ដោយ៖ ញឹម សុខន និង អុឹង ប៊ុនថន
ថ្ងៃព្រហស្បតិ៍ ទី23 តុលា 2014
http://vodhotnews.com
ស្តាប់សំឡេង៖ |
ចម្លងទុក |
មើលរូបភាពបន្ថែម
ពិធីប្រារព្ធទិវារំឭកថ្ងៃកិច្ចព្រមព្រៀងក្រុងប៉ារីស ២៣ តុលា នៅទីលានប្រជាធិបតេយ្យ (រូបថត៖ ញឹម សុខន)
«ជយោ ទិវា២៣តុលា សន្ធិសញ្ញាទីក្រុងប៉ារីស…»។
តាំងពីព្រឹកព្រលឹម នៅថ្ងៃ២៣តុលានេះ បណ្តាញព្រះសង្ឃ មន្ត្រីអង្គការសង្គមស៊ីវិល និស្សិត បញ្ញាវ័ន្ត និងអ្នកមានជម្លោះដីធ្លី បានប្រមូលផ្តុំគ្នា នៅមុខស្ថានទូតបារាំងប្រចាំកម្ពុជា ដែលមានដៃកាន់ទង់ជាតិចម្រុះជាតិសាសន៍ និងបដាផ្សេងៗមានទាំងឧបករណ៍បំពងសំឡេងផង។
ការប្រមូលផ្តុះនោះ មិនមែនជារឿងចៃដន្យទេ គឺពួកគេនាំគ្នាប្រារព្ធខួប២៣ឆ្នាំ នៃកិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ១៩៩១។
កិច្ចព្រមព្រៀងនោះមានប្រទេសចំនួន១៨បានចុះហត្ថលេខា រួមទាំងប្រទេសមហាអំណាចធំៗផង ដូចជាសហរដ្ឋអាមេរិក ចិន សហភាពសូវៀត បារាំង អូស្ត្រាលី និងប្រទេសមួយចំនួនទៀត ពិសេសប្រទេសថៃនិងវៀតណាម ដែលមានព្រំប្រទល់ជាប់នឹងប្រទេសកម្ពុជា។
យោងតាមស្មារតីនៃកិច្ចព្រមព្រៀងនេះ កម្ពុជាត្រូវបានធានាថា គ្មានប្រទេសណាអាចរំលោភបាននូវបូរណភាពទឹកដីពីប្រទេសជិតខាង ធានាការគោរពសិទ្ធិមនុស្ស ពិសេសកិច្ចព្រមព្រៀងនោះជំរុញឲ្យអ្នកនយោបាយខ្មែរទម្លាក់អាវុធចោល ឈប់បង្ហូរឈាមខ្មែរគ្នាឯង និងដឹកនាំប្រទេសតាមបែបលិទ្ធិប្រជាធិបតិយ្យ។
ប៉ុន្តែក្រុមអ្នកដើរហែក្បួននៅថ្ងៃនេះ អះអាងថា ២៣ឆ្នាំ ក្រោយពីកិច្ចព្រមព្រៀងសន្តិភាពនេះ កម្ពុជាបានបាត់បង់ទឹកដីទៅលើប្រទេសជិតខាង ដូចជាប្រទេសវៀតណាម និងប្រទេសថៃ។ ម្យ៉ាងវិញទៀត ការរំលោភសិទ្ធិមនុស្សបានកើតឡើងជាបន្តបន្ទាប់ ដូចជា ការសម្លាប់អ្នកសារព័ត៌មាន តារាចម្រៀង សកម្មជនដីធ្លី អ្នកការពារព្រៃឈើជាដើម ដែលរដ្ឋាភិបាលហាក់ធ្វើមិនដឹងមិនឮ «យើងខ្ញុំស្នើសុំដល់លោកប្រធានាធិបតី នៃនាយករដ្ឋមន្ត្រីដែលជាប្រទេសមហាអំណាច សហប្រធាន និងម្ចាស់ហត្ថលេខី នៃកិច្ចព្រមព្រៀងក្រុងប៉ារីស បង្កើតគណៈកម្មការ ត្រួតពិនិត្យ តាមដានជាបន្ទាន់ ដើម្បីសើរើឡើងវិញនៃកិច្ចព្រមព្រៀងសន្តិភាពទីក្រុងប៉ារីស ដើម្បីធានាឲ្យមានការអនុវត្ត នៃស្មារតីកិច្ចព្រមព្រៀងសន្តិភាពនេះ»។
