គណបក្សប្រជាជនកម្ពុជា ចោទបក្សប្រឆាំងថា បានបង្កការចលាចល និងភាពវឹកវរក្នុងសង្គម នាំឲ្យប៉ះពាល់ដល់លទ្ធិប្រជាធិបតេយ្យនៅកម្ពុជា។ សន្ទរកថារយៈពេលជិត ១ម៉ោង ក្នុងពិធីប្រារព្ធខួបទី៣៥ ថ្ងៃ៧ មករា ប្រធានកិត្តិយសគណបក្សប្រជាជនកម្ពុជា លោក ហេង សំរិន បានបញ្ជាក់ថា គណបក្សកាន់អំណាចប្ដេជ្ញាការពារសមិទ្ធផល ៧ មករា និងរដ្ឋាភិបាលដែលដឹកនាំដោយ លោក ហ៊ុន សែន។
ដោយ វណ្ណ វិចារ
2014-01-07
RFA
ស្ដាប់ ឬ ទាញយកសំឡេង
ប្រធានកិត្តិយសគណបក្សប្រជាជនកម្ពុជា លោក ហេង សំរិន ថ្លែងក្នុងពិធីខួបទី៣៥ នៃទិវាជ័យជម្នះ ៧ មករា នៅថ្ងៃទី៧ ខែមករា ឆ្នាំ២០១៤។ RFA/Vann Vichar
ថ្នាក់ដឹកនាំគណបក្សកាន់អំណាច បញ្ជាក់ជំហរចង់ឲ្យមានការចរចានយោបាយជាមួយបក្សប្រឆាំង ប៉ុន្តែគណបក្សមួយនេះប្ដេជ្ញាថា នឹងធ្វើអ្វីៗគ្រប់បែបយ៉ាង ដើម្បីការពាររដ្ឋសភា និងរាជរដ្ឋាភិបាល។
ការប្រកាសនេះ ធ្វើឡើងរយៈពេលបីថ្ងៃ បន្ទាប់ពីអាជ្ញាធររដ្ឋាភិបាលបានបំបែកបាតុកម្មអហិង្សារបស់គណបក្សប្រឆាំងនៅទីលានប្រជាធិបតេយ្យ និង បួនថ្ងៃបន្ទាប់ពីការបង្ក្រាបកុបកម្មនៅផ្លូវវ៉េងស្រេង ដោយបាញ់មនុស្សចំនួន ៤នាក់ឲ្យស្លាប់ និងរបួសជាង ៣០នាក់។
ប្រធានកិត្តិយសគណបក្សប្រជាជនកម្ពុជា និងជាប្រធានរដ្ឋសភា លោក ហេង សំរិន មានប្រសាសន៍ថា សកម្មភាពប្រទូសរ៉ាយទាំងឡាយ គឺបង្កឡើងដោយបក្សប្រឆាំង។ ហើយទង្វើទាំងនេះបានធ្វើឲ្យប្រជាជនមិនពេញចិត្ត។ លោកបន្ទោសថា ការធ្វើពហិការមិនចូលរួមកិច្ចប្រជុំសភារបស់បក្សប្រឆាំង ជាការមួលបង្កាច់លើភាពស្របច្បាប់របស់រដ្ឋសភា និងរាជរដ្ឋាភិបាលនីតិកាលទី៥។
លោកបញ្ជាក់ថា គណបក្សសង្គ្រោះជាតិ បានធ្វើទង្វើមួយចំនួនដែលផ្ទុយពីរដ្ឋធម្មនុញ្ញ រួមមាន ការធ្វើបាតុកម្ម កូដកម្ម និងការទាមទារនានា ការស្នើឲ្យបោះឆ្នោតឡើងវិញ ការស្រែកបង្ខំឲ្យ លោក ហ៊ុន សែន ចុះចេញពីតំណែង រួមទាំងការព្យាយាមបញ្ចុះបញ្ចូលឲ្យសហគមន៍អន្តរជាតិ បញ្ឈប់ការផ្តល់ជំនួយមកឲ្យកម្ពុជា ជាដើម។ ក្រៅពីការលើកឡើងពីបញ្ហាទំនាស់នយោបាយ លោក ហេង សំរិន ក៏មិនភ្លេចថ្លែងអំណរគុណដល់វៀតណាម ដែលបានផ្ដួលរំលំរបប ប៉ុល ពត ដែរ។
