ដោយ ខែ សុណង និង វោហារ ជាតិ
2014-03-20
RFA
ស្ដាប់ ឬ ទាញយកសំឡេង
កម្មករនៅរោងចក្រ កាល់លីស្តូ អឺភើរៀល (Callito Apparel) និងរោងចក្រ មូន អឺភើរៀល (Moon Apparel) ក្នុងខណ្ឌពោធិ៍សែនជ័យ មកធ្វើកូដកម្មនៅមុខក្រសួងការងារ នៅថ្ងៃទី២០ មីនា ឆ្នាំ២០១៤។ RFA/Uon Chhin
កម្មករកម្មការិនីនៃរោងចក្រចំនួន ៥ បានធ្វើកូដកម្មព្រមគ្នា មិនចូលធ្វើការទេ នៅថ្ងៃទី២០ ខែមីនា។ កម្មករដែលតវ៉ាទាំង ៥រោងចក្រនោះ សរុបជិត ១ម៉ឺននាក់ បានធ្វើកូដកម្មអូសបន្លាយអស់រយៈពេលជាច្រើនថ្ងៃមកហើយ ដើម្បីទាមទារឲ្យថៅកែគោរពលក្ខខណ្ឌការងារតែគ្មានដំណោះស្រាយ។
កម្មកររោងចក្រដេរសំលៀកបំពាក់ ឌូ ហ៊ឺស (Dew Hirst) ជាង ១ពាន់នាក់ ដែលមានទីតាំងនៅភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ បាននាំគ្នាធ្វើកូដកម្មមិនចូលធ្វើការចំនួន ៤ថ្ងៃជាប់គ្នាមកហើយ។
កម្មករផ្នែកជួសជុលម៉ាស៊ីនម្នាក់ក្នុងចំណោមអ្នកតវ៉ា ថ្លែងនៅថ្ងៃទី២០ មីនា ថា មូលហេតុដែលនាំឲ្យពួកគាត់ធ្វើកូដកម្មនេះ គឺកាលពីថ្ងៃទី១ ខែមីនា អាហារថ្ងៃត្រង់ដែលខាងរោងចក្រផ្ដល់ឲ្យពួកគេទទួលទាននោះ គឺគ្មានអនាម័យនាំឲ្យកម្មករខ្លះហូបទៅពុលសន្លប់ និងខ្យល់មានអាការៈចង់ក្អួត ដែលធ្វើឲ្យពួកគេធ្វើការមិនកើត។
បុរសដដែលបន្តថា ពេលនោះថៅកែក្រុមហ៊ុនបានអនុញ្ញាតឲ្យកម្មករឈប់សម្រាក ហើយថានឹងមិនកាត់លុយពីកម្មករចំនួន ២ម៉ោងដែលបានឈប់សម្រាកនោះទេ ប៉ុន្តែក្រោយមកបែរជាចេញបញ្ជីកាត់លុយកម្មករចំនួន ២ម៉ោង និងដាច់ប្រាក់រង្វាន់ថែមទៀត។ លោកថា កម្មករបានធ្វើកូដកម្មតវ៉ាជាបន្តតែគ្មានដំណោះស្រាយពីថៅកែរោងចក្រទេ ហើយថៅកែបែរជាប្ដូរទៅកាត់លុយបំណាច់ឆ្នាំវិញ ដែលដំណោះស្រាយនេះពួកគាត់មិនអាចទទួលយកបាន។
ចំណែកកម្មករនៅរោងចក្រផលិតកេស ឡាំងក្រដាស ឈ្មោះ ហាត់ថា ផាកាធីង (Harta Parkating) ដែលស្ថិតនៅភូមិកន្ទោក សង្កាត់ចោមចៅ ខណ្ឌពោធិ៍សែនជ័យ ដែរ មានកម្មករជិត ២០០នាក់ បានធ្វើកូដកម្មជាង ១ខែមកហើយ ទាមទារឲ្យថៅកែផ្ដល់ប្រាក់អតីតភាពការងារឲ្យពួកគេ។
