មហាជនទូទៅបានចាត់ទុកការឃុំខ្លួនមនុស្សចំនួន ២៣នាក់ នៅគុកត្រពាំងផ្លុង ឆ្ងាយពីទីក្រុងភ្នំពេញ គឺជាការព្យាយាមបំបែកកម្លាំងបាតុកម្មរបស់កម្មករ និងកម្លាំងបាតុកម្មរបស់ក្រុមអ្នកគាំទ្របក្សសង្គ្រោះជាតិ កុំឲ្យមានលទ្ធភាពក្នុងការប្រមូលផ្តុំច្របាច់ជាធ្លុងមួយ។ បន្ថែមលើនេះ ក្រុមសង្គមស៊ីវិល បានរិះគន់រដ្ឋាភិបាលទីក្រុងភ្នំពេញ ថាកំពុងតែខ្លាចស្រមោលខ្លួនឯង ចំពោះករណីបញ្ជូនខ្លួនមនុស្សចំនួន ២៣នាក់ ពីភ្នំពេញទៅកាន់ពន្ធនាគារត្រពាំងផ្លុង ក្នុងខេត្តកំពង់ចាម។
ដោយ តាំង សារ៉ាដា
2014-01-16
RFA
ស្ដាប់ ឬ ទាញយកសំឡេង
ការបញ្ជូនមនុស្សចំនួន ២៣នាក់ ពីភ្នំពេញទៅកាន់ពន្ធនាគារត្រពាំងផ្លុង ក្នុងខេត្តកំពង់ចាម ត្រូវគេមើលឃើញថា ដោយសាររដ្ឋាភិបាលកំពុងខ្លាចរអានឹងចរន្តនៃការងើបឡើងតវ៉ារបស់ប្រជាពលរដ្ឋ ហើយថា នេះជាយុទ្ធសាស្ត្របញ្ចៀសកុំអោយក្រុមអ្នកតវ៉ាមានលទ្ធភាពច្រើនឡើង ដើម្បីបន្តការតវ៉ាថែមទៀត ប្រសិនមនុស្សទាំង ២៣នាក់ ត្រូវគេឃុំខ្លួននៅគុកព្រៃស ក្នុងក្រុងភ្នំពេញ នោះ។
ក្នុងរយៈពេលចុងក្រោយនេះ សន្ទុះរបស់មហាជនក្នុងការបញ្ចេញមតិ មានការកើនឡើងខ្ពស់ ដូចរលកយក្សស៊ូណាមិ។ ចលនាមហាជនភាគច្រើន ទាមទារយុត្តិធម៌ក្នុងការបោះឆ្នោត ហើយរីឯអ្នកផ្សេងទៀត ទាមទារប្រាក់ខែគោល ១៦០ដុល្លារ ដើម្បីចិញ្ចឹមក្រពះ។
ក្រុមអ្នកឃ្លាំមើលនិយាយថា ដោយសារសន្ទុះមហាជនដូចទឹកបាក់ទំនប់នេះ កាន់តែបង្កភាពភ័យខ្លាចដល់អំណាចរបស់មេដឹកនាំរដ្ឋាភិបាល។
ដូច្នេះ ករណីបង្ក្រាបបាតុកម្មរបស់កម្មករនៅមុខរោងចក្រ យ៉ាក ជីន ក្នុងសង្កាត់កំបូល កាលពីថ្ងៃទី២ និងការបង្ក្រាបកម្មករនៅលើផ្លូវវ៉េងស្រេង ក្នុងតំបន់សេដ្ឋកិច្ចពិសេស កាលពីថ្ងៃទី៣ ហើយនិងការបង្ក្រាបរបស់កម្លាំងប្រដាប់អាវុធទៅលើបាតុករនៅទីលានប្រជាធិបតេយ្យ អាចជាការកាត់ផ្តាច់នូវចរន្តរបស់ប្រជាពលរដ្ឋ ដើម្បីកុំឲ្យមានការផ្ទុះឡើងខ្លាំងជាងនេះ។
អ្នកស៊ើបអង្កេតរបស់អង្គការការពារសិទ្ធិមនុស្សលីកាដូ (Licadho) លោក អំ សំអាត មានប្រសាសន៍ថា ការបង្ក្រាបក្រុមបាតុករ និងការបញ្ជូនខ្លួនមនុស្សចំនួន ២៣នាក់ ទៅឃុំខ្លួនក្នុងគុគត្រពាំងផ្លុង ក្នុងខេត្តកំពង់ចាម ក្បែរព្រំដែនវៀតណាម នោះ ត្រូវបានធ្វើឡើងទៅតាមការចាត់តាំងជាយុទ្ធសាស្ត្ររបស់រដ្ឋាភិបាល៖ «ខ្ញុំគិតថា ការដែលបង្ក្រាប ការដែលចាប់ខ្លួនអីហ្នឹង វាសុទ្ធជាការរៀបចំរចនាសម្ព័ន្ធ ជាយុទ្ធសាស្ត្រស្រេច វាមានការចាត់តាំងត្រឹមត្រូវចំពោះការបង្ក្រាបអីហ្នឹង។ ពីព្រោះចរន្តវាបញ្ច្រាសគ្នា។ ប្រជាពលរដ្ឋខិតខំអនុវត្តសិទ្ធិនៃប្រទេសលទ្ធិប្រជាធិបតេយ្យ ប៉ុន្តែរដ្ឋាភិបាលខិតខំទាញសិទ្ធិនោះទម្លាក់ចុះទៅក្រោមវិញ។ ដូច្នេះ ចរន្តពីរនេះបញ្ច្រាសគ្នា។ អ៊ីចឹងហើយ បានជាគេប្រើប្រាស់នូវរូបភាពទាំងអស់ហ្នឹង ដើម្បីបំបាក់ស្មារតីរបស់ប្រជាពលរដ្ឋ»។
