ដោយ សេក បណ្ឌិត
2014-08-30
RFA
ស្ដាប់ ឬ ទាញយកសំឡេង
ប្រធានភូមិវៀតណាម ឬអ្នកខ្លះទម្លាប់ហៅថាភូមិយួន លោក ទ្រឿង វុំាងតឺយ (Truong Van Toi) ផ្ដល់បទសម្ភាសន៍ដល់វិទ្យុអាស៊ីសេរី ពីប័ណ្ណប្រកាសជាក្រុមជនអន្តោប្រវេសន៍ស្របច្បាប់សម្រាប់រស់នៅកម្ពុជា ដែលផ្តល់ជូនដោយក្រសួងមហាផ្ទៃ កាលពីថ្ងៃទី២៨ ខែសីហា ឆ្នាំ២០១៤។ RFA/Sek Bandith
ជនអន្តោប្រវេសន៍វៀតណាម ខុសច្បាប់ដែលកំពុងរស់នៅកម្ពុជា បង្ហាញជំហរមិនស្របគ្នាចំពោះការផ្តល់ប័ណ្ណប្រកាសជាក្រុមជនអន្តោប្រវេសន៍ស្របច្បាប់ សម្រាប់រស់នៅកម្ពុជា ដែលផ្តល់ជូនដោយក្រសួងមហាផ្ទៃ។
ការបង្ហាញជំហរនេះ បន្ទាប់ពីអាជ្ញាធរស្រុកចំនួនពីរនៅខេត្តកណ្ដាល គឺស្រុកល្វាឯម និងស្រុកកៀនស្វាយ ធ្វើពិធីចែកប័ណ្ណនេះទៅឲ្យជនជាតិវៀតណាម មួយចំនួន ដែលកំពុងរស់នៅក្នុងមូលដ្ឋានទាំងពីរនេះ។
ពេលឈានជើងទៅដល់សហគមន៍ជនជាតិវៀតណាម ដ៏រឹងមាំមួយស្ថិតនៅត្រើយម្ខាងទន្លេបាសាក់ ទល់មុខក្រុងរណបកោះពេជ្រ រាជធានីភ្នំពេញ ឬនៅជិតកំពង់ចម្លងអរិយក្សត្រត្រើយខាងកើតនោះ មានអារម្មណ៍ចម្លែកម្យ៉ាង គឺហាក់ស្ថិតនៅកណ្ដាលប្រទេសវៀតណាម ដូច្នោះដែរ។
«សំឡេងជនជាតិវៀតណាម ជជែកគ្នា»
សហគមន៍នេះស្ថិតក្នុងភូមិអរិយក្សត្រ ឃុំអរិយក្សត្រ ស្រុកល្វាឯម ខេត្តកណ្ដាល។ អ្នករស់នៅទីនោះ ភាគច្រើនបំផុតជាជនជាតិវៀតណាម ហើយកម្រមានការសន្ទនាគ្នាជាភាសាខ្មែរណាស់ រាប់តាំងពីក្មេងតូចៗឡើង។ សូម្បីតែរឿងវីដេអូ ទូរទស្សន៍ ក៏បើកប៉ុស្តិ៍ផ្សាយពីវៀតណាម ដែរ។
«សំឡេងជនជាតិវៀតណាម ជជែកគ្នា»
ប្រធានភូមិវៀតណាម ឬអ្នកខ្លះទម្លាប់ហៅថាភូមិយួន លោក ទ្រឿង វុំាងតឺយ (Truong Van Toi) វ័យប្រមាណ ៧០ឆ្នាំ ហើយលោកមានឈ្មោះខ្មែរមួយទៀត គឺឈ្មោះ ស៊ី យូ។ លោកឲ្យដឹងថា សហគមន៍គាត់មានអ្នករស់នៅជាង ២០០គ្រួសារទាំងនៅលើទឹក និងលើគោក។
ពេលសាកសួរពីព័ត៌មាននៃការផ្តល់ប័ណ្ណប្រកាសជាក្រុមជនអន្តោប្រវេសន៍ស្របច្បាប់ អ្នកភូមិខ្លះហាក់មិនបានដឹងអំពីរឿងនេះឡើយ ហើយខ្លះទៀតហាក់មិនខ្វល់ពីរឿងច្បាប់ទម្លាប់នៃការរស់នៅជាជនអន្តោប្រវេសន៍ខុសច្បាប់នៅកម្ពុជា នេះឡើយ ដោយគិតតែពីរឿងរកស៊ី ហើយបើសិនមានការរករឿងពីអាជ្ញាធរ ពួកគេប្រើលុយកាក់ជាមធ្យោបាយដោះស្រាយជាការស្រេច។
