ថ្លែងនៅក្នុងពេលការប្រមូលផ្តុំគ្នាមួយដើម្បីទាមទារឲ្យដោះលែងបាតុករដែលប្រឆាំងនឹងរដ្ឋាភិបាលដែលត្រូវបានចាប់ខ្លួនក្នុងពេលការបង្ក្រាបដោយប៉ូលិសនៅក្នុងទីក្រុងភ្នំពេញប្រទេសកម្ពុជា នៅថ្ងៃទី២០ ខែឧសភា ឆ្នាំ២០១៤។
ហេង រស្មី
14 វិច្ឆិកា 2014
វីអូអេខ្មែរ
ភ្នំពេញ— លោក យឹម សុវណ្ណ អ្នកនាំពាក្យគណបក្សសង្គ្រោះជាតិ បានបញ្ជាក់ថា ពិតជាមានជំនួបតាមទូរស័ព្ទរវាងលោកសម រង្ស៊ី ប្រធានគណបក្សសង្គ្រោះជាតិ និងលោកឧបនាយករដ្ឋមន្ត្រីស ខេង រដ្ឋមន្ត្រីក្រសួងមហាផ្ទៃពិតប្រាកដមែនដើម្បីស្វះសែ្វងរកអន្តរាគមន៍សុំឲ្យដោះលែងលោក មាជ សុវណ្ណារ៉ា។
លោកមាជ សុវណ្ណារ៉ា ប្រធាននាយកដ្ឋានព័ត៌មាន និងជាអនុប្រធានក្រុមការងារគណបក្សសង្គ្រោះជាតិប្រចាំខេត្តបន្ទាយមានជ័យ ត្រូវបានកងកម្លាំងមានសមត្ថកិច្ចចាប់ខ្លួនតាមបណ្តោយផ្លូវព្រះនរោត្តម ក្នុងខណៈពេលដែលលោកកំពុងធ្វើដំណើរតាមរថយន្តទៅកាន់ទីស្នាក់ការរបស់គណបក្ស។
លោកត្រូវបានតុលាការក្រុងភ្នំពេញចេញដីកាឃុំខ្លួនក្នុងពន្ធនាគារព្រៃសក្នុងថ្ងៃតែមួយពីបទ៖«ដឹកនាំកុប្បកម្ម ញុះញង់ឲ្យប្រព្រឹត្តបទឧក្រិដ្ឋជាអាទិ៍ និងផ្តើមគំនិតក្នុងអំពើហិង្សាដោយចេតនា ដោយមានស្ថានទម្ងន់ទោស» ដែលបានប្រព្រឹត្តនៅទីលានប្រជាធិបតេយ្យកាលពីថ្ងៃទី១៥ខែកក្កដា។
លោកយឹម សុវណ្ណ អ្នកនាំពាក្យគណបក្សសង្គ្រោះជាតិ មានប្រសាសន៍ថា កាលពីល្ងាចថ្ងៃពុធ លោកសម រង្ស៊ីបានសន្ទនាតាមទូរស័ព្ទជាមួយលោក ស ខេងអំពីការចាប់ខ្លួនមន្ត្រីគណបក្សសង្គ្រោះជាតិ និងការចាប់ខ្លួនសកម្មជនបឹងកក់ និងព្រះសង្ឃផងដែរ។ ក៏ប៉ុន្តែលោកមិនបានបញ្ជាក់ខ្លឹមសារលទ្ធផលនៃជំនួបនេះទេ។
លោករំពឹងថា លោកមាជ សុវណ្ណារ៉ា និងត្រូវបានដោះលែងដូចអ្នកនយោបាយឯទៀតៗ ដែលត្រូវបានចាប់ខ្លួនលើកមុនៗដែរ។
លោកនិយាយថា៖ «ជាការរំពឹងទុករបស់ខ្ញុំ ករណីនេះមិនមានអ្វីប្លែកទេ។ករណីដដែលៗ ដូចករណីប៉ុន្មានដែលបានដោះស្រាយរួចក្នុងពេលថ្មីៗហ្នឹងឯង»។
លោកសម រង្ស៊ី ប្រធានគណបក្សសង្គ្រោះជាតិ បានចាកចេញទៅប្រទេសបារាំងកាលពីយប់ថ្ងៃពុធ ហើយវីអូអេមិនអាចស្នើសុំសេចក្តីអត្ថាធិប្បាយបំភ្លឺអំពីលទ្ធផលនៃជំនួបនេះបានទេ។ ចំណែកលោកនាយកឧត្តមសេនីយ៍ ខៀវ សុភ័គ អ្នកនាំពាក្យក្រសួងមហាផ្ទៃ បាននិយាយថា លោកកំពុងជាប់រវល់ប្រជុំ។
លោកនិយាយថា៖ «បងកំពុងជាប់ប្រជុំ»។
