ដោយ៖ ឡាយ សាមាន
ថ្ងៃចន្ទ ទី21 ខែមេសា ឆ្នាំ2014
http://vodhotnews.com
ស្តាប់សំឡេង៖ |
ចម្លងទុក |
គណៈកម្មាធិការជាតិរៀបចំការបោះឆ្នោត គ.ជ.ប នៅព្រឹកថ្ងៃចន្ទនេះ ស្នើឲ្យគណបក្សនយោបាយដែលចូលរួមឃោសនាការបោះឆ្នោតក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី២ ញែកឲ្យដាច់ពីគ្នារវាងការធ្វើឃោសនាកម្មវិធីគោលនយោបាយ និងការធ្វើបាតុកម្ម។
ក្នុងកិច្ចប្រជុំស្តីពីការផ្សព្វផ្សាយនីតិវិធីនៃការឃោសនាបោះឆ្នោត សមាជិក គ.ជ.ប លោក មាន សាទិ មានប្រសាសន៍ថា លក្ខខណ្ឌ ដែលបានចែងសម្រាប់ការឃោសនាបោះឆ្នោត គឺធ្វើតាមច្បាប់ស្តីពីការបោះឆ្នោត។ លោកបន្តថា បើគណបក្សនយោបាយ មិនគោរពតាមលក្ខខណ្ឌនេះទេនឹងមានវិធានការតាមច្បាប់។ លោក ក៏បានស្នើឲ្យគណបក្សនយោបាយ ញែកឲ្យដាច់ពីគ្នារវាងការឃោសនា និងការធ្វើបាតុកម្ម។
តំណាងគណបក្សប្រជាជនកម្ពុជាលោក អ៊ក គឹមហាន ថ្លែងគាំទ្រ ចំពោះសេចក្តីណែនាំរបស់ គ.ជ.ប ពាក់ព័ន្ធនឹងនីតិវីធីនៃការបោះឆ្នោត។
ប៉ុន្តែតំណាងគណបក្សសង្គ្រោះជាតិ លោក គួយ ប៊ុនរឿន បានលើកឡើងថា នីតិវិធីនៃការឃោសនាបោះឆ្នោតនាពេលនេះមានលក្ខណៈចង្អៀត និងលម្អៀងទៅខាងគណបក្សកាន់អំណាច។ លោក បន្តថា ការឃោនាតែងតែមានការហែរក្បួន និងរិះគន់ចំពោះគណបក្សនយោបាយណាដែលធ្វើបាបរាស្ត្រ និងធ្វើខុសច្បាប់ ហើយនេះមិនមែនជាការធ្វើបាតុកម្មនោះទេ។ លោក ក៏បានស្នើទៅអាជ្ញាធរ ឬ គ.ជ.ប ជួយចាត់វិធានការ ទប់ស្កាត់ចំពោះការរំខានពីអ្នកគាំទ្រគណបក្សផ្សេង ចំពោះការជួបជុំរបស់គណបក្សខ្លួន តាមរយៈចាក់មេក្រូ ឬវវិធីផ្សេងៗ ដូចករណីកើតឡើងក្នុងពេលកន្លងមកនេះ។
នាយកប្រតិបត្តិគណៈកម្មការដើម្បីការបោះឆ្នោតដោយសេរី និងយុត្តិធម៌ លោក គល់ បញ្ញា ប្រាប់ VOD ថា ជាធម្មតា ការឃោសនាតែងតែមានការរិះគន់គ្នាទៅវិញទៅមកនូវអ្វីដែលជាការពិត ដើម្បីបង្ហាញពីចំណុចខ្លាំងរបស់ខ្លួន និងចំណុចខ្សោយរបស់គណបក្សផ្សេងទៀត ប៉ុន្តែត្រូវគោរពក្រមសីលធម៌។ តែលោក បញ្ជាក់ថា គ.ជ.ប គួរតែប្រកាន់ជំហរឯករាជ្យ ដើម្បីធានាការប្រើប្រាស់ទីធ្លាសាធារណៈដោយស្មើភាព។
ការបោះឆ្នោតជ្រើសតាំងសមាជិកក្រុមប្រឹក្សារាជធានី-ខេត្ត-ក្រុង- ស្រុក-ខណ្ឌ នឹងប្រព្រឹត្តទៅនៅថ្ងៃទី១៨ ខែឧសភា ឆ្នាំ២០១៤ ដោយមានគណបក្សចំនួន៥ចូលរួម គឺគណបក្សប្រជាជនកម្ពុជា គណបក្សសង្គ្រោះជាតិ គណបក្សហ្វ៊ុនស៊ិនប៉ិច គណបក្សសម្ព័ន្ធដើម្បីលទ្ធិប្រជាធិបតេយ្យ និងសាធារណរដ្ឋប្រជាធិបតេយ្យ។ ចំណែកការឃោសនាបោះឆ្នោត អសកលនេះ មានរយៈពេល១៥ថ្ងៃគឺចាប់ពីថ្ងៃទី២ ដល់ថ្ងៃទី១៦ ខែឧសភា ឆ្នាំ២០១៤៕
សូមសរសេរមកលោក ឡាយ សាមាន តាមរយៈ samean@vodhotnews.com
អំពើ ល្អ និង អំពើ អាក្រក់ អ្នកប្រព្រឹត្ត ដឹង ខ្លួន អែង ច្បាស់ណាស់ !
អ្នកណា ក្បត់ ប្រជាពលរដ្ឋ . ? អ្នកណា ស្រឡាញ់ ប្រជាពលរដ្ឋ . ? !
គជប ប្រើក្បួនធនជ័យ “ព្រះរាជាប្រើឧ្យមកជុះ”, បើជុះផងនោមផង គឺខុសច្បាប់។
អ្វីក៏ដោយវាមានបរិវារបស់វា។វាមិនអាចមានអ្វីជាទោលៗ ត្រងោលតែឯងបានទេ។ ហើយបើចង់បែបនេះវាទាល់តែបន្សុតនិយមន័យឃោសនាលំអិតអោយអស់អាចម៏អស់នោមតែម្ដងទៅបានវាចប់រឿង
Very stupit govement of Hun sen…We all khmer people waiting for election is coming soon…so we all khmer will never vote to CPP…
គ ជ ប ចោមិនមានលិទ្ធភាពមិនមានសិទ្វិជាខ្លាក្រដាសក្រោមការបញ្ជាពីជនផ្តាច់ការម្នាក់ប៉ុណ្ណោះ។