ដោយ៖ ឡាយ សាមាន
ថ្ងៃពុធ ទី20 សីហា 2014
http://vodhotnews.com
មើលរូបភាពបន្ថែម
ដំណើរហែក្បួនរបស់ក្រុមនិស្សិត ព្រះសង្ឃ ឆ្ពោះទៅស្ថានទូតវៀតណាម នាពេលកន្លងមក (រូបថត៖ ញឹម សុខន)
បាតុករខ្មែរដែលធ្វើបាតុកម្មប្រឆាំងអ្នកនាំពាក្យស្ថានទូតវៀតណាម អះអាងថា ពួកគេមិនបោះបង់ការទាមទារឲ្យវៀតណាមសុំទោសនោះទេ បើទោះជាឯកអគ្គរដ្ឋទូតប្រទេសនេះ ត្រូវបានផ្លាស់ប្តូរក៏ដោយ។
ការអះអាងនេះ បន្ទាប់ពីរដ្ឋមន្ត្រីក្រសួងការបរទេសកម្ពុជា លោក ហោ ណាំហុង កាលពីថ្ងៃអង្គារ បានសំណូមពរឲ្យក្រុមអ្នកតវ៉ាផ្អាកការធ្វើបាតុកម្មប្រឆាំងស្ថានទូតវៀតណាម ហើយរង់ចាំមើលការងាររបស់ឯកអគ្គរដ្ឋទូតថ្មីរបស់វៀតណាម ។
អ្នកសម្របសម្រួលសម្ព័ន្ធយុវជនខ្មែរដើម្បីប្រជាធិបតេយ្យ ដែលបានចូលរួមក្នុងជំនួបនោះ អ្នកស្រី សុខ សុធា មានប្រសាសន៍ថា ការធ្វើបាតុកម្មកន្លងមកគឺមិនមែនដើម្បីដេញអ្នកនាំពាក្យទេ តែទាមទារឲ្យមានការសុំទោសជាសាធារណៈ ពីរដ្ឋាភិបាលវៀតណាម និងទទួលស្គាល់ការពិតថា ទឹកដីកម្ពុជាក្រោមជាអតីតទឹកដីរបស់កម្ពុជា។
VOD មិនអាចសុំការឆ្លើយតបបន្ថែមពីអ្នកនាំពាក្យក្រសួងការបរទេសកម្ពុជា លោក កុយ គួង បាននៅឡើយ ដោយទូរស័ព្ទចូលប៉ុន្តែគ្មានអ្នកទទួល។
ប្រធានសហគមន៍ខ្មែរកម្ពុជាក្រោម លោក ថាច់ សេដ្ឋា ប្រាប់ VOD នៅថ្ងៃទី ២០ ខែ សីហានេះថា វាមិនសំខាន់ទេ ក្នុងការផ្លាស់ប្តូរឯកអគ្គរដ្ឋទូតវៀតណាមនោះទេ ព្រោះការធ្វើបាតុកម្មកន្លងមកគឺចង់ឲ្យរដ្ឋាភិបាលវៀតណាមសុំទោសជាសាធារណៈ ពីព្រោះការថ្លែងរបស់អ្នកនាំពាក្យស្ថានទូតនេះជាជំហររបស់វៀតណាម។ លោក បន្តថា ប្រសិនបើមិនមានការឆ្លើយតបជាវិជ្ជមាន ពីស្ថានទូតវៀតណាមក្នុងអំឡុងខែសីហានេះទេ បាតុករខ្មែរនឹងធ្វើបាតុកម្មជាថ្មីទៀត នៅដើមខែក្រោយនេះ ដែលមានលក្ខណៈទ្រង់ទ្រាយធំជាងមុន។
គួរបញ្ជាក់ថា ក្រុមបាតុករដែលមាន ព្រះសង្ឃ យុវជន និងប្រជាពលរដ្ឋបានចេញធ្វើបាតុកម្មជាញឹកញាប់នៅមុខស្ថានទូតវៀតណាម បន្ទាប់ពីមន្ត្រីស្ថានទូតនេះថ្លែងថាទឹកដីកម្ពុជាក្រោមជារបស់ខ្លួនតាំងពីយូរណាស់មកហើយ។ តែទោះជាយ៉ាងណា មន្ត្រីទូតនេះនៅតែមិនចេញមកសុំទោស ឬទទួលញត្តិរបស់បាតុករឡើយ។ ចំណែកមន្ត្រីរដ្ឋាភិបាលកម្ពុជាវិញក៏មិនចេញមុខដោះស្រាយបញ្ហានេះ ដែលបណ្តាលឲ្យបញ្ហានេះអូសបន្លាយមកដល់ពេលបច្ចុប្បន្ន៕
សូមសរសេរមកកាន់លោក ឡាយ សាមាន តាមរយៈ samean@vodhotnews.com
shared from facebook
បញ្ហាចំពោះមុខរបស់ខ្មែរត្រូវការពារ គឺមហិច្ឆតាយួនលេបទឹកដីខ្មែរ !!!
