Thu, 4 December 2014
សេត គឹមសឿន
ភ្នំពេញប៉ុស្តិ៍
ភ្នំពេញៈ ទោះការប្រាស្រ័យជីវិតនៅក្នុងវិស័យសិល្បៈហាក់បានជួបនឹងព្យុះភ្លៀងមិនចេះចប់មិនចេះហើយក្តី ប៉ុន្តែស្រស់ស្រីវ័យក្មេងពន្លកថ្មីរបស់រស្មីហង្សមាស នាង ទេព បូព្រឹក្ស ដែលល្បីពូកែរាំគ្រលែងដើមទ្រូង រែងចង្កេះនោះ នៅតែប្រឹងជម្នះគ្រប់បញ្ហា ដោយនាងបានបញ្ជាក់ថា នាងត្រូវតែខិតខំដើម្បីកុំឲ្យគេជាន់ឈ្លី។
ក្រោយចូលច្រៀងនៅរស្មីហង្សមាសជាផ្លូវការកាលពីឆ្នាំ២០១១ ប្រជាប្រិយភាពរបស់ ទេព បូព្រឹក្ស បានផ្ទុះឡើងកាន់តែខ្លាំងនៅក្នុងពិភពសិល្បៈចម្រៀង។ ប៉ុន្តែយ៉ាងណា ក៏តារាស្រីរូបនេះមិនអាចគេចផុតពីរលករឿងអាស្រូវជម្លោះ និងការរិះគន់មិនចេះចប់មិនចេះហើយដែរ។
គេបានដឹងថា ក្រោយតារារូបនេះចូលផលិតកម្មរស្មីហង្សមាស មិនបានប៉ុន្មានផង ក៏ស្រាប់តែល្បីថា នាងបានផ្ទុះបញ្ហាជាមួយនឹងអតីតតារាចម្រៀងជើងចាស់អ្នកនាង ពេជ្រ សោភា តែពួកគេទាំងពីរក៏បានបកស្រាយថាគ្មាននោះទេ។ លុះក្រោយមកទៀត ក៏ផ្ទុះបញ្ហាជាមួយមេក្រុមរាំរបស់ខ្លួនយ៉ាងខ្លាំង ធ្វើឲ្យរង្គើសង្គមសិល្បៈ។ ជាមួយគ្នានោះទស្សនិកជនមួយចំនួនក៏បានធ្វើការរិះគន់លើរូបនាងជាបន្តបន្ទាប់ចំពោះក្បាច់រាំសិចស៊ីពេក។ ក្រៅពីនោះក៏នៅមានរឿងមួយចំនួនទៀតផងដែរ។
ទោះបីមានបញ្ហាជាបន្តបន្ទាប់ក្តី ប៉ុន្តែស្រស់ស្រីវ័យ២៣ឆ្នាំនាង ទេព បូព្រឹក្ស នៅតែអាចជម្នះបានគ្រប់យ៉ាង។ ប្រភពពីផលិតកម្មរស្មីហង្សមាសបានឲ្យដឹងថា តារារូបនេះពិតជាប្រឹងប្រែងគួរឲ្យកោតសរសើរទាំងការច្រៀង ហាត់រាំ ស្ទីលថ្មីក្នុងការស្លៀកពាក់ និងការលេងខ្លួនផ្សេងៗ។ ការប្រឹងប្រែងមិនដកដៃរបស់តារារូបនេះ ត្រូវបានគេលើកឡើងថា ទំនងដោយសារតែនាងចង់ប្រជែងជើងខ្លាំងរៀមច្បងមួយចំនួន ពិសេសគឺមិនចង់ឲ្យតារាជើងចាស់ក្នុងផលិតកម្មជាន់ឈ្លីសមត្ថភាពរបស់នាង។
យ៉ាងណាមិញ ពាក់ព័ន្ធបញ្ហានៃការខិតខំរបស់នាងដើម្បីឲ្យងើបផុតកាន់តែឆ្ងាយពីការជាន់ឈ្លីកន្លងមក ទេព បូព្រឹក្ស មិនបាននិយាយបកស្រាយទេ ដោយសារនាងកំពុងគេង ព្រោះទើបត្រឡប់ពីច្រៀងនៅតាមខេត្ត។ បូព្រឹក្ស និយាយខ្លីថា៖«សុំទោសបង ពេលនេះ ខ្ញុំកំពុងគេង ទើបមកពីច្រៀងនៅខេត្ត ចាំពីរម៉ោងទៀត ចាំទូរស័ព្ទមកម្តងទៀត»។
នៅពេលព្យាយាមទាក់ទងម្តងទៀត ទេព បូព្រឹក្ស មិនបានលើកទូរស័ព្ទទេ តែម្តាយរបស់នាងជាអ្នកលើកនិយាយ ហើយប្រាប់ថា បូព្រឹក្ស មិនទាន់ងើបទេ។ តែយ៉ាងណាម្តាយរបស់តារាចម្រៀងរូបនេះបានប្រាប់ថា បូព្រឹក្ស ពិតជាខិតខំសម្បើមណាស់ ហើយសព្វថ្ងៃនេះ នាងរវល់ខ្លាំងគួរសម៕
វប្បធម៌ខ្មែរបំផ្លាញដោយសារសិល្បករ សិល្បការនីនេះឯង ។ ទេព្យ បូព្រឹក្ស ក៏មិនណយដែររឿងបំផ្លាញវប្បធម៌ខ្មែរ មានដូចជារាំ ច្រៀងសុទ្ឋតែវប្បធម៌បរទេស និងមិនសាក្សសមជានារីខ្មែរនោះទេ ។
សំណូមពរអោយតារាចម្រៀងនិងពិធីករ ពិធីការនី ជួយអភិរក្ស និងផ្សព្វផ្សាយវប្បធម៌ខ្មែរអោយបានច្រើនផងកុំសូវគិតរឿងលុយពេកក្នុងការយកវប្បធម៌បរទេសពង្រីកនៅស្រុកខ្មែរ ។
ជិនឬកណាស់ ពួកថោកទាបអស់ទាំងនេះ ម្នាក់ៗខំប្រឹងសម្តែង គឺដើម្បីលក់សំបុកពីងពាង គេរ្តិ៏ម៉ែវាចែកឲ្យនោះ!