Tue, 22 July 2014
សេត គឹមសឿន
ភ្នំពេញប៉ុស្តិ៍
ភ្នំពេញៈ នៅពេលថ្មីៗនេះ មានការបញ្ជាក់ឲ្យដឹងថា តារាសម្តែង និងដើរម៉ូដស្រស់សោភា នាង គង់ ច័ន្ទស្រីមុំ និងគូស្នេហ៍ លោក គឹម សីហា កំពុងគិតគូរពីគម្រោងរៀបមង្គលការរបស់ខ្លួននៅក្នុងអំឡុងការឈានចូលមកដល់នៃរដូវអាពាហ៍ពិពាហ៍ឆ្នាំក្រោយនេះ បន្ទាប់ពីពួកគេទាំងពីរទិញបានផ្ទះវីឡាធំទ្រនំខ្ពស់រួមគ្នាកាលពីពេលថ្មីៗនេះ។
បន្ទាប់ពីរស់នៅក្រោមដំបូលផ្ទះតែមួយដោយមិនបានរៀបមង្គលការជាផ្លូវការអស់រយៈពេលជាច្រើនឆ្នាំនោះ នៅពេលនេះ ប្រភពពីអ្នករស់នៅក្នុងសង្គមសិល្បៈបានបង្ហើបឲ្យដឹងថា រឿងរៀបមង្គលការដែលអ្នកណាក៏គិតថាជារឿងសំខាន់បំផុតក្នុងជីវិតនោះ មិនមែន គង់ ច័ន្ទស្រីមុំ និង គឹម សីហា មិនគិតនោះទេ តែពួកគេទំនងមានការតាំងចិត្តយ៉ាងខ្ពស់ថា ពួកគេរៀបមង្គលការនឹងគ្នាលុះត្រាតែស្នេហាពួកគេអាចរកប្រាក់បានច្រើន និងអាចសាងសង់ផ្ទះធំទ្រនំខ្ពស់នឹងគ្នាសិន។
តាមរយៈប្រភពដដែលនោះគេបានឲ្យដឹងថា ឈានដល់ដំណាក់កាលនេះ ទំនងជាដល់ពេលដែលគូស្នេហាដែលសុទ្ធតែជាតារាទាំងពីរនាក់នេះ អាចសាងសុភមង្គលនឹងគ្នាក្នុងនាមជាប្តីប្រពន្ធស្របច្បាប់បានហើយ។ ប្រភពអ្នកសិល្បៈដែលកៀកកិតនឹងតារាស្រីរូបនោះបានឲ្យដឹងបន្តថា នៅពេលនេះ ពួកគេបានសម្រេចបំណងធំហើយ គឺការកសាងទ្រនំដ៏ធំស្កឹមស្កៃនូវផ្ទះវីឡាមួយកន្លែង ដែលគេបានដឹងថាមានតម្លៃប្រហែល៣០ម៉ឺនដុល្លារ ដូច្នេះក៏ជាពេលដែលពួកគេត្រូវងាកមកគិតគូររឿងមង្គលការវិញម្តង ដើម្បីកុំឲ្យខ្មាសមាត់ញាតិ។
ប៉ុន្តែយ៉ាងណានៅពេលនិយាយដល់គម្រោងរៀបការដែលទស្សនិកជន និងអ្នកសិល្បៈបានលើកឡើងខាងលើ គង់ ច័ន្ទស្រីមុំ នៅតែនិយាយដដែលៗថា នៅពេលនេះ នៅមិនទាន់ដល់ពេលដែលនាង និងបុរសជាសង្សារអាចមានលទ្ធភាពកសាងជាគ្រួសារ និងរៀបការបាននៅឡើយនោះទេ។ នាងបានបន្តថា នៅពេលនេះជីវភាពរបស់នាងនៅមិនទាន់មានលំនឹងគ្រប់គ្រាន់នោះទេ។
តារាសម្តែងស្រីដែលល្បីលេងខ្លួនស៊ីវិល័យដាច់គេក្នុងពិភពសិល្បៈនាង គង់ ច័ន្ទស្រីមុំ បាននិយាយថា៖«បើនិយាយពីរឿងរៀបការអីនោះ គឺអត់ទាន់គិតទេ។ ដូចបងឃើញផ្ទះវីឡាទើបសម្ពោធនោះ មិនមែនជារបស់កើតពីកម្លាំងរបស់ខ្ញុំទេ គឺម្តាយរបស់ខ្ញុំ(ម្តាយបង្កើត គង់ ច័ន្ទស្រីមុំ) គាត់ទិញទុកចែកឲ្យកូនៗ ចំណែកពីរនាក់ខ្ញុំអត់ទាន់មានអ្វីជាលំនឹងច្បាស់លាស់ទេ។ ដូច្នេះនៅពេលណា ពួកខ្ញុំមានផ្ទះផ្ទាល់ខ្លួន មានមុខរបរធំដុំនោះ ខ្ញុំនឹងគិតរឿងរៀបការ»។