ចំណែកអ្នកខ្លះទៀតហាក់សម្រេចដោយខ្លួនឯងរួចបាត់ទៅហើយថា គេជាជនជាតិខ្មែរ ដោយមិនខ្យល់ពីច្បាប់ ពីព្រោះគេសំអាងថា គេរស់នៅយូរឆ្នាំហើយ គឺក្រោយឆ្នាំ១៩៨០ បន្ទាប់ពីរបប ប៉ុល ពត បានបញ្ចប់ ឬអ្នកខ្លះហៅថា តាំងពីសម័យយួនចូលភ្នំពេញ អ្នកខ្លះគេអះអាងថា គេកើតនៅស្រុកខ្មែរនេះផ្ទាល់ហើយ៖ «សំឡេង»។
ទាក់ទងនឹងការផ្តល់ប័ណ្ណប្រកាសជាក្រុមជនអន្តោប្រវេសន៍វៀតណាម ប្រធានភូមិ លោក ទ្រឿង វុំាងតឺយ ឬ ស៊ី យូ មានប្រសាសន៍ថា អ្នកទើបមកពីវៀតណាម ថ្មីៗសប្បាយចិត្តដោយសង្ឃឹមថាធ្វើប័ណ្ណបាន ២ ទៅ ៣ដង នឹងបានសញ្ជាតិខ្មែរ ប៉ុន្តែអ្នកមកនៅយូរហើយ គេមិនសប្បាយចិត្តទេ ព្រោះបើទទួលយកប័ណ្ណនេះ មានន័យថា ពួកគេនៅតែជាជនអន្តោប្រវេសន៍ដដែល។ ពួកគាត់អះអាងថា គេម្នាក់ៗមករស់នៅពី ២០ ទៅ ៣០ឆ្នាំហើយ គួរតែមានសិទ្ធិរស់នៅស្របច្បាប់ដោយស្វ័យប្រវត្តិ ឬទទួលបានសញ្ជាតិខ្មែរ៖ «សំឡេង»។
លោកបញ្ជាក់ថា ប្រតិកម្មនេះកើតឡើងកាលពីអាជ្ញាធរចុះស្រង់ស្ថិតិជនជាតិវៀតណាម កាលពីលើកមុន។ តែសម្រាប់ពេលនេះទៀត លោកថាមិនទាន់មានភាពច្បាស់លាស់នៅឡើយ ដោយទើបនឹងមានសេចក្តីជូនដំណឹងជាថ្មីឲ្យជនជាតិវៀតណាម ទាំងអស់ទៅធ្វើប័ណ្ណជនអន្តោប្រវេសន៍ស្របច្បាប់ ដែលចេញដោយក្រសួងមហាផ្ទៃ។
កាលពីថ្ងៃទី២៧ សីហា អាជ្ញាធរប៉ូលិសបានធ្វើពិធីចែកប័ណ្ណប្រកាសជាជនអន្តោប្រវេសន៍ស្របច្បាប់រស់នៅកម្ពុជា ដែលចេញដោយក្រសួងមហាផ្ទៃ ជូនជនជាតិវៀតណាម ប្រមាណជាង ១០០នាក់ នៅស្រុកល្វាឯម និងស្រុកកៀនស្វាយ ខេត្តកណ្ដាល។ ប័ណ្ណនេះមានសុពលភាពរយៈពេល ២ឆ្នាំ និងត្រូវបង់ប្រាក់ ២៥ម៉ឺនរៀល ហើយបើផុតពេលកំណត់ ត្រូវដាក់ពាក្យស្នើសុំសិទ្ធិរស់នៅបន្តទៀត ក្នុងករណីដែលមិនទាន់ចង់ចាកចេញពីប្រទេសកម្ពុជា។
មន្ត្រីប៉ូលិសអន្តោប្រវេសន៍បញ្ជាក់ថា ជនជាតិវៀតណាម គ្រប់អាយុ ១៨ឆ្នាំទាំងអស់ដែលកំពុងរស់នៅក្នុងទឹកដីកម្ពុជា ត្រូវធ្វើពាក្យស្នើសុំជាជនអន្តោប្រវេសន៍ស្របច្បាប់ពីអាជ្ញាធរកម្ពុជា ទាំងអស់គ្នា។
បុរសជនជាតិវៀតណាម ម្នាក់ឈ្មោះ ង្វៀង វុំាងថាន់ (Nguyen Van Thanh) អាយុជាង ៤០ឆ្នាំ មាន របរនេសាទត្រី នៅភូមិកណ្ដាល ឃុំសារិកាកែវ ស្រុកល្វាឯម ដែលបានទទួលប័ណ្ណរួចហើយនោះ បានសម្ដែងការរីករាយ និងហាក់មានភាពកក់ក្តៅក្នុងចិត្ត បើទោះជាគាត់បានរស់នៅក្នុងស្រុកខ្មែរយូរហើយក្តី៖ «សំឡេង»។