ទោះជាបែបណាក្តី សង្គមស៊ីវិល និងភាគីអន្តរជាតិមួយចំនួន មិនបានគាំទ្រទង្វើរដ្ឋាភិបាលក្នុងបុព្វហេតុការពារសមិទ្ធផល ៧ មករា ដោយប្រើវិធីរំលោភសិទ្ធិមនុស្ស និងរំលោភច្បាប់នោះទេ។ សង្គមស៊ីវិល និងប្រទេសកាន់លទ្ធិប្រជាធិបតេយ្យ បានថ្កោលទោសលើទង្វើមួយចំនួន ដូចជា ការបាញ់សម្លាប់កម្មករ ៤នាក់នៅផ្លូវវ៉េងស្រេង ការបង្ក្រាបកម្មករតវ៉ានៅរោងចក្រ អែស.អិល (SL) ការបង្ក្រាបពលរដ្ឋដែលតវ៉ារឿងអាជ្ញាធរបិទផ្លូវនៅស្ពានអាកាសក្បាលថ្នល់ និងការបោសសម្អាតកម្មករចេញពីទីលានប្រជាធិបតេយ្យជាដើម។ លើសពីនេះ ការប្រើប្រាស់ប្រព័ន្ធតុលាការ កោះហៅមេបក្សប្រឆាំង និងតំណាងសហជីព ក៏ត្រូវរងការរិះគន់ពីភាគីអន្តរជាតិ និងសង្គមស៊ីវិល ថាជាការប្រើប្រាស់ប្រព័ន្ធតុលាការ ក្នុងហេតុផលនយោបាយដែរ។
ចំណែកឯមេបក្សប្រឆាំង លោក សម រង្ស៉ី នៅព្រឹកថ្ងៃទី៧ ខែមករា នេះ ក៏បានថ្លែងថ្កោលទោសចំពោះទង្វើរដ្ឋាភិបាលដែរ។ ហើយគណបក្សនេះក៏គ្រោងប្ដឹងអ្នកកាន់អំណាចទៅកាន់តុលាការព្រហ្មទណ្ឌអន្តរជាតិទៀតផង។
នៅក្នុងការប្រារព្ធខួបលើកទី៣៥ នៃថ្ងៃទី៧ ខែមករា លោកនាយករដ្ឋមន្ត្រី ហ៊ុន សែន មិនបានថ្លែងទៅកាន់អ្នកកាសែត ឬអ្នកគាំទ្រឡើយ។ ដោយលោកបានដើរចាប់ដៃ និងសួរសុខទុក្ខអ្នកគាំទ្រមួយចំនួនដែលចូលរួមពិធីប៉ុណ្ណោះ។
ការរៀបចំពិធីឆ្នាំនេះ គណបក្សកាន់អំណាចបានប្រមូលពលរដ្ឋពីគ្រប់ខណ្ឌនៅទូទាំងរាជធានីភ្នំពេញ និងបានរៀបចំអាហារពេលព្រឹក ព្រមទាំងមានឡានសម្រាប់ដឹកជញ្ជូនពលរដ្ឋទៅមកផង។ ក្នុងពិធីនោះ ក៏មានវត្តមានទូតនៃបណ្ដាប្រទេសជាមិត្តមួយចំនួន ភាគច្រើនជាប្រទេសកុម្មុយនីស្ត និងសមាជិកអាស៊ាន។ គេមិនឃើញមានវត្តមានអគ្គរដ្ឋទូតសហភាពអឺរ៉ុប និងសហរដ្ឋអាមេរិក ដែលទើបតែថ្កោលទោសរដ្ឋាភិបាល ក្នុងការបណ្ដេញបាញ់សម្លាប់កម្មករ និងបណ្ដេញបាតុករចេញពីទីលានប្រជាធិបតេយ្យឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- សៀវភៅ “យុទ្ធសាស្ត្រឌីហ្វីដតេជោសែននៃកម្ពុជា” បោះពុម្ពលើកដំបូង
- បក្សសង្គ្រោះជាតិរៀបចំមេធាវីប្ដឹងអ្នកបាញ់សម្លាប់បាតុករទៅតុលាការអន្តរជាតិ
- មេដឹកនាំបក្សប្រឆាំងបញ្ជាក់ជំហរមិនចាកចេញពីប្រទេស
- បក្សសង្គ្រោះជាតិធ្វើសន្និសីទកាសែតរកយុត្តិធម៌ឲ្យជនរងគ្រោះនៅថ្ងៃ៧ មករា
- សង្គមស៊ីវិលជាតិនិងអន្តរជាតិ៖ ស្ថានភាពនយោបាយនៅកម្ពុជាកាន់តែអាក្រក់