មិនត្រឹមតែដើរហែក្បួនតាមដងវិថីនានាក្នុងរាជធានីភ្នំពេញប៉ុណ្ណោះទេ ក្រុមអ្នកតស៊ូមតិទាំងនោះ ក៏ដាក់ញត្តិនៅទៅតាមស្ថាននៃប្រទេសដែលជាភាគីហត្ថលេខី មួយចំនួនក្នុងចំណោម១៨ប្រទេសនោះ គឺស្ថានទូតអាមេរិក អង់គ្លេស បារាំង ជប៉ុន ចិន តំណាងអង្គការសហប្រជាជាតិបន្ទុកសិទ្ធិមនុស្សប្រចាំកម្ពុជា និងរដ្ឋសភាជាតិ «… ក្រោយពីកិច្ចព្រមព្រៀងទីក្រុងប៉ារីស២៣តុលា ឆ្នាំ១៩៩១ អង្គការសហប្រជាជាតិ ឬអ៊ុនតាក់ ចូលរៀបចំឲ្យមានការបោះឆ្នោតប្រកបទៅដោយ សេរី និងយុត្តិធម៌ តម្លាភាព និងត្រឹមត្រូវនៅឆ្នាំ១៩៩១…»។
ក្នុងក្បួនដង្ហែនោះ គេមិនឃើញមានតំណាងរាស្ត្របក្សកាន់អំណាចចូលរួមទេ ប៉ុន្តែគេឃើញមានតំណាងរាស្ត្របក្សប្រឆាំងបានចូលរួម ដោយមិនបានបញ្ចេញកាយវិការរិះគន់ ឬអានសារប្រឆាំងនឹងសកម្មភាពអវិជ្ជមានរបស់រដ្ឋាភិបាលទេ។ ចំណែកសមត្ថកិច្ចដែលធ្លាប់បង្ក្រាបក្រុមអ្នកហែក្បួនកន្លងមក នៅថ្ងៃនេះមិនបានរារាំងនោះទេ លើកលែងតែផ្លូវមួយចំនួនទៅកាន់ផ្ទះនាយករដ្ឋមន្ត្រីជិតវិមានឯករាជ្យ ដែលកម្លាំងប្រដាប់អាវុធដាក់របាំងរាំង និងឈរការពារយ៉ាងសន្ធឹកសន្ធាប់ពេលក្បួនជិតមកដល់។
យ៉ាងនេះក្តីតំណាងរាស្ត្រដែលមានអាសនៈក្នុងសភា ក៏បង្ហាញកាយវិការខុសប្លែកដែរ ដោយពួកគេបានឈរតម្រៀបគ្នា ចាំមុនជាស្រេចនៅក្រៅរបងរដ្ឋសភា ដើម្បីទទួលញត្តិតវ៉ាពីក្រុមសកម្មជនទាំងនោះ។
ឆ្លៀតយកឱកាសនេះ ក្រុមអ្នកហែក្បួនមិនទាន់ប្រគល់ញត្តិជូនក្រុមអ្នកតំណាងរាស្ត្រទាំងពីរគណបក្ស ដែ លឈរចាំនោះភ្លាមៗទេ ដោយពួកគេស្នើឲ្យតំណាងរាស្ត្រទាំងនោះ ស្តាប់សាររិះគន់ ថ្នាក់ដឹកនាំជាមុនសិន «បញ្ហាអធិបតេយ្យភាពដែនដី កោះត្រល់ បានកាត់ទៅឲ្យប្រទេសវៀតណាមបាត់ហើយ មិនតែប៉ុណ្ណោះសម្បទាន៩៩ឆ្នាំ គោលការណ៍ទីក្រុងប៉ារីស ជំរុញឲ្យអនុវត្តនូវលទ្ធិប្រជាធិបតេយ្យ គោរពសិទ្ធិមនុស្ស…»។
បន្ទាប់ពីស្តាប់សេចក្តីថ្លៃងការណ៍របស់ក្រុមអ្នកហែក្បួន តំណាងរាស្ត្រគណបក្សសង្គ្រោះជាតិ បង្ហាញទឹកមុខរីករាយ ដោយស្នាមញញឹម ដាក់ក្រុមអ្នកតវ៉ា និងពេលខ្លះតំណាងរាស្ត្របក្សប្រឆាំងងាកមើលមុខតំណាងរាស្ត្របក្សកាន់អំណាច ដែលឈរជាប់គ្នានោះ ខណៈអ្នកតវ៉ារិះគន់ចំៗលើបញ្ហាអវិជ្ជមានមួយចំនួន ដែលកើតឡើងក្រោមការដឹកនាំរបស់គណបក្សប្រជាជនកម្ពុជា ជាង២០ឆ្នាំមកនេះ។
យ៉ាងនេះក្តីតំណាងរាស្ត្រមកពីគណបក្សប្រជាជនកម្ពុជា ពួកគេពេលខ្លះឆ្លៀតបង្ហាញស្នាមញញឹម ស្ងួតដាក់ក្រុមអ្នកតវ៉ាផងដែរ។
ក្រោយពីពលរដ្ឋប្រគល់ញត្តិ តំណាងរាស្ត្របក្សប្រឆាំង លោក ហូរ វ៉ាន់ អះអាងថា គណបក្ស សង្គ្រោះជាតិ គាំទ្រការលើកឡើងរបស់ប្រជាពលរដ្ឋ និងសន្យាពិនិត្យរួមគ្នាជាមួយតំណាងរាស្ត្រជាដៃគូក្នុងសភាដើម្បីដោះស្រាយបញ្ហាទាំងនោះ។ លោថ្លែងថា «ថ្មីៗនេះ មានអ្នកធ្វើថ្នល់ចូលទៅតំបន់ដាក់ដាំ អ៊ីចឹងហេបងប្អូន? ដូច្នេះឃើញថា មិនទាន់អនុវត្តបានពេញលេញទេ ហើយបញ្ហាកោះត្រល់ ក៏យើងកំពុងតែទាមទារដែរ គឺនៅមិនទាន់បានបូរណភាពទឹកដីពេញលេញ»។