លោកថា នៅភូមិកណ្ដាល មានជនជាតិវៀតណាម ប្រមាណជាង ៦០គ្រួសារ ហើយភាគច្រើនពួកគាត់បានទទួលប័ណ្ណសម្គាល់ជាក្រុមអន្តោប្រវេសន៍រស់នៅស្របច្បាប់រួចហើយ។ លោក ង្វៀង វុំាងថាន់ បានបញ្ជាក់ពីមូលហេតុគ្រួសារគាត់ និងអ្នកដទៃទៀតព្យាយាមតស៊ូរស់នៅក្នុងស្រុកខ្មែរ ដោយសារពួកគាត់ជាជនក្រីក្រក្នុងប្រទេសវៀតណាម គ្មានផ្ទះសម្បែង ពិបាករកស៊ីដោយគ្មានដើមទុនគ្រប់គ្រាន់៖ «សំឡេង»។
ទាក់ទងបញ្ហាជនអន្តោប្រវេសន៍វៀតណាម ខុសច្បាប់នៅកម្ពុជា នេះដែរ គណបក្សប្រឆាំងធ្លាប់រិះគន់ខ្លាំងៗ និងជំរុញឲ្យរដ្ឋាភិបាលមានវិធានការច្បាស់លាស់ ក្នុងការគ្រប់គ្រងជនអន្តោប្រវេសន៍វៀតណាម នេះ។
ឆ្លើយតបបញ្ហានេះ អ្នកនាំពាក្យក្រសួងមហាផ្ទៃ លោក ខៀវ សុភ័គ មានប្រសាសន៍ថា ការចែក ឬធ្វើបន្តនូវប័ណ្ណប្រកាសជាក្រុមជនអន្តោប្រវេសន៍វៀតណាម នេះ មិនមែនជាការឆ្លើយតបនឹងការរិះគន់របស់គណបក្សប្រឆាំងនោះទេ។ លោកបញ្ជាក់ថា គម្រោងនេះក្រសួងបានចាប់ផ្ដើមធ្វើតាំងពីឆ្នាំ២០០២ មកហើយ៖ «សំឡេង»។
លោកបន្តថា ការផ្តល់ប័ណ្ណនេះ ដើម្បីងាយស្រួលដល់ការគ្រប់គ្រងជនអន្តោប្រវេសន៍ឲ្យនៅក្រោមច្បាប់ និងអាចប្រមូលបានថវិកាខ្លះចូលរដ្ឋ៖ «សំឡេង»។
យ៉ាងណាក៏ដោយ នាយកអង្គការការពារសិទ្ធិជនជាតិភាគតិច លោក អាង ច័ន្ទឫទ្ធិ គាំទ្រចំពោះការចេញប័ណ្ណប្រកាសជាក្រុមជនអន្តោប្រវេសន៍នេះ ប៉ុន្តែសូមធ្វើដោយមានតម្លាភាព និងបង្ហាញពីនីតិវិធីក្នុងដំណាក់កាលនីមួយៗ ព្រមទាំងកំណត់ទិសដៅឲ្យបានច្បាស់លាស់ ជាពិសេសការអនុវត្តត្រូវឲ្យមានប្រសិទ្ធភាព៖ «សំឡេង»។
លោក ខៀវ សុភ័គ ឲ្យដឹងថា តាមការធ្វើជំរឿនស្ថិតិកាលពីឆ្នាំ២០០២ រកឃើញជនអន្តោប្រវេសន៍វៀតណាម ដែលរស់នៅស្រុកខ្មែរមានប្រមាណជាង ១សែននាក់ ប៉ុន្តែរហូតដល់ពេលនេះទៀត ចំនួននេះលោកពុំទាន់ដឹងថាមានការប្រែប្រួលយ៉ាងណានោះទេ ហើយដំណើរការធ្វើប័ណ្ណសម្គាល់អន្តោប្រវេសន៍នេះ ក៏មិនទាន់កំណត់រយៈពេលបញ្ចប់នោះដែរ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- “កាកបាទក្រហមកម្ពុជាស្ថិតក្រោមការជ្រៀតជ្រែកនយោបាយ”
- មូលហេតុដែលតំណាងរាស្ត្របក្សប្រឆាំងពីរនាក់មិនជាប់ជាប្រធានគណៈកម្មការរដ្ឋសភា
- សង្គមស៊ីវិលបារម្ភពីអំពើពុករលួយក្នុងសកម្មភាពគ្រប់គ្រងនិងស្រង់ស្ថិតិជនបរទេស
