ដោយ៖ ឡាយ សាមាន និង អុឹង ប៊ុនថន
ថ្ងៃពុធ ទី19 វិច្ឆិកា 2014
http://vodhotnews.com
ស្តាប់សំឡេង៖ |
ចម្លងទុក |
មើលរូបភាពបន្ថែម
លោក ថោង ខុន រដ្ឋមន្ត្រីក្រសួងទេសចរណ៍(ឆ្វេង) និងលោក យ៉ែម បុញ្ញឬទ្ធិ ប្រធានគណៈកម្មការទី៧នៃរដ្ឋសភា ផ្តល់បទសម្ភាសន៍ដល់អ្នកសារព័ត៌មាន នារសៀលនេះ (រូបថត៖ ឡាយ សាមាន)
ប្រធានគណៈកម្មការទី៧នៃរដ្ឋសភា ស្នើឲ្យរដ្ឋាភិបាលឲ្យដកសិទ្ធិពីក្រុមហ៊ុន សុខ គង់ ក្នុងការលក់សំបុត្រឲ្យអ្នកទេសចរណ៍ដែលទៅទស្សនាប្រាសាទអង្គរវត្ត ។
ការស្នើនេះបន្ទាប់ពីប្រធានគណៈកម្មការទី៧នៃរដ្ឋសភា មកពីគណបក្សសង្គ្រោះជាតិ លោក យ៉ែម បុញ្ញឬទ្ធិ បានកោះហៅលោក ថោង ខុន រដ្ឋមន្ត្រីក្រសួងទេសចរណ៍ ទៅសាកសួរនៅរសៀលថ្ងៃពុធនេះ ។
លោក យ៉ែម បុញ្ញឬទ្ធិ ថ្លែងប្រាប់អ្នកសារព័ត៌មានថា ការដែលផ្តល់សិទ្ធិឲ្យក្រុមហ៊ុនឯកជនគ្រប់គ្រងប្រាសាទអង្គរវត្តអាចនឹងបាត់បង់ប្រាក់ចំណូលជាតិ និងគ្មានតួលេខច្បាស់លាស់ ។ លោកមានប្រសាសន៍ថា «ប៉ុន្តែអ្វីដែលជាសំណូមពរ ដូចឯកឧត្តមមានប្រសាសន៍ដែរ គឺស្នើសុំឲ្យបន្ត ការគ្រប់គ្រងអង្គរ ការលក់សំបុត្ររបស់អង្គរ យកមកឲ្យក្រសួងទេសចរណ៍គ្រប់គ្រងវិញ ពីព្រោះយើងចំណាយលុយទាក់ទាញទេសចរណ៍ មិនគួរណាបណ្តោយឲ្យគេលក់សំបុត្រយកចំណេញទទេៗនោះទេ ។ ដូច្នេះដើម្បីឲ្យចំណូលចូលដល់ថវិកាជាតិ បានកើនឡើង កាត់បន្ថយភាពក្រីក្រដើម្បីប្រមូលថវិកាជាតិឲ្យបានច្រើន» ។
រដ្ឋមន្ត្រីក្រសួងទេសចរណ៍ លោក ថោង ខុន មានប្រសាសន៍ថា ដោយសារក្រសួងទេសចរណ៍នៅមានកិច្ចការជាច្រើនទៀតដែលត្រូវបំពេញ ហើយការសម្រេចយ៉ាងណាទុកឲ្យគណៈកម្មការទី៧នៃរដ្ឋសភា ជាអ្នកសម្រេច។ លោកបញ្ជាក់ថា «គឺគណៈកម្មការក៏បានគាំទ្រទៅដល់ការអភិវឌ្ឍវិស័យទេសចរណ៍នៅកម្ពុជា ក្នុងនោះក៏មានសំណូមពរជាច្រើន ប៉ុន្តែសំណូមពរមួយចង់បានការលក់សំបុត្រអង្គរ មកឲ្យក្រសួងទេសចរណ៍គ្រប់គ្រង ក្នុងនាមក្រសួងទេសចរណ៍ មិនមានបំណងធ្វើកិច្ចការនេះទេ ពីព្រោះថាក្រសួងទេសចរណ៍មានការងារច្រើន ហើយមានការងារច្រើនណាស់ ត្រូវទុកការងារនេះជូនអាជ្ញាធរអប្សារាធ្វើការបន្ត ប៉ុន្តែគណៈកម្មការទី៧ នៅតែទទូច និងសិក្សាពីកិច្ចការនេះ» ។