ជាការពិតរឿងបាត់បង់ទឹកដី ជារឿងអាម៉ាស់បំផុតសម្រាប់កូនខ្មែរគ្រប់ៗរូបដែលមិនអាចនៅឱបដៃឈរមើល បណ្តែតបណ្តោយឲ្យអាយ៉ងយួនក្រុម CPP ហ៊ុនសែន ហេងសំរិន ជាសីុម ហោណាំហុង ជាមយាប ឈាងវុន គាតឈុន …សម្លាប់ខ្មែរថែយួន ដោយកាត់ទឹកដីគោកកោះ សម្បទានដីព្រៃព្រឹក្សា សម្បត្តិវប្បធម៌ឲ្យយួន99ឆ្នាំបានទៀតឡើយ ។ ខ្ញំុរ៉ាបិរីម៉ាគីធ្លាប់បានអានឯកសារជាច្រើន មានឯកសាររបស់លោកឆាងយុក្តី ឯកសារមហាបុរសរបស់លោកអេងសុតក្តី សៀវភៅប្រវត្តិសាស្ត្ររបស់លោកត្រឹងងាក្តី ។ល។និង។ល។ សុទ្ធតែបានបញ្ជាក់ច្បាស់ពីល្បិចអាក្រក់របស់យួនកូនចៅហូជីមិញ ក្នុងការលេបយកទឹកដីកម្ពុជាបញ្ចូលជាសហព័ន្ធឥណ្ឌូចិដែលមានយួនជាម្ចាស់សហព័ន្ធ ក៏ដូចជាម្ចាស់ប្រទេសទាំងបី ពិសេសគឺដាំតែអុង ។ ពេលនេះបើខ្មែរមិនព្រមភ្ញាក់រលឹកឲ្យបានទាន់ពេលវេលាទេ ទឹកដីកម្ពុជាកណ្តាលសព្វថ្ងៃនឹងក្លាយជាទឹកដីយួនដូចទឹកដីកម្ពុជាក្រោមមិនខាន ព្រោះទឹកដីឡាវសព្វថ្ងៃបានធ្លាក់ក្នុងកណ្តាប់ដៃយួនទាំងស្រុងហើយ នៅឡើយតែកម្ពុជានេះទេដែលយួនកំពុងប្រើអាយ៉ងរបស់វាគាបសង្កត់ផ្នត់គំនិតកូនខ្មែរឲ្យស្នេហាយួន តាមរយៈចំណងមិត្តភាព ឬសម្ព័ន្ធភាពមុឺនឆ្នាំកម្ពុជា-វៀតណាមនេះឯង ។ មិនមែនខ្ញំុរ៉ាបិរីម៉ាគីស្អប់ខ្ពើមយួនទេ តែវាជាការពិតដែលត្រូវតែភ័យ ត្រូវតែព្រួយបារម្ភសូម្បីរបបកម្ពុជាប្រជាធិបតេយ្យខ្មែរក្រហមប៉ុលពតក៏បានថ្កោលទោសយួនដែលមានមហិច្ឆតាលេបទឹកដីខ្មែរនេះដែរ ។
ផ្លាស់ប្តូរឯកអគ្គរដ្ឋទូតប្រចាំកម្ពុជា គឺជាល្បិចរបស់យួនព្យាយាមគេចវេះពីបញ្ហាបំភ្លៃប្រវត្តិសាស្ត្រទឹកដីកម្ពុជាក្រោម ។