ដោយ ម៉ម មុនីរតន៍
2014-03-01
RFA
ស្ដាប់ ឬ ទាញយកសំឡេង
ចំណែកអ្នកជំនាញផ្នែកប្រព័ន្ធផ្សព្វផ្សាយនៅកម្ពុជា យល់ឃើញថា គេពិបាកជឿចំពោះការស៊ើបអង្កេតថា អាចមានលទ្ធផលណាស់ ហើយប្រសិនបើការបាត់ខ្លួននេះមានជាប់ទាក់ទិននឹងរឿងនយោបាយនោះរឹតតែពិបាករកឲ្យទៅទៀត។
ក្លឹបអ្នកកាសែតអន្តរជាតិដែលមានឈ្មោះថា អេហ្វ.ស៊ី.ស៊ី.ធី (FCCT) បានដាក់ការសង្ស័យថា អ្នកកាសែតបរទេស និងជាអ្នកផលិតខ្សែភាពយន្តឯកសារដែលបានបាត់ខ្លួនដោយមិនដឹងពីមូលហេតុកាលពីថ្ងៃទី១៤ កុម្ភៈ កន្លងទៅនេះ អាចជាប់ពាក់ព័ន្ធនឹងការងារស៊ើបអង្កេតរបស់ខ្លួនអំពីរបបខ្មែរក្រហម ហើយការស៊ើបអង្កេតនោះ អាចមានជាប់សង្ស័យនឹងមន្ត្រីក្នុងបក្សកាន់អំណាច។
ភ្ជាប់នឹងបញ្ហានេះ ស្នងការនគរបាលខេត្តសៀមរាប លោក សត ណាឌី ឲ្យដឹងនៅថ្ងៃទី១ ខែមីនា ថា មន្ត្រីជំនាញនៅមិនទាន់រកមុខសញ្ញា និងមូលហេតុនៃការបាត់ខ្លួនអ្នកកាសែតនេះឃើញនៅឡើយទេ។ លោកបន្តថា ទោះជាយ៉ាងណានគរបាលនឹងបន្តការស្រាវជ្រាវរបស់ខ្លួនបន្តទៀត។
គិតមកដល់ពេលនេះ មានរយៈពេល ២សប្ដាហ៍មកហើយ ចាប់តាំងពីការបាត់ខ្លួនកាលពីថ្ងៃទី១៤ កុម្ភៈ នៅខេត្តសៀមរាប។ លោក ដេវីដ វ៉កឃើ (David Walker) ជាជនជាតិកាណាដា ហើយក៏ជាផលិតករផ្នែកខ្សែភាពយន្ត។
កាលពីថ្ងៃអង្គារ ទី២៥ កុម្ភៈ ក្លឹបអ្នកកាសែតអាស៊ីអាគ្នេយ៍ បានចេញលិខិតចំហរបស់ខ្លួនដោយស្នើឲ្យលោកនាយករដ្ឋមន្ត្រី ហ៊ុន សែន ជំរុញឲ្យនគរបាលក្នុងតំបន់ និងកងកម្លាំងយោធា បើកការស៊ើបអង្កេតមួយដ៏ម៉ត់ចត់ និងត្រូវប្រាកដថា ការស៊ើបអង្កេតនោះ ត្រូវធ្វើដោយអស់ពីចិត្តពីថ្លើម។
លើសពីនេះ ក្លឹបអ្នកឆ្លើយឆ្លងអន្តរជាតិដែលមានមូលដ្ឋាននៅប្រទេសថៃ អេហ្វ.ស៊ី.ស៊ី.ធី វិញ បង្ហាញការព្រួយបារម្ភ និងដាក់ការសង្ស័យថា ការបាត់ខ្លួនលោក ដេវីដ វ៉កឃើ នេះ ទំនងមានជាប់ពាក់ព័ន្ធនឹងការងាររបស់លោកដែលធ្លាប់បានស៊ើបអង្កេតពីរបបខ្មែរក្រហម។ហើយជាពិសេស ការស៊ើបអង្កេតរបស់លោកនេះ មានជាប់ទាក់ទងនឹងមន្ត្រីគណបក្សកំពុងកាន់អំណាចបច្ចុប្បន្ន ហើយធ្លាប់មានសកម្មភាពនយោបាយកាលពីអំឡុងទសវត្សរ៍ឆ្នាំ៧០ ផង។
លោក ប៉ា ងួនទៀង នាយកមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ ឬហៅថា ស៊ី. ស៊ី.អាយ.អឹម (CCIM) អះអាងថា អំពើនិទ្ទណ្ឌភាព ឬ ភាពគ្មានទោសពៃ ចំពោះអ្នកប្រព្រឹត្តបទឧក្រិដ្ឋប្រឆាំងអ្នកការពារសិទ្ធិមនុស្ស និងអ្នកកាសែត នៅបន្តរស់ក្រៅសំណាញ់ច្បាប់នៅឡើយ ហើយជីវិតអ្នកតស៊ូមតិ និងអ្នកសារព័ត៌មាននៅតែមានភាពផុយស្រួយក្នុងដំណាក់កាលចុងក្រោយនេះ។
