ដោយ៖ តាំង វីដា
ថ្ងៃអាទិត្យ ទី30 ខែមិនា ឆ្នាំ2014
http://vodhotnews.com
មេដឹកនាំគណបក្សសង្គ្រោះជាតិ នៅរសៀលថ្ងៃអាទិត្យនេះ បានលើកទ្បើងចំណុចពីរដែលខ្លួនគិតថាសំខាន់ ក្នុងចំណោមចំណុចចំនួន១៦នៃសេចក្តីសម្រេចសមាជមហាជនលើកទីពីរ ទាក់ទងកំណែទម្រង់ការបោះឆ្នោត ដើម្បីយកទៅចរចាជាមួយគណបក្សកាន់អំណាច។
ក្នុងសមាជមហាជន នៅទីស្នាក់ការកណ្តាល រាជធានីភ្នំពេញ ប្រធាន និងអនុប្រធាន គណបក្សប្រឆាំង លោក សម រង្ស៊ី និងលោក កឹម សុខា ឲ្យដឹងថា ចំណុចទី១ គឺការបន្តទាមទារឲ្យស៊ើបអង្កេតការបោះឆ្នោតជ្រើសតាំងតំណាងរាស្ត្រ នីតិកាលទី៥ ឬរៀបចំការបោះឆ្នោតទ្បើងវិញ។ មេដឹកនាំទាំងពីរ ព្រមានពីការដឹកនាំធ្វើបាតុកម្មទ្បើងវិញ ប្រសិនបើគណបក្សប្រជាជនកម្ពុជាបន្តច្រានចោល ការទាមទាររបស់ខ្លួន។ លោក សម រង្ស៊ី និងលោក កឹម សុខា បន្តថា ចំណុចទីពីរ គឺការធ្វើឲ្យគណៈកម្មាធិការជាតិរៀបចំការបោះឆ្នោត (គ.ជ.ប) ក្លាយជាស្ថាប័នធម្មនុញ្ញ ហើយសមាសភាព គ.ជ.ប ត្រូវជ្រើសរើសដោយគណបក្សទាំងពីរ ដែលមានអាសនៈនៅរដ្ឋសភា។
ឆ្លើយតបការទាមទាររបស់គណបក្សសង្គ្រោះជាតិ សមាជិកគណៈកម្មការចម្រុះកំណែទម្រង់ការបោះឆ្នោត មកពីគណបក្សប្រជាជនកម្ពុជា លោក ជាម យៀប ប្រាប់VODថា គណបក្សលោកគ្មានជំហររៀបចំការបោះឆ្នោតទ្បើងវិញពាក់កណ្តាលអាណត្តិទេ ពីព្រោះការធ្វើបែបនេះគឺខុសទៅនឹងមាត្រា៧៨នៃរដ្ឋធម្មនុញ្ញ ដែលចែងថា រដ្ឋសភាមិនអាចត្រូវបានរំលាយមុនផុតអាណត្តិបានទ្បើយ វៀរលែងតែក្នុងករណីដែលរាជរដ្ឋាភិបាល ត្រូវបានទម្លាក់ពីរដងក្នុងរយៈពេល១២ខែ៕
សូមសរសេរមកលោក តាំង វីដា តាមរយៈ vida@vodhotnews.com
ក្រែងពួកឯងគ្រោងសមាជ ៥០០០ នាក់ ឬអី? ម្តេចក៏បានតែ ១០០០ នាក់?
នេះមកពីរឿងអី?
ប្រជាជនគេមិនត្រូវការអ្វីពីបាតុកម្ម ឬសមាជស្អីរបស់ឯងនោះ!
គេខ្ជឹល គេយល់ គេដឹងថា ល្ខោនឯងនេះ គ្មានបានអ្វីដល់គេទេ គឺបានតែតំណែងនាយករដ្ឋមន្ត្រី ឲ្យ ដល់ឯងទេ និងមុខមាត់ខ្ពង់ខ្ពស់សម្រាប់ក្រុមគ្រួសារបក្សពួករបស់ឯងហ្នឹង។ បើអញ្ចឹងដដែល គេរស់នៅក្នងសង្គមមួយដែលមានសុខសន្តិភាពនេះ គ្រាន់បើជាង។
ទៅ ! ទៅ ដើររក ២លាននាក់ទៅ គ្រាន់នឹងយកលេសដើសុំលុយអនិកជនក្រៅប្រទេស!
មិនទាន់បានស្អី ផង នាំគ្នាទិញ toyota 570 ជិះគ្រប់គ្នា។
ឯងហ៊ានសន្យា ដឹកនាំឲ្យបានបាតុកម្ម ២លាននាក់ឬទេ?
កុំធើស្អី រកកំណត់ថ្ងៃបោះឆ្នោត ឡើងវិញនុះ! កុំតាម អាល្បង ស៊ូថេប ឲ្យសោះ។ ឃើញទេ អាណាពូកែជាងស៊ូថេប? តែពេលនេះ យីងឡាក់នៅតែជាយីងឡាក់ , ឯស៊ូថេប ប្រឈមនឹងតុលាកា រួចឯបាតុកម្ម គ្មានអ្នកណាចូលរួមទៀត!
ប្រជាជនណា ដែលមិនត្រូវការរកស៊ីធ្វើការដើម្បីជីវភាព?
បើប្តីមកបាតុកម្ម បាននំប៉័ងមួយដើម ទឹកសុទ្ធមួយដប , ចុះតើប្រពន្ធកូន នៅផ្ទះ នៅស្រុកបានអីហូប? គេមកដែរ តែ ត្រឹម មួយអាទិត្យអ៊ីចឹងទៅ ក្រែងបានស្អីច្រើនជាងនេះ , តែបើមិនបាន គេលែងហើយ