ដោយ សុ ជីវី
2014-08-06
RFA
យុវជន នាង សុឃុន ផ្ដល់បទសម្ភាសន៍មុខសាលាឧទ្ធរណ៍ បន្ទាប់តុលាការនេះបដិសេធពាក្យបណ្ដឹងរបស់លោកប្រឆាំងលោក ហ៊ុន សែន នៅព្រឹកថ្ងៃ៧ ឧសភា ឆ្នាំ២០១៤។ RFA/Sochivy
ចៅក្រមសាលាដំបូងរាជធានីភ្នំពេញ លោក កែវ មុនី សម្រេចចេញដីកាបន្តឃុំខ្លួនបណ្ដោះអាសន្ន យុវជនគណបក្សសង្គ្រោះជាតិ ៣នាក់ នៅថ្ងៃទី ៧ ខែសីហា ឆ្នាំ ២០១៤។
ការសម្រេចនេះបានបដិសេធចំពោះសំណើរបស់មេធាវីការពារ និងក្រុមគ្រួសារជនសង្ស័យទាំង៣រូប ដែលបានស្នើឡើងកាលពីដើមសប្ដាហ៍នេះ គឺបន្ទាប់ពីពួកគេត្រូវនាំទៅឃុំខ្លួនបណ្ដោះអាសន្ននៅពន្ធនាគារព្រៃសរង់ចាំការស៊ើបសួរកាលពីថ្ងៃទី២ ខែ សីហា។
ទាក់ទងនឹងករណីនេះ លោក សម រង្ស៊ី ប្រធានគណបក្សសង្គ្រោះជាតិកាលពីថ្ងៃទី ៥ ខែ សីហា បានផ្ញើលិខិតជូន លោក លោក ស ខេង ដោយស្នើអោយដោះលែងសកម្មជនគណបក្សសង្គ្រោះជាតិ ចំនួន៣រូប ដែលអាជ្ញាធរចាប់ខ្លួន ពាក់ព័ន្ធនឹងហិង្សា ដែលកើតមានឡើងក្បែរទីលានប្រជាធិបតេយ្យ កាលពីថ្ងៃទី១៥ ខែ កក្កដា។
យុវជនគណបក្សសង្គ្រោះជាតិទាំង ៣រូបនោះរួមមាន លោក ឃិន ជំរឿន ប្រធានចលនាយុវជនគណបក្សសង្គ្រោះជាតិរាជធានីភ្នំពេញ លោក សាន គីមហេង ប្រធាន ចលនាយុវជនគណបក្សសង្គ្រោះជាតិខណ្ឌទួលគោក និងលោក នាង សុឃុន ហិរញ្ញិកចលនា យុវជនគណបក្សសង្គ្រោះជាតិខណ្ឌច្បារអំពៅ។ ក្នុងចំណោមនោះ យុវជន នាង សុឃុន ត្រូវស្គាល់ថា ជាដើមបណ្ដឹង ដែលបានប្ដឹងលោក នាយករដ្ឋមន្ត្រី ហ៊ុន សែន ដោយចោទប្រកាន់ថា បានធ្វើអោយបាត់បង់កោះត្រល់ និងតំបន់ដែនទឹកមួយចំនួនទៀតទៅអោយប្រទេសវៀតណាម៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- លោក ស ខេង មិនទាន់ឆ្លើយតបនឹងសំណើសុំដោះលែងយុវជនបក្សសង្គ្រោះជាតិ៣នាក់
- សង្គមស៊ីវិល៖ ការបិទនិងបើកទីលានប្រជាធិបតេយ្យជារឿងនយោបាយ
- លោក ហ៊ុន សែន ត្អូញត្អែរថាមិនអាចជួយកូនចៅធ្វើមន្ត្រីបាន
- បក្សប្រជាជនមិនទាន់ព្រមព្រៀងឲ្យប្រធានគណៈកម្មការព្រឹទ្ធសភា៣ដល់បក្សសមរង្ស៊ី
- តើបក្សសង្គ្រោះជាតិបរាជ័យឬជោគជ័យក្នុងការរកយុត្តិធម៌ជូនម្ចាស់ឆ្នោត?
