ដោយ យាង សុជាមេត្តា
2014-09-24
RFA
ស្ដាប់ ឬ ទាញយកសំឡេង
លោកប្រធានាធិបតីសហរដ្ឋអាមេរិក បារ៉ាក់ អូបាម៉ា (Barack Obama) (AFP/Photo)
ប្រធានាធិបតីសហរដ្ឋអាមេរិកលោក បារ៉ាក់ អូបាម៉ា (Barack Obama) ថ្លែងកោតសរសើរ ចំពោះសកម្មជនការពារសិទ្ធិមនុស្សដែលបានខិតខំធ្វើការងារដើម្បី លើកកម្ពស់ ប្រជាធិបតេយ្យ និងការពារសិទ្ធិសេរីភាពនៅលើពិភពលោក។ ដោយឡែកសម្រាប់កម្ពុជា នៅក្នុងសុន្ទរកថារបស់លោក លោក អូបាម៉ា បានឧទ្ទិសនាមសកម្មជនការពារសិទ្ធិមនុស្ស និងបានរម្លឹកឈ្មោះសកម្មជនការពារព្រៃឈើនៅកម្ពុជា ដែលត្រូវបានឃាតកបាញ់ សម្លាប់កាលពីឆ្នាំ២០១២។ លោក អូបាម៉ា ថ្លែងថា សហរដ្ឋអាមេរិក នឹងឈរខាងពួកគេ។
ថ្លែងទៅកាន់អ្នកចូលរួម ក្នុងជំនួបប្រចាំឆ្នាំនៅឯកម្មវិធីផ្ដួចផ្ដើមគំនិតពិភពលោកក្លីនតុន (Clinton Global Initiative) នៅក្នុងទីក្រុងញូវយ៉ក សហរដ្ឋអាមេរិក កាលពីថ្ងៃទី២៣ ខែកញ្ញា ប្រធានាធិបតីសហរដ្ឋអាមេរិកលោក បារ៉ាក់ អូបាម៉ា បានថ្លែងរម្លឹកឈ្មោះលោក ឈុត វុទ្ធី សកម្មជនការពារបរិស្ថានរបស់កម្ពុជាដែលត្រូវឃាតកបាញ់សម្លាប់នៅខេត្តកោះកុង និង កោតសរសើរចំពោះការងារការពារសិទ្ធិមនុស្សរបស់អ្នកស្រី ចក់ សុភាព ប្រធានមជ្ឈមណ្ឌលសិទ្ធិមនុស្សកម្ពុជា។
លោកប្រធានាធិបតី អូបាម៉ា មានប្រសាសន៍ថា អាមេរិកឈរជាមួយសកម្មជនដូចជា អ្នកស្រី ចក់ សុភាព នៅកម្ពុជា។ លោក អូបាម៉ា ថ្លែងដោយស្រង់សម្ដីរបស់អ្នកស្រី ចក់ សុភាព ដែលបានលើកឡើងថា អ្នកស្រីសុបិន្ត ថាពលរដ្ឋខ្មែរអាចរីករាយនឹងសេរីភាព ដែលពួកគេគួរទទួលបាន។ សម្ដីនេះហើយ ដែល លោក អូបាម៉ា ឆ្លើយតបវិញថា យើងមិនអាចមិនមានមោទនភាពចំពោះអ្នកបានទេ ហើយយើងឈរជាមួយអ្នក។
ទាក់ទងនឹងប្រទេសកម្ពុជាដែរ លោក អូបាម៉ា ថ្លែងថា សហរដ្ឋអាមេរិកគាំទ្រអ្នកដែល ប្រយុទ្ធប្រឆាំងនឹងច្បាប់ទាំងឡាយណា ដែលមានលក្ខណៈរឹតបន្តឹងលើក្រុម អង្គការ សង្គមស៊ីវិល។ លោកថា ប៉ុន្មានឆ្នាំចុងក្រោយនេះ អាមេរិកបានធ្វើការ ជាមួយគ្នាដើម្បីរារាំង ការរឹតត្បិតថ្មីៗទៅលើសង្គមស៊ីវិលនៅកម្ពុជា។
ក្រៅពីអ្នកស្រី ចក់ សុភាព សកម្មជនការពារសិទ្ធិមនុស្ស៣នាក់ផ្សេងទៀត មកពីប្រទេស កេនយ៉ា (Kenya) ប្រទេសហុងឌុយរ៉ាស់ (Honduras) និងប្រទេសអេហ្សីប (Egypt) ក៏ត្រូវ បានលោក អូបាម៉ា ហៅឈ្មោះនិងសរសើរអំពីការងាររបស់គេដែរ។
