ដោយ៖ ពៅ មេត្តា
ថ្ងៃសុក្រ ទី31 តុលា 2014
http://vodhotnews.com
អគ្គនាយកដ្ឋានពន្ធដារកំណត់ឲ្យម្ចាស់អចលនទ្រព្យ នៃភូមិសាស្ត្រជាប់ពន្ធនៅរាជធានីខេត្ត បង់ពន្ធយ៉ាងយូរឲ្យបានត្រឹមថ្ងៃទី៣០ខែវិច្ឆិកា បើពុំដូច្នេះទេ នឹងទទួលការផាកពិន័យតាមច្បាប់ស្តីពីសារពើពន្ធ។
សេចក្តីជូនដំណឹងរបស់អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុចេញផ្សាយនៅថ្ងៃទី៣០ ខែតុលាបានលើកឡើងថា នៅមានម្ចាស់អចលនទ្រព្យមួយចំនួននៅក្នុងភូមិសាស្ត្រជាប់ពន្ធ នៅមិនទាន់បានទៅបង់ពន្ធសម្រាប់ឆ្នាំ២០១៤នៅឡើយ ទើបអគ្គនាយកដ្ឋាននេះសម្រេចពន្យារពេលឲ្យម្ចាស់ទ្រព្យទាំងនោះ ទៅបង់ពន្ធឲ្យបានយ៉ាងយូរនៅត្រឹមថ្ងៃទី៣០ ខែវិច្ឆិកា ឆ្នាំ២០១៤។
សេចក្តីជូនដំណឹងបានឲ្យដឹងទៀតថា ប្រសិនម្ចាស់អចលនទ្រព្យមិនបានទៅបង់ពន្ធតាមការកំណត់នោះ នឹងទទួលទោសទណ្ឌក្នុងការបង់ប្រាក់ពន្ធផង និងបង់ប្រាក់ផាកពិន័យតាមច្បាប់ស្តីពីសារពើពន្ធផង។
សេចក្តីប្រកាសរបស់ក្រសួងសេដ្ឋកិច្ច និងហិរញ្ញវត្ថុកាលពីឆ្នាំ២០១១ ស្តីពីការគិតពន្ធលើអចលនទ្រព្យបានកំណត់ថា អចលនទ្រព្យនៅក្នុងរាជធានី និងខេត្ត នៃព្រះរាជាណាចក្រកម្ពុជាត្រូវជាប់ពន្ធ។ ពន្ធនេះត្រូវប្រមូលចំពោះអចលនទ្រព្យដែលមានតម្លៃលើសពីមួយរយលានរៀល តាមអត្រា០,១ភាគរយ ដើម្បីជាគុណប្រយោជន៍ដល់ថវិការដ្ឋបាលថ្នាក់ក្រោមជាតិ(រាជធានី ខេត្ត-ក្រុង ស្រុក-ខណ្ឌ ឃុំ-សង្កាត់) សម្រាប់អភិវឌ្ឍន៍នៅមូលដ្ឋាន៕
សូមសរសេរមកលោក ពៅ មេត្តា តាមរយៈ minpov@vodhotnews.com
ពន្ធ ជាមធ្យោបាយ សំ ខាន់បំផុត ដែលគ្រប់ប្រទេស អភិវឌ្ឈន បាន និង កំពុង អនុវត្ត។
ការ លួចពន្ធ ដែលបានធ្វេីអោយ កម្ពុជា ក្លាយជាប្រទេស ក្រ តែ បែរជាអនុញ្ញាតិ អោយ ឈ្មួញលួចពន្ធ និង មន្ត្រី ឃុបឃិត នឹង ការលួចពន្ធ បាន ក្លាយទៅជា ពួកអ្នកមាន កប់អាកាស។ របប យកពន្ធរួចមកហេីយ គេ តែងហៅថា ប្រពន្ធ័ សួយសារ អាករ។ បានសេចក្តីថា មន្ត្រី ធំ ដាក់កំណត់អោយ មន្ត្រីតូចជាង រកប្រាក់ ឫមាស ជាចំនួន លេីសពីនេះ ជារង្វាន់ខាន់ខៅ ដល់ ជនដែលផ្តល់ សួយសារអាករនោះ។ ទង្វេី នេះ គេហៅថា អំពេី ពុករលួយ នោះឯង ណាអស់លោក និង មហាអស់លោក។ សូមទានជ្រាប។