ដោយ៖ សុទ្ធ គឹមសឿន
ថ្ងៃពុធ ទី19 ខែមិនា ឆ្នាំ2014
http://vodhotnews.com
រូបលោក ម៉ម សូណង់ដូ ក្នុងសន្និសីទសារព័ត៌មានគ្រោងដាក់លិខិតទៅក្រសួងព័ត៌មាន សុំបង្កើតហ្វ្រេកង់ទូរទស្សន៍ នាពេលកន្លងទៅ (រូបភាពដោយ ណាត សុភាព)
ប្រធានវិទ្យុសំបុកឃ្មុំ ស្នើសុំមន្ត្រីសាលារាជធានីភ្នំពេញ ពន្យាពេលជួបពិភាក្សា ករណីសុំធ្វើបាតុកម្មទាមទារដំឡើងហ្វ្រេកង់ទូរទស្សន៍ និងដំឡើងកម្លាំងផ្សាយវិទ្យុនៅតាមខេត្ត ទៅថ្ងៃទី២៤ ខែមីនា វិញ ដោយសារថ្ងៃនេះលោកជាប់រវល់។
អភិបាលរងរាជធានីភ្នំពេញ លោកឃួង ស្រេង គ្រោងជួបលោកម៉ម សូណង់ដូ ប្រធានវិទ្យុសំបុកឃ្មុំ នៅព្រឹកនេះ ដើម្បីពិភាក្សាពីគម្រោងធ្វើបាតុកម្មរបស់ប្រធានស្ថានីយ៍វិទ្យុនេះ ដែលគ្រោងធ្វើនៅទីលានប្រជាធិបតេយ្យ នាថ្ងៃទី៣១ខែមីនា ខាងមុខនេះ។
ប៉ុន្តែលោក ម៉ម សូណង់ដូ មានប្រសាសន៍ប្រាប់ VOD នៅព្រឹកថ្ងៃពុធនេះថា លោកបានស្នើសុំអភិបាលរងរាជធានី ពន្យាពេលណាត់ជួបនេះ ទៅថ្ងៃទី២៤ ខែមីនាវិញ ដោយសារថ្ងៃនេះលោក ជាប់រវល់ចុះសួរសុខទុក្ខប្រជាពលរដ្ឋនៅតាមខេត្ត។
កាលពីថ្ងៃទី២៧ ខែមករា ឆ្នាំ២០១៤ កន្លងទៅ លោក ម៉ម សូណង់ដូ ប្រធានវិទ្យុសំបុកឃ្មុំ និងអ្នកគាំទ្រ ប្រមាណ ៣០០នាក់ ធ្លាប់បានធ្វើបាតុកម្មម្តងរួចមកហើយ ដើម្បីទាមទារហ្វ្រេកង់ ទូរទស្សន៍ និងដំឡើងកម្លាំងផ្សាយវិទ្យុសំបុកឃ្មុំបន្តទៅតាមខេត្ត នៅទីលានប្រជាធិបតេយ្យ និងហែក្បួនទៅមុនក្រសួងព័ត៌មាន ប៉ុន្តែត្រូវបានអាជ្ញាធររាជធានីភ្នំពេញ ប្រើប្រាស់គ្រាប់បែកផ្សែង បាញ់ទៅលើក្រុមប្រជាពលរដ្ឋ ដើម្បីបំបែកការតវ៉ារបស់ពួកគេនៅមុខក្រសួងព័ត៌មាន ធ្វើឲ្យពលរដ្ឋជាច្រើននាក់ រងរបួសធ្ងន់ និងស្រាល៕
សរសេរមកកាន់លោក សុទ្ធ គឹមសឿន តាមរយៈ keomsoeunsoth@gmail.com
សុំ និង តវ៉ា ទាមទារ រហូតក្រុមទេវទត្តអោយយើង ព្រោះវិទ្យុ និង ទូរទស្សដែលនិយាយការពិត ឬមិនគាំទ្រវា វាថាអស់ហ្រេកង់ អស់នេះ អស់នោះ ឥចឹងហើយ…បើយួន ចិន សុំវិញ គឺok ,yes យ៉ាងលឿនតែម៉ង…!