ដោយ៖ ជន ស្រីណុច
ថ្ងៃសៅរ៍ ទី18 ខែមករា ឆ្នាំ2014
http://vodhotnews.com
រដ្ឋមន្ត្រីការបរទេស នៃសាធារណៈរដ្ឋប្រជាធិបតេយ្យប្រជាមានិតឡាវ នឹងដឹកនាំគណៈប្រតិភូ ចូលរួមកិច្ចប្រជុំគណៈកម្មការចម្រុះកម្ពុជាឡាវ លើកទី១២ នៅថ្ងៃទី ២៣ ដល់ថ្ងៃទី ២៤ ខែមករានេះ ក្នុងខេត្តសៀមរាប។
សេចក្តីប្រកាសព័ត៌មានរបស់ក្រសួងការបរទេសកម្ពុជា ចុះថ្ងៃទី ១៧ ខែមករានេះ ឲ្យដឹងថា តាមរយៈការអញ្ជើញរបស់រដ្ឋមន្ត្រីការបរទេសកម្ពុជា លោក ហោ ណាំហុង នៅថ្ងៃទី២៣ ដល់ថ្ងៃទី ២៤ រដ្ឋមន្ត្រីការបរទេស នៃសាធារណៈរដ្ឋប្រជាធិបតេយ្យ ប្រជាមានិតឡាវ លោក ថុងលួន ស៊ីស៊ូលីត នឹងចូលរួមកិច្ចប្រជុំគណៈកម្មការចម្រុះកម្ពុជាឡាវ លើកទី១២ នៅខេត្តសៀមរាប ស្តីពីកិច្ចសហប្រតិបត្តិការទ្វេភាគី។
សេចក្តីប្រកាសព័ត៌មានបន្តថា គណៈកម្មាការចម្រុះ នឹងពិភាក្សាបញ្ហាមួយចំនួននៃកិច្ចសហប្រតិបត្តិការទ្វេភាគីនេះ រួមមានកិច្ចសហប្រតិបត្តិការផ្នែកនយោបាយ និងសន្តិសុខ កិច្ចសហប្រតិបត្តិការសេដ្ឋកិច្ច និងវប្បធម៌ និងកិច្ចសហប្រតិបត្តិការសេដ្ឋកិច្ចថ្នាក់អនុតំបន់ ។
នៅក្នុងជំនួបប្រជុំនេះ ភាគីទាំងពីរ នឹងចុះហត្ថលេខាលើកំណត់ហេតុនៃកិច្ចប្រជុំគណៈកម្មការចម្រុះកម្ពុជា ឡាវលើកទី ១២៕
សរសេរមកកាន់កញ្ញា ជន ស្រីណុច តាមរយៈ chornsreynoch@vodhotnews.com
មានឡាវអែណាទៀត មានតែឈ្មោះ យួនយកម៉ត់បាត់ ។ ខ្មែរទី២។