- កងកម្លាំងយោធានៅតែត្រូវបានដាក់ពង្រាយតាមបណ្ដោយផ្លូវវ៉េងស្រេង
- មន្ត្រីក្រុមប្រឹក្សាខេត្តបក្សសង្គ្រោះជាតិរងការគំរាមសម្លាប់
- ជំទប់ឃុំទី២នៅខេត្តព្រៃវែងចោទមន្ត្រីប៉ូលិសថាគំរាមសម្លាប់
- បក្សសង្គ្រោះជាតិធ្វើពិធីបង្សុកូលគោរពវិញ្ញាណក្ខន្ធអ្នកស្លាប់ក្នុងការតវ៉ា
១. មើលចុះ រដ្ឋាភិបាលចោរ វាចាត់ចែងការគ្រប់គ្រង់ប្រទេសរបៀបម៉េច!! ហ៊ុនសែនជាមនុស្សខ្វះការអបរំ តាំងពីក្មេង និងជាមនុស្សមិនចេះអៀនខ្មាស់ បានរៀបចំក្រុមមនុស្សស៊ីឈ្នួលបង្រ្កាបបាតុកម្ម ឬដែលបក្ខពួកហ៊ុនសែនដាក់ឈ្មោះអោយពួកនេះថា៖ សន្តិសុខ!! ដែលពីសម័យ ជា សុផារ៉ា ហៅក្រុមនេះថា៖ ក្រុម២២ ឬ២២នាក់!!!
២. តើក្រុមនេះ ជាមនុស្សប្រភេទណា? មនុស្សរបស់ក្រុមនេះ រួមមាន ពួកគ្មានការងារធ្វើ ក្រុមចំណាកស្រុកពីជនបទមករកការងារនៅភ្នំពេញ ក្រុមអ្នកលេង បច្ចុប្បន្នក្រុមនេះសរបសំរួលដោយ ឃួង ស្រេង ជាអភិបាលរងក្រុង និងជាអតីតក្រុម២២។ នៅពេលដែលរ័ត្ន ស្រ៊ាង មកកាន់ការជាមេអាវុធហត្ថក្រុងភ្នំពេញ រ័ត្នស្រ៊ាងបានប្រើប្រាស់មនុស្សធ្លាប់ញៀនថ្នាំដែលបានបន្សាបភាបញៀននៅបន្ទាយមានជ័យ!!
៣. ខ្ញុំមានញាតិម្នាក់ក៍ត្រូវបានជួលអោយនៅក្នុងក្រុមនេះដែរ ។ គាត់ជាមនុស្សគ្មានការងារធ្វើ រៀនត្រឹមថ្នាក់ទី៤ ។ គាត់មកភ្នំពេញដើម្បីមករត់ម៉ូតូឌុប តែត្រូវគេទាក់ទងអោយចូលបំរើការក្នុងក្រុមនេះ។ គាត់ចូលក្នុងក្រុមនេះដំបូងគឺ ធ្វើជាក្រុមបង្រ្កាបបាតុកម្មអ្នកតវ៉ានៅបុរីកីឡា!!!! គាត់និយាយថា៖ បើគេអោយដាក់ គឺដាក់សិនហើយ តែបើអ្នកប្រឆាំងតវ៉ាខ្លាំងគឺនាំគ្នារត់រៀងៗខ្លួន លុយថ្ងៃក៍មិនបានបើកដែរ ហើយទៅជួបគេលើកក្រោយត្រូវគេស្តីអោយ!!
៣. ក្រុមពាក់មួកម៉ូតូនេះហើយជាអ្នកដុតឡានអាវុធហត្ថនៅស្ទឹងមានជ័យ!! ឯកសណ្ឋានរបស់ក្រុមនេះគឺពាក់អាវក្រាស់ ពាក់មួកសុវត្ថភាព ជាការចាំបាច់!!!
HAS HAS HAHAHAHAHAHAHA YOU KIDING ME CNRP ACCUSES TO CPP DEMOCRACY IN CAMBODIA .WHY DON YOU SAY CNRP ACCUSE COMMUNIST HOCHIMIN IN CAMBODIA . DO NOT LY TO ALL CAMBODIAN YOU ARE SELLING CAMBODIA TO YOU BOOS VEITNAME.TELL ME THE TRUE HOW MANY SQUARE KILOMITTERS DID YOU GIVEN CAMBODIA LAND TO VEITNAM YOU IDIOT. PEACE TO ALL CAMBODIAN