ដោយ៖ ណុល ដារ៉ា
ថ្ងៃអង្គារ ទី5 សីហា 2014
http://vodhotnews.com
មើលរូបភាពបន្ថែម
លោក សម រង្ស៊ី ប្រធានគណបក្សសង្គ្រោះជាតិ
ប្រធានគណបក្សសង្គ្រោះជាតិ ជំរុញឲ្យមេដឹកនាំគណបក្សប្រជាជនកម្ពុជា បញ្ឈប់ការប្រើប្រាស់ប្រព័ន្ធតុលាការដើម្បីចាប់ខ្លួនសកម្មជនរបស់បក្សប្រឆាំង ដោយផ្អែកលើស្មារតីនៃកិច្ចព្រមព្រៀងបញ្ចប់វិបត្តិនយោបាយកាលពីថ្ងៃទី២២ ខែកក្កដា។
លោកសម រង្ស៊ី ប្រធានគណបក្សសង្គ្រោះជាតិបានប្រាប់ VOD នៅព្រឹកថ្ងៃអង្គារ ទី៥ ខែកក្កដា នេះថា ប្រសិនបើគណបក្សប្រជាជនកម្ពុជា បន្តគោរពកិច្ចព្រមព្រៀងថ្ងៃ២២ កក្កដា គឺភាពតានតឹងនយោបាយនៅកម្ពុជា នឹងលែងមានទៀតហើយ។ លោកបញ្ជាក់ទៀតថា ការចាប់ខ្លួនសកម្មជនគណបក្សសង្គ្រោះជាតិ ត្រូវតែដោះស្រាយប្រកបដោយយុត្តិធម៌ ហើយលោកសង្ឃឹមថា យុវជនទាំងបីរូបនេះនឹងត្រូវដោះលែងក្នុងពេលឆាប់ៗខាងមុខនេះ។
កាលពីថ្ងៃម្សិលមិញ មានការផ្សព្វផ្សាយថា លោកសម រង្ស៊ី នឹងធ្វើការទាក់ទងទៅឧបនាយករដ្ឋមន្ត្រី ស ខេង ដើម្បីអន្តរាគមន៍ដោះលែង យុវជនទាំងបីរូបរបស់គណបក្សសង្គ្រោះជាតិ ដែលកំពុងឃុំខ្លួននៅពន្ធនាគារព្រៃស។
អ្នកនាំពាក្យក្រសួងមហាផ្ទៃ លោក ខៀវ សុភ័គ ឲ្យដឹងថា ការចាប់យុវជន៣នាក់របស់គណបក្សសង្គ្រោះជាតិ ដែលចោទថា ពាក់ព័ន្ធនឹងហិង្សានៅក្បែរទីលានប្រជាធិបតេយ្យនោះ គឺក្រសួងធ្វើតាមតែតួនាទីតែប៉ុណ្ណោះ។ លោកថា ចំពោះការទម្លាក់បទចោទ ស្ថិតនៅលើស្ថាប័នតុលាការ។
លោក ខៀវ សុភ័គ បញ្ជាក់ថា ចំពោះបេក្ខជនជាប់ឆ្នោតគណបក្សសង្គ្រោះជាតិ៧រូប នឹងត្រូវបានលើកលែងការចោទប្រកាន់ បើអ្នកទាំងនោះចូលស្បថកាន់តំណែងក្នុងរដ្ឋសភា ដើម្បីក្លាយជាតំណាងរាស្ត្រស្របច្បាប់ និងមានអភ័យឯកសិទ្ធិ។
ទោះជាយ៉ាងណា លោក ខៀវ សុភ័គ មិនបានបកស្រាយជុំវិញកិច្ចព្រមព្រៀងរវាងគណបក្សទាំងពីរ ដែលថា អំឡុងពេលចរចាមិនត្រូវឲ្យមានភាពតានតឹង ឬគំរាមកំហែងនោះទេ។
មន្ត្រីឃ្លាំមើលការរំលោភសិទ្ធិមនុស្សរបស់សមាគមអាដហុក លោក នី ចរិយា មានប្រសាសន៍ថា គណបក្សប្រជាជនកម្ពុជាកំពុងប្រើប្រាស់ប្រព័ន្ធតុលាការ ដើម្បីបង្ខំឲ្យគណបក្សសង្គ្រោះជាតិឆាប់ស្បថចូលសភា។ លោកថា ក្រុមដែលប្រើប្រាស់ប្រព័ន្ធតុលាការនេះ អាចប្រឈមនឹងប្រវត្តិសាស្ត្រកម្ពុជាទៅថ្ងៃអនាគត ថាជាអ្នកបំផ្លាញ ឬធ្វើឲ្យខ្ទេចខ្ទាំ នូវលទ្ធផលនៃការចរចារវាងគណបក្សទាំង២ នៅថ្ងៃ២២ ខែកក្កដា ឆ្នាំ២០១៤កន្លងទៅនេះ «ខាងគណបក្សប្រជាជនកំពុងតែប្រើប្រាស់ប្រព័ន្ធតុលាការ ដើម្បីគាបសង្កត់ទៅលើគណបក្សសង្គ្រោះជាតិ ឲ្យចូលស្បថ ដើម្បីបំពេញមុខមាត់រដ្ឋសភា ដោយមិនបានចាប់អារម្មណ៍ទៅលើការកែទម្រង់ ប្រព័ន្ធបោះឆ្នោតមួយឲ្យបានត្រឹមត្រូវ»។
គណបក្សសង្គ្រោះជាតិ នឹងចូលធ្វើសច្ចាប្រណិធាន ឬស្បថនៅចំពោះព្រះភក្រព្រះមហាក្សត្រ នៅម៉ោង៤រសៀលថ្ងៃអង្គារនេះហើយ៕
សូមសរសេរមកលោក ណាត សុភាព តាមរយៈ sopheap@vodhotnews.com
លោកប្រធានដ៏មហិមា,នេះគឺជាការអនុវត្តច្បាប់របស់ប្រទេសសម្រាប់ជនដែលបង្ករការវឹកវរដល់
សង្គម។
ដេកចាំសង្ឃឹមទៅលោកប្រធានសមរង្សី ធ្វើនយោបាយរាប់ទស្សវត្សហើយនៅតែធ្វើមិនយល់ពី នយោបាយបក្សកុំម្មុយនីស្ត៍។ ពួកកុំម្មុយនីស្ត៍បើវាធ្វើអ្វីមិនបានទេគឺពួកវាប្រើយុទ្ធសាស្ត្រកំទេច តែម្តង។ ហើយប្រសិនបើដៃគូរទន់ៗដូចលោកប្រធានសមរង្សីគឺពួកកុំម្មុយនីស្ត៍ដេកហួចតែម្តង។
ចុុះអាមួយនេះវាទើបមកពីណាបានជាឆោតល្ងង់ហើយឡប់យ៉ាងនេះ!!!!
Totally agreed with Choun comment. Communist do whatever they could to gain or stay in power. They don’t care whether in ethically or not, regal or not, whoever think and feel about them. If you trust what they said, people never suffer as you seen till today.
I don’t feel happy at all when CNRP decides to enter the National Assembly before NEC is ready. I don’t have any confidence that NEC will be properly reformed. CPP never wants NEC to be independent at all otherwise she will completely lose in the next election.
បើចាប់វាយ៉ាងម៉េចអាឆ្កែសុី។ មនុស្សល្ងិតល្ងង់ គួរតេបែបនេះហើយ។