ដោយ៖ ឡាយ សមាន
ថ្ងៃពុធ ទី22 តុលា 2014
http://vodhotnews.com
មើលរូបភាពបន្ថែម
សន្និសីទសារព័ត៌មានស្តីពី កង្វល់លើបទល្មើសព្រៃឈើនៅកម្ពុជា កាលពីព្រឹកមិញ (រូបថត៖ ឡាយ សាមាន)
សង្គមស៊ីវិល និងបណ្តាញអ្នកការពារព្រៃឈើនៅកម្ពុជា សើ្នរដ្ឋាភិបាលរឹតបន្តឹងចំពោះការអនុវត្តច្បាប់ប្រឆាំងនឹងបទល្មើសព្រៃឈើឲ្យមានប្រសិទ្ធភាព និងតម្លាភាព ដើម្បីរក្សាធនធានធម្មជាតិឲ្យបានគង់វង្ស។
ការជំរុញនេះ ធ្វើឡើងក្នុងសន្និសីទសារព័ត៌មានស្តីពី កង្វល់លើបទល្មើសព្រៃឈើនៅកម្ពុជា នៅព្រឹកថ្ងៃទី២២ ខែតុលា ឆ្នាំ២០១៤ រៀបចំដោយវេទិការអង្គការមិនមែនរដ្ឋាភិបាលស្តីពីកម្ពុជា ដើម្បីឲ្យតំណាងអ្នកការពារព្រៃឈើបង្ហាញពីក្តីកង្វល់ និងបញ្ហាប្រឈម។
នាយកប្រតិបត្តិនៃវេទិកានៃអង្គការមិនមែនរដ្ឋាភិបាលស្តីពីកម្ពុជា លោក តឹក វណ្ណារ៉ា មានប្រសាសន៍សន្និថា លោកបារម្ភយ៉ាងខ្លាំងទៅលើសោកនាដកម្មនៃការថយចុះធនធានព្រៃឈើនៅកម្ពុជា នៅក្នុងអំឡុងពេល២ឆ្នាំចុងក្រោយនេះ។ លោក ស្នើរដ្ឋាភិបាលពិនិត្យរាល់ការផ្តល់អាជ្ញាប័ណ្ណដល់ក្រុមហ៊ុនឯកជន ដែលនាំឈើចេញ និងបញ្ជាក់ពីទីតាំង បរិមាណ និងតម្លែជាដើម។ លោកថ្លែងថា «យើងស្នើឲ្យរាជរដ្ឋាភិបាល គិតគូរពិចារណា ដាក់តំបន់ជួរភ្នំក្រវាញ ដែលជាតំបន់ព្រៃឈើចុងក្រោយ ដែលជាតំបន់អេកូទេសចរណ៍ និងតំបន់អភិរក្ស សម្រាប់ការបង្កាត់ពូជ និងអភិវឌ្ឍន៍ធនធានសេនិតិច នៅក្នុងប្រទេសកម្ពុជា ដើម្បីធានាដល់ការឆ្លើយតបសេចក្តីត្រូវការរបស់ប្រជាជនកម្ពុជា ក៏ដូចជាថ្នាក់តំបន់ និងអន្តរជាតិផងដែរ»។
លោក តឹក វណ្ណារ៉ា ឲ្យដឹងទៀតថា ការជួញដូរឈើប្រណិត និងការកាប់ទន្ទ្រានព្រៃឈើភាគច្រើនកើតឡើងនៅក្នុង ខេត្តមណ្ឌលគិរី រតនៈគិរី ស្ទឺងត្រែង ក្រចេះ ព្រះវិហារ ឧត្តរមានជ័យ ពោធិ៍សាត់ កោះកុង និងកំពង់ស្ពឺ។
តំណាងសហគមន៍ព្រៃឡង់ ខេត្តព្រះវិហារលោក ស្វាយ ភឿន មានប្រសាសន៍ថា ព្រៃឡង់គឺជាព្រៃដែលធំជាងគេនៅកម្ពុជា និងពិភពលោក កំពុងត្រូវបានឈ្មួញកាប់យ៉ាងអាណាធិបតេយ្យ។ លោកព្រួយបារម្ភថា ប្រសិនបើរដ្ឋាភិបាល នៅតែបន្តផ្តល់ដីសម្បទានសេដ្ឋកិច្ចដល់ក្រុមហ៊ុនឯកជនបន្តទៀត នោះព្រៃឈើនឹងហិនហោច ហើយនឹងប៉ះពាល់ដល់ជីវភាពប្រជាពលរដ្ឋ ជាពិសេសជនជាតិដើមភាគតិច ដែលអាស្រ័យផលលើព្រៃនេះ។ លោកថា «យើងឃើញថា បើផ្អែកទៅលើការផ្តល់សម្បទានសេដ្ឋកិច្ច ទៅលើក្រុមហ៊ុននិមួយនៅជុំវិញព្រៃឡង់ហ្នឹង ត្រូវរងគ្រោះមកលើប្រជាជនជនជាតិដើមភាគតិចគួយ ដូចជានៅខាងស្រុកសណ្តាន់ ខាងស្រុកស្នួល ខេត្តក្រចេះ នៅខាងព្រះវិហារ នៅខាងថាឡាបរិវ៉ាត់។ អ៊ីចឹងយើងឃើញថា ក្រុមហ៊ុនទាំងអស់ហ្នឹង ធ្វើឲ្យប៉ះពាល់ដល់ស្រែចម្ការរបស់បងប្អូននៅក្បែរព្រៃឡង់ហ្នឹង កាន់តែអស់ទៅៗ ជាពិសេសតំបន់សហគមន៍ដែលបង្កើតឡើងដោយរដ្ឋបាលព្រៃឈើ»។
