Sat, 30 August 2014
ឆាយ ច័ន្ទនីដា and Kevin Ponniah
ភ្នំពេញប៉ុស្តិ៍
ការប្រឡងមធ្យមសិក្សាទុតិយភូមិ (បាក់ឌុប) ដែលត្រូវបានរឹតបន្តឹងយ៉ាងខ្លាំងនោះ ត្រូវបានបិទប្រកាសលទ្ធផលហើយ កាលពីម្សិលមិញដែលសិស្សទូទាំងប្រទេសប្រឡងជាប់ត្រឹមតែជាង ២៥ ភាគរយប៉ុណ្ណោះ ក្នុងនោះសិស្សតែ ១១ នាក់ បានជាប់និទ្ទេស A ក្នុងចំណោមបេក្ខជនជាង ៨៩ ០០០ នាក់ ដែលចូលរួមការប្រឡងនាឆ្នាំនេះ។
ក្រសួងអប់រំ យុវជន និងកីឡាបានប្រកាសម្សិលមិញថា មានសិស្ស ២៥,៧២ ភាគរយនៅទូទាំងប្រទេសបានជាប់នៅក្នុងការប្រឡងបាក់ឌុបនាឆ្នាំដែលរដ្ឋមន្ត្រីថ្មី លោក ហង់ ជួនណារ៉ុន បានដាក់បញ្ញតិ្តតឹងរ៉ឹង មិនឲ្យមានការលួចចម្លង និងសូកប៉ាន់អនុរក្សជាដើម។
លោក ហង់ ជួនណារ៉ុន បានថ្លែងប្រាប់ភ្នំពេញ ប៉ុស្តិ៍ ក្រោយការប្រកាសលទ្ធផលដែលធ្វើឡើងនៅរាជធានីភ្នំពេញ និងខេត្តកណ្តាលម្សិលមិញថា ក្រៅពីនិទ្ទេស A ១១នាក់ មាននិទ្ទេស B ២១៩ នាក់ និទ្ទេស C ៩០៧ នាក់ និទេ្ទស D ១៨២៣ នាក់ និងនិទ្ទេស E ច្រើនជាងគេបំផុតចំនួន ២០១៥៧ នាក់។
លោកបានបញ្ជាក់ថា៖ «លទ្ធផលនេះ បង្ហាញថា ពួកគេបានជាប់ដោយសមត្ថភាពពិតប្រាកដ ហើយក៏បង្ហាញឲ្យសិស្សផ្សេងទៀតខំរៀនដើម្បីឆ្នាំក្រោយៗទៀត»។ សិស្សធ្លាក់ទាំងអស់ នឹងត្រូវប្រឡងលើកទី២ នៅថ្ងៃទី១៣ និង ទី១៤ ខែតុលា ខាងមុខ។
កញ្ញា សូ ចាន់សំណាង អាយុ១៨ ឆ្នាំ ដែលជាប់និទ្ទេស E ប្រឡងមណ្ឌលអនុវិទ្យាល័យស៊ីសុវត្ថិ បាននិយាយថា៖ «ខ្ញុំជាមនុស្សមានសំណាងដែលជាប់ឆ្នាំនេះតែក៏ដោយសារសមត្ថភាពខ្ញុំដែរ»។
មានសិស្សប្រឡងធ្លាក់ខ្លះ មានការខឹងសម្បា នឹងការប្រឡងដែលមានការរឹតត្បិតយ៉ាងតឹងតែងនេះដោយរិះគន់ថាធ្វើកំណែទម្រង់លឿនជ្រុលហួសហេតុពេក។
សិស្សម្នាក់ឈ្មោះទ្រី វេងស៊ាង អាយុ១៨ ឆ្នាំបាននិយាយថា៖ «កំណែទម្រង់នេះ លឿនពេក ឲ្យយើងបត់ម៉េចទាន់ តែខ្ញុំចាំប្រឡងលើកទី២។ តែខ្ញុំគាំទ្រដើម្បីអនាគតគុណភាពអប់រំស្រុកខ្មែរ»។
លោក សន ជ័យ តំណាងសម្ព័ន្ធគណនេយ្យភាពសង្គមអាស៊ីបូព៌ា និងប៉ាស៊ីហ្វិកនៅកម្ពុជា ថ្លែងថា លទ្ធផលឆ្នាំនេះ ធ្វើឲ្យលោកយល់ថា ការប្រឡងឆ្នាំមុនៗ មិនបានឆ្លុះបញ្ចាំងពីសមត្ថភាពពិតនៃសិស្សឡើយ។
ប៉ុន្តែលោកនិយាយថា ការប្រឡងលើកទី២ ដែលជាឱកាសសម្រាប់អ្នកប្រឡងធ្លាក់នេះ គួរតែមិនមែនជាគោលការណ៍និរន្តរ៍ទេ ហើយគួរដាក់ត្រឹមតែ ២ ឆ្នាំបានហើយ។ «ការផ្តល់លទ្ធភាពប្រឡងឡើងវិញ នៅ២ឆ្នាំក្រោយ ជាការផ្តល់ឱកាសដល់សិស្សក្នុងការប្រឹងប្រែងរៀនសូត្រ។ លទ្ធផលនៃកំណែទម្រង់ពង្រឹងគុណភាពអប់រំនេះអាចទទួលបានលទ្ធផលចាប់ពីឆ្នាំ២០១៧ តទៅ»៕
បើទោះជាគ្មានសញ្ញាប័ត្រមធ្យមសិក្សាក៏អាចកាន់តំណែងជានាយករដ្ផមន្ត្រីនិងជាប្រធានសភាបាន
តើ???ចាំបាច់យំតូចចិត្តធ្វើអ្វី??????មានសញ្ញាប័ត្របានធ្វើជាស្មៀនគេតែដដែលហ្នឹង????
បើក្រសួងចង់អោយសិស្សជាប់ច្រើននៅពេលប្រឡងលើកទីពីរដែលតម្រូវតាមការចង់បានរបស់បណ្ដារសាកលវិទ្យាល័យមែននោះសូមក្រសួងរៀបចំវិញ្ញាសារអោយស្រេចហើយបំប៉នសិស្សដែលធ្លាក់ក្នុងរយៈពេល១ខែខាងមុខនោះក្រសួងនឹងទទួលបានសិស្សជាប់តាមតម្រូវការហើយឬក៏អាចចេញវិញ្ញាសារ ដដែលក៏បាន ។ នេះឬការកែទម្រង់ នេះឬការប្ដេជ្ញារចិត្តរបស់លោក ជួន ណារុន ចង់កែរយ៉ងម៉េចបើ សម្ដេចមិនចង់កែផងនោះ កាលណានិស្សិតមានចំណេះដឹងនាំជ្រៅជ្រះនាំអោយនាយករដ្ឋមន្រ្ដី ដែលដឹកនាំដោយយស៊ីស៊ីភី វិនាសដោយឯកឯងនៅអណត្តិណាមួយពុំខានឡើយ ។
បើចង់ពង្រឹងគុណភាពសិស្ស គួរតែពង្រឹងគ្រូដែរ ហើយវិន័យសាលា ទាំងគ្រូ ទាំងសិស្ស ត្រូវអោយតឹងរឹង កុំអោយមានបងធំ បងតូច ចូលវាយគ្នសក្នុងសាលា និង ចុងក្រោយ ហើយសំខាន់បំផុតនោះ គឺប្រាក់ខែ គ្រូត្រូវអោយសមរម្យ ហូបគ្រប់ និងសល់ខ្លះផង…នោះទើបគ្រូមានកំលាំងបង្រៀនសិស្ស…!!!