លោក អូបាម៉ា ក៏បានលើកឡើងអំពីសកម្មជនការពារសិទ្ធិមនុស្សមួយចំនួន ផ្សេងទៀត ដែលកំពុងត្រូវបានអាជ្ញាធរប្រទេសពួកគេចាប់ឃុំខ្លួនក្នុងពេលបច្ចុប្បន្ន មាន ដូចជា លីអូប៉ូលដូ ឡូប៉ែស (Leopoldo Lopez) នៅវេណេហ្សូអេឡា (Venezuela) លោក ព្យែរ ក្លាវវ៉េ (Pierre Claver) នៅប៊ូរុនឌី (Burundi) អាមេដ ម៉ាហើ (Ahmed Maher) នៅអេហ្សីប លោក លឺ ហ្សាវបូ (Liu Xiaobo) និងលោក អីលឡាម តូទី (IIham Tohti) នៅចិន និងលោកឪពុក លី (Father Ly) នៅវៀតណាម។ លោក អូបាម៉ា ថ្លែងថា អ្នកទាំងអស់នេះសមទទួលបានសេរីភាព និងគួរទទួលបានការដោះលែង។
វាអាចជារឿងកម្រមួយដែលមេដឹកនាំកំពូលរបស់ប្រទេសមហាអំណាចបំផុតលើពិភពលោកថ្លែងកោតសរសើរ និងហៅចំឈ្មោះសកម្មជនការពារសិទ្ធិមនុស្ស និងព្រៃឈើនៅកម្ពុជា។ ការយកចិត្តទុកដាក់របស់ប្រធានាធិបតីអាមេរិកអំពីបញ្ហាសិទ្ធិមនុស្សនៅកម្ពុជា នេះ ប្រាកដណាស់ថា នឹងត្រូវបានអបអរសាទរដោយសង្គមស៊ីវិលនៅកម្ពុជា។ ប៉ុន្តែសម្រាប់រដ្ឋាភិបាលកម្ពុជាវិញ មិនប្រាកដថា ជារឿងគួរឲ្យស្វាគមន៍នោះឡើយ។
ទីប្រឹក្សារដ្ឋាភិបាល និងជាប្រធានអង្គភាពព័ត៌មាន និងប្រតិកម្មរហ័ស នៃទីស្ដីការគណៈរដ្ឋមន្ត្រីលោក ទិត្យ សុធា មានប្រសាសន៍ថា រដ្ឋាភិបាលកម្ពុជាមិនចាប់អារម្មណ៍ទៅនឹង ការថ្លែងណាមួយ ដែលធ្វើឡើងដោយមិនមែនជាការពិត និងសុក្រឹតភាពនោះឡើយ។ លោក ទិត្យ សុធា ថ្លែងថា រដ្ឋាភិបាលកម្ពុជាលើកទឹកចិត្តខ្លាំងណាស់ ឲ្យមានការចូលរួមពី សង្គម ស៊ីវិល លើគ្រប់ទិដ្ឋភាពទាំងអស់ដើម្បី រួមចំណែកពង្រឹងលទ្ធិប្រជាធិបតេយ្យ និងការ គោរពសិទ្ធិមនុស្សនៅកម្ពុជា ប៉ុន្តែលោកថា ការលើកឡើងរបស់ប្រធានាធិបតី បារ៉ាក់ អូបាម៉ា ពេលនេះ គឺដោយសារលោក អូបាម៉ា ទទួលព័ត៌មានមិនបានគ្រប់ជ្រុងជ្រោយ ហើយ សុទ្ធសឹងតែជាព័ត៌មានដែលក្លែងបន្លំ និងមួលបង្កាច់ កិត្តិយសរបស់កម្ពុជា៖ «ខ្ញុំថាការយកកេរ្តិ៍ឈ្មោះកិត្តិយសរបស់ប្រទេសមួយ ដែលបានប្រឹងប្រែងកិត្តិយស កេរ្តិ៍ឈ្មោះរបស់ប្រទេសមួយ ដែលបានប្រឹងប្រែងលើកកម្ពស់ ការគោរពសិទ្ធិមនុស្ស ប្រជាធិបតេយ្យ ហើយបែរជាធ្វើការផ្សព្វផ្សាយនូវព័ត៌មានដែលខ្វះ សុចរិតភាពបែបនេះ ខ្ញុំយល់ថា បណ្ដាប្រទេសមួយចំនួនគេជឿជាក់ណាស់ នៅលើការចូលរួមផ្ទាល់ ជាមួយនឹងកម្ពុជា គឺគេនឹងបានដឹង មិនមែនមានន័យថា គ្រប់សារនយោបាយទាំងអស់របស់សហរដ្ឋអាមេរិក សុទ្ធតែជាការពិត ហើយធ្វើឲ្យគេជឿបានទាំងអស់នោះទេ យើងមិនខ្វល់នឹងសេចក្ដីថ្លែង ការណ៍ណា ដែលប្រាស់ចាកពីការពិតនោះទេ»។
