Sat, 23 August 2014
វង្ស សុខេង
ភ្នំពេញប៉ុស្តិ៍
នៅក្នុងវ័យ ៤៥ឆ្នាំ លោក រ៉ុង ឈុន បានចំណាយពេលជិត ២០ឆ្នាំ ហើយ ដើម្បីធ្វើការតស៊ូមតិយ៉ាងសកម្មក្នុងការធ្វើឲ្យប្រសើរឡើងនិងឲ្យមានការគោរពលក្ខខណ្ឌការងារនិងផ្តល់ប្រាក់ខែសមរម្យដល់គ្រូបង្រៀន និងកម្មកររោងចក្រកាត់ដេរ។ ដោយសារតែការងារតស៊ូមតិនៅក្នុងប្រទេសដែលការអនុវត្តច្បាប់នៅមានភាពទន់ខ្សោយ ហើយអាចប្រឈមនឹងគ្រោះថ្នាក់គ្រប់ពេលនោះ លោក រ៉ុង ឈុន បានសម្រេចចិត្តមិនទាន់រៀបការទេ ប៉ុន្តែថា លោកនឹងរៀបការ នៅពេលណាដែលមានការផ្លាស់ប្តូររបបដឹកនាំផ្តាច់ការ។
បុរសកំលោះចាស់ ដែលតែងតែធ្វើការរិះគន់ឥតសំចៃទៅលើចំណុចអវិជ្ជមានរបស់រដ្ឋាភិបាលដោយមិនចេះនឿយហត់រូបនេះ កើតនៅថ្ងៃ ទី១៥ ខែកក្កដា ឆ្នាំ១៩៦៩ នៅ ភូមិចុងកោះតូច ឃុំតាលន់ ស្រុកស្អាង ខេត្តកណ្តាល ដោយមានបងប្អូនបង្កើត ៤នាក់។ ប៉ុន្តែ ឪពុក ម្តាយរបស់លោកបានស្លាប់អស់ហើយ។
លោក ឈុន បានថ្លែងមកកាន់ កម្ពុជាចុងសបា្ដហ៍ នៅក្នុងការិយាល័យរបស់លោកថា ដោយសារតែមានការស្ទាក់ស្ទើរ ឬមិនប្រាកដប្រជា នៅក្នុងឆាកជីវិត ដែលអាចនឹងមានគ្រោះថ្នាក់គ្រប់ពេលក្នុងការបំពេញការងារជាអ្នកតស៊ូមតិនោះលោក បានសម្រេចចិត្តមិនទាន់រៀបការទេ។
នៅមុនរបបខ្មែរក្រហម អំឡុងទសវត្សរ៍ ៦០ លោក រ៉ុង ឈុន ស្ថិតក្នុងវ័យកុមាររៀនសូត្រនៅក្នុង ភូមិចុងកោះតូច។ នៅក្នុងរបបខ្មែរក្រហមលោក ឈុន មិនបានរៀនសូត្រអ្វីទេ ហើយនៅក្រោយពេលដែលរបបខ្មែរក្រហម ត្រូវបានផ្តួលរំលំក្នុង ឆ្នាំ១៩៧៩ ទើបលោកបានចូលរៀនវិញ។ លោកនិយាយថា៖ «ខ្ញុំរៀននៅសាលាបឋមសិក្សា តាលន់ នៅក្នុងរបបសាធារណរដ្ឋប្រជាមានិតកម្ពុជា បន្ទាប់មកបានចូលមធ្យមសិក្សាកម្រិតមួយ (ស្មើអនុវិទ្យាល័យ) បីឆ្នាំក្រោយមកបានប្រឡងចូលមធ្យមសិក្សាកម្រិតពីរ (វិទ្យាល័យ) ចប់សញ្ញាបត្រមធ្យមសិក្សាកម្រិតពីរ (មធ្យមសិក្សាទុតិយភូមិ) ប្រឡងចូលសាកលវិទ្យាល័យភ្នំពេញ ឆ្នាំ១៩៨៦ ចាប់យកមុខវិជ្ជាគណិតវិទ្យា»។
