ដោយ ខែ សុណង
2014-06-14
RFA
ស្ដាប់ ឬ ទាញយកសំឡេង
ប្រជាពលរដ្ឋរស់នៅក្នុងស្រុកភ្នំស្រួច ខេត្តកំពង់ស្ពឺ ជាង ១០គ្រួសារ បារម្ភថាពួកគាត់នឹងបាត់បង់ដីធ្លីបង្កបង្កើនផល ក្នុងជម្លោះដីធ្លីជាមួយក្រុមហ៊ុនឯកជនមួយ។
ប្រជាពលរដ្ឋទាំងនោះបានអះអាងថា ពួកគាត់បានរងការគំរាមកំហែង និងរារាំងមិនឲ្យដាំដំណាំ និងធ្វើស្រែលើដីរបស់ពួកគាត់ពីសំណាក់ទាហានភូមិភាគ៣ ដែលយាមកាមដីធ្លីឲ្យក្រុមហ៊ុនក្បែរនោះ ដែលពួកគាត់ចោទថា រំលោភដីរបស់អ្នកភូមិ។
ពលរដ្ឋដែលកាន់កាប់ដីដាំដំណាំ និងធ្វើស្រែចំនួន ១៤គ្រួសារ នៅចំណុចពេជ្រសង្វារ ក្នុងឃុំតាំងសំរោង ស្រុកភ្នំស្រួច បានទាមទារឲ្យក្រុមហ៊ុនសុវណ្ណវិវឌ្ឍ ដកកម្លាំងទាហានចេញពីតំបន់នោះ ដែលគេចោទថា ទាហាននោះបានប្រើអំណាចគំរាមកំហែង និងរារាំងអ្នកភូមិ។
បុរសរស់នៅតំបន់ពេជ្រសង្វារ ជាប់ភូមិត្រពាំងកណ្ដោល ឃុំតាំងសំរោង លោក ថោង បូរ៉ា ឲ្យដឹងនៅថ្ងៃទី១៤ មិថុនា ថា រយៈពេល ៣ថ្ងៃជាប់គ្នាហើយដែលកម្លាំងទាហានភូមិភាគ៣ ដឹកនាំដោយ លោក ឃុត សុខុន និងកម្លាំងមួយចំនួនទៀត ជាអ្នកយាមល្បាតដីឲ្យក្រុមហ៊ុនសុវណ្ណវិវឌ្ឍ បានហាមឃាត់មិនឲ្យអ្នកភូមិចូលក្នុងដីរបស់ពួកគាត់ ដើម្បីភ្ជួររាស់ធ្វើស្រែឡើយ ដោយគេអះអាងថា ជាដីរបស់ក្រុមហ៊ុន។ លោកបន្តថា អ្នកភូមិបានចូលទៅរស់នៅ និងកាន់កាប់ដីនោះតាំងពីឆ្នាំ២០០៥ បន្តបន្ទាប់មក ដោយមានអាជ្ញាធរដឹងឮទទួលស្គាល់ ក្នុងទំហំ ១គ្រួសារប្រមាណ ៥ហិកតារ ប៉ុន្តែនៅឆ្នាំ២០១០ ក្រុមហ៊ុននេះបានមកអះអាងថា ជាដីរបស់គេ។ លោកបញ្ជាក់ថា នៅឆ្នាំ២០១២ ក្រុមហ៊ុនដដែលបានរារាំងក្រុមនិស្សិតមិនឲ្យចុះវាស់វែងដីជូនអ្នកភូមិថែមទៀតផង។
«សំឡេង»
ស្ត្រីអ្នកភូមិមួយរូបទៀត គឺអ្នកស្រី ភួង ពៅ ថ្លែងថា វិវាទដីធ្លីនេះពួកគាត់បានរង់ចាំចំណាត់ការពីតុលាការ ដែលពួកគាត់បានដាក់ពាក្យប្ដឹងភាគីក្រុមហ៊ុនសុវណ្ណវិវឌ្ឍ ទៅតុលាការពីបទបំផ្លិចបំផ្លាញទ្រព្យសម្បត្តិពលរដ្ឋ។
«សំឡេង»
វិទ្យុអាស៊ីសេរី មិនអាចទាក់ទង លោក ហេង លីហាន តំណាងក្រុមហ៊ុនសុវណ្ណវិវឌ្ឍ ដើម្បីបំភ្លឺចំពោះបញ្ហានេះបានទេ នៅថ្ងៃទី១៤ មិថុនា។
ប៉ុន្តែ នាយរងការិយាល័យអភិវឌ្ឍន៍ភូមិភាគ៣ លោក ឃុត សុខុន ដែលជាអ្នកមើលការខុសត្រូវលើដីរបស់ក្រុមហ៊ុននេះ បានបដិសេធថា លោកមិនបានគំរាមកំហែងអ្នកភូមិនោះទេ។ លោកថា តាំងពីឆ្នាំ២០១០ មក ដែលលោកឈរជើងនៅទីនោះ ដីធ្លីរបស់ក្រុមហ៊ុនមិនមានពាក់ព័ន្ធនឹងពលរដ្ឋណានោះទេ គឺទើបតែមានការអះអាងថាជាដីរបស់ពលរដ្ឋនៅពេលបច្ចុប្បន្ន។
«សំឡេង»