អ្នកស្រាវជ្រាវពីការអភិវឌ្ឍន៍សង្គមលោក កែម ឡី មានប្រសាសន៍ថា ជារួមកម្ពុជាជួបសោកនាដកម្មច្រើនដូចជាការបាត់បង់ទឹកដី ឧក្រិដ្ឋប្រឆាំងមនុស្សជាតិ តែបច្ចុប្បន្នគឺសោកនាដកម្មឧក្រិដ្ឋកម្មប្រឆាំងធម្មជាតិ។ លោកបន្តថា តាមការស្រាវជ្រាវរបស់លោកក្នុងរយៈពេល១០ឆ្នាំម្តង ប្រទេសដែលបាត់បង់ព្រៃឈើច្រើនជាងគេក្នុងតំបន់អាស៊ីគឺកម្ពុជា។ លោកបន្ថែមថា រដ្ឋាភិបាលត្រូវរឹតបណ្តឹងបទល្មើសព្រៃឈើ និងចំហឲ្យមានការដេញថ្លៃជាសាធារណៈចំពោះឈើដែលរឹបអូសបាន។ លោកថា «ប៉ុន្តែប្រទេសដែលគេអភិវឌ្ឍន៍ ដែលគេមិនបំផ្លាញព្រៃឈើ គឺប្រទេសហ្វីលីពីន នៅក្នុងរយៈពេល១០ឆ្នាំមានរហូតដល់ ៧,៧ភាគរយ។ ប្រទេសវៀតណាម ដែលជាប្រទេសអភិវឌ្ឍន៍លឿនជាងខ្មែរ ប៉ុន្តែក្នុងរយៈពេល១០ឆ្នាំរបាយការណ៍ CIM BOOK គឺរក្សាព្រៃឈើរហូតដល់១៧,៦ភាគរយ។ ហេតុអីបានរដ្ឋាភិបាលយកលេសថា ទាល់តែកាប់ព្រៃឈើ បានអាចអភិវឌ្ឍន៍បាន»។
រដ្ឋមន្ត្រីក្រសួងបរិស្ថានលោក សាយ សំអាល់ បញ្ជាក់ថារហូតមកដល់ពេលនេះ ក្រសួងបរិស្ថានបានផ្តល់ដីសម្បទានសេដ្ឋកិច្ចទៅក្រុមហ៊ុនចំនួន១១១ តែបានដកមកវិញពីក្រុមហ៊ុនចំនួន២១ ដែលក្នុងនោះមានដីរបស់ក្រុមហ៊ុនទ្រីភាព ចំនួន២ម៉ឺនហិកតានៅភ្នំឱរ៉ាល់ផងដែរ។
យោងតាមទិន្ន័យរបស់វេទិកានៃអង្គការមិនមែនរដ្ឋាភិបាល ស្តីពីកម្ពុជាឲ្យដឹងថា គិតចាប់ពីឈឆ្នាំ២០១២ រហូតដល់ឆ្នាំ២០១៣ មានករណីបទល្មើសព្រៃឈើ និងការជួញដូរឈើប្រណិត ៥៣៥ករណីដែលបានកើតមានឡើង។ ចំណែករបាយការណ៍របស់ក្រសួងកសិកម្មនៅក្នុងរយៈពេល ៩ខែចុងក្រោយនេះ គឺមានបទល្មើសព្រៃឈើចំនួន១៨៩១ករណី ដែលបង្ហាញអំពីការកើនឡើងនៃបទល្មើព្រៃឈើនៅកម្ពុជា៕
សូមសរសេរមកលោក ឡាយ សាមាន តាមរយៈ samean@vodhotnews.com
កណ្តាប់ដៃបុរសខ្លាំងបរាជ័យក្រោមអំណាចលុយដុល្លារបស់ឈ្មួញឈើក្រញូង!!??
តើបងប្អូនដឹងឬទេថា តើអ្នកណាដែលសន្យាថា បើបង្រ្កាបការកាប់បំផ្លាញព្រៃឈើមិនបាន កាត់ ក្ត គ្រវាត់ចោល…?
ឥលូវ បុណ្យនៅតែធ្វើ ឈើនៅតែកាប់…!?
Hun Sen ,
Ah sam-re,
ah kro-roham,
ah ac-vi-chea,
ah la-gne langer,
ah khmer kro-ham,
ah khiet – to- kor,
ah bom-planh cheat,
ah ka-jass youn,
ah kbot cheat,
ah kvac ma-ah-yoos
ah plon dey reash
ah louch pro-pon ke
ah pouk-ro-louy louch cheat
ah ngoab ty-hong
ah pou-ke khang khouch, khang pler
ah ot om-noi-tien
ah un-jeang arch
ah choy mer heng un-dor-ra thien
ah ke kab kbal
ah ke cut kbal chro-louk khnong pa-kun arch
ah kdor veng khmao sa-oy ko-krooc
ah chhker ka-chas dom-bao kbal
ah cut tuek dey auy youn
ah auy youn chol srok
ah ty-hong millions dorng
ah jounh kreung nhean
ah plon-san-leuk chnoat
ah criminal 100000000000000000000000000000000000000000 yang