មន្ត្រីជាន់ខ្ពស់ក្រសួងមហាផ្ទៃ បានព្រមានចាត់វិធានការតាមផ្លូវច្បាប់ ទៅលើមេដឹកនាំសហជីព និងសមាគមចំនួន ៩ស្ថាប័ន ដែលមានៈ និងប៉ុនប៉ងប្រមូលផ្តុំគ្នាធ្វើបាតុកម្មដោយខុសច្បាប់នៅទីលានប្រជាធិបតេយ្យ ព្រឹកថ្ងៃទី២៦ ខែមករា ខាងមុខ។
ដោយ ដែន អយុធ្យា
2014-01-24
RFA
បន្លាលួសដែលអាជ្ញាធរដាក់រាំងមិនឲ្យកម្មករចូលទៅក្បែរទីស្ដីការគណៈរដ្ឋមន្ត្រី តាមផ្លូវសហព័ន្ធរុស្ស៊ី រាជធានីភ្នំពេញ នៅរសៀលថ្ងៃ៣០ ធ្នូ ឆ្នាំ២០១៣។ RFA/Leng Maly
លោក ខៀវ សុភ័គ រដ្ឋលេខាធិការ និងជាមន្ត្រីនាំពាក្យក្រសួងមហាផ្ទៃ មានប្រសាសន៍នៅថ្ងៃទី២៤ ខែមករា ថា ក្រសួងមិនអាចអនុញ្ញាតមេដឹកនាំសហជីព ឬស្ថាប័នណាមួយ ប្រមូលផ្តុំគ្នា ឬដើរហែក្បួននៅទីសាធារណៈនោះទេ នៅក្នុងកាលៈទេសៈនេះ។ លោកស្នើដល់មេដឹកនាំសហជីពកម្មករមួយចំនួន ដែលបានដាក់ពាក្យស្នើយកទីលានប្រជាធិបតេយ្យ ដើម្បីធ្វើបាតុកម្មឲ្យផ្អាកសកម្មភាពជាបណ្ដោះអាសន្ន និងលើកពេលទៅថ្ងៃក្រោយ។
លោក ខៀវ សុភ័គ៖ «កន្លងមកក្រសួងមហាផ្ទៃ បានចេញសេចក្តីប្រកាសព័ត៌មានមួយ កាលពីថ្ងៃទី៤ ខែមករា ស្តីអំពីការធ្វើបាតុកម្មកូដកម្ម ដើរដង្ហែក្បួន ឬជួបជុំគ្នានៅតាមផ្លូវសាធារណៈ សូមផ្អាកមួយរយៈពេលសិន ដោយរង់ចាំសភាពការណ៍វិលមករកភាពប្រក្រតីឡើងវិញ ទើបអនុញ្ញាតឲ្យធ្វើពិធីទាំងនេះឡើងវិញ។ ប៉ុន្តែ បើសិនជាពួកគាត់សង្គមស៊ីវិលនៅតែមានៈ ដូចជាមិនយោគយល់គ្នាជាមួយសមត្ថកិច្ច។ ក្រសួងមហាផ្ទៃ បានស្នើឲ្យមេដឹកនាំសហជីពកម្មករ ឲ្យមានការយោគយល់គ្នានៅក្នុងកាលៈទេសៈនេះ»។
ក្រុមដឹកនាំសហព័ន្ធសហជីពកម្មករ និងសមាគមចំនួន ៩ស្ថាប័ន កាលពីសប្ដាហ៍មុន បានដាក់លិខិតជូនដំណឹងទៅ លោក ប៉ា សុជាតិវង្ស អភិបាលសាលារាជធានីភ្នំពេញ ដោយស្នើយកទីលានប្រជាធិបតេយ្យនៅថ្ងៃទី២៦ ខែមករា ដើម្បីធ្វើបាតុកម្មមានមនុស្សប្រមាណ ១ម៉ឺននាក់ចូលរួម។ ប៉ុន្តែ សំណើនេះត្រូវមន្ត្រីសាលារាជធានីភ្នំពេញ បានបដិសេធកាលពីថ្ងៃទី២៣ ខែមករា។
ទោះយ៉ាងណា មេដឹកនាំសហជីពកម្មករមួយចំនួន បានអះអាងថា នឹងបន្តប្រមូលផ្តុំធ្វើបាតុកម្មទៅតាមការគ្រោងទុក ទោះបីសមត្ថកិច្ចព្រមានបង្ក្រាបបែបណាក្តី។
មន្ត្រីសហជីព ឲ្យដឹងថា គោលបំណងដឹកនាំធ្វើបាតុកម្ម គឺដើម្បីទាមទារលក្ខខណ្ឌ ៣ចំណុច រួមមាន ស្នើឲ្យតុលាការ ឬរដ្ឋាភិបាលដោះលែងមនុស្សចំនួន ២៣នាក់ពីពន្ធនាគារត្រពាំងផ្លុង ទាមទារឲ្យរដ្ឋាភិបាលដំឡើងប្រាក់ខែគោលជូនកម្មករ ១៦០ដុល្លារក្នុង១ខែ និងស្នើបង្កើតគណៈកម្មការឯករាជ្យតាមចាប់ជនដៃដល់ និងអ្នកបញ្ជាឲ្យមានអំពើហិង្សា និងបាញ់សម្លាប់កម្មករនៅផ្លូវវ៉េងស្រេង និងសង្កាត់កំបូល កាលពីថ្ងៃទី២ និងទី៣ ខែមករា យកទៅផ្ដន្ទាទោសតាមច្បាប់៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- សង្គមស៊ីវិលបន្តដាក់ញត្តិជូនទូតបរទេសស្នើអន្តរាគមន៍ដោះលែងអ្នកជាប់ឃុំ២៣នាក់
