ដោយ៖ កាន់ វិច្ឆិកា
ថ្ងៃអង្គារ ទី18 ខែមិនា ឆ្នាំ2014
http://vodhotnews.com
ស្តាប់សំឡេង៖ |
ចម្លងទុក |
អ្នកនាំពាក្យក្រសួងការបរទេសកម្ពុជា ឲ្យដឹងថា ភាគីថៃច្រានចោលព័ត៌មានជុំវិញការបាញ់សម្លាប់ជនជាតិខ្មែរ ដែលឆ្លងដែនខុសច្បាប់ទៅប្រទេសថៃ កាលពីដើមខែមីនានេះ ថាជារឿងមិនពិត។
ការច្រានចោលរបស់ភាគីថៃ បានធ្វើឡើងបន្ទាប់ពីមានព័ត៌មានថា កាលពីដើមខែមីនានេះ ជនជាតិខ្មែរចំនួន ១៥នាក់ ត្រូវបានទាហានថៃបាញ់សម្លាប់ និង២នាក់ទៀត កំពុងបាត់ខ្លួន ខណៈដែលពួកគេឆ្លងដែនដោយខុសច្បាប់ ទៅរកការងារធ្វើនៅប្រទេសថៃ។
អ្នកនាំពាក្យក្រសួងការបរទេស លោក កុយ គួង ប្រាប់ VOD នៅព្រឹកថ្ងៃអង្គារនេះថា ក្រសួងមិនទាន់ទទួលបានរបាយការណ៍ជាក់លាក់ណាមួយ ពាក់ព័ន្ធនឹងករណីនៃការបាញ់សម្លាប់ជនជាតិខ្មែរនេះទេ គឺគ្រាន់តែដឹងតាមសារព័ត៌មានប៉ុណ្ណោះ ហើយឯកអគ្គរាជទូតថៃបានបំភ្លឺលើករណីនៃការបាញ់សម្លាប់ជនជាតិខ្មែរ ចំនួន១៥នាក់ កាលពីថ្ងៃទី៥ និងទី១៣ មីនា កន្លងទៅនេះ ថាមិនមានករណីនេះកើតឡើងឡើយ។ លោកបន្តថា ឯកអគ្គរាជទូតថៃ បានបកស្រាយបន្ថែមដោយអះអាងថា ភាគីថៃគ្រាន់តែឃាត់ខ្លួនជនជាតិខ្មែរ១៥នាក់នោះ ដោយសារតែពួកគេបានចូលទៅតំបន់ព្រៃអភិរក្ស របស់ប្រទេសថៃ ប៉ុន្តែ១១នាក់បានរត់មកកម្ពុជាវិញ ហើយ៤នាក់ទៀតពួកគេបានបំពេញសំណុំរឿង ដើម្បីសួរចម្លើយ និងបញ្ជូនមកកម្ពុជាវិញហើយ «ខ្ញុំក៏បានខិតខំព្យាយាម ទាក់ទងទៅតាមខ្សែរបណ្តោយ របស់ក្រសួងការបរទេសគឺ អគ្គកងស៊ុលខ្មែរយើងប្រចាំនៅខេត្តស្រះកែវជាប់ព្រំដែនខ្មែរថៃនិងហើយមិនត្រឹមប៉ុណ្ណឹងទេ យើងបានអញ្ចើង អគ្គរដ្ឋទូតថៃមកបំភ្លឺបន្ថែម ទៀតផងហើយព័ត៌មានវានៅបែបនិង គឺថាអាការ បាញ់ជាង១០នាក់នៅថ្ងៃទី៥ កន្លងមកនិង ទាំងអគ្គរដ្ឋទូតថៃ ទាំងអជ្ញាធរថៃ នៅជាប់ព្រំដែនគេថាជាព័ត៌មានមិនពិតទេ ហើយព័ត៌មានកន្លងមកនេះយើងលឺតាមបណ្តេញសារព័ត៌មានខ្មែរយើង»។
ចំណែកអ្នកនាំពាក្យក្រសួងមហាផ្ទៃ លោក ខៀវ សុភ័គ មានប្រសាសន៍ថា លោកពុំទាន់មានរបាយការណ៍ជុំវិញករណីនេះទេ ប៉ុន្តែកម្ពុជាកំពុងសហការជាមួយភាគីថៃក្នុងការស៊ើបអង្កេតបន្តហើយ។