លោកបានបញ្ចប់ការសិក្សានៅសាកលវិទ្យាល័យក្នុង ឆ្នាំ១៩៩៣ ទើបវិលត្រឡប់ទៅវិទ្យាល័យស្អាង បង្រៀនផ្នែកគណិតវិទ្យា គឺចាប់ផ្ដើមបង្រៀនពីថ្នាក់ ទី១០ ដល់ថ្នាក់ ទី១២ រហូតដល់ ឆ្នាំ១៩៩៦។ លោក ឈុន បានថ្លែងថា ក្រោយមកនៅចុង ឆ្នាំ២០០១ លោកបានផ្ទេរមកធ្វើការនៅក្រសួងអប់រំ ហើយក្រសួងក៏បានបញ្ជូនលោកមកនាយកដ្ឋានស្រាវជ្រាវវិទ្យាសាស្រ្តរហូតដល់សព្វថ្ងៃ ហើយក៏នៅតែជាមន្រ្តីក្រសួងអប់រំនៅក្នុងការិយាល័យដោយមិនមានតួនាទីអ្វីទេ គ្រាន់តែមន្រ្តីធម្មតា។ ដោយមើលឃើញពីភាពអយុត្តិធម៌ និងការគាបសង្កត់នៅក្នុងសង្គមនា ឆ្នាំ១៩៩៥ លោកបានចាប់ផ្ដើមចូលរួមតស៊ូមតិ នៅក្នុងសង្គម ដែលចាប់ផ្ដើមនៅក្នុងវិទ្យាល័យស្អាង ដោយការពារសិស្សនិងគ្រូបង្រៀន ហើយពេលនោះ ក៏ឆ្លៀតពេលថ្ងៃសៅរ៍ និងថ្ងៃអាទិត្យ បម្រើការងារនយោបាយឲ្យគណបក្សជាតិខ្មែរផងដែរ ព្រោះចង់ឲ្យមានការផ្លាស់ប្ដូរនៅក្នុងសង្គម។
លោកបានបម្រើការងារនៅក្នុងខុទ្ទកាល័យគណបក្ស សម រង្ស៊ី ក្នុង ឆ្នាំ១៩៩៧។ ចាប់តាំងពីពេលនោះមក លោកបានចំណាយពេលយ៉ាងច្រើនសម្រាប់សកម្មភាពនយោបាយរហូតដល់ ឆ្នាំ១៩៩៨ លោកបានព្យួរការបង្រៀនដើម្បីរៀបចំដឹកនាំកម្មករទាមទារប្រាក់ឈ្នួលធ្វើយុទ្ធនាការជួយស្វែងរកការគាំទ្រឲ្យគណបក្ស សម រង្ស៊ី និងរៀបចំសហជីពសេរីកម្មករនៃព្រះរាជាណាចក្រកម្ពុជា។
លោកបញ្ជាក់ថា៖ «បន្ទាប់ពីការបោះឆ្នោត (ឆ្នាំ១៩៩៨) ហើយខ្ញុំត្រឡប់ទៅបង្រៀនវិញ។ ទន្ទឹមនោះដែរ នៅតែបន្តពង្រឹងចលនាសហជីព។ ពេលដែលយើងធ្វើសកម្មភាពជួយសង្គមតាមរយៈសហជីព យើងឃើញថា កម្មករមានការផ្លាស់ប្ដូរបើប្រៀបធៀបទៅនឹង ឆ្នាំ១៩៩៥ ដែលប្រាក់ឈ្នួលរបស់កម្មករទទួលបានប្រហែល ២៦ដុល្លារ ប៉ុណ្ណោះក្នុងមួយខែ ហើយនៅពេលមានចលនាសហជីពចូលទៅក្នុងជួររោងចក្រ ឃើញថា ទាំងសេរីភាពនិងលក្ខខណ្ឌការងារ និងប្រាក់ឈ្នួលត្រូវបានផ្លាស់ប្ដូរជាបន្តបន្ទាប់»។ លោក រ៉ុង ឈុន ក៏បានចាប់ផ្ដើមបង្កើតសមាគមគ្រូបង្រៀនកម្ពុជាឯករាជ្យ។ លោកមានប្រសាសន៍ថា៖ «នៅខែ ៣ ឆ្នាំ២០០០ ខ្ញុំនិងលោក ជា វិជ្ជា អតីតប្រធានសហជីពសេរីកម្មករ ដែលត្រូវបានគេបាញ់សម្លាប់បានរៀបចំសិក្ខាសិលា ដើម្បីបង្កើតសមាគមគ្រូបង្រៀន។
