នៅរដូវចូលឆ្នាំចិន និងវៀតណាម ឆ្នាំនេះ ក្រុមសមត្ថកិច្ច និងប្រជាពលរដ្ឋជាច្រើនរយនាក់ បានទៅទទួលលុយអំណោយពីអ្នកឧកញ៉ាដ៏មានឥទ្ធិពលម្នាក់ ដែលស្និទ្ធនឹងគណបក្សកាន់អំណាច។ នៅព្រឹកថ្ងៃទី២៤ ខែមករា ឆ្នាំ២០១៤ ត្រូវនឹងថ្ងៃទី២៤ ខែ១២ ឆ្នាំម្សាញ់ បើរាប់តាមប្រពៃណីចិន ឬវៀតណាម អ្នកជំនួញល្បីឈ្មោះនៅកម្ពុជា លោក សុខ គង់ បានរៀបចំពិធីចែកទានឲ្យពលរដ្ឋ និងក្រុមសមត្ថកិច្ចគ្រប់ភេទ ដើម្បីអបអរឆ្នាំថ្មី។
ដោយ វណ្ណ វិចារ
2014-01-25
RFA
ស្ដាប់ ឬ ទាញយកសំឡេង
ក្រុមសមត្ថកិច្ច និងប្រជាពលរដ្ឋនាំគ្នាទទួលលុយអំណោយពីអ្នកឧកញ៉ា សុខ គង់ នៅភូមិគ្រឹះ រាជធានីភ្នំពេញ កាលពីថ្ងៃទី២៤ ខែមករា ឆ្នាំ២០១៤។ RFA/Vann Vichar
សមត្ថកិច្ចនគរបាលចរាចរណ៍ ប៉េអិម សមត្ថកិច្ចអន្តរាគមន៍ពិសេស និងកងកម្លាំងបង្ក្រាបបាតុកម្មនៅព្រឹកថ្ងៃទី២៤ ខែមករា ដែលធ្លាប់តែប្រចាំការតាមមហាវិថីនានា ដើម្បីរក្សាសណ្ដាប់ធ្នាប់នៅទីសាធារណៈនោះ មិនបានយាមនៅទីតាំងធ្លាប់ឈរជើងនោះទេ។ ក្រុមសមត្ថកិច្ចរាប់រយនាក់ បានប្រមូលផ្តុំគ្នាយ៉ាងកកកុញនៅខាងជើងវិទ្យាល័យ ព្រះស៊ីសុវត្ថិ ដើម្បីចាំទទួលអំណោយមហាសេដ្ឋីប្រេង និងសណ្ឋាគារនៅស្រុកខ្មែរ លោកឧកញ៉ា សុខ គង់។ មិនមែនតែសមត្ថកិច្ចទេ សូម្បីតែប្រជាពលរដ្ឋធម្មតា ក៏ត្រូវទទួលបានអំណោយដែរ។
នៅក្នុងផ្ទះ លោក សុខ គង់ វិញ មានបុគ្គលិកដែលស្និទ្ធនឹងលោកជាច្រើននាក់ បានព័ទ្ធវង់លេងបៀកម្សាន្តជាច្រើនវង់ ដោយក្នុងមួយក្ដារៗយ៉ាងតិចណាស់ក៏ចាញ់ឈ្នះចំនួន ១០ដុល្លារដែរ។ បន្ទាប់ពីមុងសាយលោតបញ្ចប់អមទៅដោយសំឡេងទះដៃកងរំពង ទ្វាររបងផ្ទះឧកញ៉ា សុខ គង់ បានបើកទទួលពលរដ្ឋដែលចូលទៅយកលុយអំណោយក្នុងម្នាក់ៗចំនួនពីរម៉ឺនរៀល។ ពលរដ្ឋជាច្រើនបានរួសរាន់ឈប់ម៉ូតូ កង់ និងប្រញាប់ប្រញាល់ចូលទៅក្នុងផ្ទះរបស់ លោក សុខ គង់ ដែលមានកូនចៅ និងសែស្រឡាយរបស់លោករង់ចាំចែកលុយឲ្យពួកគេ។