នាយកផ្នែកផលិតកម្ម លោក ស៊ន បូរ៉ា បានធ្វើកូដកម្មមិនចូលធ្វើការថ្លែងថា មូលហេតុដែលនាំឲ្យពួកគាត់តវ៉ាគឺកាលពីឆ្នាំ២០១២ រោងចក្រនេះបានផ្លាស់ប្ដូរថៅកែពីជនជាតិម៉ាឡេស៊ី ទៅថៅកែជនជាតិជប៉ុន។ ចាប់ពីនោះមក ថៅកែជប៉ុន បានទាមទារឲ្យកម្មករធ្វើការតាមតម្រូវការនឹងស្តង់ដាររបស់ជប៉ុន ដែលកម្មករមិនមានសមត្ថភាពធ្វើ។ បញ្ហានេះនាំឲ្យកម្មករតវ៉ា ហើយថៅកែប្រើវិធីរើសកម្មករថ្មី និងបន្ថែមការងារឲ្យកម្មករចាស់ធ្វើការដែលនាំឲ្យពួកគាត់ទ្រាំមិនបាន។ លោកថា នៅពេលនេះ កម្មករចាស់ៗដែលបានធ្វើការចាប់ពី ៧ឆ្នាំ ទៅ ១០ឆ្នាំ បានធ្វើកូដកម្មទាមទារប្រាក់អតីតភាពការងារពីថៅកែរោងចក្រ ប៉ុន្តែនៅមានភាពមិនត្រូវរ៉ូវគ្នា បើទោះជាមានអន្តរាគមន៍ពីមន្ត្រីស្ថាប័នពាក់ព័ន្ធក៏ដោយ។
ទាក់ទងទៅនឹងការធ្វើកូដកម្មនេះដែរ នៅឯខេត្តកំពង់ស្ពឺ កម្មកររោងចក្រផលិតស្បែកជើង វីង ស្ដារ ស៊ូ (Wing Star Shoes) ជាង ៦ពាន់នាក់ ក្នុងភូមិអង្គសុគន្ធា ឃុំមហាឫស្សី ស្រុកគងពិសី អះអាងថា ពួកគេនឹងបន្តធ្វើកូដកម្មទៀត ដោយសារការចរចារកដំណោះស្រាយចាប់តាំងពីព្រឹកថ្ងៃទី២០ មីនា រហូតដល់រសៀលថ្ងៃដដែល។
តំណាងកម្មកររោងចក្រ វីង ស្ដារ ស៊ូ កញ្ញា បិន ស្រីមុំ បានថ្លែងថា ការចរចារវាងភាគីតំណាងរោងចក្រ តំណាងកម្មករ និងមន្ត្រីមន្ទីរការងារ ក្រសួងការងារ និងសហជីព ពុំមានដំណោះស្រាយអ្វីនោះទេ។ កញ្ញាថា កម្មករស្នើសុំបន្ថែមលុយថ្លៃធ្វើដំណើរ ២ដុល្លារ និងលុយថ្លៃបាយ ២ដុល្លារលើលុយដែលមានស្រាប់ ១០ដុល្លារក្នុងមួយខែ ក៏ត្រូវភាគីថៅកែមិនយល់ព្រមដែរ។
ទន្ទឹមនឹងគ្នានេះដែរ កម្មករនៅរោងចក្រចំនួនពីរទៀត គឺរោងចក្រ កាល់លីស្តូ អឺភើរៀល (Callito Apparel) និងរោងចក្រ មូន អឺភើរៀល (Moon Apparel) ក្នុងខណ្ឌពោធិសែនជ័យ ក៏កំពុងធ្វើកូដកម្មទាមទារឲ្យថៅកែរោងចក្រទទួលយកថ្នាក់ដឹកនាំសហជីព និងកម្មករចំនួន ៥នាក់ ឲ្យចូលធ្វើការវិញ និងផ្ដល់ប្រាក់អត្ថប្រយោជន៍ផ្សេងៗជូនកម្មករ តែពុំមានការឆ្លើយតបពីថៅកែរោងចក្រនៅឡើយ។