យើងបង្កើតបានសមាគមគ្រូបង្រៀនកម្ពុជាឯករាជ្យ។ ខ្ញុំត្រូវបានគ្រូបង្រៀន រើសឲ្យធ្វើជាប្រធានសមាគមនាពេលនោះរហូតដល់បច្ចុប្បន្ន ហើយបានធ្វើសកម្មភាពជួយគ្រូបង្រៀន កម្មករ និងពលរដ្ឋ»។ នៅក្នុងការចូលរួមតស៊ូមតិ ទាក់ទងនឹងលក្ខខណ្ឌការងារគ្រូបង្រៀន ប្រាក់ខែគ្រូបង្រៀន និងប្រាក់ឈ្នួលកម្មករ និងសិទ្ធិសេរីភាព «បើយើងមិនហ៊ានប្រឈម នោះយើងមិនមែនជាអ្នកតស៊ូមតិទេ ដោយសារតែរឿងអយុត្តិធម៌ ទើបយើងហ៊ានលះបង់គ្រប់បែបយ៉ាង ទោះបីជាមានការប្រឈមបែបណាក៏ដោយ ព្រោះយើងចង់ឲ្យសង្គមមួយមានការគោរពសិទ្ធិមនុស្ស មាននីតិរដ្ឋ និងមានប្រជាធិបតេយ្យ»។
កាលនៅរៀនលោក រ៉ុង ឈុន មិនដែលគិតពីការតស៊ូមតិអ្វីទេ តែដោយសារតែមានការគាបសង្កត់ ដោយអយុត្តិធម៌ ទើបលោកសម្រេចចិត្តចូលប្រឡូកក្នុងការតស៊ូមតិនៅ ឆ្នាំ១៩៩៣។ «ប្រាក់ខែតិច បើកមិនទៀងទាត់ មិនទាន់ពេលវេលា យើងគិតថា មិនអាចទទួលយកបានទេ ត្រូវតែមានការតស៊ូមតិ គោលបំណងរបស់យើងមិនចង់ផ្ដួលនរណានោះទេ យើងចង់ឲ្យមានការកែលម្អ»។ លោកបានថ្លែងទៀតថា អ្វីដែលលោកបានធ្វើគឺទទួលបានផលច្រើន ដូចជាករណីមន្រ្តីរាជការកន្លងមក ដែលមិនទាន់មានចលនាតស៊ូមតិ ពេលនោះប្រាក់ខែ ៣ខែ បើកឲ្យមួយខែដល់ពេលមានសមាគមបានកាត់បន្ថយរហូតដល់ពេលនេះភាគច្រើនគឺបានបើកទាន់ពេលវេលា។
លើសពីនេះ បើមិនមានការតវ៉ាទេ ប្រាក់ខែក៏មិនត្រូវបានរដ្ឋាភិបាលដំឡើងដែរទាំងមន្ត្រីរាជការទាំងគ្រូបង្រៀន ទាំងកម្មករ បើទោះបីជាការដំឡើងនៅមិនទាន់ដល់កម្រិត ដែលអាចឲ្យគ្រូបង្រៀន មន្ត្រីរាជការ និងកម្មករអាចរស់នៅបានក្នុងកម្រិតជីវភាពសមរម្យក៏ដោយ។ លោកបញ្ជាក់ទៀតថា៖ «ចំណុចដែលយើងទទួលបានផលធំធេងមួយទៀតនោះ តាមរយៈយើងចុះអប់រំ ដោយឲ្យគ្រូបង្រៀន ជួយធ្វើសកម្មភាពដល់សិស្សនិងប្រជាពលរដ្ឋផងនោះ សន្ទុះដែលយើងនឹកស្មានមិនដល់គឺនៅថ្ងៃ ទី២៨ ខែកក្កដា ឆ្នាំ២០១៣ ប្រជាពលរដ្ឋបានបោះឆ្នោតទៅតាមឆន្ទៈ រហូតដល់មានអ្នកហ៊ានរិះគន់រដ្ឋាភិបាល និងគណបក្សប្រឆាំង ដែលទាំងនេះហើយជាលទ្ធផលនៃការតស៊ូមតិ»។
«យើងឃើញថា តាមរយៈលទ្ធផលនៃការបោះឆ្នោត ប្រជាពលរដ្ឋចាប់ផ្ដើមហ៊ាននិយាយត្រង់ៗ ចំៗ ហ៊ានតវ៉ា ដែលកាលពីមុនធ្លាប់មានតែពួកខ្ញុំពីរបីនាក់ប៉ុណ្ណោះ»។ លោក រ៉ុង ឈុន បញ្ជាក់ថា នាពេលបច្ចុប្បន្ន ទាំងប្រជាពលរដ្ឋ ទាំងគ្រូបង្រៀន និងកម្មករមិនមានសន្តិភាពនៅក្នុងផ្លូវចិត្តទេ ដោយសារតែរឿងអយុត្តិធម៌ក្នុងសង្គម