ពលរដ្ឋម្នាក់ដែលរស់នៅសង្កាត់ផ្សារកណ្ដាល ឈ្មោះ សុខ ថា ឲ្យដឹងថា រូបគាត់តែងមកទទួលលុយអំណោយរបស់ឧកញ៉ា សុខ គង់ ៣ឆ្នាំមកហើយ ហើយលុយនេះចែកឲ្យពលរដ្ឋចំថ្ងៃជនជាតិចិន និងវៀតណាម ធ្វើពិធីសែនដកជើងធូប។ លោកបន្តថា មួយឆ្នាំៗ ពលរដ្ឋម្នាក់ៗយ៉ាងតិចណាស់ទទួលបានលុយអំណោយពីរម៉ឺនរៀល។ លោកបញ្ជាក់ថា ពលរដ្ឋទាំងអស់មិនបានដឹងថា លុយទាំងនោះលោកឧកញ៉ាបានមកពីណា និងរកស៊ីអីនោះទេ? ប៉ុន្តែជីវភាពក្រីក្រ ដូចនេះបើមានគេឲ្យលុយ គឺប្រសើរណាស់។
«សំឡេង»
បន្ទាប់ពីចែកលុយពលរដ្ឋរួចរាល់ គឺដល់វេនចែកឲ្យកម្លាំងសមត្ថកិច្ចវិញម្តង។ កម្លាំងដែលអាចទទួលលុយបាន លុះណាតែពួកគេស្លៀកពាក់ឯកសណ្ឋាន និងប្រញាប់ចូលតម្រង់ជួរនៅខាងក្នុងរបងផ្ទះ លោក សុខ គង់។ អ្នកខ្លះចតម៉ូតូនៅថ្នល់ អ្នកខ្លះទៀតចតនៅរបងផ្ទះ ហើយសម្រុកចូលទាំងត្រេកអរ។ ក្រុមសមត្ថកិច្ចបានប្រាប់ថា ពួកគាត់បានទទួលលុយម្នាក់ៗមួយម៉ឺនរៀល។ ទោះយ៉ាងណាក្តី យើងមិនបានដឹងថា ចំនួនប្រាក់ពិតប្រាកដដែលសមត្ថកិច្ចទទួលបានពី លោក សុខ គង់ ប៉ុន្មាននោះទេ ព្រោះទ្វាររបងបិទជិត។
កម្លាំងអន្តរាគមន៍ពិសេសម្នាក់ដែលសុំមិនបញ្ចេញឈ្មោះបានប្រាប់ថា លុយដែល លោក សុខ គង់ ឲ្យមិនច្រើនទេ គឺគ្រាន់តែអាចទិញគុយទាវញ៉ាំបានមួយព្រឹកប៉ុណ្ណោះ។ លោកបន្តថា ការទទួលលុយនេះគ្រាន់តែជាការទទួលយកបុណ្យដែលគេឲ្យ ហើយក៏មិនជំពាក់គុណ ឬខុសច្បាប់ទេ។ លោកបន្តថា បើសិនជាកម្លាំងសមត្ថកិច្ចទាំងអស់មានជីវភាពធូរធារ ប្រាក់ខែចាយគ្រប់ ក៏ពួកគាត់មិនមកតម្រង់ជួរចាំយកលុយដាក់ទានដែលគេចែកឲ្យនោះដែរ។
ទោះយ៉ាងណាក៏ដោយ បុគ្គលិកដែលធ្វើការឲ្យ លោក សុខ គង់ គ្រាន់តែប្រាប់ដោយខ្លីថា នេះជាការធ្វើបុណ្យដាក់ទានតាមប្រពៃណីចិន និងវៀតណាម។ ហើយម្ចាស់ទានមិនមានបំណងជួល ឬទិញទឹកចិត្តសមត្ថកិច្ច ឬពលរដ្ឋឡើយ។
ទន្ទឹមនឹងនេះ ប្រធានបណ្ដាញរួបរួមគណនេយ្យភាពសង្គមអាស៊ីបូព៌ា និងអាស៊ីប៉ាស៊ីហ្វិក លោក សន ជ័យ មានប្រសាសន៍ថា ទង្វើរបស់អ្នករកស៊ីដែលចែកអំណោយ ឬឲ្យលុយទៅសមត្ថកិច្ចឲ្យលុយទៅប្រជាពលរដ្ឋនោះ មិនខុសច្បាប់នោះទេ។ ប៉ុន្តែ វានឹងបង្ហាញឲ្យឃើញពីកង្វះតម្លាភាព និងភាពលម្អៀងរបស់ក្រុមសមត្ថកិច្ចទៅលើអ្នកមានទាំងនោះ។ លោកបន្តថា គេសង្កេតឃើញនៅរៀងរាល់រដូវបុណ្យទាន ដូចជា ចូលឆ្នាំខ្មែរ ភ្ជុំបិណ្ឌ និងចូលឆ្នាំចិន ជាដើម ក្រុមអ្នកមានទ្រព្យ តែងជូនកាដូគ្រប់ប្រភេទទៅមន្ត្រីធំៗក្នុងជួររដ្ឋាភិបាល។ ហើយនេះ ជារូបភាពមួយក្នុងចេតនាសូកប៉ាន់ ឬកេងចំណេញផ្នែកទំនាក់ទំនងពីអ្នកកាន់ការរដ្ឋទាំងនោះ។ លោកបញ្ជាក់ថា ក្រុមហ៊ុនរបស់ឧកញ៉ា សុខ គង់ ភាគច្រើនរកស៊ី និងទទួលអាជ្ញាប័ណ្ណរកស៊ីជាមួយរដ្ឋាភិបាល ដែលមិនសូវមានតម្លាភាពប៉ុន្មានឡើយ។