សហជីពអន្តរជាតិនឹងធ្វើសន្និសីទព័ត៌មានអំពីកង្វល់របស់កម្មករនៅថ្ងៃ២១ មីនា
សហជីពអន្តរជាតិ(ITUC)និងសមាជិកតំបន់អាស៊ីប៉ាស៊ីហ្វិក រួមទាំងសហជីពកម្ពុជា មួយចំនួន នឹងធ្វើសន្និសីទសារព័ត៌មានមួយ នៅរសៀលថ្ងៃទី២១ មីនា នាសណ្ឋាគារសាន់វ៉េ (Sunway) រាជធានីភ្នំពេញ ដើម្បីបង្ហាញអំពីកង្វល់របស់កម្មករដល់រដ្ឋាភិបាលនិងនិយោជកនៅកម្ពុជា ដើម្បីឲ្យជួយដោះស្រាយ។
សហភាពសហព័ន្ធសហជីពជាតិកម្ពុជា លោក ជួន មុំថុល បញ្ជាក់នៅថ្ងៃទី២០ មីនា ថា លោកមិនមានអ្វីលើកឡើងក្នុងសន្និសីទសារព័ត៌មាននោះទេ ព្រោះលោកយល់ថា សេរីភាពកម្មករនៅកម្ពុជា បានប្រសើរច្រើនហើយ ដូចជាសព្វថ្ងៃ នៅកម្ពុជា មានសហជីពកម្មករដល់ទៅ៤ ក្នុងរោងចក្រ១។
ទោះយ៉ាងណា សេចក្ដីប្រកាសព័ត៌មានសហភាពការងារកម្ពុជា ចុះថ្ងៃទី២០ មីនា ប្រកាសថា សហជីពកម្មករនានា នឹងលើកឡើងអំពីបញ្ហារំលោភសិទ្ធិការងារកម្មករ សេរីភាពសហជីពសមាគម និងការដំឡើងប្រាក់ឈ្នួលសម្រាប់កម្មករនិងនិយោជិកជាដើម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- “ឯណាទៅយុត្តិធម៌ខ្ញុំ?”
- កម្មកររោងចក្រនៅកំពង់ស្ពឺធ្វើបាតុកម្មបិទផ្លូវលេខ៣
- អ្នករត់រ៉ឺម៉កម៉ូតូតវ៉ាមុខស្នងការដ្ឋាននគរបាលភ្នំពេញឲ្យដោះលែងរ៉ឺម៉កម៉ូតូ១គ្រឿង
- គ្រួសារពលការិនីនៅស្វាយរៀងប្ដឹងឲ្យស្វែងរកកូនស្រីបាត់ខ្លួននៅម៉ាឡេស៊ី
- សហជីពត្រៀមភស្តុតាងអំពីថៅកែក្រុមហ៊ុនដែលបានកាត់ប្រាក់ឈ្នួលកម្មករ
- កម្មកររោងចក្រសាន់យ័ននាខេត្តកំពង់ស្ពឺធ្វើបាតុកម្មទាមទារលក្ខខណ្ឌការងារ១០ចំណុច
- ពលរដ្ឋនៅស្វាយរៀងធ្វើពិធីបួងសួងតវ៉ារឿងទំនាស់ដី
- ជនជាតិដើមភាគតិចគ្រឹងតវ៉ាសុំដោះលែងតំណាងនៅមុខតុលាការខេត្តរតនគិរី
- គ្រួសារនៅកំពង់ស្ពឺសុំឲ្យជួយស្វែងរកកូន៤នាក់បាត់ដំណឹងជាង១០ឆ្នាំនៅម៉ាឡេស៊ី
នៅមានមុខរបរជាច្រើន ដែលយើងមិនចាំបាច់ទាល់តែមានថៅកែទើបរស់, គឺសុំមានត្រឹមតែមេ!
គឺមេបន! បនអី………..!