ចំណែកតំណាងរាស្ត្រពីគណបក្សប្រជាជនកម្ពុជាវិញ លោកស្រី ឡោក ខេង អះអាងថា បក្សកាន់អំ ណាចគាំទ្រស្មារតីកិច្ចព្រមព្រៀងសន្តិភាពទីក្រុងប៉ារីស ២៣ តុលា ឆ្នាំ១៩៩១នេះ។ ប៉ុន្តែក្រុមអ្នកហែញត្តិបានប្រតិកម្ម នៅពេលលោកស្រីរំឭកគុណថ្ងៃ៧ មករា ឆ្នាំ១៩៧៩ ដែលកើតមុនថ្ងៃ២៣ តុលា ឆ្នាំ១៩៩១។ អ្នកស្រីបញ្ជាក់ថា «បងប្អូនមិញ មានប្រសាសន៍ថា កុំឲ្យនងខ្ញុំរំឭកពី៧មករា អ៊ីចឹងនាងខ្ញុំមិនរំឭកទេ៧មករា ដែលជាខួបកំណើតទី២ ក៏ប៉ុន្តែ៧មករា ទើបមាន២៣តុលា។ ២៣ តុលា គឺជាថ្ងៃដែលយើងមាននូវលទ្ធិប្រជាធិបតេយ្យសេរី ពហុបក្ស ទាំងអស់គ្នា ថ្ងៃនេះហើយដែលគណបក្សទាំងអស់ បានរួបរួមគ្នាជាខ្មែរតែមួយ ជាធ្លុយតែមួយដើម្បីយើងអភិវឌ្ឍប្រទេសជាតិ ឯ២៣តុលា នេះហើយ ដែលយើងមានចែងនៅក្នុងរដ្ឋធម្មនុញ្ញ បានមានគណបក្សសេរីពហុបក្សយើងអនុវត្តគោលនយោបាយ សេរីពហុបក្សនៅក្នុងរដ្ឋធម្មនុញ្ញរបស់យើង យោងតាមកិច្ចព្រមព្រៀង២៣តុលានេះ»។
សមាជិកក្រុមប្រឹក្សាឃ្លាំមើលកម្ពុជា លោក រ៉ុង ឈុន ដែលបានដើរហែក្បួនដែរនោះ បានរំឭកថា តំណាងរាស្ត្រទាំងពីរគណបក្សត្រូវធ្វើការឲ្យមានប្រសិទ្ធភាពនៅក្នុងពេលនេះ បើពុំនោះទេនៅអាណត្តិក្រោយគណបក្សទាំងពីរនេះនឹងអស់អ្វីអួត ដោយសារពលរដ្ឋដកសេចក្តីទុកចិត្ត។ លោកថា «តំណាងរាស្ត្រ ត្រូវតែជំរុញឲ្យនាយករដ្ឋមន្ត្រីលើកបញ្ហានូវការរំលោភ បូរណភាពទឹកដីកម្ពុជា ពីសំណាក់ប្រទេសយួន ប្រទេសសៀម យកទៅឲ្យប្រទេសម្ចាស់ហត្ថលេខី អន្តរាគមន៍ និងដោះស្រាយជាបន្ទាន់»។
រដ្ឋាភិបាលកម្ពុជាបានលុបចោលថ្ងៃ២៣ តុលា ពីប្រតិទិនឈប់សម្រាកបុណ្យជាតិ អស់រយៈពេលជាច្រើនឆ្នាំ។ ប៉ុន្តែបន្ទាប់ពីមានការរិះគន់ច្រើន និងក្រោយពីសម្តេចឪយាងចូលទិវង្គត ទើបលោក ហ៊ុន សែន សម្រេចដាក់ថ្ងៃទី២៣តុលា នេះជាថ្ងៃបុណ្យជាតិវិញ។
លោកបណ្ឌិត ឡៅ ម៉ុងហៃ អ្នកវិភាគឯករាជ្យអះអាងប្រាប់ក្រុមអ្នកហែក្បួនថា កិច្ចព្រមព្រៀងទីក្រុងប៉ា រីសនេះ ជាចំណុចខ្លាំងរបស់កម្ពុជា ទប់ស្កាត់វប្បធម៌ដែលអ្នកនយោបាយខ្មែរ សន្យាឲ្យដីទៅប្រទេសជិតខាង ពេលខ្មែរមានជម្លោះផ្ទៃក្នុង។ ប៉ុន្តែលោកថារដ្ឋាភិបាលបច្ចុប្បន្ន មិនបានគោរពស្មារតីនៃកិច្ចព្រមព្រៀងនេះឲ្យបានពេញលេញទេ ដែលធ្វើឲ្យប្រទេសជិតខាងនៅតែចិញ្ចឹមចិត្ត ចង់លេបត្របាក់ទឹកដីកម្ពុជា។ លោកមានប្រសាសន៍ថា «តុលាការឯករាជ្យ គឺមានចែងនៅក្នុងកិច្ចព្រមព្រៀង ដើម្បីអនុវត្តសិទ្ធិមនុស្សឲ្យបាន ឥឡូវនេះតុលាការអត់ឯករាជ្យទេ នេះហើយការខ្វះខាត រឿងបូរណភាពទឹកដី យើងដឹងហើយ ខាងសៀមក៏ចឹង ខាងយួនក៏ចឹងដែរ គឺមានប៉ះពាល់មកលើទឹកដីរបស់យើង យើងអត់អាចដោះស្រាយបាន»។
