Friday, 03 January 2014
សែន ដាវិត
ភ្នំពេញ ប៉ុស្តិ៍
ភ្នំពេញៈ ក្រសួងការងារនិងបណ្តុះបណ្តាលវិជ្ជាជីវៈនៅថ្ងៃទី០៣ មករា នេះ បានប្រកាសថា ក្រសួងនឹងធ្វើការកោះអញ្ជើញសហជីពទាំង ៥ មកប្រជុំម្តងទៀតនៅថ្ងៃទី ៨ មករា ក្រោយពីពួកគេមិនពេញចិត្តទៅនឹងការដំឡើងប្រាក់ឈ្នួលដល់កម្មករ-កម្មារិនី ១០០ ដុល្លារក្នុងមួយខែ។
ក្រសួងនឹងកោះអញ្ជើញសហជីពទាំង ៥ ដើម្បីធ្វើការដោះស្រាយករណីទាំងនេះនៅថ្ងៃទី០៨ ខែមករា ឆ្នាំ២០១៤ វេលាម៉ោង ៣ និង ៣០នាទី។
បន្ទាប់ពីក្រសួងការងារ និងបណ្តុះបណ្តាលវិជ្ជាជីវៈបានចេញប្រកាសស្តីពីការកំណត់ប្រាក់ឈ្នួលអប្បបរមាសម្រាប់កម្មករនិយោជិត ផ្នែកវាយនភណ្ឌ កាត់ដេរសម្លៀកបំពាក់ និងផលិតស្បែកជើងពី ៨០ ដុល្លារ ទៅ១០០ដុល្លារក្នុងមួយខែ បន្ថែមលើអត្ថប្រយោជន៍ផ្សេងៗដែលមានស្រាប់មកនិយោជក សហជីព និងកម្មករនិយោជិតភាគច្រើនបានអបអរសាទរនិងគាំទ្រហើយបានចូលធ្វើការជាធម្មតាវិញតាមការកំណត់នៅថ្ងៃទី០២ មករាឆ្នាំ២០១៤។
ប៉ុន្តែក្រសួងមានការសោកស្តាយចំពោះសហជីពចំនួន ៥ និងសមាគម ១ ដែលនៅតែបន្តដឹកនាំធ្វើបាតុកម្មនិងបានបង្កឲ្យមានអំពើហិង្សា បិទផ្លូវ បំផ្លិចបំផ្លាញទ្រព្យសម្បត្តិសាធារណៈនិងឯកជនតាមតំបន់រោងចក្រសហគ្រាស។ អំពើល្មើសច្បាប់ទាំងអស់នេះបានបង្កឲ្យមានការភ័យខ្លាចដល់ និយោជក កម្មករ និយោជិត ប្រជាពលរដ្ឋ និងប៉ះពាល់ខ្លាំងដល់ការវិនិយោគនៅកម្ពុជា។
ក្រសួងអំពាវនាវដល់គណបក្សសង្គ្រោះជាតិ សហជីពចំនួន ៥ និងសមាគម ១ បញ្ឈប់ជាបន្ទាន់នូវសកម្មភាពញុះញង់កម្មករដែលជាសកម្មភាពបម្រើផលប្រយោជន៍នយោបាយរបស់ខ្លួននិងសហការជាមួយអាជ្ញាធរមានសមត្ថកិច្ចចាត់វិធានការតាមច្បាប់ចំពោះជនដៃដល់និងវែកមុខជនដែលនៅពីក្រោយខ្នងដើម្បីយកផ្តន្ទាទោសតាមច្បាប់។
គណបក្សសង្គ្រោះជាតិ និងសហជីពទាំង ៥ និង សមាគម ១ ដែលតវ៉ាទាមទារដំឡើងប្រាក់ខែនោះ បានចេញមក បញ្ជាក់រួចហើយថា ពួកគេទាំងនេះមិនមែន ជាសមាជិក និងក្រុមរបស់ខ្លួន។
ទៅគាស់ឆ្អឹង ខ្មោចយាយតា ម៉ែឪ ហ្អែង ឱ្យទៅប្រជុំ ជាមួយនឹង ពួកហ្អែងទៅ ! អាណា គេ ទៅ ហ្អា ?
វ៉ៃនិងបាញ់សំលាប់បាតុកររបស់គេយ៉ាងឃោឃៅហើយតើនណាទៅចូលប្រជុំជាមួយទៀត។ ដូច្នេះ សហជីពទាំង៥នោះមានតែរង់ចាំឲ្យស្ថានការណ៍ត្រឡប់មកវិញ មានន័យថាទុកឲ្យក្រសួងនិងរដ្ឋា ភិបាលមានអារម្មណ៍ស្ងប់និងលុបបំបាត់អាកប្បកិរិយាឃោឃៅជាមុនសិនទើបការចរចារ ទទួលបាន ផលប្រយោជន៍។ ធ្លាប់ឮមិនខុសនោះទេដែលបក្សប្រជាជនប្រើល្បិចវ៉ៃបំបាក់ស្មារតីដៃគូរជាមុនហើយ បើកការចរចារគ្នាជាក្រោយ។ តែខាងប្រឆាំងនិងរដ្ឋាភិបាលក៍បានមើលឃើញពីល្បិចទាំងនេះរួចហើយ ដែរព្រោះរឿងឃោឃៅរបស់រដ្ឋាភិបាលតែងតែកើតមានជាដដែលៗមិនខុសប្លែកពីមុននោះទេ។
Ab
That is right