- តំណាងសហជីព៨ត្រូវឆ្មាំគុកនៅកំពង់ចាមមិនឲ្យចូលជួបជនជាប់ចោទ២៣នាក់
- CCHR៖ រដ្ឋាភិបាលគំរាមមិនឲ្យបញ្ចាំងកុនឯកសារ តើនរណាសម្លាប់ ជា វិជ្ជា
- គោលការណ៍ណែនាំស្ដីពីធុរកិច្ចនិងសិទ្ធិមនុស្ស
- ជនជាប់ចោទម្នាក់ក្នុងចំណោម២៣នាក់ត្រូវបានបញ្ជូនមកគុកមាត់ឃ្មង់
- មេសហជីពត្រៀមដឹកនាំកម្មករ១ម៉ឺននាក់ធ្វើកូដកម្មនៅថ្ងៃ២៦ មករា
- សហជីពនិងកម្មករនៅកំពង់ចាមត្រូវបានបណ្ដេញចេញពីការងារជាបន្តបន្ទាប់
- តំណាងកម្មករនៅតែសុំឲ្យថៅកែនិងរដ្ឋាភិបាលយល់ព្រមដំឡើងប្រាក់ខែឲ្យកម្មករ
- អង្គការចំនួន១៨១ទាមទារឲ្យដោះលែងអ្នកជាប់គុក២៣នាក់នៅត្រពាំងផ្លុង
បាញ់ចោល..តែហ្មងទៅអា់…ទុកវានាំតែចង្អៀតដី..អារុងឈុន..ជិតដល់ថ្ងៃហើយ…
ជាមួយពួកអនាធិបតេយ្យ ពួកអាទាមទារខុសហេតុផល មិនគួរយោគយល់ទេ
និយាយមិនស្តាប់ ប្រាប់មិនតាម ទាល់តែងាប់ម្តងបានរាង ប្រាប់វាទៅថា បើកាល
ណាលោតកាន់តែខ្ពស់ នឹងរបួសកាន់តែធ្ងន់ពេលធ្លាក់មកវិញ…រដ្ឋាភិបាល
សមត្ថកិច្ចគ្រប់ផ្នែក គ្រប់ជាន់ថ្នាក់ មានភារកិច្ចថែរក្សាសន្តិសុខសណ្តាប់ធ្នាប់
ស្ថិរភាពសង្គមជូនប្រជាពលរដ្ឋអោយបានជាដាច់ខាត ។
National security must be the number one priority! These leaders are looking for troubles.
We have to stand up and face with this outlaw group that always create the chaos to the society!
Once again, Rong Chhun the trouble maker still doesn’t take the warning from the Authority seriously. He wants to test the Authority ‘s patience and keep pushing over the borderline!
I hope he would not share the same fate as Von Peou.
អត់ មាន បាតុុ កម រស់ មិន បាន ឡប់ ឡប់ ់ មិន សាគល់ ងាប់ អនិចា ទុកខាំង បងសកុល!
ឧិជឹវឹតសតរលាក!េលាក យក ជឹ វឹត មក ដាក់ ទុន
Hun Sen can not stand as the unity of country anymore and also CPP the same.
បន្ទោសរុងឈុនក៏មិនកើតដែរព្រោះថាមិនដឹងជាកាលណាគេបើកឲ្យធ្វើបាតុកម្មទៀតនោះ?
បើគ្រាន់តែយកញត្តិយកទៅដាក់ឲ្យគេៗច្បាស់ជាមិនយកភែ្នកមើលទេកុំតែបានធ្វើបាតុកម្មប៉ុណ្ណឹង
កុំអីរដ្ឋាភិបាលមិនខ្ចីឡើងប្រាក់ខែបានខ្លះដល់កម្មករនឹងមន្រ្តីរាជការនាពេលកន្លងមកទេ។
បែរទៅនាយករដ្ឋមន្រ្តីវិញគាត់មិនដែលប្រើពាក្យសំដីល្អជាមួយកម្មករនិងមន្រ្តីតូចតាចទេគាត់
ក្រអឺតក្រទមជានិច្ច។