រដ្ឋាភិបាលកម្ពុជាបានផ្តល់សិទ្ធិឲ្យក្រុមហ៊ុនរបស់លោកឧកញ៉ា សុខ គង់ គ្រប់គ្រងចំណូលពីប្រាសាទអង្គរវត្ត ។
លិខិតរបស់រដ្ឋាភិបាលចុះកាលបរិច្ឆេទថ្ងៃទី៣ ខែមីនា ឆ្នាំ២០០៨ ដែលវិទ្យុអាស៊ីសេរីផ្សាយបង្ហាញថា កាលពីឆ្នាំ២០០៧ រកចំណូលបានពីការលក់សំបុត្រនោះជាង ២៩លានដុល្លារ ហើយលោកឧកញ៉ា សុខ គង់ បង់ទៅឲ្យរដ្ឋាភិបាលតែជាង២២លានដុល្លារ ។ ក្រៅពីនោះចែកទៅឲ្យខាងអភិរក្សអង្គរជិត ៥លានដុល្លារ ហើយក្រុមហ៊ុននេះ យកជាង៥លានដុល្លារ ខណៈអាជ្ញាធរអប្សរារាយការណ៍ថា ក្នុងចំណោមភ្ញៀវទេសចរណ៍អន្តរជាតិជាង២លាននាក់ មានតែចំនួន៥០ភាគរយប៉ុណ្ណោះ ដែលទៅមើលប្រាសាទអង្គរ ៕
សូមសរសេរមកលោក ឡាយ សាមាន តាមរយៈ samean@vodhotnews.com
សូម អរគុណ ដល់ អស់លោក ដែល បានបង្ហាញអោយឃេីញ ពីការស្វែងរកផលប្រយោជន៏ជូនជាតិ ទោះបីជាការប្រឈមនឹងឧបសគ្គយ៉ាងណាក៏ដោយ។
ជាការពិត ប្រាសាទអង្គរ មិនត្រឹមតែជាដួងព្រលឹងខ្មែរបុ៉ណ្ណោះទេ ប្រាសាទ ជាញេីសឈាមរបស់បុព្វបុរសខ្មែរដែលបានសាង ជាកិត្យានុភាពខ្មែរ យ៉ាងហោចកសាងអស់ពេល ១ ទៅ២ ទស្សវត្ត ក្រោម ការគ្រងរាជនៃស្តេចខ្មែរនិមួយៗ ។ អាស្រ័យហេតុនេះ គួរតែអ្នកគ្រប់គ្រងប្រទេស កុំយកដួងព្រលឹងនេះ ជាឧបករណ៏នៃក្តីលោភលន់របស់ខ្លួនបន្តទៅទៀត។
ការស្វែងរកថវិកាជូនជាតិ បានសេចក្តីថា រកថវិកាជូនឆ្លេីយតបនឹងសេចក្តីត្រូវការរបស់រាស្ត្រ និងរដ្ឋ ដេីម្បីកំណែ និងបង្កេីនស្ថាប័ន របស់រដ្ឋ ដែលឆ្លេីយតបទៅនឹងការដុះដាលរបស់រាស្ត្រ ទាំងជីវភាព ព្រមទាំងបញ្ញា ដល់រាស្ត្រខ្មែរ ដោយមនចាត់ទុករាស្ត្រ ជាខ្ញុំកញ្ជះរបស់អ្នកធ្វេីការជូនរដ្ឋឡេីយ។
ការទទូចទាមទារ ការផ្លាស់ប្តូររកប្រយោជន៏ជូនរាស្ត្រនេះ ជាវប្បធម៌ថ្មី ដែលអ្នកនយោបាយខ្មែរ រួមសម្បាច់គ្រប់និន្នាការ ទាំងបក្សគ្រប់គ្រង ទាំងបក្សជំទាស់( គឺស្វែងរកនូវដំណោះស្រាយផ្សេង តែក្នុងបំណងដូចគ្នា) សហការដេីម្បីផលប្រយោជន៏ ដល់រាស្ត្រខ្មែរពិតប្រាកដ។ សូមមេត្តាចាប់អារម្មណ៏ថា គ្រប់និន្នាការ យេីងគួរប្តូរពីបក្សប្រឆាំងមកជា បក្សជំទាស់វិញ ដោយ
