ដោយ៖ ណាត សុភាព
ថ្ងៃអង្គារ ទី2 ធ្នូ 2014
http://vodhotnews.com
សម្តេចក្រុមព្រះ នរោត្តមរណឬទ្ធិ ប្រធានគណបក្សសង្គមរាស្ត្ររាជាធិបតេយ្យ
សម្តេចក្រុមព្រះ ច្រានចោលសម្តីរបស់អគ្គលេខាធិការគណបក្សហ្វ៊ុនស៊ិនប៉ិច ដែលថាព្រះអង្គម្ចាស់នរោត្តម រណឬទ្ធិ មានគម្រោងត្រឡប់ទៅធ្វើជាប្រធានគណបក្ស ហ្វ៊ុនស៊ិនប៉ិច វិញ ។
សេចក្តីបំភ្លឺរបស់គណបក្សសង្គមរាស្ត្ររាជាធិបតេយ្យ នៅថ្ងៃ២ ខែធ្នូនេះ បានសរសេរថា កាលពីថ្ងៃទី៣០ ខែវិច្ឆិកា អគ្គលេខាធិការគណបក្សហ្វ៊ុនស៊ិនប៉ិច លោក ញឹក ប៊ុនឆៃ បានពោលពាក្យមិនពិតចំពោះមុខសកម្មជនរបស់គណបក្សហ្វ៊ុនស៊ិនប៉ិច នៅខេត្តកំពង់ចាម ដែលថាព្រះអង្គនរោត្តមរណឬទ្ធិ មានគម្រោងជួបចរចាជាមួយលោក ញឹក ប៊ុនឆៃ ដើម្បីវិលចូលធ្វើជាប្រធានគណបក្សហ្វ៊ុនស៊ិនប៉ិចវិញ ។
ប៉ុន្តែសេចក្តីបំភ្លឺបញ្ជាក់ថា ការអះអាងរបស់លោក ញឹក ប៊ុនឆៃ មិនពិតនោះទេ ព្រោះព្រះអង្គបានបង្កើតគណបក្សថ្មីមួយទៀត គឺគណបក្សសង្គមរាស្ត្ររាជាធិបតេយ្យ ហើយក្រសួងមហាផ្ទៃសម្រេចទទួលស្គាល់ជាផ្លូវការផងដែរ ។
VOD មិនអាចសុំការឆ្លើយតបពីអគ្គលេខាធិការគណបក្សហ្វ៊ុនស៊ិនប៉ិច លោក ញឹក ប៊ុនឆៃ បានទេនៅរសៀលថ្ងៃអង្គារនេះ ដោយទូរសព្ទមិនមានអ្នកទទួល ។
អតីតប្រធានគណបក្សហ្វ៊ុនស៊ិនប៉ិច សម្តេចក្រុមព្រះ ត្រូវបានគណបក្សបោះឆ្នោតទម្លាក់ពីតួនាទីកាលពីឆ្នាំ២០០៦ ។ បន្ទាប់ពីនោះ ព្រះអង្គប្រកាសឈប់ធ្វើនយោបាយបានមួយរយៈ ក្រោយមកនៅឆ្នាំ២០១៤នេះ ព្រះអង្គបានប្រកាសយាងចូលឆាកនយោបាយវិញ និងបង្កើតគណបក្សថ្មីមួយទៀតឈ្មោះ “គណបក្សសង្គមរាស្ត្ររាជាធិបតេយ្យ” ដើម្បីប្រកួតប្រជែងបោះឆ្នោតថ្នាក់ជាតិឆ្នាំ២០១៨ខាងមុខ ៕
សូមសរសេរមកលោក ណាត សុភាព តាមរយៈ sopheap@vodhotnews.com
គិតថា ល្មមហើយ រឿងឈ្មោះហ្វ៊ុនស៊ីនប៉ិចនេះ គឺល្មឈប់រំលឹក ឈប់គិតថា ជា Brand Name ទៅ។
គ្មានប្រយោជន៍ នឹងត្រូវស្តេចក្រុមព្រះ ទៅចង់បានទៀតទៅ។ គួរតែដឹងថា ប្រជាជនបោះឆ្នោតឲ្យគណបក្សនិមួយៗ មិនមែនមកពីឆន្ទៈ ស្រឡាញ់ Brand Name បក្សនោះទេ តែក៏មិនមែន ដោយសារឈ្មោះរបស់អ្នកដឹកនាំទេ។ តែបើថាអញ្ចឹង ក៏វាអាចដែរ រឿងឈ្មោះដឹកនាំវាអាចមានឥទ្ធិពលច្រើន ទៅលើការសម្រេចចិត្តរបស់ម្ចាស់ឆ្នោត។
ប្រជាជនសព្វថ្ងៃ គេមើលមនុស្សជាអ្នកដឹកនាំមួយជ្រុង មើលពីគោលនយោបាយមួយជ្រុង មើលពីសកម្មភាពជាក់ស្តែងមួយជ្រុង និងមើលពីអនាគតនៃការដឹកនាំក្នុងគោលនោយបាយមួយជ្រុង។
យើងជឿថា គណបក្សហ៊ុនស៊ីនប៉ិចនេះ អស់មានសំណាងហើយ។ ឯគណបក្សរបស់សម្តេចក្រុមព្រះ គ្រាន់តែជាការផ្សងព្រេងទេ ។ ព្រះអង្គមិនអាចដណ្តើម សូម្បី ១កៅអី ទេ។
ដូចនេះ ព្រះអង្គ មិនគួរឈ្លោះ តែជាមួយលោក ញ៉ឹក ប៊ុនឆៃ ធ្វើអ្វីទេ។
សំខាន់ត្រង់ថា តើព្រះអង្គហ៊ានដកដាវ ពីស្រោម ដែរឬក៏អត់? បើដកដាវហើយ តើហ៊ានកាប់ដែរឬទេ? រឿងតែប៉ុណ្ណេះ។ ឯគណបក្សហ្វ៊ុនស៊ីនប៉ិច ក៏អញ្ចឹងដូចគ្នា ។ យើងមិនមែន ឲ្យប្រឆាំងគណបក្សប្រជាជន ទេ តែត្រូវធ្វើការក្នុងនាមជាគណបក្ស ដែលមិនបៅដោះគណបក្សប្រជាជន។
យើងយល់ គឺយល់ថា ក្នុងនាមជាគណបក្សសម្ព័ន្ធភាព គឺវាត្រូវតែស្ងប់ស្ងាត់ មិនហ៊ានបង្ហាញអ្វីជាលក្ខណៈប្រជែង។ ពាក្យថាប្រជែង គឺត្រូវតែលើកពីគុណវិបត្តរបស់អ្នកណាម្នាក់ ដើម្បីបង្ហាញពី គោលនយោបាយ និងទឹសដៅការងាររបស់ខ្លួន។
សរុបមកវិញ បក្សទាំងពីរនេះ គ្មានឱកាសទេ៕
មាយាទឡប់ហើយថោកមួយពូជ!!!!
ពូជមាន់សម្លរពូកែតែជាន់មេ!!!!
He just need money
Should rename this party to be “Royal National Rescue People Party ” = RNRP?!!