា ក្បែរសាលាដំបូងរាជធានីភ្នំពេញ។
នៅម៉ោង៩ព្រឹកនេះ កម្លាំងសមត្ថកិច្ចប្រមាណ ៤០០នាក់ ត្រូវបានបញ្ជូនទៅកាន់ទីនោះ។
គួរបញ្ជាក់ថា កាលពីម៉ោងប្រមាណ១២ថ្ងៃត្រង់ ថ្ងៃទី០២ ខែមករា ម្សិលមិញនេះ អាជ្ញាធរបានចាប់ខ្លួន មនុស្ស ១៥នាក់ ក្នុងនោះមានលោកវន់ ពៅ លោក ថេង សាវឿន លោកពុទ្ធិស័ក្កិ និងកម្មករ ព្រមទាំងព្រះសង្ឃ៥អង្គ នៅក្នុងការប៉ះទង្គិចគ្នាមួយរវាងកម្លាំងទ័ពឆត្រយោង៩១១ និងក្រុមកម្មករ នៅមុខរោងចក្រយ៉ាកជីន ក្នុងខណ្ឌពោធិសែនជ័យ រាជធានីភ្នំពេញ។ តែទោះជាយ៉ាងណា នៅម៉ោងជិត១២យប់ថ្ងៃដដែល ព្រះសង្ឃ ៥អង្គត្រូវបានដោះលែងវិញ។ ហេតុការណ៍ប៉ះទង្គិចគ្នានោះ បានកើតឡើងដោយសារ កម្មកររាប់ពាន់នាក់នៅតំបន់សេដកិច្ចពិសេសភ្នំពេញដែលនៅក្បែរនោះ តវ៉ាទាមទារឲ្យដោះលែងតំណាងរបស់ខ្លួន ៣នាក់ ដែលសមត្ថកិច្ចបានឃាត់ខ្លួននៅព្រឹកនេះ ហើយឈានដល់ការប៉ះពាក្យសម្តី និងគប់ដបទឹកសុទ្ធដាក់គ្នា រហូតដល់ផ្ទុះហិង្សា៕
សរសេរមកកាន់ លោក ញឹម សុខន តាមរយៈ sokhorn@vodhotnews.com
កម្ពុជា មិនទាន់មានប្រជាធិបតេយ្យត្រឹមត្រូវទេ។ ហ៊ុន សែន គាប់ សង្គត់ ប្រជាពិថុត និងយ៉ងប្រទេសដទៃ យកបបូរមាត់គាត់ជាច្បាប់ របបលួចប្លន់។ អង្គរក្ស ប៉ូលីស ទាហាន ត្រូវតែនៅអព្យាក្រិត្យ ការពារ សុវត្ថិភាព សុខសន្តិភាព ព្រំដែន រដ្ឋធម្មនុញ្ញ និងព្រះមហាក្ស។
យុទ្ធនាការបង្រ្កាបជនអាណាធិប្បតេយ្យបំផ្លិចបំផ្លាញទ្រព្យសម្បត្តិរោងចក្រ និងបិទផ្លូវសាធារណៈ ចាប់ផ្តើមហើយ! 4សូន្យ នៅមានត…..
ខ្ញុំគិតថាការយកប្រពន្ធ័តុលាការនិងការបង្ក្រាបបាតុករនេះគឺមិនអាចធ្វើឲ្យស្ថានការណ៍ស្ងប់ស្ថាត់នោះ ទេផ្ទុយទៅវិញវិនធានការនេះកាន់តែធ្វើឲ្យស្ថានការកាន់តែតានតឹងនិងព្យុះបាតុកម្មកាន់តែកក្រើកទៅ វិញទេ។ ដូច្នេះជំរើសរបស់រដ្ឋាភិបាលពិតជាមិនវ័យឆ្លាតនោះទេ ព្រើរដ្ឋាភិបាលមិនបានមើលពីគំរូនៃ ការប៉ះបោរនៅបច្ចិមប្រទេស គឺការប្រើអំពើហឹង្សាលើបាតុករនិងមហាជនរដ្ឋាភិបាលនិងធ្លាក់ចេញពី អំណាចនៅទីបំផុត។ ខ្ញុំមិនជឿរថារដ្ឋាភិបាលនិងអាចយកជ័យជំនះលើឆន្ទះប្រជាជនបាននោះទេ។