«សំឡេង»
លោក សុខ គង់ ជាម្ចាស់ក្រុមហ៊ុន សូគីម៉ិច គ្រុប (SOKIMEX GROUP) ដែលរកស៊ីនាំចូលប្រេងសាំង រកស៊ីកាស៊ីណូ សណ្ឋាគារ បើករោងចក្រកាត់ដេរ និងជាពិសេស ជាម្ចាស់ក្រុមហ៊ុនលក់សំបុត្រឲ្យភ្ញៀវទេសចរដែលចូលទស្សនាតំបន់អង្គរទាំងមូល។ ក្រុមហ៊ុនរបស់ លោក សុខ គង់ ជាក្រុមហ៊ុនអភិវឌ្ឍន៍តំបន់ទេសចរណ៍ឋានសួគ៌បូកគោ នៅខេត្តកំពត ដោយរដ្ឋាភិបាលផ្តល់សម្បទានរយៈពេល ៩៩ឆ្នាំ។ រដ្ឋាភិបាលក៏ទើបតែអនុញ្ញាតឲ្យក្រុមហ៊ុន លោកឧកញ៉ា សុខ គង់ សង់សណ្ឋាគារ សុខា កម្ពស់ជិត ១០ជាន់នៅត្រើយខាងកើតទន្លេបួនមុខ ចំពីមុខព្រះបរមរាជវាំង ហើយបើសិនជាគេឡើងលើសណ្ឋាគារដែលសង់មិនទាន់ចប់នោះ គឺអាចមើលឃើញពីទិដ្ឋភាពកន្លែងខ្លះក្នុងព្រះបរមរាជវាំងតែម្តង។
ប្រភពក្រៅផ្លូវការខ្លះបានលើកឡើងថា លោក សុខ គង់ មានដើមកំណើតជាជនជាតិវៀតណាម ប៉ុន្តែលោកធ្លាប់ប្រាប់អ្នកកាសែតថា លោកជាអ្នកមានស្រុកកំណើតនៅស្រុកពាមជរ ខេត្តព្រៃវែង។
មន្ត្រីសង្គមស៊ីវិលដែលធ្វើការងារផ្នែកតម្លាភាពសង្គម បានប្រាប់ថា ក្រុមហ៊ុនរបស់ លោក សុខ គង់ ធ្លាប់បានទទួលសិទ្ធិពីរដ្ឋាភិបាល ដើម្បីអភិវឌ្ឍតំបន់មួយចំនួន ដោយមិនមានការដេញថ្លៃឡើយ។
ទាក់ទងនឹងបញ្ហានេះ អ្នកវិភាគបញ្ហាសង្គម លោក កែម ឡី គិតថា ព្រឹត្តិការណ៍សមត្ថកិច្ចតម្រង់ជួរយកលុយពីថៅកែៗជាការទម្លាក់តម្លៃមន្ត្រីរាជការកងកម្លាំងប្រដាប់អាវុធ។ លោកបន្តថា រដ្ឋាភិបាលត្រូវតែធ្វើការកែទម្រង់ ដើម្បីឲ្យកម្លាំងសមត្ថកិច្ចបានទទួលប្រាក់ខែសមរម្យ ជាជាងឲ្យសមត្ថកិច្ចទៅចាំទទួលយកទានដែលគេដាក់ឲ្យ។ លោកបញ្ជាក់ថា ការផ្តល់លុយឲ្យសមត្ថកិច្ចនេះ គឺជាការពង្រឹងអំណាចបុគ្គលនិយម និងបក្ខពួកនិយមប៉ុណ្ណោះ។
«សំឡេង»
យ៉ាងណាមិញ រដ្ឋាភិបាលនៅក្នុងខែមករា នេះបានសម្រេចដំឡើងប្រាក់ខែដល់មន្ត្រីរាជការ និងកងកម្លាំងប្រដាប់អាវុធដែលមានតួនាទីទាបក្នុងម្នាក់ៗចំនួន ៨ម៉ឺនរៀល។