ក្រុមអ្នកវិភាគខ្លះនិយាយថា ការចាប់បញ្ជូនខ្លួនមនុស្សចំនួន ២៣នាក់ រួមមានមន្ត្រីសង្គមស៊ីវិលមួយចំនួនទៅឃុំឃាំងនៅក្នុងគុកមួយដែលឆ្ងាយពីទីក្រុងភ្នំពេញនេះ ធ្វើឡើងក្នុងបំណងបង្វែរ និងបំបែកកម្ដៅកំហឹងមហាជនដែលកំពុងឆេះងំ ដោយសារវិបត្តិសង្គម។ វិបត្តិសង្គមដ៏ធ្ងន់ធ្ងរនៅកម្ពុជា រួមមាន ការបណ្ដេញពលរដ្ឋចេញពីដីធ្លី ផ្ទះសម្បែង ការយកសម្បត្តិសាធារណៈធ្វើជាសម្បត្តិផ្ទាល់ខ្លួន ការកាប់បំផ្លាញព្រៃឈើ អំពើពុករលួយតាំងពីថ្នាក់លើរហូតដល់ថ្នាក់ក្រោម ប្រព័ន្ធតុលាការដូចផ្សារលក់ត្រី តថ្លៃក្តីក្ដាំគ្មានញញើត និងវិបត្តិបោះឆ្នោតដែលកំពុងជាប់គាំង។
ទោះបីជាយ៉ាងណាក៏ដោយ ក្រុមមន្ត្រីរបស់រដ្ឋាភិបាល តែងអះអាងថា សមត្ថកិច្ចទីក្រុងភ្នំពេញគ្រាន់តែធ្វើការទប់ស្កាត់ការធ្វើបាតុកម្មអនាធិបតេយ្យ និងហិង្សាប៉ុណ្ណោះ។
កម្លាំងរដ្ឋាភិបាល មានកងរាជអាវុធហត្ថ ប៉ូលិស និងទាហានប្រដាប់ដោយកាំភ្លើង ខែល ដំបង និងបំពង់ទីប បានបាញ់ និងវាយទៅលើកម្មករដែលប្រើដុំថ្មជាអាវុធ តបតប្រឆាំងនឹងកម្លាំងអាជ្ញាធរ កាលពីថ្ងៃទី២-៣ មករា បណ្ដាលឲ្យមនុស្ស ៤នាក់ស្លាប់ និងរបួសជិត ៤០នាក់ លើផ្លូវវ៉េងស្រេង។ កងកម្លាំងរបស់រដ្ឋាភិបាល ក៏បានចាប់ខ្លួនមនុស្ស ២៣នាក់ ពីបទបង្កហិង្សាដោយចេតនា និងធ្វើឲ្យខូចខាតទ្រព្យសម្បត្តិអ្នកដទៃដោយចេតនា ក្នុងនោះមាន អ្នកការពារសិទ្ធិមនុស្សចំនួន ៣នាក់ គឺលោក វន់ ពៅ លោក ថេង សាវឿន និងលោក ច័ន្ទ ពុទ្ធិស័ក។
ទោះបីជាយ៉ាងណាក៏ដោយ អ្នកនាំពាក្យក្រសួងមហាផ្ទៃ លោកឧត្តមសេនីយ៍ ខៀវ សុភ័គ មានប្រសាសន៍ប្រាប់វិទ្យុអាស៊ីសេរី ថា សមត្ថកិច្ចរបស់កម្ពុជា បានបង្កើតគណៈកម្មការស៊ើបអង្កេតមួយទៅលើការបាញ់ប្រហារកម្មករចំនួន ៤នាក់នោះ៖ «រដ្ឋាភិបាលលោកបានសម្រេចហើយក្នុងការបង្កើតគណៈកម្មការមួយ ដើម្បីធ្វើការស្រាវជ្រាវស៊ើបអង្កេតហេតុការណ៍មួយដែលបានកើតឡើង កាលពីថ្ងៃទី២ ខែមករា កន្លងមកនេះ នៅលើផ្លូវវ៉េងស្រេង ដើម្បីស្វែងរកឲ្យឃើញជាក់ច្បាស់អំពីមូលហេតុដែលបណ្ដាលឲ្យមានបញ្ហាទាំងនេះកើតឡើង»។