តាមការសម្របសម្រួលនយោបាយ អ្នកតំណាងរាស្ត្រ និងសកម្មជនគណបក្សសង្គ្រោះជាតិចំនួន៧នាក់ត្រូវបានតុលាការសម្រេចដោះលែងឲ្យនៅក្រៅឃុំបណ្តោះអាសន្ន ក្រោយពីបានបង់ប្រាក់ធានា។ ក៏ប៉ុន្តែតុលាការបានដាក់ឲ្យស្ថិតនៅក្រោមការឃ្លាំមើលរបស់តុលាការនៅឡើយ ទាក់ទងនឹងសំណុំរឿងទីលានប្រជាធិបតេយ្យដូចគ្នានេះដែរ។ កាលពីថ្ងៃទី១៥ ខែកក្កដាកន្លងទៅនេះ ក្នុងខណៈពេលដែលសកម្មជន និងអ្នកតំណាងរាស្ត្រមួយក្រុមដឹកនាំដោយលោកស្រី មួរ សុខហួរបានទាមទារឲ្យដោះលែងសួនប្រជាធិបតេយ្យឡើងវិញនោះ ក៏មានការប៉ះអង្គិចគ្នារវាងកងកម្លាំងសន្តិសុខខណ្ឌដូនពេញ និងយុវជនគណបក្សសង្គ្រោះជាតិ ដែលបានបណ្តាលឲ្យមនុស្សប្រមាណ៦០នាក់បានរងរបួស។
លោកបណ្ឌិតឡៅ ម៉ុងហៃ អ្នកវិភាគឯករាជ្យ មិនរំពឹងថា ការចាប់ខ្លួនសកម្មជនគណបក្សចុងក្រោយនេះ នឹងត្រូវតុលាការដោះលែងឆាប់ៗទេ ដោយសារតែគណបក្សសង្គ្រោះជាតិលែងមានថ្នូរសម្រាប់ដោះដូរជាមួយគណបក្សប្រជាជនកម្ពុជាដូចមុនទៀតហើយ។
លោកនិយាយថា៖«ខ្ញុំថាមុនៗមកវាមានជាថ្នូរ។ បើសិនចង់បានឲ្យរួចខ្លួន វាត្រូវឲ្យថ្នូរទៅគណបក្សកាន់អំណាច។ មានថ្នូរសព្វថ្ងៃនេះ វាពាក់ព័ន្ធពីរឿងការចរចាគ្នាពីរឿងគណៈកម្មាធិការជាតិរៀបចំបោះឆ្នោត»។
លោកបានបញ្ជាក់ថា គណបក្សសង្គ្រោះជាតិ នៅទីបំផុត អាចនឹងដើរចេញពីសភា ដោយសារតែខ្លឹមសារនៃកិច្ចព្រមព្រៀងមិនត្រូវបានគណបក្សប្រជាជនកម្ពុជាគោរព ហើយគណបក្សសង្គ្រោះជាតិនឹងវិលត្រឡប់ទៅរកការដឹកនាំធ្វើបាតុកម្មតាមផ្លូវសារធារណៈសារជាថ្មី។
មន្ត្រីគណបក្សសង្គ្រោះជាតិធ្លាប់បាននិយាយថា កាលពីថ្ងៃទី២២ខែកក្កដាក្នុងពេលកិច្ចប្រជុំកំពូលវាងថ្នាក់ដឹកនាំនៃគណបក្សប្រជាជនកម្ពុជា និងគណបក្សសង្គ្រោះជាតិនោះ លោកនាយករដ្ឋមន្ត្រីហ៊ុន សែន ពេលនោះបាននិយាយប្រាប់ថា លោកមាជ សុវណ្ណារ៉ាក៏មានឈ្មោះក្នុងបញ្ជីនៃការចាប់ខ្លួនដែរ។
រហូតមកដល់ពេលនេះ ក្រោយពីកិច្ចព្រមព្រៀងរយៈពេលជាង៤ខែ លោកមាជ សុវណ្ណារ៉ាក៏ត្រូវបានចាប់ខ្លួន។
លោកបណ្ឌិតឡៅ ម៉ុងហៃបានបញ្ជាក់ថា ការចាប់ខ្លួនលោកមាជ សុវណ្ណារ៉ា នេះអាចជាការដៅទុកជាមុនពីលោកនាយករដ្ឋមន្ត្រីហ៊ុន សែន ក៏ប៉ុន្តែមន្រ្តីរដ្ឋាភិបាលធ្លាប់និយាយថា រឿងនេះជាកិច្ចការរបស់តុលាការតែប៉ុណ្ណោះ៕
អត្ថបទព័ត៌មានទាក់ទង
- ក្រុមមេធាវីបានប្តឹងឧទ្ធរណ៍សាលក្រមតុលាការភ្នំពេញដែលដាក់ទោសសកម្មជនដីធ្លី
- គណបក្សសង្គ្រោះជាតិចេញសេចក្តីថ្លែងការណ៍ថ្កោលទោសការចាប់ខ្លួនមន្ត្រីរបស់ខ្លួន
- តុលាការភ្នំពេញកាត់ទោសសកម្មជនដីធ្លីបីនាក់ទៀតឲ្យជាប់ពន្ធនាគារម្នាក់ៗមួយឆ្នាំ
- ប៉ូលិសចាប់និងឃុំខ្លួនមន្ត្រីគណបក្សសង្គ្រោះជាតិជាន់ខ្ពស់
- តុលាការកាត់ទោសស្ត្រីបឹងកក់៧នាក់ម្នាក់ៗជាប់ពន្ធនាគារមួយឆ្នាំ ហើយប៉ូលិសចាប់ខ្លួន៤នាក់ទៀត