លោក នី ចរិយា ប្រធានផ្នែកស៊ើបអង្កេតសមាគមការពារសិទ្ធិមនុស្ស អាដហុក លើកឡើងថា ការបាញ់សម្លាប់ប្រជាពលរដ្ឋខ្មែរ ដែលឆ្លងដែនខុសច្បាប់នៅប្រទេសថៃ គឺជាការរំលោភសិទ្ធិមនុស្សយ៉ាងធ្ងន់ធ្ងរ ដែលរាជរដ្ឋាភិបាល គួរស៊ើបអង្កេត និងចាត់វិធានការលើករណី ដើម្បីកុំឲ្យមានការបាញ់សម្លាប់ពលរដ្ឋខ្មែរ នៅតាមព្រំដែន ពីសំណាក់ប្រទេសជិតខាង «ពាក់ព័ន្ធទៅនិង ការកាប់ព្រៃឈើនៅក្នុងប្រទេសថៃ អានិងត្រូវតែផ្ដន្ទាទោស ទៅតាមប្រទេសថៃ ដែលគេមានចែងជាធរមាន មិនត្រូវបាញ់សម្លាប់អញ្ចិងទេ ហើយការបាញ់សម្លាប់នេះ យើងសុំធ្វើការថ្កល់ទោស ព្រោះថាជារឿងរំលោភសិទ្ធមនុស្សធ្ងន់ធ្ងរណាស់ទាក់ទងទៅនិងការបាញ់សម្លាប់ប្រជាពលរដ្ឋខ្មែរនេះ»។
កាលពីរសៀលថ្ងៃអង្គារម្សិលមិញនេះ មជ្ឈមណ្ឌលសិទ្ធិមនុស្សកម្ពុជា និងគណបក្សជាតិនិយម បានដាក់លិខិតដាក់ដោយឡែកពីគ្នា តាមរយៈស្ថានទូតថៃនៅកម្ពុជា ទៅកាន់នាយករដ្ឋមន្ត្រីថៃ លោកស្រី យីងឡាក់ ដោយទាមទារឲ្យលោកស្រីយកចិត្តទុកដាក់ និងចាត់វិធានការបញ្ឈប់រាល់ការបាញ់សម្លាប់ជនជាតិខ្មែរ ដែលបានឆ្លងដែនទៅធ្វើការនៅប្រទេសថៃ ពីសំណាក់ទាហានថៃ។
បើតាមរបាយការណ៍របស់អង្គការការពារសិទ្ធិមនុស្សអាដហុក យ៉ាងហោចណាស់ជនជាតិខ្មែរចំនួន១០៩នាក់ បានសម្លាប់ដោយទាហានថៃ ចាប់ពីឆ្នាំ២០០៨ ដល់ឆ្នាំ២០១៣៕
សូមសរសេរមកកញ្ញា កាន់ វិច្ឆិកា តាមរយៈ vicheika@vodhotnews.com
ធម្មតាទេ ប្រជាជនដែលគាត់រកស៊ីខុសច្បាប់ គឺប្រឈមនឹងការមិនទទួលដឹងឮ ឬមិនទទួលខុសត្រូវ ពីអាជ្ញាធរឡើយ ព្រោះរឿងនេះ គេពុំបានឃើញ។
ហើយការស្លាប់របស់យើងក្នុងរបរទុច្ចរិត សូម្បីតែធ្វើបុណ្យសព ក៏អាចមិនហ៊ានធ្វើដែរ, ចុះទម្រាំ រឿងអីមករាយការណ៍ប្រាប់សមត្ថកិច្ច??
ដើម្បីកុំឲ្យមានរឿងដូចនេះ សូមបងប្អូនឈប់ទៅ ! គឺឈប់ប្រកបរបរទុច្ចរិតនេះទៅ!
បងប្អូនខំបញ្ចេញកម្លាំងលីក្រញូងមួយដើមទម្ងន់រាប់គិឡូក្រាម ប្រឈមនឹងសេចក្តីស្លាប់ យកមកឲ្យគេ តើទទួលបានប្រាក់ប៉ុន្មាន តែពួកឈ្មួ្ញទុច្ចរិតយកឈើបងប្អូនទៅលក់ ក្នុងមួយគីឡូប៉ុន្មានដុល្លា? សូមគិតទៅ!
អាជ្ញាធរកម្ពុជាត្រូវធ្វើការស៊ើបអង្កេតឲ្យបានម្មត់ចត់ សូមកុំជឿលើការអះអាងរបស់ថៃ។ ក្នុងករណី
ដែលទាហានបាញ់មែនក៏គេមិនប្រាប់ដែលប្រសិនបើអាជ្ញាធរកម្ពុជាមិនធ្វើការស៊ើបអង្កេតឲ្យបាន
ដិតដល់។ ទោះបីរបររបស់គាត់លោក BOL គិតថាទុច្ចរិតមែន តែក្នុងនាមយើងជាអាជ្ញធរខ្មែក៏មិន
ត្រូវទុកជីវិតប្រជាជនខ្មែរ ដូចសត្វធាតុទេ។
bol = អាឆ្កែយួន