ដោយ៖ ជន ស្រីណុច
ថ្ងៃសុក្រ ទី14 វិច្ឆិកា 2014
http://vodhotnews.com
ស្តាប់សំឡេង៖ |
ចម្លងទុក |
ព្រះសង្ឃមួយអង្គទៀត គង់នៅវត្តនាគវ័ន្ត ដែលធ្លាប់ជួយតវ៉ាឲ្យអ្នកមានជម្លោះនោះប្រឈមនឹងការចាប់ព្រះកាយ ខណៈដីកាបង្គាប់ពីតុលាការចោទថាព្រះតេជគុណកែវ សុម៉ាលី បានវាយព្រះសង្ឃមួយអង្គទៀតបែកព្រះកេស។
ព្រះតេជគុណ កែវ សុម៉ាលី ជាមេកុដ្ឋលេខ៦ នៃវត្តនាគវ័ន្ត ឲ្យVODដឹង នៅព្រឹកថ្ងៃទី១៤ ខែវិច្ឆិកា នេះថា កាលពីល្ងាចថ្ងៃព្រហស្បតិ៍ម្សិលមិញ ព្រះចៅអធិការវត្តព្រះនាម ងិន ឃីម បានកោះហៅព្រះសង្ឃឲ្យប្រជុំដោយមិនបានព្រាងទុកមុន ។ ព្រះអង្គបន្តថា ការប្រជុំនេះធ្វើឡើងក្នុងចេតនាបង្ករឿង ដើម្បីដេញព្រះអង្គចេញពីវត្ត ដោយយកលេសថាធ្វើខុសវិន័យសង្ឃ បន្ទាប់ពីចេញតវ៉ា ជាមួយអ្នកមានជម្លោះដីធ្លី ។ ប៉ុន្តែព្រះតេជគុណបានព្យាយាមលើកពីច្បាប់មកបកស្រាយ តែមានការប្រកែកគ្នា ក្រោយមកមានមនុស្សលួចវាយព្រះអង្គពីក្រោយ វិលមុខដួល ហើយមានសំឡេងក្មេងវត្តស្រែកថាវាយវាទៅ ហើយព្រះអង្គដឹងខ្លួនច្បាស់ ឃើញព្រះសង្ឃមួយអង្គព្រះនាមឡុង ឆេងហ៊ី បែកព្រះកេសហូរឈាម ។ បន្ទាប់ពីនោះហើយ ដែលចៅអធិកាវត្តបានព្យាយាមឲ្យគេចាប់ព្រះអង្គទៅកាត់ទោស ដោយចោទថាវាយព្រះសង្ឃ តែត្រូវបានមន្ត្រីសង្គមស៊ីវិលដែលឃ្លាំមើលពេលនោះរារាំង ។
ព្រះតេជគុណកែវ សុម៉ាលី មានថេរដីកាថា ព្រះចៅអធិការវត្តមាននិន្នាកានយោបាយ ចង់ដេញព្រះសង្ឃដែលហ៊ានបញ្ចេញមតិចេញពីវត្ត ខណៈព្រះអង្គធ្លាប់ចេញជួយតវ៉ាឲ្យអ្នកមានជម្លោះដីធ្លី និងប្រឆាំងនាំពាក្យស្ថានទូតវៀតណាមដែលបំភ្លៃប្រវត្តិសាស្ត្រ។