ដោយសារតែការរំលោភលើសិទ្ធិលំនៅឋាន ដូចជា ពលរដ្ឋនៅ ភូមិឡពាង ការបំផ្លាញធនធានធម្មជាតិ បានផលទៅលើតែអ្នកមានអំណាច និងបក្ខពួករបស់ពួកគេ តុលាការមិនយុត្តិធម៌។ លោកនិយាយដោយទឹកមុខស្មើថា៖ «បុគ្កលខ្ញុំ មិនទទួលបានផលប្រយោជន៍អ្វីទេ ក្រៅពីកេរ្តិ៍ឈ្មោះ ដែលលះបង់ដើម្បីការពារអ្នកទន់ខ្សោយ តាមរយៈការតស៊ូមតិ។ ការលះបង់របស់ខ្ញុំ សរុបទៅគឺដើម្បីប្រយោជន៍រួម»។ បើតាមលោក ឈុន នៅពេលនេះសមាគមគ្រូបង្រៀនរបស់លោក មានគ្រូជាសមាជិកចំនួន ១៥០០០ នាក់ និងមានសាខានៅ ២១ ខេត្ត-ក្រុង។ លោក ឈុន ក៏ជាប្រធានសហព័ន្ធសហជីពកម្ពុជា ដែលមានសហជីពចំនួន ៦ និងមានកម្មករជាសមាជិកចំនួន ៣៥០០០ នាក់ផងដែរ។
ទាក់ទងនឹងជីវិតរបស់លោកក្នុងពេលអនាគត លោកបញ្ជាក់ថា៖ «ខ្ញុំអាចនឹងចូលឆាកនយោបាយដើម្បីបម្រើជាតិ បើពេលវេលាដល់តែពេលនេះខ្ញុំគ្រាន់តែចង់ជួយគ្រូបង្រៀនឲ្យទទួលបានលក្ខខណ្ឌការងារនិងប្រាក់ឈ្នួលសមរម្យ»។ ក្រៅពីការតស៊ូមតិដើម្បីធ្វើឲ្យមានភាពប្រសើរឡើងចំពោះគ្រូបង្រៀន និងកម្មករ លោក ឈុន ក៏ជាអ្នកតស៊ូមតិយ៉ាងខ្លាំងក្លា ចំពោះបញ្ហាព្រំដែនខាងកើត ដែលមជ្ឈដ្ឋានជាច្រើនដឹងឮជាទូទៅថា តែងតែត្រូវបានឈ្លានពានដោយប្រទេសវៀតណាម ផងដែរ។ លោក ឈុន បានរំឭកថា នៅថ្ងៃ ទី១០ ខែតុលា ឆ្នាំ ២០០៥ ថ្នាក់ដឹកនាំរាជរដ្ឋាភិបាលបានទៅ ទីក្រុងហាណូយ ដើម្បីចុះកិច្ចព្រមព្រៀងលើសន្ធិសញ្ញាបំពេញបន្ថែមស្ដីពីបញ្ហាបូរណភាពដែនដី ឆ្នាំ១៩៨៥ ជាមួយភាគីវៀតណាម។ ក្នុងនាមជាសមាជិកម្នាក់នៃក្រុមប្រឹក្សាឃ្លាំមើលកម្ពុជា លោក ឈុន មើលឃើញថា សន្ធិសញ្ញា ឆ្នាំ១៩៨៥ នេះធ្វើឲ្យបាត់បង់ទឹកដីកម្ពុជា ពីព្រោះជាសនិ្ធសញ្ញាដែលត្រូវបានចុះដោយទ្វេភាគីក្នុងទសវត្សរ៍ ៨០ ខណៈដែលកម្ពុជាស្ថិតនៅក្រោមការត្រួតត្រារបស់ វៀតណាម ហើយសន្ធិសញ្ញានេះទៀតសោត ត្រូវបាននិរាករណ៍ដោយកិច្ចព្រមព្រៀងសន្តិភាព ទីក្រុងប៉ារីស ថ្ងៃ ២៣ តុលា ឆ្នាំ១៩៩១ រួចទៅហើយ។