យល់ឃេីញថា បក្សប្រឆាំង គឺខ្មាំង បេីខ្មាំងត្រូវតែកំទេច។ វប្បធម៌នេះគេបានយកមកបញ្ឆោត អោយខ្មែរសំឡាប់ខ្មែរ ដោយដាក់ស្លាកថា បេីមិនមែន មិត្រយេីង នោះគឺជា ខ្មាំង បេីជាខ្មាំងត្រូវតែកំទេច។ ជាលទ្ធផល ការសំឡាប់ខ្មែរ រួមទាំងបញ្ញវ័ន្ត ក្នុងស្រុកនិងក្រៅស្រុក និង អ្នកតស៊ូច្រេីនក្រុម ដែលខ្មែរបានបាត់បង់ធនធានមនុស្ស ពី ២ទៅ ៣លាននាក់ ជាហេតុធ្វេីអោយខ្មែរចុះខ្សោយ រួមទៅដោយ ការសម្លាប់បន្ត នៃផែនការ ក៥ នោះទៀត។
ដោយហេតុ នេះ ខ្ញុំសូមអំពាវនាវ និងអង្វរក ដល់ខ្មែរមានមនសិការជាតិ ឈប់លួច ឈប់ប្លន់រាស្ត្រឯងទៀតទៅ។
ក្នុងការអប់រំរបស់ព្រះពុទ្ធសាសនា សូម្បីតែ អង្គុលីមារ ក៏បានសំរេច ជាអរហន្តដែរ បន្ទាប់ពីទទួលស្គាល់នូវបាបកម្មខ្លួនបានសាង ស្របនឹង ពាក្យចាស់ទុំខ្មែរពោលថា” ទទួលស្គាល់ខុស/អន្តរាយ នោះទេីបទទួលស្គាល់ត្រូវ” ។
កាលៈទេសៈនេះ ខ្មែរជាច្រេីន បានយល់ដឹង និងរួមសម្បាច់ ជាមួយខ្មែរ ទាំងនៅក្រៅប្រទេស ទាំងក្នុងប្រទេស ទាំងរាស្ត្រក្រីក្រ ទាំងកម្មករ ព្រមទាំង អនុធន រួមទាំងបញ្ញវ័ន្ត និងមន្ត្រីស្នេហាផលប្រយោជន៏ជាតិ។ នេះបង្ហាញអោយឃេីញនូវទឹកចិត្តខ្មែរ ក្នុងនាមជាខ្មែរ យកចិត្តទុកដាក់ដល់ ដង្ហោយហៅនៃ ការទទូចរបស់រាស្ត្រ។
ក្នងនាមជាខ្មែរ ខ្ញុំផ្ទាល់ មានការគោរព កោតសសេីរដល់វិរភាព របស់ខ្មែរ ទាំងក្នុង និងក្រៅប្រទេស។ ស្របនឹងនេះ យេីងក៏ ពុំគួរ បង្ហាញពីភាពរេីសអេីង ពី សញ្ជាតិ មួយឫសញ្ជាតិ ពីរនោះឡេីយ ដោយលក្ខណ្ឌ ឆ្លេីយតបថា ឪពុកម្តាយជាខ្មែរ និង មានកំណេីត លេីទឹកដីខ្មែរ នោះពិតជារាប់បានថា ជាមនុស្ស ខ្មែរ ពិត។ ដូចនេះ ការរេីស គ ជ ប ពុំគួរបង្កេីតអោយមានបរិយាកាស អាប់អួរ ក្នុងការរកប្រយោជន៏ ជូនជាតិឡេីយ។ សូមអរគុណ។
សំនៀង
ល្មមដល់ពេលវេលារនាំគ្នារធ្វើការដើម្បីផលប្រយោជន៍ជាតិជាធំហើយ ហេតុអ្វីស្ថាប័នជាតិមួយមិនអាចធ្វើការគ្រាន់តែលក់សំបុត្រប្រមូលថវិការជូនរដ្ឋ។ មានមន្រ្តីរាជការជាច្រើនដែលទំនេរមិនសូវមានការងារធ្វើ។ សម័យនេះហើយបច្ចេកទេសជឿនលឿនណាស់ ការគ្រប់គ្រងចំណូលវាងាយស្រួលនិងប្រើមនុស្សមិនច្រើនទេ។ ជ្រើសរើសនិស្សិតដែលរៀនចប់ថ្មីៗអោយធ្វើទៅ ពិតជាបានចំណេញថវិការជូនជាតិ ជាងទុកអោយគេយកចំណេញ។
និយាយឲ្យ បើគ្មានឆន្ទះ នោះអ្វីៗក៏មិនអានធ្វើបានដែរ!!! ពួកCPP ទុកឲ្យ ចៅហ្វាយVN
ថោង ខុន ជា ខ្មែរ ឬ ជាមនុស្ស ប្រភេទ ណា បានជា និយាយដូច្នេះ ?