ព្រះអង្គបន្តថា «ព្រះចៅអធិកាវត្តនាគវ័ន្ដបានត្រៀមរួចជាស្រេចក្នុងការបណ្ដេញអាត្មាចេញប្រាំលើកមកហើយ ហើយក្នុងនោះព្រះចៅអធិការបានគំរាមថា អាត្មាប្រឆាំងនឹងរាជរដ្ឋាភិបាល ហើយថាអាត្មាហ្នឹងប្រឆាំងនឹងគោលការណ៍វត្ដ ដែលវត្តមិនឲ្យចេញទៅខាងក្រៅធ្វើកិច្ចការសង្គម គឺលោកមិនឲ្យមាន ប្រសិនបើមានគឺត្រូវបណ្ដេញចេញ ពេលនោះអាត្មាយកផ្លូវច្បាប់មកនិយាយជាមួយលោក លោកក៏ធ្វើអ្វីអត់កើតនូវប្រាំគ្រាហ៍នេះធ្វើអ្វីអត់កើតទេ ពេលនេះគឺជាឱកាសមួយរបស់លោក»។
ព្រះចៅអធិការវត្តនាគវ័ន្ត ព្រះនាម ងិន ឃីម មិនអត្ថាធិប្បាយលើបញ្ហានេះទេដោយព្រះអង្គអះអាងថាជាប់រវល់ប្រជុំ ។
អនុប្រធានផ្នែកស៊ើបអង្កេតនៃសមាគមការពារសិទ្ធិមនុស្សអាដហុកលោក ចាន់ សុវេត ដែលបានដឹងពីករណីនេះ យល់ថា ខណៈប្រទេសកម្ពុជា កាន់សាសនាព្រះពុទ្ធ មិនគួរមានការប៉ុនប៉ងចាប់ព្រះសង្ឃផ្សឹកដាក់ទោសបែបនេះទេ ដោយលោកកត់សម្គាល់ថា តុលាការច្រើនតែកាត់ទោសអ្នកតវ៉ាដោយរងសម្ពាធពីអ្នកនយោបាយមានអំណាច។
លោកបន្ថែមថា «យើងមានការព្រួយបារម្ភទៀតផង សម្រាប់ការព្រះសង្ឃទាំងឡាយដែលគាត់បានចូលរួមសកម្មភាពសង្គម និងអាចប្រឈមមុខជាមួយនឹងការចាប់ខ្លួន ហើយប្រសិនបើជារដ្ឋាភិបាលនៅតែបន្តសកម្មភាពបែបហ្នឹង ខ្ញុំគិតថាវាមិនខុសអីពីរបបកុម្មុយនីស្តសម័យរបបប៉ុលពតទេបាទ អាហ្នឹងគឺអត់ស្គាល់សង្ឃទេបាទ អត់ស្គាល់សាសនាទេ ហើយក៏មិនស្គាល់សិទិ្ធមនុស្សដែរ តើប្រទេសកម្ពុជាសព្វថ្ងៃកំពុងតែឈរលើផ្លូវអី ហើយនៅក្នុងលក្ខខណ្ឌបែបហ្នឹងបាទ»។
មួយរយៈពេលចុងក្រោយនេះ សមត្ថកិច្ចរបស់រដ្ឋាភិបាល បានចាប់ព្រះសង្ឃ៣អង្គហើយ ក្នុងនោះ មានមួយអង្គត្រូវបានកាត់ទោសជាប់ពន្ធនាគារ១ឆ្នាំ ហើយពីរអង្គទៀតកំពុងឃុំខ្លួនបណ្តោះអាសន្នបន្ទាប់ពីព្រះសង្ឃទាំងនោះចូលឃ្លាំមើលការធ្វើបាតុកម្មរបស់មានជម្លោះដីធ្លី និងការតវ៉ាប្រឆាំងអ្នកនាំពាក្យស្ថានទូតវៀតណាមពាក់ព័ន្ធករណីទឹកដីខ្មែរកម្ពុជាក្រោម ៕
សូមសរសេរមកកញ្ញា ជន ស្រីណុច តាមរយៈ chornsreynoch@vodhotnews.com
ល្អសើចដែរហ្ន៎!!
ឲ្យតែចាប់ខ្លួន សុទ្ធតែរឿងគម្រាមកំហែង!!
តើថ្ងៃណា ទើបអាចបំបាត់រឿងរបៀបនេះបាន?