- លោក ហ៊ុន សែន បដិសេធនឹងកាសែតថៃថាចង់លើកកូនប្រុសស្នងតំណែង
- មន្ត្រីបក្សទាំង២ថាការស្បថចូលកាន់តំណែងរបស់បក្សប្រឆាំងជាការផ្សះផ្សាជាតិ
- មតិពលរដ្ឋចំពោះការចូលសច្ចាប្រណិធានរបស់បក្សសង្គ្រោះជាតិ
- សង្គមស៊ីវិលទាមទារឲ្យរដ្ឋាភិបាលបើកទីលានប្រជាធិបតេយ្យឡើងវិញ
. , . , មាន ខ្មែរ ខ្លះ ក្បត់សច្ចះធម៏ ក្បត់ជាតិ ខ្លួនអែង ដោយសារ អ្វី . ? . ដើម្បី អ្វី . ?
ទីលានប្រជាធិបតេយ្យត្រូវបានដោះលែងឲ្យមានសេរីភាពវិញហើយ ក្រោយពីរងព្យុះនិងឥទ្ធិពលនយោបាយ ចុះសកម្មជនបក្សសង្រ្គោះជាតិ៣រូប គ្មានកំហុសសោះ ហេតុអ្វីមិនដោះលែងពួកគាត់ ឲ្យមានសេរីភាពផង???តុលាការអាយ៉ង ក្រោមសម្ពាធអំណាចផ្តាច់ការ!!??
នេះជាល្បិចដែលបក្សប្រ/ជកំពង់តែគំរាមសង្គ្រោះជាតិ គេធ្វើនេះដើម្បីបញ្ជាក់ថា តុលាការនេះមិនស្ថិតនៅក្រោមអំណាចនយោបាយរបស់បក្សប្រជាជនទេ ដែលជាទង្វើដ៏ថោកទាបបំផុត ។
ថ្នាក់ដឹកនាំរបស់ CNRP ដល់កែវស្រាសំប៉ាញ ជាមួយហ៊ុន សែន រីឯថ្នាក់ក្រោមរបស់ CNRP ខំប្រឹងសំលៀងកាំបិត និងដំបងទីបជ័រខាងក្រៅមានដែកចាក់សីុម៉ង់ខាងក្នុងទុកជាអាវុធសំរាប់ប្រយុទ្ធស្លាប់រស់ជាមួយកងសន្តិសុខ ។ សំរុកវាយសំលាប់កងសន្តិសុខសណ្តាប់ធ្លាប់ដូចក្នុងសមភូមិ វាយដេញយួន សៀម ឈ្លានពានទឹកដី ចុងបញ្ចប់ដេកគុក មេៗចូលសភា ។ បើគង់តែគេចោទថា តុលាការអាយ៉ងដដែល ត្រូវរកឱយឃើញស-ខ្មៅ រាប់ទាំងអធិប្បាយលំអិត អំពីរបៀបធ្វើអាវុធ ផែនការចំបាំង និងសកម្មភាពចំបាំង មេបញ្ជាការចំបាំង ព្រោះលឺថា រៀល េខមរិន្ទ និយាយតាមទូរសព្ទ័អបអរសាទរជ័យជំនះនៅសមភូមិ ដោយបានសំលាប់សងសឹកហើយ ។ តុលាការសាកមើល ស្នើសុំដកអភយ័ឯកសិទិ្ធ រៀល ខេមរិន្ទ ចាំមើលសភាគូជមាន់ គូជទា ដូចសម រង្សីុ ធ្លាប់និទានឬទេ?
ដកអភ័យឋកសិទ្ធិ!!! មិនស្រួលដូចការគិតរបស់ជនអគតិឆ្កួតនឹង
អំណាចឡើយ។ល្មមយល់ហើយអាឡប់ តើត្រូវការសម្លេងប៉ុន្មាន?
He and the other 2 men must be released soon!!
ល្មមឈប់ប្រើល្បិចនេះហើយ !