ក្មេងៗជនជាតិខ្មែរទាំងនេះ ត្រូវបានយោធាថៃដឹកបញ្ជូនមកស្រុកខ្មែរវិញជាមួយពលករខ្មែររាប់ម៉ឺននាក់ផ្សេងទៀត។ ម៉ៃ វីរៈ
Tue, 17 June 2014
ម៉ៃ ទិត្យថារ៉ា
ភ្នំពេញប៉ុស្តិ៍
បន្ទាយមានជ័យៈ យ៉ាងហោចណាស់ក៏មានពលករខ្មែរខុសច្បាប់ដែលរបបយោធាថៃចាប់បញ្ជូនឲ្យធ្វើមាតុភូមិនិវត្តន៍ដោយបង្ខំមកប្រទេសកំណើតវិញចំនួន ២ នាក់ទៀតបានស្លាប់ និង ១៨ នាក់ផ្សេងទៀតរងរបួសធ្ងន់និងស្រាល ក្នុងឧបទ្ទវហេតុគ្រោះថ្នាក់ចរាចរណ៍ដែលបានកើតឡើងនៅក្នុង ខេត្តឈុនប៊ូរី ប្រទេសថៃ កាលពីម៉ោង ១០ និង ៤៥ នាទីព្រឹកថ្ងៃ ទី១៥ ខែមិថុនា ស្របពេលដែលចំនួនពលករបញ្ជូនត្រឡប់មកវិញនៅបន្តកើនឡើង។
លោក កុយ គួង អ្នកនាំពាក្យក្រសួងការបរទេសបានឲ្យដឹងថា កាលពីព្រឹកថ្ងៃ ទី១៥ ខែមិថុនា ឆ្នាំ២០១៤ វេលាម៉ោង ១០ និង ៤៥ នាទីមានគ្រោះថ្នាក់ចរាចរណ៍មួយទៀតនៅ ខេត្តឈុនប៊ូរី ប្រទេសថៃ បណ្តាលឲ្យពលករខ្មែរខុសច្បាប់បាត់បង់ជីវិតចំនួន ២ នាក់ដែលក្នុងនោះស្រីម្នាក់និងមានពលករចំនួន ១៨ នាក់ទៀតបានរងរបួស។ លោកថ្លែងថា៖ «មន្ត្រីស្ថានទូតកម្ពុជាបានទៅដល់កន្លែងកើតហេតុ និងបានរកឃើញសាច់ញាតិសពទាំងពីរនេះហើយ ហើយកំពុងរៀបចំបញ្ជូនសាកសពមកកម្ពុជាវិញ»។
លោកឲ្យដឹងទៀតថា ចំពោះអ្នករបួសចំនួន ១៨នាក់ ក្នុងនោះមាន ៩នាក់ របួសស្រាល បានចេញពីមន្ទីរពេទ្យមកកម្ពុជាវិញហើយ។ ចំណែកអ្នករបួសធ្ងន់ចំនួន ៩ នាក់ទៀតកំពុងសម្រាកក្នុងមន្ទីរពេទ្យចំនួន ២ ក្នុង ខេត្តឈុនបុរី ដែលមានមន្ត្រីស្ថានទូតខ្មែរ កំពុងមើលថែ។
លោកបានបញ្ជាក់ថា ក្រៅពីករណីគ្រោះថ្នាក់ចរាចរណ៍នោះក៏មានករណីមួយទៀតកាលពីថ្ងៃ ទី១៤ និង ទី១៥ ខែមិថុនា ឆ្នាំ២០១៤ មានពលរដ្ឋខ្មែរខុសច្បាប់ចំនួន ៣៥នាក់ បានទៅសុំជំនួយពីស្ថានទូតកម្ពុជាក្នុង ទីក្រុងបាងកក ជាបន្តបន្ទាប់ ដើម្បីមកកម្ពុជាវិញ។ លោកបានឲ្យដឹងទៀតថា៖ «ស្ថានទូតបានផ្តល់ម្ហូបអាហារ ការស្នាក់នៅ ព្រមទាំងអាហារសម្រន់ក្នុងពេលធ្វើដំណើរមកកម្ពុជាដល់ពួកគាត់ទាំងអស់»។
សូមរំឭកផងដែរថា កាលពីវេលាយប់ថ្ងៃ ទី១៤ មិថុនា ពលករខ្មែរដែលរបបយោធាថៃចាប់បញ្ជូនមាតុភូមិនិវត្តន៍ដោយបង្ខំចំនួន ៦នាក់ បានស្លាប់ និង ១៣ នាក់ផ្សេងទៀតបានរងរបួសធ្ងន់និងស្រាលក្នុងឧបទ្ទវហេតុរថយន្តបែកកង់ក្រឡាប់នៅលើទឹកដីថៃ ស្ថិតក្នុង ខេត្តឆាក់ឆឺនសៅ។