they keep hiding from the eye of people and the eye of the world ”Big chunk of state money if they do properly job,employ a lot of students that just finish school like red tiger said and have all tickets put in computers ,we will know how many tourist come to see angkor and how much we spend for staff or something then we can see how much money we earn to fill the state budget.i think every department must used computer and then people can’t hiding .GOD bless all cambodian people’
រឿងនេះ យើងគិតថា ប្រសិនជាអាច ដកសិទ្ធិ ឬក៏ត្រូវកែសម្រួលលក្ខខ័ណ្ឌនៃការគ្រប់គ្រង និងបង់ចំណូលជូនរដ្ឋ។
យើងមិនបានពិចារណាទៅស្ថានភាពច្បាប់ និងអ្វីដែលបណ្តាប្រទេសលើពិភពលោក គេអនុវត្តទេ។ តែយើងក៏ត្រូវយកលក្ខខ័ណ្ឌជាក់ស្តែងរបស់ជាតិ មកពិចារណា វិញ។
ទី១) យើងមើលថាតើយើងមានលក្ខខ័ណ្ឌអ្វីខ្លះជាមួយក្រុមហ៊ុន ? គេត្រូវធ្វើអ្វីខ្លះដើម្បីផលប្រយោជន៍ជាតិ គេត្រូវគិតគូរពីអ្វីខ្លះ គេត្រូវកសាងអ្វី? តើវាបានចំណេញអ្វីដល់ជាតិ ប៉ុន្មាន? ឬក៏គេធ្វើនំអត់ម្សៅ? តំហំប្រាក់ចំណេញ និងបង់ជូនមករដ្ឋ មានប៉ុន្មាន និងគេចំណេញបានប៉ុន្មាន? តើវាគួរថា រដ្ឋគួរបន្តឲ្យគេគ្រប់គ្រង ឬរដ្ឋត្រូវដកហូតមកវិញ? យើងក៏មើលដែរថា ប្រសិនបើរដ្ឋគ្រប់គ្រងដោយផ្ទាល់ តើវាល្អជាង ក្រុមហ៊ុន ឬទេ? រឿងនេះ យើងត្រូវតែគិត។
ទី២ ) លក្ខខ័ណ្ឌច្បាប់ តើវាអាចទៅជាយ៉ាងណា ប្រសិនបើយើងលុបកិច្ចសន្យា? រឿងនេះ ក៏គួរតែមើលថា កន្លងមកក្រុមហ៊ុន បានធ្វើឲ្យមានសមិទ្ធិផលអ្វីខ្លះ ត្រូវទៅតាមកិច្ចសន្យា ដែរឬទេ? រឿងនេះ យើងក៏គួពិចារណាពីការផ្តល់សិទ្ធឲ្យក្រុមហ៊ុន សុខ គង់កាន់កាប់ ប្រើប្រាស់ដីឆ្នេរសមុទ្ទ កំពង់សោម ដែរ។
ដូចនេះ រឿងនេះ ក៏គួររដ្ឋាភិបាល ពិនិត្យឡើងវិញ ថា គួរតែនិយាយកែសម្រួលលកខខ័ណ្ឌនៃកិច្ចសន្យា ឬ ក៏ត្រូវដកហូត។ ការដកហូត វាអាចល្អជាង ឬក៏អាច ធ្វើឲ្យយើងពិបាកក្នុងការគ្រប់គ្រង។ តែប្រសិនបើមានការកែសម្រួលលក្ខខ័ណ្ឌ ប្រហែលជាល្អម្យ៉ាងដែរ។
ចាំតែដកបានតើបើដកបីដូចជាដកឆ្នាំបាយរបស់ហ៊ុនសែនអញ្ចឹងសួរថាមេដឹកនាំបានប៉ុន្មានភាគរយ ពីអង្គរវត្តទេ? ពីមុនសុខអានអ្នកបានភាគរយពីចំណូលលក់សំបុត្រចូលប្រាសាទអង្គរវត្តតែឥឡូវគេ បានដណ្តើមគ្នាសុីទៅដល់មន្ត្រីថ្នាក់កំពូលហើយ។
អង្គរវត្ត ជារបស់ មន្ត្រីរាជការកម្ពុជា និង ប្រជាពលរដ្ឋកម្ពុជាយើង ទាំងអស់គ្នា មិនត្រូវ អោយជន
បរទេស កេងចំណេញលើ តទៅទៀត ទេ ! ត្រូវតែ យកមកអោយ មន្ត្រី ប្រជាពលរដ្ឋកម្ពុជា
កាន់កាប់វិញ !