ដោយ៖ ឡាយ សាមាន
ថ្ងៃចន្ទ ទី10 វិច្ឆិកា 2014
http://vodhotnews.com
មើលរូបភាពបន្ថែម
ក្រុមការងារគណបក្សទាំងពីរបន្តជួបពិភាក្សាគ្នានៅរសៀលថ្ងៃចន្ទនេះ (រូបភាព៖ ឡាយ សាមាន)
ក្រុមការងារកំណែទម្រង់ការបោះឆ្នោតគណបក្សទាំងពីរ នៅរសៀលថ្ងៃចន្ទនេះ បន្តពិភាក្សាគ្នាទៅលើកំណែទម្រង់ច្បាប់បោះឆ្នោត បន្ទាប់ពីការពិភាក្សាគ្នាលើកចុងក្រោយនៅខ្វែងគំនិតគ្នាតែលើការកំណត់សញ្ជាតិរបស់មន្ត្រីជាន់ខ្ពស់គ.ជ.ប ។
ការពិភាក្សាគ្នានេះធ្វើឡើងនៅវិមានរដ្ឋសភា ដោយខាងក្រុមការងារគណបក្សប្រជាជនកម្ពុជាដឹកនាំដោយលោក ប៊ិន ឈិន និងក្រុមការងាររបស់គណបក្សសង្គ្រោះជាតិដឹកនាំដោយ គួយ ប៊ុនរឿន ។
ការជួបពិភាក្សាគ្នាលើកចុងក្រោយរវាងក្រុមការងារគណបក្សទាំងពីរធ្វើឡើងកាលពីថ្ងៃទី២៧ ខែតុលា ឆ្នាំ២០១៤ ។ ប្រធានក្រុមការងាររបស់គណបក្សប្រជាជនកម្ពុជា លោក ប៊ិន ឈិន បានឲ្យដឹងក្រោយពីកិច្ចពិភាក្សានោះថា គណបក្សទាំងពីរបានឯកភាពគ្នាស្ទើរទាំងស្រុងហើយ លើកលែងតែការកំណត់សញ្ជាតិរបស់អគ្គលេខាធិការ និងអគ្គលេខាធិការង នៃ គ.ជ.ប ប៉ុណ្ណោះ ។ ទោះយ៉ាងណា ប្រធានក្រុមការងាររបស់គណបក្សសង្គ្រោះជាតិ លោក គួយ ប៊ុនរឿន មានប្រសាសន៍ថា ក្នុងចំណោម៦០មាត្រានៃច្បាប់ថ្មីនេះ បក្សទាំងពីរព្រមព្រៀងគ្នាហើយ គឺនៅសល់ជាង១០មាត្រាទៀត ។
លោក គួយ ប៊ុនរឿន ឲ្យដឹងទៀតថា ចំណុចមិនទាន់ឯកភាពគ្នានោះ ដោយសារតែគបក្សប្រជាជនកម្ពុជា កំណត់ឲ្យមានសញ្ជាតិតែមួយ សម្រាប់អគ្គលេខាធិការ និងអគ្គលេខាធិការរង គ.ជ.ប និងត្រូវមានបទពិសោធន៍ការងារ ក្នុងស្ថាប័ននេះជាដើម។ ប៉ុន្តែលោកថាសម្រាប់គណបក្សសង្គ្រោះជាតិ ទាមទារការឯកភាពគ្នាផ្អែកលើគោលការណ៍៣គឺ ទី១. ផ្អែកតាមកិច្ចព្រមព្រៀងបញ្ចប់ជម្លោះនយោបាយថ្ងៃ២២កក្កដា ទី២. ច្បាប់បោះឆ្នោតដែលកំពុងមានសុពលភាព និងទី៣. រដ្ឋធម្មនុញ្ញ។
កាលពីថ្ងៃទី២២ ខែកក្កដា ឆ្នាំ២០១៤ គណបក្សប្រជាជនកម្ពុជា និងគណបក្សសង្គ្រោះជាតិ បានឯកភាពគ្នាធ្វើកំណែទម្រង់ស្ថាប័នរៀបចំការបោះឆ្នោតនេះឲ្យឯករាជ្យ ដោយសារគណបក្សប្រឆាំងចោទថា ការបោះឆ្នោតកន្លងមកមិនត្រឹមត្រូវ និងមានភាពមិនយុត្តិធម៌ ហើយធ្វើឲ្យជាប់គាំងនយោបាយ៕
សូមសរសេរមកលោក ឡាយ សាមាន តាមរយៈ samean@vodhotnews.com
Thanks for continuing to work on the principles of NEC, for free and fair and peace for Cambodians. This demonstrates that the parties are working towards democratic process.
Listening to sensible demands for better living of Cambodians is imperative. Any electorate who wish to be MP, now is knowing full well that he or she is in the parliament tackle issues arisen in Cambodian society rather than to raise hand for the party.
This new generation will maintain these challenges ahead, for conciliation as well as developing our country.
We all admire for those who stick to recent agreement of both parties, and push for democratic change.
Samneang