រហូតមកទល់ពេលនេះ រដ្ឋាភិបាលបានបង្កើតគណៈកម្មការស៊ើបអង្កេតបទឧក្រិដ្ឋកម្មទៅលើសកម្មជននយោបាយ សកម្មជនសិទ្ធិមនុស្ស ព្រះសង្ឃ អ្នកកាសែត អ្នកការពារព្រៃឈើ និងតារាចម្រៀង មិនតិចលើកមកហើយទេ ប៉ុន្តែគណៈកម្មការនោះគ្រាន់តែជាសុបិន្ដប៉ុណ្ណោះ ហើយអំពើនិទ្ទណ្ឌភាពនៅតែបន្តកើតមានដដែល។
ទាក់ទិនទៅនឹងការចាប់ខ្លួនមនុស្សចំនួន ២៣នាក់នេះដែរ មន្ត្រីផ្នែកស៊ើបអង្កេតនៃអង្គការការពារសិទ្ធិមនុស្សលីកាដូ លោក អំ សំអាត បញ្ជាក់ថា ការចាប់ខ្លួន និងការឃុំខ្លួនអ្នកទាំងនោះកន្លងមក ធ្វើឡើងដោយខុសទៅនឹងនីតិវិធីច្បាប់៖ «នៅក្រមនីតិវិធីគេថាក្រោយ ៤៨ម៉ោងនៃការឃាត់ខ្លួនជនសង្ស័យ។ ហើយក្រោយ ២៤ម៉ោងនៃការឃាត់ខ្លួនហ្នឹង គឺមេធាវីមានសិទ្ធិជួបកូនក្តី។ ប៉ុន្តែ ករណីនេះក្នុងរយៈពេល ១អាទិត្យហើយដែលគេមិនអនុញ្ញាតឲ្យជនសង្ស័យជួបជាមួយមេធាវី ឬគ្រួសារ។ នេះជាការខុសទៅនឹងនីតិវិធីបាទ។ ការខុសទៅនឹងនីតិវិធីនេះ វាធ្វើឲ្យប៉ះពាល់ដល់សិទ្ធិរបស់ជនជាប់ចោទ សិទ្ធិរបស់មេធាវី និងសិទ្ធិរបស់ក្រុមគ្រួសារផងដែរ»។
ទាក់ទិននឹងបញ្ហានេះ អ្នករាយការណ៍ពិសេសនៃឧត្ដមស្នងការអង្គការសហប្រជាជាតិ ទទួលបន្ទុកផ្នែកសិទ្ធិមនុស្ស ប្រចាំកម្ពុជា លោក សុរិយា ស៊ូប៊ែឌី បានថ្កោលទោសជាថ្មីម្ដងទៀតចំពោះអាជ្ញាធររដ្ឋាភិបាល ដែលប្រើប្រាស់កម្លាំងហួសហេតុបង្ក្រាបបាតុកម្ម បណ្ដាលឱ្យបាតុករ ៤នាក់ស្លាប់ និងរបួសជាច្រើននាក់ កាលពីថ្ងៃទី២ ដើមខែមករា។ ទន្ទឹមគ្នានឹងការថ្កោលទោសនេះ លោក សុរិយា ស៊ូប៊ែឌី ក៏ទទូចឱ្យរដ្ឋាភិបាលស៊ើបអង្កេតឱ្យបានច្បាស់លាស់លើព្រឹត្តិការណ៍បាញ់ប្រហារបាតុករនោះ។ លោកស្នើសុំឱ្យរដ្ឋាភិបាលស៊ើបអង្កេតឱ្យបានម៉ត់ចត់ និងទទូចឱ្យដោះលែងអ្នកជាប់ឃុំចំនួន ២៣នាក់ ឱ្យនៅក្រៅឃុំបណ្ដោះអាសន្ន ជាពិសេសអ្នកដែលត្រូវការព្យាបាលសុខភាពជាបន្ទាន់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- សមាគមអ្នកបញ្ជាទិញជំរុញឲ្យបញ្ចប់ជម្លោះរឿងប្រាក់ខែកម្មករ
- ថៅកែរោងចក្រ១៦៤ប្ដឹងសហជីពនិងសមាគម៦ឲ្យសងការខូចខាត
- លោក ស៊ូប៊ែឌី គាំទ្រឲ្យកម្ពុជាបោះឆ្នោតឡើងវិញបើបក្សទាំងពីរឯកភាពគ្នា
- មេធាវីអង្គការធានាអ្នកជាប់ឃុំ២២នាក់នៅត្រពាំងផ្លុងឲ្យនៅក្រៅឃុំ
- ព្រះសង្ឃនិងពលរដ្ឋធ្វើបុណ្យជូនអ្នកស្លាប់៤នាក់នៅវ៉េងស្រេង
- សហជីពចំនួន៨ស្នើសុំចរចាដំឡើងប្រាក់ខែគោលកម្មករ១៦០ដុល្លារ
- មេដឹកនាំសហជីពអះអាងថាមានកម្មករនៅរោងចក្រចំនួន៥បន្តធ្វើកូដកម្ម
- កម្មកររោងចក្រនៅកំពង់ចាមហែក្បួនទៅមន្ទីរការងារសុំឲ្យតំណាងចូលធ្វើការ
- នាយករដ្ឋមន្ត្រីសុំលោក ស៊ូប៊ែឌី ជំរុញឲ្យបក្សប្រឆាំងចូលសភា
，， អំពើ អាក្រក់ កើតឡើងដោយសារ ការ លោភលន់ មិនចេះស្កប់ស្កល់ ， !
