Sat, 30 August 2014
Phnom Penh Post
ភ្នំពេញប៉ុស្តិ៍
សាកល្បងស្រមើស្រមៃថាអ្នកកំពុងគេងក្នុងសណ្ឋាគារប៊ូទិកដ៏ស្អាតមួយ ស្ថិតនៅអគារដ៏ខ្ពស់ស្កឹមស្កៃនៅរាជធានីភ្នំពេញ។ ប៉ុន្តែអ្វីដែលពិសេសគឺថា បន្ទប់ដ៏ទំនើបដែលលោកអ្នកស្នាក់នៅនោះមានទំហំមិនធំជាងទូដាក់ខោអាវប៉ុន្មានទេ។
បទពិសោធដ៏ប្លែកដែលសណ្ឋាគារ Tama Hotel ឬ The H22 ផ្ដល់ជូនលោកអ្នកនោះគឺការស្នាក់នៅក្នុងបន្ទប់ដ៏តូចដូចប្រអប់ ទំហំតែ៥ម៉ែត្រការ៉េ ប៉ុន្តែបំពាក់សុទ្ធតែបរិក្ខារទំនើបៗមិនចាញ់សណ្ឋាគារប្រណីតលំដាប់ផ្កាយពីរ ផ្កាយបីឡើយ។
លោក ញឹម រាសី អ្នកគ្រប់គ្រងទូទៅនៃសណ្ឋាគារដែលមានបន្ទប់តូចច្រឡឹងនេះបានរៀបរាប់ក្នុងសារអេឡិចត្រូនិកថា នៅថ្ងៃអនាគតដ៏ខ្លីខាងមុខ បន្ទប់ទាំងនេះនឹងស្វាគមន៍ការជួលគិតជាម៉ោងដើម្បីឆ្លើយតបទៅនឹងតម្រូវការនិយោជក-និយោជិតដ៏ច្រើនក្នុងសហគមន៍ការិយាល័យនៃអគារភ្នំពេញថៅវើរផងដែរ។
លោកបានឲ្យដឹងថា៖ «បន្ទប់នេះមិនត្រឹមតែផ្ដល់ភាពងាយស្រួលដល់បុគ្គលិកការិយាល័យដែលចង់ទម្រេតខ្លួន ងូតទឹកជម្រះកាយអំឡុងម៉ោងសម្រាកនោះទេ វាក៏អាចផ្ដល់សេវាស្នាក់នៅដល់អ្នកដំណើរដែលរកកន្លែងសម្រាកពេលរង់ចាំជើងយន្តហោះរបស់ពួកគេផងដែរ»។
សេវាបន្ទប់សណ្ឋាគារតូចៗដូចប្រអប់នេះ ជាគំនិតអាជីវកម្មដ៏ពេញនិយមនៅបណ្ដាទីក្រុងទំនើបជឿនលឿនដូចជាទីក្រុងញូវយ៉ក និងសិង្ហបុរីជាដើម ខណៈដែលតម្លៃ៣៥ដុល្លារនេះសឹងតែមិនអាចជួលគ្រែគេងមួយក្នុងផ្ទះស្នាក់ដ៏សាមញ្ញនៅបណ្ដាប្រទេសទាំងនោះផង។
ប៉ុន្តែសួរថា តើនៅប្រទេសកម្ពុជា ដែលពោរពេញដោយផ្ទះសំណាក់ សណ្ឋាគារ ឬសេវាស្នាក់នៅតម្លៃថោកៗនោះ ការស្នាក់នៅបន្ទប់២ម៉ែត្របួនជ្រុងក្នុងតម្លៃ៣៥ដុល្លារអាចទទួលបានប្រជាប្រិយភាពពីអតិថិជនប៉ុនណាដែរ?
ដូច្នេះហើយ ខ្ញុំក៏សម្រេចចិត្តសាកល្បងដោយផ្ទាល់ តាមរយៈការកក់បន្ទប់ស្នាក់មួយនៅសណ្ឋាគារ Tama Hotel ដែលស្ថិតនៅជាន់ទី២២។ អ្វីដែលខ្ញុំកត់សម្គាល់មុនគេបង្អស់ ពេលដែលឈានជើងចូលក្នុងបន្ទប់ដ៏តូចនោះភ្លាមគឺវាហាក់ដូចជាធំទូលាយច្រើន បើធៀបជាមួយបន្ទប់សណ្ឋាគារប្រអប់នៅប្រទេសជប៉ុន ដែលមានទំហំធំជាងក្ដារមឈូសតែបន្តិចប៉ុណ្ណោះ។ នៅសណ្ឋាគារប៊ូទិក Tama Hotel នេះគ្រប់ចំអាម គ្រប់ជ្រុងនៃបន្ទប់ត្រូវបានប្រើប្រាស់យ៉ាងមានប្រសិទ្ធភាពតែម្ដង។ តុអាចបត់បាន ហើយគ្រែគេងស្ថិតនៅលើក្បាល ពេលដែលយើងអង្គុយមើលទូរទស្សន៍អេក្រង់សំប៉ែត។
ទាក់ទិននឹងការរចនានៃបន្ទប់សណ្ឋាគារដ៏តូចនេះ លោក ញឹម រាសី បានអះអាងថា៖ «អ្វីដែលសំខាន់គឺសិល្បៈនៃការរៀបចំគ្រឿងតុបតែង និងសង្ហារិមឲ្យស្របទៅតាមទំហំបន្ទប់នេះ»។
គ្រែគេងស្ថិតនៅលើសាឡុង និងអាចឡើងទៅសម្រាកបានដោយឡើងជណ្ដើរតែពីរបីកាំ។ ទូរទស្សន៍អេក្រង់សំប៉ែតព្យួរខ្លួនជាប់នឹងជញ្ជាំង ល្មមអាចឲ្យយើងអង្គុយទម្រេតខ្នងលើសាឡុងទស្សនាភាពយន្តបាន។