ចំពោះករណីលោក ឈុត វុទ្ធី លោក ទិត្យ សុធា ថ្លែងថា វាគឺជាជម្លោះរវាងបុគ្គលនិងបុគ្គល មិនមែននៅក្នុងបេសកកម្មដែលលោក ឈុត វុទ្ធី ទៅការពារព្រៃឈើនោះឡើយ ហើយ លោកថាជនដែលពាក់ព័ន្ធនឹងបទល្មើស ក៏ត្រូវបានផ្ដន្ទាទោសរួចហើយដែរ ដែលនេះ លោកថា វាមិនមែនជាវប្បធម៌និទណ្ឌភាព ឬភាពគ្មានទោសពៃរ៍ នៅកម្ពុជានោះទេ។ ទាក់ទងបញ្ហាច្បាប់វិញ លោក ទិត្យ សុធា ថាសង្គមស៊ីវិល គួរធ្វើអ្វីៗក្នុងក្របខ័ណ្ឌច្បាប់។ លោកថាកម្ពុជាប្រកាន់យកគោលការណ៍នីតិរដ្ឋ មិនអាចបណ្ដោយឲ្យបុគ្គលណាម្នាក់ ធ្វើសកម្ម ភាពជិះសេះលែងដៃបានឡើយ។
យ៉ាងណាក៏ដោយ រដ្ឋាភិបាលកម្ពុជារងការរិះគន់យ៉ាងខ្លាំងពីសង្គមស៊ីវិល និងសហគមន៍ អន្តរជាតិពីការរំលោភសិទ្ធិមនុស្ស ដូចជាការបាញ់សម្លាប់លើកម្មករតវ៉ាដំឡើងប្រាក់ខែ ការប្រើហិង្សាលើសកម្មជនសិទ្ធិមនុស្ស និងអ្នកកាសែត ការចាប់ខ្លួនសកម្មជនបក្សប្រឆាំង ការរឹតបន្តឹងលើសេរីភាពធ្វើបាតុកម្មនិងការប្រមូលផ្ដុំ ព្រមទាំងការប្រើប្រាស់ប្រព័ន្ធតុលាការ គាបសង្កត់លើប្រធានសហជីពជាដើម។
លោក អូបាម៉ា បានផ្ដាំផ្ញើទៅអ្នកការពារសិទ្ធិមនុស្សនៅលើពិភពលោកថា ពួកគេនឹងមិន នៅឯកាឡើយ។ លោកថាដៃគូពួកគេនឹងឈរជាមួយពួកគេ។ សហគមន៍ពួកគេនឹងឈរ ជាមួយពួកគេ។ មិត្តភក្តិនៅលើសកលលោកនឹងឈរជាមួយពួកគេ ហើយជាពិសេស សហរដ្ឋអាមេរិក និងប្រធានាធិបតីអាមេរិក នឹងឈរជាមួយពួកគេ៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- ព្រះសង្ឃនិងពលរដ្ឋវត្តពោធិលង្កាខេត្តសៀមរាបទាមទារឲ្យអាជ្ញាធរដោះលែងសង្ឃពីរអង្គ
- យុទ្ធនាការផ្សព្វផ្សាយអំពីសន្តិភាពក្នុងទិវាសន្តិភាពអន្តរជាតិ
- UNHCR បញ្ជាក់ជំហរមិនជាប់ទាក់ទងនឹងគម្រោងបញ្ជូនជនភៀសខ្លួនពីអូស្ត្រាលីមកកម្ពុជា
- ពិព័រណ៍រូបភាពស្ដីពីសិទ្ធិទទួលបានយុត្តិធម៌ចាប់ពីថ្ងៃទី១៦កញ្ញា
- ប៉ូលិសដោះលែងពលរដ្ឋនិងសកម្មជនដែលអាជ្ញាធរឃាត់ខ្លួននៅកោះកុង
- ស្ត្រីខ្មែរ៦នាក់ត្រូវបានជួយសង្គ្រោះពីប្រទេសចិន
- សង្គមស៊ីវិលជំរុញឲ្យរដ្ឋាភិបាលបំបាត់និទណ្ឌភាពនៅកម្ពុជា
- អង្គការក្រៅរដ្ឋាភិបាលស្នើរដ្ឋាភិបាលបន្តជំរុញឲ្យមានលទ្ធិប្រជាធិបតេយ្យ