ទោះជាយ៉ាងណា អ្នកនាំពាក្យទីស្តីការគណៈរដ្ឋមន្ត្រីលោក ផៃ ស៊ីផាន អះអាងថា តាមមាត្រាខ្លះក្នុងកិច្ចព្រមព្រៀងសន្តិភាព២៣ តុលា ១៩៩១ បញ្ជាក់ថា កិច្ចព្រមព្រៀងនេះ អស់សុពលភាពនៅពេលដែលកម្ពុជាបង្កើតបាននូវសភាធម្មនុញ្ញ។ លោកបញ្ជាក់ថា «នៅក្នុងមាត្រាទី១ គឺកើតឡើងនៅក្នុងដំណាក់កាល អន្តរកាល ដើម្បីបម្រើវត្ថុបំណងនៃកិច្ចព្រមព្រៀងនេះ ដំណាក់អន្តរកាល ត្រូវបានផ្តើមពីពេលកិច្ចព្រមព្រៀងនេះ ត្រូវបញ្ចូលជាធរមាន ហើយបញ្ចប់នៃពេលសភាចូលជាធម្មនុញ្ញ ដែលបានជាប់ឆ្នោតតាមរយៈនៃការបោះឆ្នោតដោយសេរី និងត្រឹមត្រូវ ដោយរៀបចំឡើង និងបញ្ជាក់ដោយអង្គការសហប្រជាជាតិ។ ដូច្នេះបើតាមមាត្រាមួយ ន័យហ្នឹងគឺបានប្រាប់យើងយ៉ាងច្បាស់»។
ប៉ុន្តែសម្រាប់លោកបណ្ឌិត ឡៅ ម៉ុងហៃ បញ្ជាក់ថាការអះអាងរបស់មន្ត្រីរដ្ឋាភិបាលរូបនោះ គឺផ្ទុយពីស្មារតីនៃកិច្ចព្រមព្រៀងក្រុងប៉ារីស។ លោកបន្ថែមថា «អាហ្នឹងគឺកិច្ចព្រមព្រៀងបញ្ចប់សង្គ្រាម រឿងអាកិច្ចព្រមព្រៀងពាក់ព័ន្ធនឹងអធិបតេយ្យភាព ឯករាជ្យ បូរណភាពទឹកដី អត់មានចែងទេ»។
សូមសរសេរមកលោក ញឹម សុខន តាមរយៈ sokhorn@vodhotnews.com និងលោក អុឹង ប៊ុនថន តាមរយៈ chanthorn@vodhotnews.com
If Youn invade Cambodia by troops directly, it’s hard to win because it’s easy to be understood by Cambodian people and international community.
So Youn installed Khmer traitor puppet to work as an aggression toll for them in Cambodia;
Youn keep encroaching the border, its puppet does nothing;
Youn keep sending illegal immigration to occupy Cambodia everyday, its puppet does nothing;
Youn take concession land for some million hectares in side and near the border, its puppet does nothing;
Youn control Ang Kor Wat, Boc Kor, Sea shore, petroleum, imported goods, so called (economy), its puppet does nothing
Youn run Khmer millitary, its puppet does nothing;
Youn colonize the whole Cambodia and working to swallow Cambodia completely one day, it puppet does nothing;
Youn puppet only discourage and scare its own people to keep quiet do nothing and allow Youn to do any thing they want
I think if Cambodia is an independent and sovereignty state, if it can’t fight the aggressor, it always can go to United Nation for help; unfortunately, Hun Sen CPP the Youn puppet will not dare to do that
========================
If Hun Sen CPP change mind and become patriot, it will jeopardy their position, power, property , crony and family tree
I admire at Viet Leader and its citizen, you can not hire one of them to be traitor of their own country no matter what you give them
If Youn invade Cambodia by troops directly, it’s hard to win because it’s easy to be understood by Cambodian people and international community.
So Youn installed Khmer traitor puppet to work as an aggression toll for them in Cambodia;
Youn keep encroaching the border, its puppet does nothing;
Youn keep sending illegal immigration to occupy Cambodia everyday, its puppet does nothing;
Youn take concession land for some million hectares in side and near the border, its puppet does nothing;
Youn control Ang Kor Wat, Boc Kor, Sea shore, petroleum, imported goods, so called (economy), its puppet does nothing
Youn run Khmer millitary, its puppet does nothing;
Youn colonize the whole Cambodia and working to swallow Cambodia completely one day, it puppet does nothing;
Youn puppet only discourage and scare its own people to keep quiet do nothing and allow Youn to do any thing they want
I think if Cambodia is an independent and sovereignty state, if it can’t fight the aggressor, it always can go to United Nation for help; unfortunately, Hun Sen CPP the Youn puppet will not dare to do that
========================
If Hun Sen CPP change mind and become patriot, it will jeopardy their position, power, property , crony and family tree; with these kinds of low low character people, they never will
I admire at Viet Leader and its citizen, you can not hire one of them to be traitor of their own country no matter what you give them
Pai si parnnnn , if you are crazy , let ur families ….never let anyone like u