លោក គោ ស៊ុំសារឿត អភិបាល ខេត្តបន្ទាយមានជ័យ ថ្លែងថា នៅថ្ងៃម្សិលមិញសពទាំង ៦នាក់ ត្រូវបានដឹកមកដល់ទឹកដីកម្ពុជាហើយ នៅម៉ោង ១១ យប់ ហើយក៏បានបញ្ជូនទៅស្រុកកំណើតរបស់គេផងដែរ ដោយមានសពម្នាក់នៅ ខេត្តព្រៃវែង ម្នាក់នៅ បន្ទាយមានជ័យ និង ៤ នាក់នៅ ខេត្តកំពង់ចាម។
លោ ជិន ពិសិដ្ឋ អនុប្រធានទំនាក់ទំនងព្រំដែន កម្ពុជា-ថៃ បានថ្លែងឲ្យដឹងថា រហូតមកដល់ថ្ងៃនេះតាមតួលេខសរុបនៅតាមច្រកសំខាន់ៗ ដូចជានៅកោះកុង ច្រកអន្តរជាតិព្រំ ច្រកអន្តរជាតិដូង ច្រកអន្តរជាតិកំរៀង ច្រកអន្តរជាតិអូស្មាច់ ច្រកអន្តរជាតិបឹងត្រកួន ច្រកអន្តរជាតិប៉ោយប៉ែត មានពលករខ្មែរសរុបជាង ១៧ម៉ឺន នាក់ហើយដែលត្រូវបានបញ្ជូនមកស្រុកខ្មែរវិញ។
លោកថា៖ «បើទោះបីជាចំនួនមានច្រើន ប៉ុន្តែយើងមានរថយន្តគ្រប់គ្រាន់សម្រាប់ដឹកជញ្ជូនពួកគាត់ទៅលំនៅឋានរបស់គាត់វិញដោយពុំមានបញ្ហាអ្វីនោះទេ។ ហើយយើងក៏មានពេទ្យសម្រាប់ព្យាបាលពួកគាត់ដែលមានបញ្ហាសុខភាពផងដែរ»។
លោក អ៊ិត សំហេង រដ្ឋមន្រ្តីក្រសួងការងារ បានថ្លែងថា មានពលករទាំងស្របច្បាប់ និងមិនស្របច្បាប់ចំនួនប្រហែលជា ២០ ម៉ឺននាក់ហើយចំនួនទឹកប្រាក់ដែលគេបានបញ្ជូនថវិកាមកគ្រួសារមានចំនួនប្រហែលជា ២០០ លានដុល្លារ ក្នុងមួយឆ្នាំ។ លោកថា៖ «បញ្ហាពលករនេះមិនមានអ្វីប្រែប្រួលទេចំពោះកិច្ចសហប្រតិបត្តិការរវាងកម្ពុជា និងថៃ ប៉ុន្តែការដែលគេបញ្ជូនពលករនេះគឺជាការបញ្ជូនពលករមិនស្របច្បាប់។ ក្នុងនេះដែរខ្ញុំសូមធ្វើការអំពាវនាវដល់ពលករដែលមានគម្រោងទៅធ្វើការនៅប្រទេសណាក៏ដោយត្រូវទៅដោយស្របច្បាប់។ ការដែលទៅមិនស្របច្បាប់វានាំឲ្យមានភាពងាយរងគ្រោះ ហើយនឹងត្រូវបានគេចាប់បញ្ជូនមកវិញ»។
កាលពីថ្ងៃ ទី១៤ ខែមិថុនា ក្រសួងមហាផ្ទៃបានចេញលិខិតហៅការចាប់បញ្ជូនពលករកម្ពុជារបស់អាជ្ញាធរថៃថា បានធ្វើឡើងយ៉ាងតក់ក្រហល់បំផុត និងពុំបានយកចិត្តទុកដាក់លើសុវត្ថិភាព និងសុខភាពរបស់ពលករខ្មែរនោះទេ។ លិខិតនេះ ក៏អំពាវនាវដល់អាជ្ញាធរមូលដ្ឋានរបស់កម្ពុជា តាមព្រំដែន កម្ពុជា-ថៃ ស្នើរសុំកិច្ចសហការ និងការសម្របសម្រួលពីអាជ្ញាធរខេត្តនៃ ប្រទេសថៃ ដើម្បីឲ្យអាជ្ញាធរខេត្តទាំងនោះជួយសម្រួលដល់ការដឹកជញ្ជូនពលរដ្ឋ ខ្មែរឲ្យត្រឡប់មកកម្ពុជាវិញ ដោយគិតគូរពីសុវត្ថិភាព លក្ខណៈមនុស្សធម៌ និងសិទ្ធិរស់រានមានជីវិតរបស់ពលរដ្ឋ។