វិទ្យុអាស៊ីសេរី មិនអាចសុំការពន្យល់បន្ថែមពីមន្ត្រីរដ្ឋាភិបាលបានទេ នៅថ្ងៃទី២៤ ខែមករា ឆ្នាំ២០១៤។
កាលពីចូលឆ្នាំចិន ឆ្នាំមុន ភរិយារបស់ឧកញ៉ា ឡៅ ម៉េងឃីន ដែលទទួលសម្បទានដីតំបន់បឹងកក់ គឺអ្នកស្រី ជីង សុភាព ហៅ យាយភូ បានចែកលុយដល់សមត្ថកិច្ចគ្រប់ប្រភេទក្នុងម្នាក់ៗចំនួន ៥ម៉ឺនរៀលដែរ ដោយបញ្ជាក់ថា ជាអាំងប៉ាវលើកទឹកចិត្តដល់កងកម្លាំងប្រដាប់អាវុធក្នុងពេលចូលឆ្នាំចិន។ កងកម្លាំងទាំងនោះ តែងតែត្រូវបានមន្ត្រីរដ្ឋាភិបាលប្រើប្រាស់ដើម្បីទប់ទល់នឹងសកម្មភាពតវ៉ារបស់អ្នកបឹងកក់។
និគមជាតិចិន និងវៀតណាម មួយចំនួន បានប្រាប់វិទ្យុអាស៊ីសេរី ថា ការចែកអំណោយក្នុងឱកាសបុណ្យចូលឆ្នាំចិន ឬវៀតណាម នេះ គ្រាន់តែជាទម្លាប់របស់អ្នកមានៗដែលជាប់សែស្រឡាយចិន-វៀតណាម ប៉ុណ្ណោះ ហើយវាមិនមែនជាប្រពៃណីដែលត្រូវធ្វើឡើយ។ ជនជាតិចិន និងវៀតណាម និយមចែកអាំងប៉ាវ ឬក្រដាសក្រហមខ្ចប់លុយឲ្យសាច់ញាតិរបស់ពួកគេ ប៉ុន្តែសាច់ញាតិទាំងនោះ ត្រូវតែជាមនុស្សនៅលីវ ហើយគេនិយមចែកកញ្ចប់ក្រហមនោះនៅថ្ងៃចូលឆ្នាំតែម្តង។ ក្រុមអ្នកធ្វើការងារសង្គមមួយចំនួន ដាក់សំណួរថា តើមន្ត្រីរាជការ និងកម្លាំងប្រដាប់អាវុធ ត្រូវរស់នៅដោយចាំការដាក់ទានពីគេដល់ពេលណា?
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ទស្សនៈពលរដ្ឋចំពោះនិមិត្តរូបនៃខេត្តពោធិ៍សាត់
- ពលរដ្ឋនៅក្រុងបាវិតបារម្ភពីជនជាតិវៀតណាមឃ្វាលក្របីចូលមកស៊ីស្មៅនៅដីខ្មែរ
- អ្នកភូមិជិត១០០នាក់នៅកំពង់ស្ពឺតវ៉ាទាមទារដោះលែងព្រះសង្ឃ១អង្គ
- អាជីវករនៅព្រៃវែងតវ៉ាអាជ្ញាធរមិនចេញទៅលក់នៅផ្សារសង់ថ្មី
- មន្ត្រីប៉េអឹមខេត្តស្ទឹងត្រែងរងការចោទថាចាប់ពលរដ្ឋ៥នាក់ធ្វើទារុណកម្ម
- តើរថយន្តចង្កូតស្ដាំនាំចូលមកស្រុកខ្មែរតាមច្រកព្រំដែនណា?
- សាលាក្រុងភ្នំពេញហាមការហែក្បួនអបអរពេលចូលឆ្នាំចិន
- អគ្គិសនីកម្ពុជានឹងផ្ដាច់ភ្លើងក្នុងតំបន់ខ្លះនៅភ្នំពេញនិងខេត្តជុំវិញ
- សកម្មជនដីធ្លី យ៉ោម បុប្ផា គ្រោងប្ដឹងកាសែតក្នុងស្រុកពីបទបរិហារកេរ្តិ៍
ហេតុអ្វីក៍សំដាច់ម៍យកចិត្ដទុកដាក់ជាមួយឧកញ៉ាអវិជ្ជាហើយអោយងារជាព្រឹទ្ធសភាទៀតអញ្ចឹង?…….