You the NGO and the Human right group who are the allies of NRCP must be responsible for encouraging the protesters to create chaos in the country that end up with disaster!
Now that many of them are in jail you still blame other people for the problems you people had created.
Stop playing politics! Your job is to defend innocent people not the criminals!
Khmer lives oversea
I’m Khmer living oversease to civil right I understand what you try to help those 23 people you thing they have a right to distroy people property ok for you right ? Did you know who start it first they should know better to doing that they know what going to happen and you call your self it civil right but you never thing about other people to? If you really wand to help that to wwoman got beating up by Kim sokha body gaud in fron of courthouse why don’t you do some sing ho ! I know why because Kim sokha it your boss ?shame on you civil right group
Khmer USA
Khmer living oversease to human right group and civil right group you have to understand who start the broblem (cnrp)group who go around starting protesting telling lie to all the people about arace $160 dollar for their political benefit what happen protester becom vilain and govement start doing to protetch other and it cause life and property I’m sorry to see life to be lost .and you human right and civil right group you are doing nothing to provent that to happen you know I know who start it first it your (cnrp) group and when the protester be come vilain and you human right and civil right start point finger at govement you know sooner our letter what going to happen vilain lost life some go to jail by doing nothing like your group call your self human right and civil right you have to looke after all human bing not just political party stop taking side do what you have to provent that to that to happen from Khmer living oversease