មន្ត្រីសម្ពន្ធចលនាកម្មករនៅក្រុងបាវិត ខេត្តស្វាយរៀង អះអាងថា ពួកគេត្រូវបានអាជ្ញាធរប៉ូលិសដាក់ពង្រាយកម្លាំងឃ្លាំមើលក្បែរស្នាក់ការសម្ពន្ធចលនាកម្មករ ដើម្បីតាមដានសកម្មភាព និងរារាំងមិនឲ្យពួកគេធ្វើដំណើរចេញទៅក្រៅក្រុង។
ដោយ ហ៊ុំ ចំរើន
2014-01-07
RFA
សកម្មភាពរបស់អាជ្ញាធរប៉ូលិសប្រចាំការនៅក្បែរស្នាក់ការរបស់សម្ពន្ធចលនាកម្មករ នៅសង្កាត់ច្រកម្ទេស ក្រុងបាវិត ខេត្តស្វាយរៀង នៅថ្ងៃទី៧ ខែមករា ឆ្នាំ២០១៤។ RFA/Hum Chamroeun
មន្ត្រីសម្ពន្ធចលនាកម្មកររៀបរាប់បញ្ជាក់ ដោយចាត់ទុកសកម្មភាពតាមដានរបស់អាជ្ញាធរប៉ូលិសមកលើខ្លួន ថាជាសកម្មភាពបំភិតបំភ័យ និងបិទសិទ្ធិសេរីភាពក្នុងការធ្វើដំណើររបស់ពលរដ្ឋ។
មន្ត្រីសម្ពន្ធចលនាកម្មករប្រចាំនៅក្រុងបាវិត លោក ជា ឧត្ដម ថ្លែងបញ្ជាក់នៅថ្ងៃទី៧ មករា ថា អាជ្ញាធរប៉ូលិសស្លៀកពាក់ស៊ីវិលជាច្រើននាក់ បានដាក់ពង្រាយកម្លាំងតាមដានសកម្មភាពរបស់របស់ខ្លួន ជាពិសេសតាមដាននៅពេលដែលខ្លួនធ្វើដំណើរតាមផ្លូវតែម្ដង។ លោក ជា ឧត្ដម បញ្ជាក់បន្ថែមថា កន្លងមកអាជ្ញាធរប៉ូលិសពុំធ្លាប់មានសកម្មភាពតាមដានមន្ត្រីសម្ពន្ធចលនាកម្មករ ដូចពេលនេះឡើយ។ ប៉ុន្តែ បញ្ហាប៉ូលិសតាមឃ្លាំមើលសកម្មភាពរបស់ពួកគេ កើតមានក្រោយពីការបង្ក្រាបរបស់អាជ្ញាធរទៅលើក្រុមកម្មករនៅរាជធានីភ្នំពេញ។
លោក ជា ឧត្ដម៖ «មានសមត្ថកិច្ចពីមុខផងពីក្រោយផង ត្រូវបានគាត់ឃាត់ខ្ញុំ គាត់ថាឲ្យខ្ញុំឈប់ ខ្ញុំឈប់ហើយខ្ញុំបានបើកមួកបើកអី ខ្ញុំសួរគាត់។ បញ្ហាអីអ៊ំឲ្យខ្ញុំឈប់មែន គាត់ថាហ្នឹងហើយឈប់ តែឥឡូវទៅតាមគាត់ទៅតាមគាត់ ទៅដល់មុខប៉ុស្តិ៍ហ្នឹង ខ្ញុំសួរឲ្យខ្ញុំចូលប៉ុស្តិ៍ដែរអត់ គាត់ថាអត់អីទេទៅចុះ។ ប៉ុន្តែពេលដែលខ្ញុំទៅហ្នឹងមានសកម្មភាពតាមខ្ញុំពីមុខពីក្រោយរហូត។ ពីម្សិលមិញ គាត់ចូលដល់អុបហ្វីស (Office) ហ្នឹង មានអ្នកនៅខាងនេះខាងនោះ ហើយមានអ្នកចូលទៅខាងក្រោយអុបហ្វីសខ្ញុំ តែខ្ញុំសួរទៅអត់ស្ដីរកខ្ញុំទាំងអស់។ អ៊ីចឹងបញ្ជាក់ថាប្រហែលជាគាត់តាមដានខ្ញុំគ្រប់សកម្មភាពហើយ»។
វិទ្យុអាស៊ីសេរី ពុំអាចទាក់ទងអធិការក្រុងបាវិត គឺលោក កែវ គង់ ដើម្បីសុំការពន្យល់ជុំវិញបញ្ហានេះបានទេ នៅថ្ងៃទី៧ មករា ដោយបញ្ជាក់ថាជាប់រវល់ប្រជុំ។
