Fri, 31 October 2014
សូ វុទ្ធី
ភ្នំពេញប៉ុស្តិ៍
ភ្នំពេញៈ បើទោះជាមិនទាន់មានដំណឹងល្អ ស្តីពីការដឹកដៃម្ចាស់ស្នេហ៍ជាជនជាតិប៉ាគីស្ថាន លោក Zak Ky ចូលរោងការតាមប្រពៃណីខ្មែរក្តី តែក្រៅពីក្លាហានបណ្តើរគ្នាដោយបើកចំហបង្ហាញភ្នែកសាធារណជននោះ ក៏មានការព្រលយពាក្យចេញពីមាត់តារាសម្តែង និងម៉ូដែលនាង ទឹម រដ្ឋា ថា នាងនឹងមិនខ្វល់ពីលោក Zak Ky ស្មោះ ឬមិនស្មោះជាមួយនាងសម្រាប់អនាគតទេ ឲ្យតែបង្កើតកូនបានមួយទៅនោះបានហើយ។
ស្រីស្រស់ ទឹម រដ្ឋា ធ្លាប់បានប្រាប់ដោយទទូចទៅបណ្តាញសារព័ត៌មានក្នុងពេលមានជំនួបសួរទាក់ទិននឹងចំណងស្នេហ៍ឆ្លងទ្វីបរបស់នាងនិងបុរសជនជាតិប៉ាគីស្ថានថា បើទោះជានាងជាតារាសិល្បៈ និងបានបណ្តើរគ្នាដោយបើកចំហ ទទួលស្គាល់ថា ពួកគេទាំងពីរជាគូស្នេហ៍នឹងគ្នាក៏ដោយ តែសូមកុំច្រឡំ ឬគិតដល់ណាផ្សេងលើសពីអ្វីដែលនាងលើកឡើងនោះ។
តារាសម្តែង និងម៉ូដែល ដែលលេចធ្លោស្នេហាជាងការងារសិល្បៈនាង ទឹម រដ្ឋា ក៏ធ្លាប់បានអះអាងផងដែរថា នាងជាស្រ្តីខ្មែរ ប្រកាន់ប្រពៃណីខ្មែរ ហើយក៏គោរពក្រុមគ្រួសារ(ឪពុកម្តាយ)ដែរ មិនធ្វើអ្វីរញ៉េរញ៉ៃលើសនេះ មិនគាប់ភ្នែកមនុស្សជុំវិញដែរ។
ប៉ុន្តែយ៉ាងណា ទឹម រដ្ឋា ក៏ធ្លាប់បានពោលពីផលពិបាកក្នុងសម្ព័ន្ធស្នេហ៍ខុសសញ្ជាតិជាមួយបុរសប៉ាគីស្ថានរូបនេះផងដែរ ដោយសារទម្លាប់នៃការរស់នៅ និងប្រពៃណីផ្សេងគ្នា។ ប៉ុន្តែនាងនិយាយថា៖ «ពេលនេះកំពុងសិក្សាចិត្តគាត់បន្ថែម ហើយរឿងដឹកដៃគ្នាចូលរោងការក៏មិនទាន់មើលឃើញដែរ ព្រោះមិនទាន់ទទួលបានជំនូនបណ្ណាការពីមេបាខាងប្រុសផង។ ប្រពៃណីនោះ ពិតជាមិនអាចរំលងបានឡើយ»។
ទន្ទឹមនឹងការអះអាងមិនដាច់ពីមាត់រឿងគោរពប្រពៃណីនេះ ស្រាប់តែមានការបង្ហើបពីអ្នកជិតដិត តារាសម្តែងដែលរាងស្វែល កញ្ញា ទឹម រដ្ឋា មកថា ពេលនេះ រដ្ឋា នាងនឹងមិនខ្វល់ពីរឿងដឹកដៃគូស្នេហ៍ជនជាតិប៉ាគីស្ថាន លោក Zak Ky នោះចូលរោងការនោះទេ ហើយក៏មិនខ្វល់ខ្លាចក្រែង លោក Zak Ky នោះស្មោះឬមិនស្មោះជាមួយនាងនោះដែរ។
ប្រភពដែលអះអាងថា ពាក្យសម្តីនេះបានលេចចេញពីមាត់ ទឹម រដ្ឋា ផ្ទាល់។ ប្រភពនោះបានបរិយាយទៀតថា៖ «រដ្ឋា បាននិយាយបែបរំភើយថា ពេលនេះនាងមិនខ្វល់អ្វីទេ នាងសុំត្រឹមតែ លោក Zak Ky បង្កើតកូនឲ្យនាងបានមួយនោះបានហើយ ចង់ទៅណាក៏ទៅ មិនខ្វល់ទាំងអស់»។
ពាក់ព័ន្ធនឹងការទម្លាយពីសម្តីចង់បានចំណងដៃនូវកូនម្នាក់ជាមួយបុរសជាតិប៉ាគីស្ថានម្នាក់នេះ ទឹម រដ្ឋា មិនអាចទាក់ទងសុំការបញ្ជាក់បានទេ កាលពីម្សិលមិញ។
ប៉ុន្តែទស្សនិកជនសង្ឃឹមថា ស្នេហាខុសសញ្ជាតិមួយនេះនឹងអាចសម្រេចឈានដល់ការរៀបអាពាហ៍ពិពាហ៍ ៕
ឮថាញុំាប្រហុកសំបូរកូនតែញាុំចំណីអីរុ់ើបមិនសូវមានកូនទេ៊៊៊៊៊៊៊