ដោយ៖ កាន់ វិច្ឆិកា
ថ្ងៃចន្ទ ទី10 ខែកុម្ភៈ ឆ្នាំ2014
http://vodhotnews.com
ស្តាប់សំឡេង៖ |
ចម្លងទុក |
ប្រធានពន្ធនាគារត្រពាំងផ្លុង ខេត្តកំពង់ចាម ឲ្យដឹងថា អ្នកជាប់ឃុំទាំង២១នាក់ បានបន្តធ្វើកូដ កម្មបង្អត់អាហារទៀតនៅថ្ងៃចន្ទនេះ ដើម្បីទាមទារឲ្យតុលាការដោះលែងពួកគេ ដោយគ្មានលក្ខខណ្ឌ។
លោក គា សុវណ្ណ ប្រធានពន្ធនាគារត្រពាំងផ្លុង មានប្រសាសន៍ប្រាប់វីអូឌីនៅរសៀលថ្ងៃចន្ទនេះថា អ្នកជាប់ឃុំទាំង ២១នាក់នោះ បានធ្វើកូដកម្មអត់អាហារតាំងពីថ្ងៃអាទិត្យម្សិលមិញ ដោយពួកគេទទួលទានតែទឹកប៉ុណ្ណោះ។ លោកបន្តថា លោកបានអប់រំដល់អ្នកទាំង២១នាក់នោះ ឲ្យពួកគេទទួលទានអាហារវិញ កុំស្តាប់តាមការញុះញង់របស់មនុស្សមួយចំនួន ប៉ុន្តែពួកគេពុំព្រម «យើងបានអប់រំគាត់ ឲ្យគាត់ហូបបាយទឹក នេះរឿងរបស់គាត់ ព្រោះខ្ញុំបញ្ជាក់ប្រាប់គាត់ថា ធំបំផុតគឺសុខភាពខ្លួនឯង គ្មានអ្នកណាជួយខ្លួនឯងជាងខ្លួនឯង ជួយខ្លួនឯងនោះទេ គិតពីរឿងសុខភាពខ្លួនឯង កុំតាមការញ៉ុះញ៉ង់របស់គេ នេះជាការអប់រំ និងរាយការណ៍ទៅព្រះរាជអាជ្ញា តាមរយៈព្រះរាជអាជ្ញាកំពង់ចាម អគ្គពន្ធនាគារ។ ខ្ញុំមិនទាន់ទទួលបានវិធានការម៉េចទេ គ្រាន់តែរាយការណ៍ជូនគាត់»។
តែទោះជាយ៉ាងណា លោក គា សុវណ្ណ ឲ្យដឹងថា លោកបានរាយការណ៍ព័ត៌មាននេះ ទៅក្រសួងមហាផ្ទៃ និងតុលាការហើយ ដើម្បីរកវិធីដោះស្រាយ ប៉ុន្តែនៅពុំទាន់មានការឆ្លើយតបយ៉ាងណានៅឡើយទេ។
ទាក់ទងនឹងករណីនេះ វីអូឌី មិនអាចសុំការអត្ថាធិប្បាយពីលោកខៀវ សុភ័គ អ្នកនាំពាក្យក្រសួងមហាផ្ទៃបានទេ ដោយទូរស័ព្ទចូលពុំមានអ្នកទទួល។
ការធ្វើកូដកម្មបង្អត់អាហាររបស់អ្នកជាប់ឃុំទាំង២១នាក់ បន្ទាប់ពីអ្នកជាប់ឃុំ២នាក់ ក្នុងចំណោមទាំង២៣នាក់ ត្រូវបានសាលាដំបូងរាជធានីភ្នំពេញ សម្រេចដោះលែងឲ្យនៅក្រៅឃុំបណ្តោះអាសន្ន កាលពីថ្ងៃសៅរ៍។
អ្នកស្រី ប្រាក់ សុវណ្ណារី ភរិយាប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ លោក វន់ ពៅ អះអាងថា មូលហេតុ ដែលអ្នកជាប់ឃុំទាំង២១នាក់ ធ្វើកូដកម្មបង្អត់អាហារក្នុងពន្ធនាគារ ទាំងរាងកាយកំពុងទ្រុឌទ្រោមផងនោះ ដោយសារពួកគេចង់បង្ហាញសារទៅរដ្ឋាភិបាល និងតុលាការថា ពួកគេមិនបានប្រព្រឹត្តអ្វីខុសនោះទេ។ តែទោះជាយ៉ាងណា បន្ទាប់ពីការកូដកម្មអត់អាហាររបស់អ្នកទាំង២១នាក់ ចាប់ពីថ្ងៃម្សិលមិញ រហូតមកដល់ថ្ងៃចន្ទនេះ អ្នកស្រីនូវពុំទាន់ដឹងពីស្ថានភាពសុខភាពរបស់អ្នកជាប់ឃុំទាំង២១នាក់នេះ នៅឡើយទេ «ខ្ញុំអត់ដឹងថា គាត់អត់អាហារ តាំងពីថ្ងៃម្សិលមិញ រហូតដល់ថ្ងៃនេះ តែគ្រាន់និយាយថាពីស្ថានភាព ពេលដែលគាត់អត់អាហារនោះ វាយ៉ាងម៉េច ខ្ញុំមិនបានទទួលដំណឹង។ តាមការពិត ខ្ញុំក៏ចង់ទៅដែរ ដោយសារតែនឹកឃើញថាគាត់មិនញ៉ាំអាហារ ហើយចង់ទិញទឹកណាដែលប៉ូវៗ តែខ្ញុំមិនមានពេល ខ្ញុំរវល់ ដោយសារតែថ្ងៃនេះ គេមានកម្មវិធីបង្ហោះប៉ោងប៉ោង ច្រើនកន្លែង ហើយស្អែកនេះត្រូវយើងចាំសវនាការរបស់គាត់ទៀត»។
ប្រធានសហជីពសហភាពការងារកម្ពុជា លោក អាត់ ធន់ មានប្រសាសន៍ថា ប្រសិនបើការធ្វើកូដកម្មបង្អត់អាហារក្នុងរយៈពេលខ្លី គឺជារឿងល្អ ព្រោះពួកគាត់អាចបង្ហាញពីឆន្ទៈមួយក្នុងការទាមទាររកយុត្តិធម៌ ប៉ុន្តែលោកថា ពួកគាត់គួរតែរកវិធីសាស្ត្រផ្សេង ក្នុងការទាមទាររកយុត្តិធម៌ ព្រោះការបង្អត់អាហារនេះ អាចផ្តល់ផលប៉ះពាល់ដល់សុខភាព «បើសិនជាការធ្វើកូដកម្មនោះហើយ នៅតែមិនមានការដោះលែង រយៈពេលខ្លីទេ គួរតែបន្តហូបអាហារវិញ ហើយយើងរកវិធីអ្វីយុទ្ធនាការបន្តទៅវិញ កុំឲ្យរាងកាយរបស់ហើយចុះខ្សោយ នៅពេលដែលយើងធ្វើបែបហ្នឹងទៅ យើងឈឺអាចមានបញ្ហាទៅ គឺអ្នកដែលជួយពីខាងក្រៅក៏ពិបាកដែរ។ អ៊ីចឹងយោបល់ខ្ញុំ អ្នកនៅខាងក្នុង គួរតែហូបអាហារឲ្យបានគ្រប់គ្រាន់ ហើយបន្តពង្រឹងគោលជំហរ ដើម្បីឲ្យអ្នកខាងក្រៅគេជួយ មានសង្ឃឹម មានប្រយោជន៍ជាង»។
តាមការឲ្យដឹងពីក្រុមមេធាវីការពារជនត្រូវចោទទាំង២៣នាក់ បានឲ្យដឹងថា សាលាឧទ្ធរណ៍ នឹងបើកសវនាការជំនុំជម្រះ បណ្តឹងប្រឆាំងសាលក្រមសាលាដំបូងរាជធានីភ្នំពេញ ដែលបដិសេធសំណើសុំនៅក្រៅឃុំ របស់អ្នកទាំង២១នាក់ នៅថ្ងៃទី១១ ខែកុម្ភៈ ខាងមុខនេះ៕
សរសេរមកកាន់កញ្ញា កាន់ វិច្ឆិកា តាមរយៈ vicheika@vodhotnews.com
ឲ្យតែចូលគុក គឺសុទ្ធមនុស្សល្អទាំងអស់របស់ពួកប្រតិកិរិយា។
សួរថា កាលពួកនេះ ធ្វើសកម្មភាព ត្រូវគេចាប់ខ្លួន នោះ តើពួកអ្នកជួយស្រែកនេះនៅឯណា ម្តេចមិនទាញដៃកុំឲ្យល្មើសផង?
តុលាកា ត្រូវតេដោះស្រាយសំណុំរឿងនេះឲ្យបានយុត្តិធម៌ជូនដល់ជាតិទាំងមូល។
កុំភ័យរឿងអត់បាយខ្លួនឯងនោះ! កុំឲ្យតែយើងបង្អត់បាយគេ!
ah sen be careful 21 die , ah sen face ICC
គេសុីមិនសុីអាហីទៅ ធើម៉េចកុំអោយបាត់របបគេ ប្រយត្ន
គេចោទថាពុករលួយ ទុកអោយផ្អូមចោលទីនោះហើយ
កុំស្រណោះឆ្កែ ស្រណោះជ្រូកធើអី ។
kom si , a na hean si chke!!!