Wed, 22 October 2014
ផាក់ ស៊ាងលី
ភ្នំពេញប៉ុស្តិ៍
មណ្ឌលគិរីៈ សមត្ថកិច្ច ខេត្តមណ្ឌលគិរី កំពុងស្រាវជ្រាវរកជនល្មើសដែលពាក់ព័ន្ធទៅនឹងឈើជាង ៣ ពាន់កំណាត់ដែលសហគមន៍បានប្រទះឃើញនៅក្នុងដីទំនាស់រវាងពលរដ្ឋនិងក្រុមហ៊ុនដីសម្បទានសេដ្ឋកិច្ចចិន។
លោក ឈិត សុផល ប្រធានមន្ទីរបរិស្ថាននិងជាប្រធានតំបន់ការពារធនធានធម្មជាតិ ខេត្ដមណ្ឌលគិរី បានឲ្យដឹងកាលពីម្សិលមិញថា សហគមន៍បានប្រទះឃើញឈើធ្នង់ជាង ៣ ពាន់កំណាត់ហើយបានផ្តល់ដំណឹងដល់អាជ្ញាធរមានសត្ថកិច្ចកាលពីចុងសប្តាហ៍មុន។
លោកបន្តថា៖ «ឈើធ្នង់នោះមានទាំងដុំតូចធំសរុប ៣២២១ ដុំ។ យើងកំពុងតែធ្វើការតាមនីតិវិធីហើយកំពុងស្រាវជ្រាវរកម្ចាស់»។
លោក សំរ៉ង ឌីវិចិត្រ នាយដែនជម្រកសត្វព្រៃ ភ្នំព្រិច បានឲ្យដឹងថា មន្រ្តីបរិស្ថានកំពុងតែយាមកាម និងរកកន្លែងទុកដាក់ឈើទាំងនោះឲ្យមានសុវត្ថិភាពដើម្បីកុំឲ្យបាត់បង់។
លោកបានបន្តថា ឈើទាំងនោះត្រូវបានគេយកទៅគទុកជាច្រើនគំនរ នៅក្នុងដីទំនាស់មួយកន្លែងដែលជនជាតិដើមភាគតិច និងក្រុមហ៊ុនដីសម្បទានសេដ្ឋកិច្ចចិនឈ្មោះ ដាយណាម កំពុងតែដណ្តើមគ្នាកាន់កាប់។
លោក ឌីវិចិត្រ បានថ្លែងថា៖ «ឈើទាំងនោះជាឈើខុសច្បាប់ទាំងអស់ តែយើងមិនដឹងជារបស់អ្នកណាទេ យើងកំពុងធ្វើការ។ ឈើនេះទំនងគេកាប់នៅតំបន់ក្បែរៗនោះ ហើយគរទុកសិនដោយសារតែរដូវនេះជារដូវវស្សាពិបាកដឹកចេញ»។
លោក សុក រដ្ឋា អ្នកសម្របសម្រួលអង្គការសិទ្ធិមនុស្សអាដហុក បានឲ្យដឹងថា ខ្នាតឈើទាំងនោះត្រូវបានគេច្រៀក ដើម្បីត្រៀមនាំចេញទៅលក់នៅក្រៅប្រទេសមិនមែនប្រើក្នុងស្រុកទេ។
លោកសង្កេតឃើញថា ឈើខុសច្បាប់ជាច្រើន ត្រូវបានគេប្រទះឃើញស្ទើរគ្រប់ស្រុកទាំងអស់ក្នុង ខេត្តមណ្ឌលគិរី នាពេលកន្លងមក ប៉ុន្តែអាជ្ញាធរមានសមត្ថកិច្ចមិនដែលរកឃើញម្ចាស់ឬអ្នកដែលពាក់ព័ន្ធនោះទេ។
លោក សុក រដ្ឋា បានថ្លែងដូច្នេះថា៖ «មន្រ្តីជំនាញត្រូវតែទទួលខុសត្រូវលើរឿងនេះ ហើយរុករកអ្នកពាក់ព័ន្ធ តែបើរកមិនឃើញត្រូវតែបញ្ជូនសំណុំរឿងទៅតុលាការ ដើម្បីឲ្យតុលាការឲ្យមន្រ្តីមានសមត្ថកិច្ចស្រាវជ្រាវរក»។ លោកបន្តថា ឈើប្រភេទនេះមានតម្លៃក្នុងមួយគុបៗ រាប់ពាន់ដុល្លារ។
លោក កែប កត់ នាយខណ្ឌរដ្ឋបាលព្រៃឈើមណ្ឌលគិរី បានថ្លែងថា មន្រ្តីបរិស្ថានជាអ្នកទទួលចាត់ការលើករណីនេះ ហើយរដ្ឋបាលព្រៃឈើគ្រាន់តែទទួលបានព័ត៌មានពីការប្រទះឃើញឈើនេះប៉ុណ្ណោះ៕
Hun Sen ,
Ah sam-re,
ah kro-roham,
ah ac-vi-chea,
ah la-gne langer,
ah khmer kro-ham,
ah khiet – to- kor,
ah bom-planh cheat,
ah ka-jass youn,
ah kbot cheat,
ah kvac ma-ah-yoos
ah plon dey reash
ah louch pro-pon ke
ah pouk-ro-louy louch cheat
ah ngoab ty-hong
ah pou-ke khang khouch, khang pler
ah ot om-noi-tien
ah un-jeang arch
ah choy mer heng un-dor-ra thien
ah ke kab kbal
ah ke cut kbal chro-louk khnong pa-kun arch
ah kdor veng khmao sa-oy ko-krooc
ah chhker ka-chas dom-bao kbal
ah cut tuek dey auy youn
ah auy youn chol srok
ah ty-hong millions dorng
ah plon-san-leuk chnoat
ah criminal 100000000000000000000000000000000000000000 yang