law is made by the will of the majority of people throught their representatives in the NA, for the people. So Single Standard of law must be applied equally before the law, by whichthe court must play an independent and neutral role to adjudicate all cases fairly! As people in this Kingdom, we do not want to see the application of double stanadrd of law withim this Kingdom! we need a national unity with indenity is Khmer! unity is the force! L”union fait la force!, Former King Sihanouk said!
1
មាជ សុវណ្ណរា៉ ជាមនុស្សគ្រោះថ្នាក់សំរាប់សង្គម ជាមនុស្សខិលខូចបោកប្រាស់គ្រប់រឿង មិនថាជាប្រាក់កាស ខ្លួនប្រាណស្ត្រីឡើយ ជាក់ស្តែងវាជំពាក់ប្រាក់ថ្លៃសីុផឹកតាមហាងមួយចំនួននៅបាត់ដំបង បន្ទាយមានជ័យ និងនៅភ្នំពេញ ជំពាក់អ្នកធ្វើការនៅខាងវិទ្យុអាសីុសេរីមួយចំនួន ហើយបើខាងស្ត្រី មានស្រ្តីខែ្មរស្លូតត្រង់មួយចំនួនខូចខ្លួនបង់អនាគតដោយសារមនុស្សកំហូចនេះតួរយ៉ាង នាង សំ ប៉ូលីដា ដឹងថាមាជ សុវណ្ណរ៉ានេះមានប្រពន្ធមានកូន2-3 នាក់ នៅតែ បានធ្លាក់ខ្លួនចាញ់បោកវា មានកូនមួយទៀត បើមិនជឿសួរទៅ សំ ប៉ូលីដា ដឹងរឿងទាំងនេះហើយ!បានទៅអាមេរិកនេះ វាក៍បោកអាមេរិកដែរ ព្រោះវាបានផ្តល់ពត៌មានភូតភរយ៉ាងច្រើនអំពីកម្ពុជាទៅវិទ្យុអាសីុសេរី ដូចជាករណីក្នុងឆ្នាំ 2002-3 (មិនចាំពេលវេលាច្បាស់ទេ) ថា ហ៊ុន សែន និង ម៉ល់ រឿប ត្រូវបានគេធ្វើឃាតដោយគ្រប់បែកហើយ! វិទ្យុអាសីុសេរីផ្សាយភ្លាម ក្រោយមកបែរជាពត៌មានបោសប្រាស់សោះ ធ្វើឱយពួកអាមេរិកស្តីបន្ទោសថ្នាក់ដឹកនាំខែ្មរនៅវិទ្យុអាសីុសេរីយ៉ាងចាស់ដៃ ។ តាមរយះនេះ វាបន្តបន្លាចអាមេរិក ហើយអាមេរិកនេះពូកែខាងចាញ់បោកមនុស្សខូចបែបសុវណ្ណរ៉ាដែរ កុំថាឡើយមិត្តភក្ត័ សូម្បីម្តាយវាបង្កើតក៏ភូតភរដែរ ! មកធ្វើជា អ្នកស្នេហាជាតិ ផេះអី បើខ្លួនជាមេចោរនិងកំពូលបោសោះនោះ!?? Meach Sovannara is a real cheating person and he dares to do anything to gain his preputation within CNRP and Cambodia, he cheats people for money and sexual demands. He cheated Mrs. Sam Polida has a child while he married and has a few children. We strongly believe that Mr. Sovannara could ugly planned, leaded and acted for this events, let him face justice and we wish to see that this kingdom stops getting political parties to involve this kind of court case.