លោកបន្តថា គេហាក់ពុំមានជំនឿសោះឡើយថា ការស៊ើបអង្កេតអាចនាំអ្នកប្រព្រឹត្តបទល្មើសយកមកផ្ដន្ទាទោសបាន ជាពិសេសបើសំណុំរឿងនេះ ពាក់ព័ន្ធនឹងរឿងនយោបាយទៀតនោះ។
មានអ្នកកាសែតកម្ពុជា មិនតិចជាង ១០នាក់មកហើយ ត្រូវជនមិនស្គាល់មុខបាញ់សម្លាប់ ហើយសមត្ថកិច្ចនៅមិនទាន់រកឃើញអ្នកប្រព្រឹត្តបទល្មើស និងអ្នកនៅពីក្រោយខ្នងមកផ្ដន្ទាទោសនៅឡើយទេ។
លោក ប៉ា ងួនទៀត ចាត់ទុកថា មានរឿងពីរដាច់ដោយឡែកពីគ្នាសម្រាប់ទិដ្ឋភាពនៅក្នុងសង្គមកម្ពុជា។ បរិបថទីមួយបើរឿងនោះ ជាចំណុចរសើបរបស់រដ្ឋាភិបាល គេសង្កេតឃើញថា ចំណាត់ការដ៏លឿនដូចផ្លេកបន្ទោរ នឹងអាចវែកមុខសញ្ញាអ្នកប្រព្រឹត្តបទល្មើសបានភ្លាមៗ តួយ៉ាងដូចសំណុំរឿងរបស់លោក ហេង ពៅ និងលោក លី រ៉ាស៊ី ជាដើម។
ក៏ប៉ុន្តែបើវិវាទ ឬសំណុំរឿងជាប់ពាក់ព័ន្ធនឹងសកម្មជនការពារសិទ្ធិមនុស្ស ឬអ្នកកាសែត និងសកម្មជនដីធ្លី ឆន្ទៈក្នុងការស៊ើបអង្កេតនឹងពុំអាចទៅរួចឡើយ ទោះជាចំណាយពេលវេលា នៃការស៊ើបអង្កេតនោះយូរយ៉ាងក្តី៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- រដ្ឋាភិបាលសន្យាមិនបិទបណ្ដាញព័ត៌មានសង្គម
- គ្រួសារអ្នកកាសែតគេវាយស្លាប់នៅកំពង់ឆ្នាំងរស់នៅក្នុងភាពភ័យខ្លាច
- ប៉ូលិសខេត្តសៀមរាបបន្តស្វែងរកអ្នកកាសែតជនជាតិកាណាដា
- អាជ្ញាធរតាមរកអ្នកកាសែតបរទេសម្នាក់បាត់ខ្លួននៅសៀមរាប
- តុលាការខេត្តបន្ទាយមានជ័យកោះហៅអ្នកសារព័ត៌មាន២នាក់សាកសួរ
- ចាងហ្វាងកាសែតក្នុងស្រុកមួយចោទអាជ្ញាធរស្រុកស្រីសន្ធរគំរាមចាប់ខ្លួន
- ក្រុមអ្នកកាសែតនៅតំបន់ជាយដែនខ្មែរថៃបារម្ភពីសុវត្ថិភាពបន្ទាប់រងការគំរាមផ្ទួនៗ
- កម្ពុជាជាប់ចំណាត់ថ្នាក់យ៉ាងទាបក្នុងសន្ទស្សន៍សេរីភាពសារព័ត៌មានឆ្នាំ២០១៣
- យូណេស្កូនិងអង្គការការពារអ្នកកាសែតស្នើកម្ពុជាឲ្យចាប់ជនសម្លាប់អ្នកកាសែត
NO doubt about the disappearing of DAVID WALKER was a political reason . that this GOV was always again whit foreigners. CANADIAN. GOV will find out this cases in the nares future
Impunity culture left from Vietnam’s ivasion still hide in Cambodia to comitt crime against the WESTERN. They operate secretley behind curently government to demobolish any objective against the mentality of father founder Indochina Federation. Vietnam’s spies are controling Cambodia, act and think like Cambodia, to eliminate one by one to those destroy Cambodia-Viet’s policy.