បើអញ្ចឹងទេ , មនុស្សទាំងឡាយ សង្ឃទាំងឡាយ ឲ្យតែត្រូវប៉ូលីសចាប់ ឬត្រូវបណ្តេញពីវត្ត សុទ្ធសកម្មជនរបស់បក្ស និងរបស់ចលនាប្រឆាំងណាមួយ ឬវាយ៉ាងម៉េច?
ល្មមៗ បានហើយ!
ក្នុងស្បង់ចីវរ តើវាត្រូវតែមានចិត្តក្រហល់ក្រហាយ វាយគ្នា អញ្ចឹងឬ?
យើងស្តាយណាស់ ស្តាយនៅពេលបានឃើញសង្ឃមួយក្រុម ជំទាលតាមមីក្រូ និងលាត់ស្បង់ចីវរ កាន់ព្រនង់ រត់ដេញវាយ និងបំផ្លិចបំផ្លាញសម្បត្តិ សម្បត្តិឯកជន ?
ស្តាយណាស់ ព្រោះយើងមិនដឹងថា តើនៅពេលយើងទៅបុណ្យភ្ជុំបិណ្ឌ យើងបានសំពះ និងដាក់ចង្ហាន់ ទេយ្យទានប្រគេនព្រះសង្ឃរបៀបនេះ ដែរឬទេ?
ដោយសារតែចិត្តយើង ស្រឡាញធម៌ព្រះពុទ្ធ ទើបយើងចេះតែបន្តទៅវត្ត ទៀតទៅ, ម្លេះ គួរតែបែរទៅគោរពសាសនាព្រះគ្រិស្តម្តងវិញ!
ឃើញសង្ឃអស់នេះ គួរឲ្យខ្ពើម!
តើជាសង្ឃមែន ឬជាពយកចោរបន្លំខ្លួនចូលមកជ្រកម្លប់សាសនា?
ចាស់ៗដំណាលថា ” ពេលយកកូនចៅមកបួសរៀននៅវត្តអារាម គឺយកកូនចៅនោះមកប្រគេនព្រះចៅអធិការវត្តដែលចាត់ជាឪពុកផងម្តាយផងនិងគ្រូបាអាចារ្យតែម្តង” ដូចនេះបើសង្ឃណាបាត់បង់ការគោរពនិងឱយតំលៃការអប់រំ ជាពិសេសមិនគោរពធម្មវិនយ័វត្តនិងចៅអធិការហើយ តើលោកសង្ឃនោះកំពុងធ្វើឱយសាសនារុងរឿង ឬបំផ្លាញសាសនា ។ លោករដ្ឋមន្ត្រីក្រសួងធម្មការ ស្ពឹកស្រពន់ហួសហេតុហើយ ត្រូវគិតគូរពង្រឹងវិន័យសង្ឃ និងរៀបចំសង្ឃឱយស្របតាមច្បាប់ទំលាប់ ។ ឥឡូវក្រុមប្រឆាំងរដ្ឋាភិបាលប្រើប្រាស់ ព្រះសង្ឃស្លៀកលីអូ ស្ត្រី និងកុមារ ក្នុងរូបភាពឱយមតិជាតិនិងអន្តរជាតិ យល់ច្រឡំ និងងាយធ្វើឱយមានកំហឹងជាមួយសមត្ថកិច្ច ប្រសិនជាមានការប៉ះទង្គិចគ្នា ។ លោកសង្ឃខ្លះអាយុ 19-20 ឆ្នាំ សកម្មប្រយុទ្ធឥតងាករេ ប្រើអំពើហឹង្សាជាមួយសង្ឃគ្នាឯង ។
ព្រះសង្ឃទាំងនោះ មិនបានរៀនព្រះគម្ពីរព្រះពុទ្ធសាសនាទេ ប្រហែលជាគាត់បានអានគម្ពីរអ៊ីស្លាម បានជាមានអំពើហិង្សាដូច្នេះ។
នរកមានបើកទ្វារចំហរង់ចាំសង្ឃទាំងនេះហើយ។
អានរកត្រងោល.