គិតថា លោក សម រង្ស៊ី គួរណាស់តែទុករឿងនេះ ឲ្យដំណើរការតាមនិតិវិធីនៃច្បាប់ទៅ។
លោកអាចសម្តែងពីទឹកចិត្តចំពោះសហការីមែន , តែធ្វើដូចម្តេច នឹងការពារបាន?
មិនគួរលោក យករឿងទាំងនេះទៅភ្ជាប់នឹងនយបាយទេ។
ជឿថា លោកអាចនិយាយជាមួយតុលាកា តាមរយៈមេធាវី ការពារ ឲ្យធ្វើយ៉ាងណា អ្នកទាំងនេះ ត្រូវបានសម្រាលទោស គឺល្អជាង។
នេះ ជាពិសោធមួយ ក្នុងចំណោមមេរៀនច្រើនណាស់ និងពាក្យសន្យា ដែល បក្សរបស់លោកបានបង្កើតឡើង។ មេរៀនទាំងនោះ នឹងវិលមកគាបកលោកវិញ នៅថ្ងៃណាមួយ ដែលលោកមានសំណាងបានឈ្នះឆ្នោត!!
សូមកុំបង្រៀនខ្លា ឲ្យ ស៊ីសាច់ កុំបង្រៀនក្រពើ ឲ្យហែលទឹក!!
មាជ សូវណ្ណារា៉ត្រូវតែជាប់គុក ព្រោះជននេះបានប្រើអំពើហិង្សារួមដៃគ្នាជាមួយ និង ក េញ្ជ្រាង បិសាច មួ សុខហួ ដើម្បីវាយ យក ទីលាន ប្រជា ធិបតេយ្យ មក កាន់កាប់ និង វាយប្រហារដោយអាវុធបំពង់ទីប មានបង្កប់ជាតិសុីមង់ ក្នុង នោះ ធ្វើអោយកង កម្លាំង សន្តិសុខ ជាច្រើនត្រវរងរបួស ជាទម្ងន់។
នៅពេលដែលគេចាប់ខ្លួន តាំងស្រែក ថា រំលោភសិទ្ធមនុស្ស។ គេថាសត្វអាងព្រៃ ឯ ព្រៃក៏អាងសត្វ ពួកសង្គ្រោះជាតិដែល ជាសត្វអាង អង្គការ សិទ្វមនុស្សនិង ពួក សង្គម សុិវិល ដែលជាព្រៃដែលផ្តល់ ជំរកសុខសានអោយសត្វដើម្បីបានប្រាក់ខែពីអាគាំង។
កម្ពុជាត្រូវអនុវត្តច្បាប់ ជាធរមានមិនត្រូវយោគយល់ ដល់ពួកណាដែលបំពាន និងមើលងាយច្បាប់ របស់ខ្មែរ តាមទំនើងចិត្តខ្លួនអោយសោះបើពុំនោះទេកម្ពុជានឹងធ្លាក់ជ្រោះមហន្តរាយ ដូច ជាក្នុងទស្សវត ឆ្នាំ ១៩៧០ ទៀតជាមិនខាន៕