ប៉ុន្តែ មន្ត្រីប៉ូលិសស្លៀកពាក់ស៊ីវិលដែលប្រចាំការក្បែរស្នាក់ការសម្ពន្ធចលនាកម្មករ នៅក្រុងបាវិត បានថ្លែងដោយមិនឲ្យបញ្ចេញឈ្មោះ បញ្ជាក់ថា អាជ្ញាធរប៉ូលិសពង្រាយកម្លាំងប្រចាំការដើម្បីការពារភូមិឃុំមានសុវត្ថិភាព គឺពុំមានចេតនាឃ្លាំមើលសកម្មភាពរបស់មន្ត្រីសម្ពន្ធចលនាកម្មករ ដូចការចោទប្រកាន់នោះឡើយ។
មន្ត្រីសម្របសម្រួលអង្គការលីកាដូ (Licadho) ប្រចាំខេត្តស្វាយរៀង លោក នុត ប៊ូពិណារ័ត្ន ដែលបានចុះអង្កេតដល់ស្នាក់ការរបស់សម្ពន្ធចលនាកម្មករ និងកន្លែងកម្លាំងឈរជើងរបស់អាជ្ញាធរប៉ូលិស លោកបញ្ជាក់ថា សកម្មភាពរបស់អាជ្ញាធរប៉ូលិសអាចជាចេតនាមួយ ដើម្បីទប់ស្កាត់ការពារមិនឲ្យមន្ត្រីសហជីពញុះញង់កម្មករធ្វើបាតុកម្ម។ ដោយសារកន្លងមក ការធ្វើបាតុកម្មរបស់ក្រុមកម្មករ គឺមានមុខមន្ត្រីសហជីពចូលរួមជាប្រចាំ។ តែយ៉ាងណា លោក នុត ប៊ូពិណារ័ត្ន បានចាត់ទុកសកម្មភាពនៃការតាមដានរបស់អាជ្ញាធរប៉ូលិសលើមន្ត្រីសម្ពន្ធចលនាកម្មករ នៅក្រុងបាវិត នេះថា ជាការគំរាមកំហែងបិទសិទ្ធិសេរីភាពរបស់មនុស្ស។
លោក នុត ប៊ូពិណារ័ត្ន៖ «ការធ្វើបែបនេះ គឺហាក់បីដូចរំលោភទៅលើសិទ្ធិបុគ្គលរបស់គាត់ ដែលគាត់មានសិទ្ធិក្នុងការដើរហើរមានសិទ្ធិទៅណា។ ហើយច្បាប់មិនត្រូវមានការតាមដានពីម្នាក់ឡើយ គឺជាសិទ្ធិសេរីភាពរបស់គាត់។ ជួនកាលបើគាត់ធ្វើចរាចរទៅណាក៏ដោយ អ៊ីចឹងបើសមត្ថកិច្ចធ្វើការតាមដានគាត់បែបហ្នឹង ហើយគាត់ក្នុងនាមគាត់ជាតំណាងសហជីពមួយក្នុងក្រុងបាវិត ផង អ៊ីចឹងធ្វើឲ្យគាត់អ្នកដែលត្រូវគេតាមដានហ្នឹង មានការភិតភ័យ មានការបារម្ភពីសុវត្ថិភាព»។
មន្ត្រីសង្គមស៊ីវិលបញ្ជាក់បន្ថែមថា អាជ្ញាធរតាមដានបិទសិទ្ធិសេរីភាពរបស់ប្រជាពលរដ្ឋ ដែលគ្មានកំហុសដោយគ្មានបង្គាប់បញ្ជាពីតុលាការដូចនេះ នឹងកាន់តែធ្វើឲ្យរបបប្រជាធិបតេយ្យនៅកម្ពុជា ធ្លាក់ចុះ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- សារព័ត៌មានព្រៃនគរប្ដឹងទាមទារកាមេរ៉ាថតរូបពីសាលាខណ្ឌដូនពេញ
- សង្គមស៊ីវិលជាតិនិងអន្តរជាតិ៖ ស្ថានភាពនយោបាយនៅកម្ពុជាកាន់តែអាក្រក់