ស្ថាបនិកស៊ីខៅឌូពីររូបថាត្រូវបង្ខំឲ្យឈប់ព្រោះស៊ើបរឿងពុករលួយ
Thursday, 20 March 2014
Sean Teehan និង មុំ គន្ធា
20140320_04a
ភ្នំពេញៈ សមាជិកស្ថាបនិកពីររូបរបស់សហជីពឯករាជ្យធំបំផុត សម្រាប់កម្មករកាត់ដេរក្នុង ប្រទេសកម្ពុជា បានឲ្យដឹងថា ពួកគេត្រូវបានបង្ខំឲ្យចេញពីការងារដោយសារតែពួកគេ ស៊ើបអង្កេតអំពើពុករលួយនៅក្នុងក្រុមរបស់ខ្លួន។
សមាជិករបស់សម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា ហៅកាត់ថា ស៊ីខៅឌូ ត្រូវប្រព័ន្ធផ្សព្វផ្សាយនានា និងអង្គការសិទ្ធិការងារ មួយចំនួនបានទទួលលិខិតមួយចុះថ្ងៃ ទី១៤ មីនា និងចុះហត្ថលេខាដោយលោក អ៊ុំ វិសាល និងលោក រឿន ចាន់ថន ដោយបានអះអាងថា លិខិតដែលថ្នាក់ដឹកនាំ ស៊ីខៅឌូ ផ្ញើទៅសមាជិកបញ្ជាក់ថា លោក វិសាល និង លោក ចាន់ថន ចាកចេញដោយសារតែពួកគាត់មិនព្រមបន្តកិច្ចសន្យាការងាររបស់ខ្លួននោះគឺជារឿងមិនពិតទេ។
លិខិតរបស់លោក វិសាល បានសរសេរថា៖ «យើងច្រានចោលទាំងស្រុងចំពោះលិខិតរបស់អគ្គលេខាធិការ ស៊ីខៅឌូ លោក ឯក សុភក្តី ចុះថ្ងៃ ទី៧ ខែមីនា ដែលនិយាយថា យើងចាកចេញដោយសារយើងមិនចុះហត្ថលេខាកិច្ចសន្យាថ្មី»។
លោក វិសាល បានចោទប្រកាន់ថា គាត់ទាំងពីរនាក់ត្រូវបានបណ្តេញចេញ គឺដោយសារតែពួកគាត់បានជួបជាមួយសមាជិក ស៊ីខៅឌូ នៅរោងចក្រ អ៊ីហ្គាមិន ហើយប្រាប់ពួកគេថា សហជីពជំពាក់ពួកគេនូវប្រាក់រំឭកច្រើនជាងចំនួនដែលពួកគេទទួលបានបន្ទាប់ពីការដោះស្រាយវិវាទជាមួយរោងចក្រពាក់ព័ន្ធនឹងការបណ្តេញសមាជិក ស៊ីខៅឌូ ចំនួន ៣៣នាក់ នៅរោងចក្រនោះ។
លោក ដួង តុលា តំណាងសហជីព ស៊ីខៅឌូ នៅរោងចក្រ អ៊ីហ្គាមិន បានថ្លែងថា កម្មករដែលពាក់ព័ន្ធនឹងជម្លោះហិរញ្ញវត្ថុជាមួយ ស៊ីខៅឌូ បានដាក់ពាក្យបណ្តឹងទៅសាលាដំបូងរាជធានីភ្នំពេញប្រឆាំងនឹង លោក អាត់ ធន់ ប្រធាន ស៊ីខៅឌូ លោក គង់ អាទិត្យ អនុប្រធាន និងលោក ឯក សុភក្តី អគ្គលេខាធិការ។
ពាក្យបណ្តឹងនេះដែលផ្តិតមេដៃដោយកម្មករ ចំនួន ៣០នាក់ រួមទាំងលោក តុលា ផងនោះ បានចោទប្រកាន់ថា ថ្នាក់ដឹកនាំ ស៊ីខៅឌូ បានកិបកេងប្រាក់ជិត ៩ ម៉ឺន ៣ ពាន់ដុល្លារអាមេរិក ពីប្រាក់រំឭក ៤៦ខែ ដែលរោងចក្រ អ៊ីហ្គាមិន បានផ្តល់ទៅសហជីពនេះដើម្បីចែកទៅសមាជិករបស់ខ្លួនដែលពាក់ព័ន្ធក្នុងករណីនោះ។
លោក គង់ អាទិត្យ កាលពីសប្តាហ៍មុន បានបដិសេធថា មិនមានការកិបកេងប្រាក់នោះទេ និងបានអះអាងថា មានកម្មករមួយចំនួនដែលប្តឹងថា មិនទទួលបានប្រាក់គ្រប់ចំនួន គឺដោយសារពួកគេចូលរួមកូដកម្មនៅរោងចក្រ អ៊ីហ្គាមិន ក្រោយកម្មករមួយចំនួនទៀតហេតុដូច្នេះមិនមានសិទ្ធិទទួលបានចំនួនប្រាក់ពេញទេ។