ជាមួយគ្នានោះនាងបានបញ្ជាក់ថា៖«សម្រាប់ផ្ទះសម្ពោធថ្ងៃមុនអត់មានតម្លៃខ្ពស់ដល់ទៅ៣០ម៉ឺនដូចគេនិយាយនោះទេ។ តម្លៃពិត ផ្ទះនោះមានតម្លៃ១៨ម៉ឺន តែយើងទិញសម្ភារប្រើប្រាស់ផ្សេងដាក់ អ៊ីចឹងសរុបទៅប្រហែលអស់២៣ទៅ២៤ម៉ឺនប៉ុណ្ណឹង»។
ចំណូលរបស់ គង់ ច័ន្ទស្រីមុំ ត្រូវបានគេមើលឃើញថា មានចំនួនច្រើនគួរសមក្នុងមួយខែៗ ពោលគឺគ្រាន់តែប្រាក់ខែរបស់ គឹម សីហា គឺមានចំនួនពី ៥០០០ ទៅ៦០០០ដុល្លារឯណោះ ហើយនៅចំណូល ស្រីមុំ ពី ២០០០ ទៅ៣០០០ទៀត។ ក្រៅពីនោះនាងមានចំណូលពីជំនួញ និងសិល្បៈបន្ថែមទៀត។ ប៉ុន្តែយ៉ាងណា គង់ ច័ន្ទស្រីមុំ នៅតែអះអាងថា ប្រាក់នោះនៅមិនទាន់គ្រប់គ្រាន់សម្រាប់ផ្គត់ផ្គង់ជីវភាពគ្រួសាររបស់នាងឲ្យបានធូរធារនៅឡើយ។ មានការលើកឡើងជាចម្ងល់ថា តើចំណូលប៉ុន្មានទើបគ្រប់គ្រាន់?
ស្រីមុំ បាននិយាយបញ្ជាក់យ៉ាងច្បាស់ថា៖«បងសីហា ប្រាក់ខែគាត់ពី ៥០០០ ទៅ៦០០០ដុល្លារទេ មិនមែន១ម៉ឺននោះទេ តែខែខ្លះបានតែ ២០០០ ទៅ៣០០០ប៉ុណ្ណោះ ព្រោះជាការងារ Online ។ រីឯចំណូលពីការធ្វើជំនួញគឺអត់មានទេ ពេលនេះខ្ញុំបិទអស់ហើយ នៅសល់តែការលក់តាមអ៊ីនធឺណិតប៉ុណ្ណោះ។ ចំណែកការចាយវាយរបស់ខ្ញុំ គឺច្រើនមែនទែន ដូច្នេះនៅពេលនេះចំណូលរបស់ខ្ញុំអត់ទាន់គ្រប់គ្រាន់ទេ»។
តារារូបនេះបានបញ្ជាក់ថា៖«នៅពេលណាខ្ញុំរកបានចំណូលគ្រប់គ្រាន់អាចទ្រទ្រង់ជីវភាព អាចសង់ផ្ទះខ្លួនឯងបាន ពេលនោះខ្ញុំនឹងរៀបការភ្លាមផងដែរ មិនបង្អង់យូរនោះទេ»។
ដើម្បីបំពេញនូវមហិច្ឆតាសាងគ្រួសារមួយដោយខ្លួនឯងនេះ គង់ ច័ន្ទស្រីមុំ បានឲ្យដឹងថា នៅពេលនេះ នាង និងសង្សារកំពុងតែសិក្សាទីផ្សារដើម្បីបើកជំនួញជាថ្មី ហើយសង្ឃឹមថា នាងនឹងទទួលបានជោគជ័យ។
នាងថា៖ «នៅពេលនេះ ខ្ញុំកំពុងតែសិក្សាទីផ្សារមើលថា តើខ្ញុំអាចដំណើរការបាន ឬយ៉ាងណា ព្រោះខ្ញុំនឹងបើកជំនួញឡើងវិញ»៕
បើកជំនួញ Le Kre (on the bed), Ok! Detail info, ask Mi Ny Mollika, Dara Kompoul Hach in Dallas, Tx. She used to sale for $15 K to a Dummy Boy, Bunna K in US. Now, she Kves Ach Krochok Cheung (Toe Nail Cleaner) in Dallas, Tx ……! Good Lack, Neang Tur kon Tapok Thom!
$5000 – $6000 in a month for Khmer country it is very good salary that’s enough to Reap Kar Heuy! what r u waiting 4? Cham Ey Tiat Tov,Kanh Nha? Kar Tov!