ដោយ៖ ណាត សុភាព
ថ្ងៃពុធ ទី19 ខែមិនា ឆ្នាំ2014
http://vodhotnews.com
កម្មកររោងចក្រវីងស្តារខេត្តកំពង់ស្ពឺ តវ៉ានៅព្រឹកថ្ងៃពុធនេះ ទាមទារលក្ខខណ្ឌការងារ (រូបថតដោយណាត សុភាព)
កម្មករប្រមាណជា៧០០០នាក់ នៅរោងចក្រដេរស្បែកជើងវីងស្តារ ក្នុងភូមិអង្គសុគន្ធា សង្កាត់មហាឬស្សី ស្រុកគងពិសី ខេត្តកំពង់ស្ពឺ នៅព្រឹកថ្ងៃពុធនេះ បន្តធ្វើកូដកម្មទាមទារលក្ខខណ្ឌការងារ២០ចំណុច។
កម្មករ បានតវ៉ា៣ថ្ងៃមកហើយ រហូតមកដល់ពេលនេះ។ លក្ខខណ្ឌការងារ ដែលកម្មករទាមទារ រួមមានចង់ឲ្យក្រុមហ៊ុន សម្រួលច្បាប់ឲ្យមានភាពងាយស្រួល សុំឲ្យផ្តល់លុយបន្ថែមមួយម៉ោងចំនួន២ពាន់រៀលដំឡើងប្រាក់លើកទឹកចិត្តចំនួន១៥ដុល្លារក្នុងមួយខែ រៀបចំថ្នាំពេទ្យឲ្យបានគ្រប់គ្រាន់ កែប្រែប្រធានក្រុម និងប្រធានចិន ដែលប្រើពាក្យសម្តីមិនសមរម្យលើកម្មករ ដំឡើងលុយស្នាក់នៅចំនួន១៥ដុល្លារក្នុងមួយខែ កុំឲ្យក្រុមហ៊ុនឈប់បង្ខំកម្មករឲ្យធ្វើការហួសម៉ោង ឈប់កាត់ប្រាក់ខែ អំឡុងពេលធ្វើកូដកម្ម ដកសន្តិសុខបុរសចេញពីកៅបន្ទប់ទឹកស្ត្រីក្នុងរោងចក្រ និងស្នើឲ្យក្រុមហ៊ុនផ្តល់លុយបាយថ្ងៃត្រង់ចំនួន៥ពាន់រៀលជាដើម។
កម្មករ អះអាងថា ពួកនឹងមិនចូលធ្វើការទេ ហើយនៅថ្ងៃព្រហស្បតិ៍ស្អែកនេះ ពួកគាត់នឹងបន្តតវ៉ាទៀត។កម្មករឲ្យដឹងថា រោងចក្រ បានបដិសេធទទួលលិខិតស្នើសុំទាមទារលក្ខខណ្ឌរបស់កម្មករ។ កម្មករ ព្រមានធ្វើកូដកម្មបន្តទៀតរហូតមានដំណោះស្រាយ៕
សរសេរមកកាន់ លោក ណាត សុភាព តាមរយៈsopheap@vodhotnews.com
ត្រូវតែប្រឹងប្រឹង តស៊ូ តវ៉ា ទាមទារ សិទ្ធិ សេរីភាព ការស់នៅថ្លៃថ្នូរ…វាមិនអាចធ្លាក់ពីលើមេឃដោយឋកឋងបានទេ…!?
បិទផ្លូវ គឺបិទឈាមខ្លួនឯង! ត្រូវតែបង្រ្កាបជាដាច់ខាត ! មិនអាចយកផ្លូវ និងអ្នកធ្វើដំណើរលើដងផ្លូវធ្វើជាចំណាប់ខ្មាំងដើម្បីផលប្រយោជន៏ខ្លួនឯងបានឡើយ!!!!!!!
if you want work condition better , must team up the whole country, not just one Factory