ដោយ៖ ជន ស្រីណុច
ថ្ងៃសុក្រ ទី29 សីហា 2014
http://vodhotnews.com
ស្តាប់សំឡេង៖ |
ចម្លងទុក |
មើលរូបភាពបន្ថែម
ទិដ្ឋភាពសិស្សដែលប្រលងធ្លាក់ថ្ងៃប្រកាសលទ្ធផលប្រឡងសញ្ញាបត្រទុតិយភូមិ នៅមណ្ឌលវិទ្យាល័យបឹងកេងកង (រូបថត៖ Krishan)
ក្រសួងអប់រំ យុវជន និងកីឡា ប្រកាសថាបេក្ខជនជាប់ជាស្ថាពរនៃការប្រឡងថ្នាក់ទី១២ មានចំនួន២៣១២៦នាក់ ស្មើនឹង២៥,៧២ភាគរយតែប៉ុណ្ណោះ បើប្រៀបធៀបនឹងឆ្នាំ២០១៣ មានទៅដល់៨៦,៧៧ភាគរយ។
ប៉ុន្តែក្រុមសិស្សមួយចំនួនដែលធ្លាក់ក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំ២០១៤នេះ បន្ទោសថា មកពីក្រសួងអប់រំរិតបន្តឹងខ្លាំងពេក ។
យុវតីពុទ្ធនី មកពីសាលាឯកជន ប៊ែលធី ដែលប្រឡងនៅមណ្ឌលជាស៊ីមបឹងកេងកង និយាយថាខ្លួនមានការសោកស្តាយយ៉ាងខ្លាំង ខណៈខ្លួនបានខំប្រឹងប្រែងរៀនសូត្រ មិនបានសម្រាក តែលទ្ធផលត្រូវធ្លាក់ ។ យុវតីរូបនេះបន្តថា នេះដោយសារតែការប្រឡងមានលក្ខណៈតឹងតែងខ្លាំងពេក តែខ្លួននៅតែមានសង្ឃឹមលើការប្រឡងម្តងទៀត ។
ជាមួយគ្នានេះដែរយុវតីពីនាក់ទៀតមកពីសាលាឯកជនប៊ែលធី និងវិទ្យាល័យទួលទំពូង សុំមិនបញ្ចេញឈ្មោះ និយាយថាពួកគេមានការរន្ធត់ចិត្ត នៅពេលដែលលទ្ធផលចេញបែបនេះ តែទោះជាយ៉ាងណាពួកគេនឹងត្រៀមខ្លួនប្រឡងជាថ្មីទៀត ។
ដោយឡែកសិស្សដែលប្រឡងជាប់ដោយតឹងតែងនេះ យុវតី ស៊ុន សិរីនីតា និង សួស សៀវហ៊ុយ មកពីវិទ្យាល័យ ទួលទំពូង សំដែងការត្រេកអរ បើទោះបីជាពួកគេទទួលបានលទ្ធផលនិទ្ទេស E ក៏ដោយ ហើយថាពួកគេនឹងរៀនបន្តនៅមហាវិទ្យាល័យ។
តំណាងសម្ព័ន្ធគណនេយ្យភាពសង្គម អាស៊ីបូព៌ា និងប៉ាស៊ីហ្វិក លោក សន ជ័យ មានប្រសាសន៍ថា ចំពោះលទ្ធផលប្រឡងថ្នាក់ទី១២ ឆ្នាំនេះ គឺជោគជ័យក្នុងការកែទម្រង់ប្រព័ន្ធអប់រំ ។ លោកគាំទ្រ ការឲ្យមានប្រលងលើកទីពីរចំពោះអ្នកដែលធ្លាក់ តែថាមិនគួរជាគំរូទៅឆ្នាំក្រោយៗទេ ។
សេចក្តីប្រកាសព័ត៌មានរបស់ក្រសួងអប់រំ ឲ្យដឹងថា សិស្សប្រឡងថ្នាក់ទី១២ មានចំនួន៨៩៩៣៧នាក់។ បេក្ខជន ជាប់និទ្ទេស A សរុប១១នាក់ គឺ៣នាក់នៅភ្នំពេញ និង ៨នាក់ទៀតនៅតាមខេត្ត។
រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួន ណារ៉ុន ប្រកាសថាក្រសួងនឹងរៀបចំឲ្យមានការបង្រៀនដល់សិស្សក្រីក្រ ដែលប្រឡងធ្លាក់បាក់ឌុប ដើម្បីត្រៀមខ្លួនសាជាថ្មីក្នុងការប្រឡងលើកទី២ ដែលគ្រោងនឹងត្រូវធ្វើឡើងនៅថ្ងៃទី១៣ ខែតុលាខាងមុខ។ លោកបន្តថា ចំពោះសិស្សប្រឡងថ្នាក់ទី១២ធ្លាក់ ក្រសួងមានគម្រោងធ្វើជាមេរៀន ដើម្បីជួយដល់សិស្សក្នុងការរៀនសូត្រ ដើម្បីប្រឡងលើកទីពីរជាប់៕
សូមសរសេរមកកាន់កញ្ញា ជន ស្រីណុច តាមរយៈ chornsreynoch@vodhotnews.com
បើរិតបណ្តឹងជាងនេះទៀតកាន់តែល្អ។
អាឆ្កែ. គេបន្តឹង. កុំអោយលួចមើល. ឬសូកលុយសោះ.
១. ហេតុអ្វី សម័យសម្តេចជោរហ៊ុនសែនសិស្សប្រឡង់ធ្លាក់ច្រើនម្ល៉េះ? តើមកពីកត្តាអ្វី?
២. ខ្ញុំក៍ធ្លាប់រៀនដែរ ហើយធ្លាប់មានអារម្មណ័ជាសិស្សដែរ!! កត្តាសំខាន់ គឺ អយុត្តិធម៌នៃសង្គមហ៊ុនសែន ឬអាចនិយាយបញ្ច្រាសទៅវិញថា អត់អោយតម្លៃអ្នករៀនទេ!! អោយតម្លៃតែបក្ខពួកគ្រួសារហ៊ុនសែនប៉ុណ្ណោះ នេះជាសច្ចៈភាពដែរយើងទាំងអស៉គ្នាសុទ្ធតែដឹងឮ?
៣. ឥឡូវមកប៉ះរដ្ឋមន្រ្តីអប់រំស្ទាវ គ្មានបទពិសោធន័ពីសច្ចះភាពនៃសង្គមហ៊ុនសែន បានមកហែកខោហ៊ុនសែនអោយគេឃើញពងគ្រប់គ្នា! ព្រះអើយធ្លាក់ដល់ក មិនដែលមានទេលើលោក!!
៤. ពង្រឹងគុណភាព អ្នកពូកែជាប់! ចំណែកអ្នកខ្សោយធ្លាក់ នេះជាជោគជ័យដ៍មហាលោតផ្លោះមហាអស្ចារ្យ!!
៥. ស្រាប់តែមានប្រឡងបាក់ឌុបលើកទី២ ដើម្បីចម្រាញ់សិស្សគ្មានគុណភាពអោយជាប់ដែរ!! ម្តាយអើយ !!!
http://Www.Johcom .kh
មាសសុទ្ធមិនខ្លាចភ្លើង បើយើងមានសមត្តភាពខ្លាចអីប្រលងប៉ុនហ្នឹង
បើទោះជាគ្មានសញ្ញាប័ត្រមធ្យមសិក្សាក៏អាចកាន់តំណែងជានាយករដ្ផមន្ត្រីនិងជាប្រធានសភាបាន
តើ???ចាំបាច់យំតូចចិត្តធ្វើអ្វី??????
កុំបន្ទោសក្រសួងអី មកពីយើងមិនប្រឹងរៀន…!
ខ្ញុំគាំទ្រ អោយមានការប្រលងរបៀបនេះជារៀងរហូត ខ្ញុំមិនថា តឹងតែងអីទេ អោយតឹងជាងនេះទៀត រឹតតែល្អ..់លោករដ្ឋមន្រ្តីថ្មីថា ចេះជាប់ មិនចេះធ្លាក់..!