- កម្លាំងចម្រុះប្រមាណ១ពាន់នាក់ឡោមព័ទ្ធទីលានប្រជាធិបតេយ្យបណ្ដេញបាតុករ
- អង្គការសហប្រជាជាតិថ្កោលទោសចំពោះការបាញ់សម្លាប់ក្រុមកម្មករ
- បុគ្គលិកសង្គមស៊ីវិល៣នាក់ត្រូវសមត្ថកិច្ចព្រះវិហារដោះលែង
- ព្រះសង្ឃ៥អង្គ ដែលកងកម្លាំងទ័ពឆត្រយោង៩១១ចាប់ឃុំ ត្រូវបានដោះលែង
- សង្គមស៊ីវិលចាត់ទុកការចាប់ខ្លួនមេដឹកនាំសហជីពនិងព្រះសង្ឃជាការរំលោភសិទ្ធិ
- ព្រះសង្ឃ ប៊ុត ប៊ុនតិញ និងមន្ត្រីសិទ្ធិមនុស្ស៣នាក់ត្រូវបានចាប់ខ្លួននៅព្រះវិហារ
- សមាជចម្រុះជនជាតិដើមភាគតិចប្រចាំឆ្នាំ២០១៣នៅខេត្តរតនគិរី
១. មើលចុះ រដ្ឋាភិបាលចោរ វាចាត់ចែងការគ្រប់គ្រង់ប្រទេសរបៀបម៉េច!! ហ៊ុនសែនជាមនុស្សខ្វះការអបរំ តាំងពីក្មេង និងជាមនុស្សមិនចេះអៀនខ្មាស់ បានរៀបចំក្រុមមនុស្សស៊ីឈ្នួលបង្រ្កាបបាតុកម្ម ឬដែលបក្ខពួកហ៊ុនសែនដាក់ឈ្មោះអោយពួកនេះថា៖ សន្តិសុខ!! ដែលពីសម័យ ជា សុផារ៉ា ហៅក្រុមនេះថា៖ ក្រុម២២ ឬ២២នាក់!!!
២. តើក្រុមនេះ ជាមនុស្សប្រភេទណា? មនុស្សរបស់ក្រុមនេះ រួមមាន ពួកគ្មានការងារធ្វើ ក្រុមចំណាកស្រុកពីជនបទមករកការងារនៅភ្នំពេញ ក្រុមអ្នកលេង បច្ចុប្បន្នក្រុមនេះសរបសំរួលដោយ ឃួង ស្រេង ជាអភិបាលរងក្រុង និងជាអតីតក្រុម២២។ នៅពេលដែលរ័ត្ន ស្រ៊ាង មកកាន់ការជាមេអាវុធហត្ថក្រុងភ្នំពេញ រ័ត្នស្រ៊ាងបានប្រើប្រាស់មនុស្សធ្លាប់ញៀនថ្នាំដែលបានបន្សាបភាបញៀននៅបន្ទាយមានជ័យ!!
៣. ខ្ញុំមានញាតិម្នាក់ក៍ត្រូវបានជួលអោយនៅក្នុងក្រុមនេះដែរ ។ គាត់ជាមនុស្សគ្មានការងារធ្វើ រៀនត្រឹមថ្នាក់ទី៤ ។ គាត់មកភ្នំពេញដើម្បីមករត់ម៉ូតូឌុប តែត្រូវគេទាក់ទងអោយចូលបំរើការក្នុងក្រុមនេះ។ គាត់ចូលក្នុងក្រុមនេះដំបូងគឺ ធ្វើជាក្រុមបង្រ្កាបបាតុកម្មអ្នកតវ៉ានៅបុរីកីឡា!!!! គាត់និយាយថា៖ បើគេអោយដាក់ គឺដាក់សិនហើយ តែបើអ្នកប្រឆាំងតវ៉ាខ្លាំងគឺនាំគ្នារត់រៀងៗខ្លួន លុយថ្ងៃក៍មិនបានបើកដែរ ហើយទៅជួបគេលើកក្រោយត្រូវគេស្តីអោយ!!
៣. ក្រុមពាក់មួកម៉ូតូនេះហើយជាអ្នកដុតឡានអាវុធហត្ថនៅស្ទឹងមានជ័យ!! ឯកសណ្ឋានរបស់ក្រុមនេះគឺពាក់អាវក្រាស់ ពាក់មួកសុវត្ថភាព ជាការចាំបាច់!!!