ដោយ៖ ស៊ុន ណារិន
ថ្ងៃសុក្រ ទី28 ខែកុម្ភៈ ឆ្នាំ2014
http://vodhotnews.com
បេក្ខភាពគណៈកម្មការចម្រុះកែទម្រង់ការបោះឆ្នោតរបស់គណបក្សប្រជាជនកម្ពុជា និងគណបក្សសង្គ្រោះជាតិ នឹងជួបគ្នាជាលើកដំបូង នៅថ្ងៃចន្ទសប្តាហ៍ក្រោយនេះ ដើម្បីប្រជុំកំណត់អាណត្តិ តួនាទី ភារកិច្ច និងផែនការសកម្មភាពរបស់គណៈកម្មការចម្រុះកែទម្រង់ការបោះឆ្នោត។
អ្នកនាំពាក្យគណបក្សសង្គ្រោះជាតិ លោក យ៉ែម បុញ្ញឫទ្ធិ ឲ្យដឹងនៅថ្ងៃសុក្រនេះថា ក្រុមការងារគណបក្សប្រជាជនកម្ពុជា និងគណបក្សសង្គ្រោះជាតិ បានឯកភាពគ្នា ឲ្យាមានការជួបគ្នារវាងក្រុមគណៈកម្មការចម្រុះកែទម្រង់ការបោះឆ្នោតម្ខាង៦រូប នៅថ្ងៃទី៣ ខែមីនានេះ វេលាម៉ោង៩ព្រឹក នៅមន្ទីរព្រឹទ្ធសភា។ លោកបន្តថា ជំនួបនេះ នឹងផ្តោតលម្អិតទៅលើតួនាទី ភារកិច្ច ក៏ដូចជាផែនការសកម្មភាពរបស់គណៈកម្មការនេះ ចំពោះក្របខណ្ឌកំណែទម្រង់ការបោះឆ្នោតនាពេលអនាគត។
សមាសភាពគណៈកម្មការកែទម្រង់ការបោះឆ្នោតរបស់គណបក្សសង្គ្រោះជាតិ ដឹកនាំដោយលោក សុន ឆ័យ និងសមាជិករួមមាន លោក យឹម សុវណ្ណ លោក គួយ ប៊ុនរឿន លោក អេង ឆៃអ៊ាង លោក ម៉ៅ មុន្នីវណ្ណ និងលោក យ៉ែម បុញ្ញឫទ្ធិ។
ក្រុមការងាររបស់គណបក្សប្រជាជនកម្ពុជា ដឹកនាំដោយលោក ព្រុំ សុខា ចំណែកបេក្ខភាពគណៈកម្មការរួមមាន លោក ប៊ិន ឈិន លោក ជាម យៀប លោក ឈាង វុន លោក ប៉ែន បញ្ញា លោក ស៊ិក ប៊ុនហុក និងអ្នកស្រី គ្រួច សំអាន។
កាលពីសប្តាហ៍មុន គណបក្សសង្គ្រោះជាតិ បានស្នើបន្តកិច្ចចរចាជាមួយគណបក្សប្រជាជនកម្ពុជា នៅថ្ងៃទី២៧ ខែកុម្ភៈ តែសំណើនេះ មិនត្រូវបានគណបក្សប្រជាជនកម្ពុជា ទទួលយកដោយមន្ត្រីជាន់ខ្ពស់គណបក្សនេះ អះអាង ព្រោះភាពយឺតយ៉ាវនៃការងារបច្ចេកទេស៕
សរសេរមកកាន់ តាំង វីដា តាមរយៈvida@vodhotnews.com
លោកប្រធាន បើការប្រជុំរៀបចំការបោះឆ្នោតនោះ ហើយមានឈ្មោះបុគ្គល២នាក់នៅក្នុងសមាសភាពគជបថ្មីដែរនោះ មិនបាច់រួមប្រជុំទេលោកប្រធាន ព្រោះចោវានៅតែចោដដែល ហើយប្រ/ជជាង៨០%គេដឹងច្បាស់ណាស់ថាបុគ្គល២នាក់នេះជាចោរលួចសន្លឹកឆ្នោតរបស់ប្រ/ជដែលបោះឪ្យcnrpដើម្បីឪ្យមេបក្សក្បាលដុះស្លែរបានជាប់ឆ្នោតថែម៥ឆ្នាំទៀត ទេព នីថា នឹង អឹម សួរស្តី នៅថ្ងៃណាមួយប្រ/ជនិងអូសកឪ្យសងសន្លឹកឆ្នោតទៅពួកគាត់វិញ ។
បើ មានមនុស្ស លក់ឧត្តមគតិជាតិ នៅតែមាន តំណែងធ្វើនេះ ធ្វើនោះ តើ យុត្តិធម៏ នៅត្រង់ណា !