- ខ្មែរ-អាមេរិកាំងពិភាក្សាអំពីលទ្ធិប្រជាធិបតេយ្យនៅកម្ពុជា
ព្រោះជាក្រុមបំរើនយោបាយឲលោកobama(ឬជាឆ្កែរបស់obama)
ព្រោះជាក្រុមបំរើនយោបាយឲលោកobama
សូមអ្នកដឹកនាំសព្វថ្ងៃប្រយ័ត្ន ដូចសេរ៊ីនិងអិរ៉ាក់
លោក ជំទាវធំសម្តេចប៊ុន រ៉ានីឃើញតែដើរចែកអំណោយផ្សេងៗទៅដល់ជនក្រីក្រសឹងតែគ្រប់ប៉ុស្តិទូរទស្សន៏ទាំងអស់ ប៉ុន្តែបែជាលោក អូ បាម៉ាទៅសរសើរលោកស្រី ចក់ សុភាពទៅវិញ ហេតុអ្វីទៅ? ព្រោះអាមេរិកវាចេះតែនិយាយការពិត វាមិនចេះនិយាយលើកជើង អែបអបខុសទំនងនោះទេ ដូច្នេះ ពួកដែលចូលចិត្តអោយគេសសរសើរខុសការពិតគួរដឹងខ្លួនខ្លះផង អោយមានកូនចិត្តតូចមួយចេះខ្មាស់អៀនរាស្រ្តខ្មែរខ្លះទៅ។
ប្រយ័ត្នដូចពួក ISIS
ឆ្មាខ្មៅ: អារឿងចែកអំណោយហ្នឹង វាប្រជាភិថុត ចែកអោយតែអាណាគាំទ្រ CPP បុ៉ណ្ណោះ បើអាណាមិនគាំទ្រ វាមិនចែកអោយទេ…ជាក់ស្តែង ជនរងគ្រោះដីធ្លី ផ្ទះសំបែង កម្មករដែលស្លាប់នឹងរបួសនៅស្ទឹងមានជ័យ ផ្លូវវ៉េងស្រេង…តើប្៊ន រ៉ានីទៅចែកអំណោយអោយទេ?
ចុះអាក្រុមសន្តិសុខសុីឈ្នួលខុសច្បាប់វិញ ហេតុអីក៏រត់ចង់បាក់កទៅចែកដល់មន្ទីពេទ្យទៀត?
នេះគេហៅថា កាកបាទក្រហម បិសាចជញ្ជក់ឈាម…!!!
One fucking word from Obama….all your fucking dumb C.P.P Khmer should admired!!! it’s 100% true…. unlike your fucking prime minister speech for hour of useless and nonsense meaning…..”10th grade prime minister”!!!
……………..{FUCKYOUCPP’SSUPPORTERS}……………………..
អូបាម៉ាភ្លេចសរសើរអាគាត់មូយដែលពូកែខាងលួច,លក់ជាតិទោះជាមានភ្នែកតែ១ក៍ដោយ។
Mr. President Obama, your encouragement is too late now. Chutt Vuthy had died already and you did nothing during Chutt Vuthy fighting against the deforestation in Cambodia. If you had shown your leadership toward Mr. Chutt Vuthy like this time, he would not die. Your leadership is very weak like a child, not strong enough to protect the world’s victims.
ខ្ញុំចង់ឃើញ អូបាម៉ា ផ្ញើរកាដូគ្រាប់ម៉ីស៊ីលខ្លះ ទៅផ្ទះអាខ្វាក់ ដូចភ្ញើរទៅ ISIS ។
USAវាអត់ចេះផ្ញើកាដូទេវាចេះតែផ្ញើមុីសុីិឲ្យតែអាណាប្រឆាំងវាដូចisisជាដើមនេះហើយប្រជាធិបតេយ្យរបស់លោកមហាអំណាចUSA