ទាក់ទងបញ្ហានេះ មេឃុំតាំងសំរោង លោក គង់ សឿន មានប្រសាសន៍ថា លោកទទួលស្គាល់ពលរដ្ឋទាំងនោះ។ លោកថា ពីដើមឡើយលោកស្គាល់តែក្រុមហ៊ុនស្លាតសាណាន តែ១ទេ ដែលទទួលសិទ្ធិអភិវឌ្ឍនៅតំបន់នោះ។ បន្ទាប់មក បែរជាក្រុមហ៊ុនសុវណ្ណវិវឌ្ឍ និងមានក្រុមហ៊ុនជាច្រើនទៀត ដែលចូលអភិវឌ្ឍតំបន់នោះដែរ។ ទន្ទឹមនឹងគ្នានេះ លោកដឹងថា មានពលរដ្ឋខ្លះបានលក់ដីរបស់ខ្លួនទៅឲ្យក្រុមហ៊ុន និងពលរដ្ឋមួយចំនួនក៏មិនបានលក់ឲ្យក្រុមហ៊ុននោះទេ។
«សំឡេង»
កាលពីឆ្នាំ២០១៣ ពួកគាត់បានដាក់ពាក្យប្ដឹងឈ្មោះ ហេង លីហាន តំណាងក្រុមហ៊ុនសុវណ្ណវិវឌ្ឍ ទៅតុលាការចំនួន ២លើក បន្ទាប់ពីផ្ទះអ្នកភូមិត្រូវបានក្រុមហ៊ុននេះដុតបំផ្លាញ និងឈូសឆាយដំណាំ។ ប៉ុន្តែតុលាការមិនទាន់ចាត់វិធានការនោះឡើយ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ជនជាប់ចោទពីបទប៉ុនប៉ងបង្កើតតំបន់អបគមន៍នៅក្រចេះភៀសខ្លួនទៅប្រទេសហូល្លង់ដ៍
- របាយការណ៍៖ ក្រុមហ៊ុនឧកញ៉ា ទ្រី ភាព បង្កផលប៉ះពាល់ដីពលរដ្ឋ៨៤គ្រួសារនៅពោធិ៍សាត់
- អ្នកបឹងកក់និយាយពីការតស៊ូមតិរឿងទំនាស់ដីធ្លីក្នុងរយៈពេល៧ឆ្នាំកន្លងទៅ
- អតីតអ្នកភូមិបឹងកក់បន្តទាមទារសំណងបន្ថែម
- ពលរដ្ឋនៅស្វាយរៀងត្អូញត្អែរពីក្រុមហ៊ុនដាំបង្គោលភ្លើងបង្កឲ្យប៉ះពាល់ទ្រព្យសម្បត្តិ
- ពលរដ្ឋជាង១០០គ្រួសារនៅរតនគិរីគ្រោងតវ៉ារុះរើបង្គោលដីក្រុមហ៊ុនសម្បទាន
- ក្រសួងនិងអង្គការពាក់ព័ន្ធចូលរួមវគ្គបណ្ដុះបណ្ដាលពីអភិបាលកិច្ចដីធ្លី
- ពលរដ្ឋនៅព្រៃវែងផ្ដិតមេដៃប្ដឹងនាយកសាលាចោទថាយកដីវត្តធ្វើជាកម្មសិទ្ធិ
- អ្នកភូមិឡពាងបន្តតវ៉ាដោយបិទផ្លូវជាតិលេខ៥រឿងរំលោភដីគាត់
this was a big mistaken for this HUN SEN government ,every country in the world soldier is taking care of their nation security they not taking care of privet company like this government doing. are these the constitution of our country that HUN SEN stated that he is ruling our nation by law and constitution of our country. all of these we should asking the question to our self .I remember HUN SEN have been saying, he come up to be a leader by the constitution and he will get down by the constitution. the answer is he made constitution himself so he will be a leader forever and after he going hell he still be a leader in hell???????????????????????????????????????????????????????????????????????HAS…………………………THIS GUY DOS’NT NEED THE LAST MINUT FREEDOM OF HIS LIFE