ដើមឡើយខ្ញុំបារម្ភថា ការគេងក្នុងបន្ទប់តូចដូច្នេះ អាចមានអារម្មណ៍ដូចត្រូវគេឃុំឃាំងបាត់បង់សេរីភាព។ ប៉ុន្តែនៅសណ្ឋាគារ Tama Hotel បច្ចេកទេសរៀបចំអំពូលភ្លើងបំភ្លឺ គ្រឿងសង្ហារិមឈើ ការតុបតែងនិងបរិយាកាសទាំងមូលពិតជាផ្ដល់ភាពស្រស់ស្រាយ និងកក់ក្ដៅក្នុងការស្នាក់នៅណាស់។ យ៉ាងណាមិញ ប្រសិនបើមានបង្អួចនៅក្បែរបន្ទប់វារឹតតែប្រសើរ ប៉ុន្តែវាជាបន្ទប់ដែលស្ថិតនៅបរិវេណកណ្ដាលអគារ។
អ្វីដែលគួរឲ្យភ្ញាក់ផ្អើលទៀតនោះ គឺល្បឿនអ៊ីនធឺណិតគ្មានខ្សែនៅក្នុងបន្ទប់ពិតជាលឿនដូចផ្លេកបន្ទោរ។ ថ្វីដ្បិតតែការស្នាក់នៅបន្ទប់ដ៏តូចនេះ យើងត្រូវប្រើបន្ទប់ទឹករួមក្ដី ប៉ុន្តែវាពិតជាមានអនាម័យស្អាតណាស់។ កន្លែងងូតទឹកត្រូវបានខណ្ឌចែកជាលក្ខណៈឯកជន ហើយសណ្ឋគារក៏មានផ្ដល់នូវសាប៊ូដុសខ្លួន និងសាប៊ូកក់សក់សម្រាប់ប្រើប្រាស់ទៀតផង។
ទោះជាក្នុងបន្ទប់មិនមានតេឡេបញ្ជាសីតុណ្ហភាពក្ដី ប៉ុន្តែម៉ាស៊ីនត្រជាក់ធំដំណើរការបានល្អ ហើយបរិយាកាសក៏មានចរន្តខ្យល់ចេញចូលធ្វើឲ្យវាមិនហប់ផងដែរ ដោយសារតែការរៀបចំមានបច្ចេកទេសត្រឹមត្រូវ។
គ្រាន់តែឡើងជណ្ដើរឆ្ពោះទៅកាន់គ្រែដ៏តូចទន់ល្មើយរបស់ខ្ញុំភ្លាម ខ្ញុំក៏ទ្រោបខ្លួនលើគ្រែភ្លែតដោយមិនដឹងគេងលង់លក់ពីថ្មើរណា។ រាត្រីនោះ ខ្ញុំពិតជាគេងលក់ស្កប់ស្កល់ ទោះជាជើងខ្ញុំវែងហៀរគ្រែបន្តិចក្ដី។ លុះក្រោកពីព្រលឹម ខ្ញុំក៏ក្រោកទៅស្រស់ស្រូបអាហារពេលព្រឹកដោយឥតគិតថ្លៃនៅភោជនីយដ្ឋាន និងបារ៍ D22 ដែលមានការតុបតែងដោយវត្ថុចាស់ៗពីសម័យមុនដូចជា ម៉ាស៊ីនវាយអង្គុលីលេខ និងកាមេរ៉ា ជាដើម។
ការស្នាក់នៅសណ្ឋាគារនេះក៏ផ្ដល់ភាពងាយស្រួលដោយសារតែវាស្ថិតនៅជិត Eclipse Skybar ជាបារ៍លើដំបូលអគារ ដែលអាចឲ្យអ្នកគយគន់ ទេសភាពរាជធានីភ្នំពេញទាំងមូលពីលើទីខ្ពស់ផងដែរ។
សណ្ឋាគារ Tama Hotel ស្ថិតនៅអគារភ្នំពេញថៅវើរ មហាវិថីព្រះមុនីវង្ស សង្កាត់បឹងព្រលឹត ខណ្ឌ៧មករា រាជធានីភ្នំពេញ ទាក់ទង លេខទូរស័ព្ទ ០២៣ ៩៦៤ ០២០៕
It is very funny!
All cursing words below should be use to curse Hun sen, Heng Sam Rin , Chea Sim and all their CPP members; they don’t apply to all other Cambodians
————————————————
Nguen Tiha
September 2, 2014 at 4:02 pm
អាឆ្កែណាហ៊ាន ចាប់គ្នាអញ ។ ពួកអាឆ្កែខ្មែរអស់អែង សុទ្ធតែជាកញ្ជះអញទាំងអស់ អញចង់ចាប់ ចុយ មីណា កាប់អាឆ្កែណាក៏បានដែរ ។ អាណាហ៊ានធ្វើអីអញ ????? ពួកអាខ្មែរ អាក្រពើ ម៉េចចង់ប្តឹងស្អី? ថ្ងៃក្រោយ អញចូលទៅកាប់ដល់ក្នុងប៉ុស្តិក៏គ្មានអាឆ្កែណា ហ៊ានធ្វើអីអញបានដែរ ។ ពួកអាខ្មែរ អាខួរក្បាលបង្កង ពួកអាខ្មែរ ក្រ ពួកអាខ្ជិល ពូជអាខ្ញុំកញ្ជះគេ ៕