- សង្គមស៊ីវិលជំរុញឲ្យមានការគ្រប់គ្រងជនអន្តោប្រវេសន៍និងជនបរទេសឲ្យបានល្អ
- ក្រសួងមហាផ្ទៃមិនទាន់មានវិធានការជាក់លាក់ចំពោះជនអន្តោប្រវេសន៍ខុសច្បាប់
- អ្នកស្រី មូរ សុខហួរ និងលោក យឹម សុវណ្ណ មិនជាប់ជាប្រធានគណៈកម្មការជំនាញរដ្ឋសភា
- ជប៉ុននឹងជួយកែទម្រង់ការបោះឆ្នោតបន្ទាប់ពីកម្ពុជាបង្កើត គ.ជ.ប ថ្មី
- កម្ពុជាសម្រេចទទួលយកជនភៀសខ្លួនពីប្រទេសអូស្ត្រាលី
- ក្រសួងមហាផ្ទៃចាប់ផ្ដើមជំរឿនជនអន្តោប្រវេសន៍វៀតណាមនៅកម្ពុជា
So that means any Vietnamese people can enter Cambodia illegally, freely, any time, any where and then Khmer authority will just issue them legal immigration card and that’s it??????? ??????????????????
What kind of immigration law is this?????????????????????????????
The right and good immigration law of any independent country in the world is the following:
(I just indicate one point only)
Any foreigner who enter another country must first have legal permission for entry (Visa or other form required)
Any foreigner who illegally enter another another country with out permission will be arrested and prosecuted; after serving their time in jail, they will be deported back to their home land
Illegal immigrant could be arrested along the border and or all over the country; the police job is to search and check for the suspect; the people of the own country must report the suspect to authority and the police must strictly enforce the immigration law
Whoever flow illegal immigrant to the country is a traitor and must be brought up to trail
All foreigner must respect and go through immigration law of the country, and that is not discrimination against race at all; it’s practiced of all countries in the world including Vietnam and Thailand
Vietnam and Thailand enforce and practice their immigration law 1000 times more strictly than Cambodia !!!!