ហ៊ឺ!គួរអាណឹតនិស្សឹតខ្មែរណាស់ ខំរៀនតែរកការងារធ្វើមិនបាន តើនេះជាកំហុសនរណា?…………
តើត្រូវតែផ្លាស់ប្ដូរអ្នកដឹកនាំមែនទេ?…….
កុំទុកអោយភាពអយុត្ដិធម៌នៅជិះជាន់ប្រជាពលនឹងគ្រប់ស្ថាប័នទូទាំងប្រទេសយើងតទៅទៀត។
បា្រក់ជាខ្ញំបំរេិបា្រកជាចេាហ្វាយ
corrupted money from illegal government easy to spread small peice of it.
ហេតុអី បានជាកងកម្លាំងរបស់យើងឈររងចាំគេដាក់ទៀនអោយយ៉ាងនេះ ធ្វើអញ្ញឹងវាមិនសមរម្យទេ វានាំអោយថោកដល់កងកម្លាំងគេដទៃទៀត(ហើយអ្នកមានលុយកុំធ្វើរបៀបនេះវាមិនល្អទេ)គួផ្តល់តាមអង្គភាពរឺចែកតាមអង្គភាពទើបវាល្អ។
Our soldiers should not accept shit money.
CPP = Corrupted People Party!
ក្នុងបណ្ដាប្រទេសអាស៊ីគ្មានកងទព័ណាក្រជាងកងទព័ខ្មែរនាសមយ័នេះទេមានតែមេទាហាន
ដែលមានសិទ្ធិអាចលក់ដីចាប់យកដីឬកាប់ឈើខុសច្បាប់យកទៅលក់និងលួចលុយកូនទាហាន។
ក្រតែសម្បត្តិ….តែចិត្តសាហាវយង់ឃ្នងមិនក្រទេ
Long Live Okha SOK KUNG, the Vietnamese who loves CAMBODIA more than the Cambodian people!!!
កុំដណ្ដើមគ្នាដូចឆ្នាំទៅ!!!ខ្មាស់គេ!!!
Talking in term of dignity, foreign business men are looking down on Khmer people including government officials. This vulgar act should not be called donation, but it is a bribery instead.
ឪជនជាតិខ្មែរអើយជនជាតិខ្មែរ មកដល់សម័យនេះទៅហើយហេតុអ្វីក៍នៅតែធ្លាក់ខ្លួនកំសត់ទៅទទួល ការដាក់ទានពីមហាសេដ្ឋីដែលមានដើមកំណើតជាជនជាតិយួន។ ១មឺុន២មឺុនរៀរតើអាចចិញ្ចឹមខ្លួន រស់បានមួយជីវិតដែរឬទេ? ម្តេចក៍ខិតខំចូលរួមក្នុងនយោបាយធ្វើឲ្យសង្គមខ្មែរមានអ្នកដឹកនាំដែរគិត គូរបងប្អូនអ្នកក្រីក្រជាងបច្ចុប្បន្ននេះទៅគឺបងប្អូនមិនចាំបាច់មកអង្គុយសំកុករង់ចាំដាក់ទានពីអ្នកវិនិ យោគដែលបានកេងប្រវញ្ច័ធនធានធម្មជាតិ និងពីប្រាសាទអង្គរវត្តរបស់ខ្មែរ។ ឃើញទិទ្ធភាពបែបនេះ ខ្ញុំសែនអាសូរខ្មែរណាស់ ក្រោមការដឹកនាំរបស់រដ្ឋាបចុប្បន្នធ្វើឲ្យរាស្ត្រខ្មែរបាត់បង់តម្លៃនិងសីលធម៌ អស់ហើយព្រោះដើម្បីតែរស់ដូចគោលបំណងរបស់រដ្ឋាភិបាលខ្មែរហើយ។ ប្រជាជនខ្មែរត្រូវបានធ្លាក់ ខ្លួនក្រីក្រអស់ដីអស់ធ្លីព្រោះតែលក់ដើម្បីបានលុយចិញ្ចឹមក្រពះ ប្រជាជនមួយថ្ងៃៗត្រូវបានប្រជាជន ប្រទេសជិតខាង ជាពិសេសប្រទេសយួននិងប្រទេសថៃមើលងាយបញ្ចុះតម្លៃខ្មែរដូចសត្វដូចធាតុ។