លោក មឿន តុលា ប្រធានកម្មវិធីសិទ្ធិការងាររបស់មជ្ឈមណ្ឌលអប់រំច្បាប់សម្រាប់សហគមន៍ បានថ្លែងថា បញ្ហាពលករត្រឡប់មកវិញនេះបានបង្ហាញពីភាពកម្សោយ ឬភាពអាម៉ាស់ របស់រដ្ឋាភិបាល កម្ពុជា ដែលមិនមានលទ្ធភាពផ្តល់ការងារ និងភាពស្របច្បាប់ឲ្យពលរដ្ឋរបស់ខ្លួនដែលទៅធ្វើការនៅក្រៅប្រទេស។
លោកឲ្យដឹងថា៖ «កន្លងមកភាគីថៃបានផ្តល់ឱកាសឲ្យរដ្ឋាភិបាលកម្ពុជា ជួយពលរដ្ឋខ្លួន ឲ្យបានចុះបញ្ជីស្របច្បាប់ ផ្ទេរពីអ្នកគ្មានឯកសារឲ្យទៅជាអ្នកស្របច្បាប់វិញ តាមរយៈការចុះបញ្ជី ប៉ុន្តែរដ្ឋាភិបាលអត់បានជួយឲ្យបានគាត់ចុះបញ្ជីបានគ្រប់ៗគ្នាទេ»។
គណៈកម្មាធិការប្រព្រឹត្តកម្មនៃអង្គការសមាគមការពារសិទ្ធិមនុស្សកម្ពុជា ហៅកាត់ថា CHRAC អំពាវនាវឲ្យរដ្ឋាភិបាលថៃ និងកម្ពុជា គោរពសិទ្ធិពលកររបស់កម្ពុជា ដែលកំពុងបម្រើការងារនៅ ប្រទេសថៃ ហើយរងការចាប់បង្ខំឲ្យត្រឡប់មកកម្ពុជាវិញ ដោយបានទាមទារឲ្យរដ្ឋាភិបាល ថៃ និងរដ្ឋាភិបាលកម្ពុជា អនុវត្តអនុសាសន៍របស់ខ្លួន ដែលត្រូវបានអនុវត្តជាសកលក្រោមច្បាប់អន្តរជាតិ ស្ដីពីសិទ្ធិពលករ និងសិទ្ធិមនុស្ស៕
មើលទៅមុខរបស់ ah ឆ្កែ ka- ចាស់ ហ៊ុន សែន យូរ tov ដូចជាសត្វឆ្កែ, ស្លេក, herm, មាត់ veach ភ្នែក kvac ធ្មេញខូច bak ដែលជានិមិត្តសញ្ញានៃការ vi-neass un-dor-ri-tien ngoab tai-hong ,
pous ធំ, ស្បែកខ្មៅទាំងអស់, chea ជនក្បត់, ព្រៃផ្សៃ, chareuk- toak- tiep
Kadouy mer ah ckhher sam-re ot-om-noy-tien
-គ្រួសាររបស់ vea ទាំងអស់ដូចគ្នា
-mi cho –kadouy ធំ ta pork prouk ប៊ុនរ៉ានី មុខមើលទៅដូច សត្វចម្លែក , khmouch- chhao, toc-ka-ta
=========================
share from friend Facebook
អាខ្វាក់វាស្មានថាយួន លើកតំកើនពូជវា … តាមពិតយួនធ្វើដើម្បី លេបទឹកដីខ្មែរ អោយបាន១០០% ហើយវានឹងសម្លាប់ អាពូជក្បត់ជាតិ អាខ្វាក់ហ៊ុនសែនអោយអស់ …
ព្រោះយួនវាស្អប់ណាស់ពូជអាក្បត់ជាតិ វាមិនទុក នាំចង្រៃទេ…