ដោយសារតែធ្វើការរិះគន់ឥតសំចៃ ទៅលើបញ្ហាព្រំដែន កម្ពុជា រៀតណាម ដែលតែងតែមានភាពរសើបយ៉ាងខ្លាំងនេះ នៅថ្ងៃ ទី១៥ ខែតុលា ឆ្នាំ២០០៥ លោក ឈុន ត្រូវបានរដ្ឋាភិបាលចាប់ដាក់ពន្ធនាគារព្រៃស។ «ខ្ញុំត្រូវគេចាប់ដាក់គុក ខ្ញុំជាប់គុកព្រៃស អស់រយៈពេល ៩៦ថ្ងៃ ដោយសារបញ្ហាបូរណភាពទឹកដី»។ ក្រៅពីជាប់ពន្ធនាគារ លោក ឈុន ក៏តែងតែទទួលរងនូវការគំរាមកំហែងជាច្រើនផងដែរ។ លោក ឈុន ក៏ចង់រៀបការមានប្រពន្ធ មានកូន មានក្រុមគ្រួសារដែលមានភាពកក់ក្តៅ គ្រាន់ជាទីពឹងដូចបុរសដទៃទៀតដែរ ក៏ប៉ុន្តែលោកបញ្ជាក់ថា៖ «ខ្ញុំនឹងរៀបការនៅពេលដែលធ្វើការផ្លាស់ប្តូររបបដឹកនាំបែបផ្តាច់ការសព្វថ្ងៃនេះបាន»៕
សូមសរសើរអស់ពីដួងចៃ អោយសារបងអាចសូរទ្រាំមិនយកប្រពន្ឋបាន៕
He is a symbol Hero for khmer teachers .
He is Hero of Khmer teachers .
របបដឹកនាំផ្តាច់ការ Pol Pot ត្រូវបានបំផ្លាញដោយគណបក្សប្រជាជនកម្ពុជា។ ឥឡូវនេះ លោករ៉ុង ឈុនចង់ឱ្យរបបនេះត្រឡប់មកវិញម្តងទៀតឬ?
Good person i love him
All the best !!
Phnom Penh Post is good for writing this article. However, I was wondering how could Mr. Rong Chhun passed his year 12 exams in 1986. It seemed impossible that anyone could finish year 12 after attending school for only 7 years (from 1979 – 1986). It’d be good if the writer of this article check the fact before publishing it.
Hope Mr. Vong Sokheng respond to my question.
Chheers,
មិនមែនមានតែលោកនោះទេខ្ញុំក៍រង់ចាំការប្តូររបបសេរីពិតប្រាកដមកដល់ទើបខ្ញុំរៀបការដែរ។ ព្រោះ បើរៀបការនៅសម័យបច្ចុប្បន្នគឺគ្មានសប្បាយអីនោះទេមួយថ្ងៃៗឮតែហឹង្សារ ប្រជាជនយុំស្រែក ។ល។និង។ល។តើឲ្យសប្បាយម្តេចកើត។
ឣាមួយនេះឣាយុទើប៤៥ជ្រីវជ្រួញធ្លាក់ភ្នែកជាងមនុស្សឣាយុ៦០ទៀតវ៉ើយ! កាលមុនឣញស្មានតែវាឣាយុ្
ខ្ទង់ក្បែ៦០តើ! គួរឲ្យចម្លែកគឺមិនទាន់រៀបការ បើតាមយោបល់របស់ឣញបានជានៅដល់ប៉ុណ្ណឹងហើយ
បង្ហួសបណ្តោយទៅឣាឣ្ហើយ! បានជាខំទ្រាំរហូតដល់មុខដូចក្តក្រឡិតឣញ្ចឹងទៅហើយ ប្រឆឹកដៃជំនួស
វិញទៅវាមិនខ្វល់កើតរោគផង។ បើមើលទៅមាន២ក្បាលដែរតើក្នុងនេះ ល្មមប្រវាស់ដៃគ្នានហើយវ៉ើយ
ព្រោះឈ្មោះក៏ស្រដៀងគ្នាផងដែរ។ មិនដឹងថាមុខឣាម្នាក់ទៀតដូចជាឣ្វីដែរ ម៉េចម៉ាកុំមុខដូចក្តតាចាស់