លោក គង់ អាទិត្យ បានថ្លែងបន្តថា ការអះអាងរបស់លោក វិសាល ថា មានអំពើពុករលួយនិងថា ថ្នាក់ដឹកនាំសហជីព ស៊ីខៅឌូ បណ្តេញគាត់និងលោក ចាន់ថន កើតចេញពីនយោបាយផ្ទៃក្នុងវិញនោះ លោកថ្លែងបញ្ជាក់ថា៖ «អ្នករាល់គ្នាមានកិច្ចសន្យាផ្ទាល់ខ្លួន…គឺគាត់មិនព្រមចុះកិច្ចសន្យាឡើងវិញ»។ លោកបន្តថា៖ «បញ្ហា គឺដោយសារគាត់រង់ចាំឱកាសបំផ្លាញថ្នាក់ដឹកនាំ ស៊ីខៅឌូ គាត់ចង់ធ្វើជាមេ»។
ប៉ុន្តែលិខិតចំហរបស់លោក អ៊ុំ វិសាល បានច្រានចោលការលើកឡើងបែបនេះ ដោយគូសបញ្ជាក់ថា កិច្ចសន្យាការងាររបស់លោក និងរបស់លោក រឿន ចាន់ថន មិនមែនជាកិច្ចសន្យាមានថិរវេលាកំណត់ទេ ដោយសារពួកគាត់ទាំងពីរនាក់បានបម្រើការងារឲ្យ ស៊ីខៅឌូ ចាប់តាំងពីការបង្កើតសហជីពនេះឡើងក្នុង ឆ្នាំ២០០០។
មាត្រា ៦៧ នៃច្បាប់ស្តីពីការងាររបស់ កម្ពុជា បានចែងថា និយោជកអាចរក្សាបុគ្គលិករបស់ខ្លួនក្នុងកិច្ចសន្យាមានថិរវេលាកំណត់បានតែរយៈពេលត្រឹម ២ឆ្នាំ។
លោក Dave Welsh នាយកប្រចាំប្រទេសនៃមជ្ឈមណ្ឌលអាមេរិកដើម្បីសាមគ្គីភាពការងារ (ACILS) បានថ្លែងថា បញ្ហានេះគឺជាបញ្ហាផ្ទៃក្នុងរបស់សហជីព ស៊ីខៅឌូ។
លោកបន្តថា ប៉ុន្តែនៅចំពេលកំពុងតស៊ូទាមទារប្រាក់ឈ្នួលអប្បបរមាក្នុងឧស្សាហកម្មកាត់ដេរពី ១០០ ដុល្លារ ទៅ ១៦០ ដុល្លារនិងការបន្តឃុំខ្លួនសកម្មជន និងកម្មករ ២១ នាក់ ដែលចាប់ខ្លួននៅក្នុងបាតុកម្មពី ខែមករា និងបញ្ហាសំខាន់ៗដទៃទៀតនៅក្នុងវិស័យកាត់ដេរ ជម្លោះនៅក្នុងសហជីព ស៊ីខៅឌូ កើតមានឡើងនៅចំពោះពេលវេលាមិនសមស្រប។
លោកបន្តថា៖ «ដោយពិចារណាទៅលើបញ្ហាសំខាន់ធំៗ…ឥឡូវនេះ ដែលសំខាន់មិនធ្លាប់មាន សូមអំពាវនាវឲ្យមានការរួបរួមគ្នា»៕ PS
__________________________
បងប្អូនកម្មករទាំងឡាយ សូមពិចារណា!
សូមស្គាលឲ្យច្បាស់នូវមុខមាត់របស់មេសហជីព ស៊ីខាវដូ របស់បងប្អូន ដែលខិតខំពាក់អាវបន្លំខ្លួនឲ្យក្លាយជា វីរជនសហជីព!
មូហេតុអីបានជា ពួកនេះប្រឹងម្លេះ? ពួកនេះ ប្រឹងដើម្បីតែម្យ៉ាង គឺបងប្អូនកម្មករ គ្រាន់តែជាកូនអុក សម្រាប់ការស្វែងរកលាភ រកទ្រព្យសម្បត្តិទេ។
ប្រយ័ត្នណាបងប្អូន !! ជួនកាល ពេលវាទៅជួបបងប្អូន វាជិះម៉ូតូ កូរ៉េកញ្ចាស់។ តែពេលវាដើរលេងជាមួយគ្រួសារ ឬស្រីស្នេហ៍របស់វា វាជិះToyota 570 ។
បើចង់ដឹងសូមបងប្អូនទៅមើលផ្ទះពួកនេះ ! តើវាយ៉ាងម៉េច??
តែជួនកាលក៏មើលមិនអស់ដែរ , ព្រោះវាមានដី មានធ្លីច្រើនទៀត ដែលយើងដឹងមិនអស់!