ថ្ងៃ អាទិត្យ 02 មីនា 2014
ដោយ ស៊ុន មេសា
RFI
សហព័ន្ធ សហជីព សមាគម និងកម្មករនិយោជិកនៅគ្រប់វិស័យក្នុងប្រទេសកម្ពុជា នឹងដាក់លិខិតអញ្ជើញមន្ត្រីជាន់ខ្ពស់រដ្ឋាភិបាលមកពីគណបក្សកាន់អំណាច និងប្រធានគណបក្ស ប្រឆាំងឱ្យចូលរួមវេទិកាសាធារណៈរបស់ខ្លួននៅថ្ងៃទី៨ មីនាខាងមុខ។ ជាវេទិកាដែលនឹងលើកឡើងពីបញ្ហាការចាប់ខ្លួនសកម្មជនសិទ្ធមនុស្ស នឹងកម្មករ រួមទាំងបញ្ហាប្រាក់ឈ្នួលអប្បរមាជាដើម។
សហជីពចំនួន ១៨នៅកម្ពុជាស្នើឱ្យរដ្ឋមន្ត្រីក្រសួងមហាផ្ទៃ លោក ស ខេង និងប្រធានគណបក្សសង្គ្រោះជាតិ លោក សម រង្ស៊ី ចូលរួមក្នុងវេទិកាសាធារណៈរបស់ខ្លួននៅថ្ងៃទិវាសិទ្ធិនារី ៨ មីនាខាង មុខ។ ថ្លែងប្រាប់វិទ្យុបារាំងអន្តរជាតិRFIនៅថ្ងៃអាទិត្យនេះ លោក ប៉ាវ ស៊ីណា ប្រធានសហព័ន្ធសហជីពចលនាកម្មករ បានថ្លែងថាវត្តមាននៃអ្នកនយោបាយមកពីគណបក្សកាន់អំណាច និងបក្សប្រឆាំងគឺមានសារៈសំខាន់ណាស់ដើម្បីចូលរួមស្តាប់ការបញ្ចេញមតិរបស់កម្មករ និងអ្នកចូលរួមទាំអស់។
វេទិកាសាធារណៈ ដែលធ្វើឡើងនៅទីលានប្រជាធិបតេយ្យ នៅថ្ងៃទី៨ មីនា កម្មករ ទាមទារឱ្យរដ្ឋាភិបាលបញ្ជាក់ពីការចាប់ខ្លួនសកម្មជនសិទ្ធមនុស្ស រួមទាំងកម្មករទាំង២៣ នាក់ រួមទាំងបញ្ហាការដំឡើងប្រាក់ឈ្នួលអប្បរមាផងដែរ។ ប្រធានសហជីព លោក ប៉ាវ ស៊ីណាបានបញ្ជាក់ថា ក្រុមសហជីព នឹងបញ្ជូនលិខិតអញ្ជើញមន្ត្រីជាន់ខ្ពស់គណបក្សប្រជាជនកម្ពុជា លោក ស ខេង និង ប្រធានគណបក្សប្រឆាំង លោក សម រង្ស៊ី នៅថ្ងៃទី៣ មីនាស្អែកនេះ។
ក្នុងវេទិកាដែលមានកម្មករ និងអ្នកចូលរួមប្រមាណ៣ម៉ឺននាក់ ប្រធានសហព័ន្ធសហជីព ចលនាកម្មកររូបនេះ រំពឹងថា”អ្នកនយោបាយទាំងពីរគណបក្សនឹងចូលរួម ហើយបើទោះបីជាមិនបានចូលរួមដោយខ្លួនក៏ដោយ ក៏គួរចាត់តំណាងចូលរួមផងដែរ។
អ្នកនាំពាក្យគណបក្សសង្គ្រោះជាតិ លោក យឹម សុវណ្ណ បានអះអាងថា គណបក្សសង្គ្រោះជាតិស្វាគមន៍ចំពោះការអញ្ជើញចូលរួមក្នុងវេទិកាសាធារណៈរបស់ក្រុមសហជីពកម្មករនេះ។ ហើយថា ក្នុងនាមជាតំណាងរាស្ត្រការត្រូវតែស្តាប់ការសម្តែងមតិរបស់ពលរដ្ឋ។ ដោយឡែក គណបក្សប្រជាជនកម្ពុជា មិនទាន់ឆ្លើយតបនោះទេ។
វេទិកាសាធារណៈនៅថ្ងៃទី៨ មីនាខាងមុខនេះ គឺគ្រោងនឹងរៀបចំពីម៉ោង ៨ព្រឹកដល់ម៉ោង១២ថ្ងៃត្រង់។ លោក ប៉ាវ ស៊ីណាបានអះអាងកម្មករនិងសហជីពទាំង១៨នឹងធ្វើបាតុកម្មទ្រង់ទ្រាយធំនៅថ្ងៃទី១២មីនាខាងមុខ ប្រសិនបើកម្មករទាំងអស់មិនបានចម្លើយនៅថ្ងៃទី៨ មីនាថ្ងៃសិទ្ធិនារីនោះទេ៕
I do not understand did they want HUN SEN and SAM RANSY come to the public meeting. do not dreaming about it young lady. the six stare HUN SEN never and ever going to that kind of meeting. he do not want to talk with regular people like us
it should be oposite leader and garvement to join to exchange idea to met agreement good for worker and nation, thks
that very good idea for the meeting ,the ruler and the opposition have to give the oppunity for people to ask what they want that democracy way not like mr hun-sen talk like street kid nobody dare to ask or express their idea otherwise mr sen will be angry or mad like maddog.everybody can ask both party.GOD bless all cambodian.