ចុះ។
ឣាមួយនេះឣាយុទើប៤៥ជ្រីវជ្រួញធ្លាក់ភ្នែកជាងមនុស្សឣាយុ៦០ទៀតវ៉ើយ! កាលមុនឣញស្មានតែវាឣាយុខ្ទង់ក្បែរ៦០តើ! គួរឲ្យចម្លែកគឺមិនទាន់រៀបការ បើតាមយោបល់របស់ឣញបានជានៅដល់ប៉ុណ្ណឹងហើយ
បង្ហួសបណ្តោយទៅឣាឣ្ហើយ! បានជាខំទ្រាំរហូតដល់មុខដូចក្តក្រឡិតឣញ្ចឹងទៅហើយ ប្រឆឹកដៃជំនួស
វិញទៅវាមិនខ្វល់កើតរោគផង។ បើមើលទៅមាន២ក្បាលដែរតើក្នុងនេះ ល្មមប្រវាស់ដៃគ្នានហើយវ៉ើយ
ព្រោះឈ្មោះក៏ស្រដៀងគ្នាផងដែរ។ មិនដឹងថាមុខឣាម្នាក់ទៀតដូចជាឣ្វីដែរ? ម៉េចម៉ាកុំមុខដូចក្តតាចាស់
ចុះ។
រឿងបុគ្គល ខំប្រឹងធ្វើជារឿងរួម និងរឿងវីរជន! យកបាតុកម្មធ្វើអាជីកម្ម តែក៏មានចំនុចល្អមួយចំនួនដែរ បានជួយគាំទ្រ CPP ឱយមានពត៌មានកាន់តែប្រសើសំរាប់ការដឹកនាំរបស់ខ្លួន ។
ព្រះវិហារអាចម៍
បរិមី ព្រ:វិហារ is very stupid and sick in the mind plus having bad idea for Khmer
He could be the following:
1- Youn Spy
2-Youn who knows Khmer
3-Youn slave
4-Hun Sen crony
5-Hun Sen family and or relative
6- Crooked and corrupted man who benefit from Hun Sen regime
Get lost asshole
I really appreciate his struggle for the cause of the whole country.
May God be with him and protect him from all dangers!!
CNRP ត្រូវតែដាក់បញ្ចូលបេក្ខភាពតំណាងរាស្ត្ររបស់គាត់នៅអាណត្តិក្រោយ ហើយលប់បំបាត់បក្សពួកនិយម គ្រួសារនិយមក្នុងបក្ស ដោយជ្រើសរើសយកអ្នកតស៊ូពិតប្រាកដទើបបក្សខ្លាំង ។ កុំយកតម្រាប់តាមCPP និងក្រុមព្រះ !!!!
សូមស្នើដាក់បេក្ខភាពគាត់ ទើបមានសម្លេងគាំទ្រខ្លាំងជាងនេះ!!!!
តំណាងរាស្ត្របច្ចុប្បន្នរបស់ CNRP មានអ្នកខ្លះដូចជាមិនសក្តិសមទេ !!!!!!!!! សូមពិនិត្យឡើងវិញ!!!
ចុះហេតុអីមេបក្សសង្រ្គោះជាតិ សម រង្សី មិនរកមុខតំណែងមួយឲវិរះបុរស ស្នេហាជាតិសែ ឈុន បានធ្វើជាតំណាងរាស្ត្រឬក៏ស្អីមួយនិងគេពី
ព្រោះខ្លួនបានចូលស្នេហានយោបាយតាំងតែពីឆ្នាំ១៩៩៧ជាមួយបក្ស សម រង្សី មកទល់សព្វថ្ងៃនេះសុកចិត្តមិនយកប្រពន្ធក៏ព្រោះតែការស្នេហាជាតិបុ៉ណ្ណិងហើយនូវតែលោកមេបក្សមើលមិនឃើញទៀតហ្ន ?