ប្រទេសកម្ពុជាមានកងកម្លាំងចារកម្មសម្ងាត់នៅក្រោមឥទ្ធិពលអ្នកដឹកនាំប្រទេសកុម្មុយនិស្តមាន
ជាអាទិ វៀតណាម ចិន និងរុស្ស៊ី។ រាល់មុខសញ្ញាដែលធ្វើអោយគ្រោះថ្នាក់ដល់នយោបាយនៃការ
ដឹកនាំរបស់គេ ពួកគេបានចងក្រងធ្វើជាបញ្ជីឈ្មោះមានលក្ខណៈទំនាក់ទំនងជាប្រព័ន្ធនៅក្នុងប្លុក
ប្រទេសកុម្មុយនិស្ត។ ពួកគេតែងតែបញ្ជូនសារទៅវិញទៅមកជាអក្សរសម្ងាត់ក្នុងតំបន់ និងអក្សរ
សម្ងាត់អន្តរជាតិប៉ែកខាងប្រទេសប្លុកកុម្មុយនិស្ត។ ក្រុមការងារនៃអ្នកបញ្ជូនសារជាអក្សរសម្ងាត់
ត្រូវពួកគេយកចិត្តទុកដាក់បំប៉នសមត្ថភាពយ៉ាងហ្មត់ចត់។ បើសិនជាប្រទេសកម្ពុជាមានការអនុវត្ត
យ៉ាងដូច្នេះ គឺពួកគេមានកិច្ចសហប្រតិបត្តិការណ៏ជាមួយនឹងប្រទេសកុម្មុយនិស្តនៅក្បែរខាង។
វាអាចជាការបញ្ជាអោយធ្វើនៅពីក្រោយរបស់ថ្នាក់អ្នកជំនាញចារកម្មអន្តរជាតិដែលនៅបង្កប់ខ្លួន
បំពាក់ដោយឧបករណ៏បច្ចេកវិទ្យា ស្ថិតនៅពាសពេញក្នុងផ្ទៃប្រទេសកម្ពុជា។
នេះជាដំណើរឣត់ព្រំដែន! ដល់បាត់ដានតាំងចង់ចោតគេចោតឯង! យ៉ាប់ហើយកំពូល
ចារកិច្ច! មនុស្សលោកបច្ចុប្បន្នច្រើនភេ្លចខ្លួន ព្រោះមានឣាង។
ពួកគេជាយុវជនស៊ីវិលខ្មែរជំទង់ៗ មានរាងរៅរូបសម្បត្តិកម្ពស់តូចទាបមាឌល្អិតៗមុខមាត់មិនសូវស្អាត
បាត ច្រើនធ្វើសកម្មភាពជាក្រុម មានកាសតូចអត់ខ្សែ ដាក់កប់នៅក្នុងរន្ធត្រចៀក។ គេត្រូវតែអនុវត្តធ្វើ
តាមការស្រែកបញ្ជា ដែលមិនអាចនិយាយតប ឆ្លើយឆ្លងទៅនឹងការបញ្ជាទៅវិញបានឡើយ។
ការតាមដានព្រឹត្តិការណ៍នានាអំពីសិទ្ធិមនុស្សទាក់ទងរឿងខ្មែរក្រហមប្រហែលជាទៅពាកព័ន្ធ
អ្នកនយោបាយក្នុងបក្សកាន់អំណាចសព្វថ្ងៃ ក្រែងមានការលេចធ្លោការពិតនាពេលក្រោយនិង
បណ្ដាលឲថ្នាក់ដឹកនាំក្នុងរដ្ឋាភិបាលបច្ចុប្បន្នខូចកេរ្ដិឈ្មោះទើបចាំបាច់កំចាត់លោកដេវីត រ៉កឃើ
ជាមុន ដើម្បីរក្សាកិត្តិយសរបស់ក្រុមខ្លួនទុកឲបានយូរអង្វែង បើយើងសន្និដ្ឋានអំពីមូនហេតិក្រៅ
ពីនេះដូចជាគ្មានឡើយ។
កែពាក្យ អំពីមូលហេតុក្រៅ
ពីនេះដូចជាគ្មានឡើយ។
need to send more CIA and FBI to find out in cambodia otherwise no way for people who lost track.i wish GOD protech him.