ដោយ៖ បូ សាវី
ថ្ងៃចន្ទ ទី8 ធ្នូ 2014
http://vodhotnews.com
ស្តាប់សំឡេង៖ |
ចម្លងទុក |
មើលរូបភាពបន្ថែម
ស្បៃមុងដែលគេដាក់ពង្រាយដើម្បីចាប់ត្រី (រូបថត៖ បូ សាវី)
ប្រជានេសាទនៅស្រុកជីក្រែង ខេត្ដសៀមរាប ឲ្យដឹងថាបទល្មើសនេសាទនៅបឹងទន្លេសាប កំពុងកើតមានច្រើនគួរឲ្យបារម្ភ ខណៈរដូវទឹកស្រកដោយសារអាជ្ញាធរ និងមន្ដ្រីជំនាញឃុបឃិតយកលុយពីអ្នកប្រព្រឹត្ដបទល្មើសនោះ ។
អ្នកនេសាទនៅស្រុកជីក្រែង លោក ជិន ដារ៉ា ប្រាប់ VOD នៅព្រឹកថ្ងៃចន្ទនេះថា បទល្មើសទាំងនោះរួមមាន អូសអ៊ូន រុញស៊ីប ដាក់ដាយ ឆ្នុក មងក្រឡាញឹករាប់គីឡូដី កំពុងកើតមានច្រើនក្នុងតំបន់មាត់ខ្លា និងតំបន់ផ្សេងៗទៀតក្នុងបឹងទន្លេសាប ដែលភាគច្រើនប្រព្រឹត្ដដោយជនជាតិយួន ។ លោកបន្ដថា ការដាក់ឧបករណ៍បទល្មើសនេសាទកើតឡើងយ៉ាងអនាធិបតេយ្យនេះ ដោយសារសមត្ថកិច្ចមន្ដ្រីជលផល និងបរិស្ថានឃុបឃិតគ្នាជាមួយអ្នកនេសាទខុសច្បាប់ជាជនជាតិវៀតណាមនោះ ដោយបង់លុយឲ្យ នូវឧបករណ៍ខុសច្បាប់ដាក់មួយកន្លែង ចាប់ពី៥០០០០រៀលដល់រាប់លានរៀល ។ លោកថា «ស្បៃមុងហ្នឹងគេយកពី៥០០០០ ទៅ១០០០០០រៀល បើឆ្នុកនេះគេយកពី៥០០ ០០០រៀល តែដល់ពេលសាច់ដាយដែលរាប់គីឡូដីនេះ គេយកពី១លានទៅរាល់ពាន់[លាន]។ មច្ឆាជាតិហ្នឹងគេបំផ្លាញមួយឆ្នាំបន្តិចៗ អនាគតទៅកូនចៅសារក្រោយក៏អត់នឹងស្គាល់ពូជត្រីតទៅទៀត ជួនកាលវាបាត់បង់អស់ទៅ» ។
អ្នកនេសាទមួយរូបទៀត លោក លឹម ម៉ៅ ឲ្យដឹងថាសកម្មភាពបទល្មើសនេសាទនេះ កើតឡើងនៅពេលយប់ ហើយជនល្មើសមួយចំនួនជាសែស្រឡាយអាជ្ញាធរមូលដ្ឋាន ។ លោកបន្ដថា ចំណែកពលរដ្ឋក្រីក្រនេសាទជាលក្ខណៈគ្រួសារ និងមិនមានលុយបង់ឲ្យមន្ដ្រីជំនាញទាំងនោះ សមត្ថកិច្ចនឹងចាប់ឧបករណ៍ដុតកម្ទេចចោល ។ ពួកគេគាត់អំពាវឲ្យមន្ដ្រីជំនាញថ្នាក់លើជួយទប់ស្កាត់ និងចាត់វិធានការលើករណីនេះ ដើម្បីរក្សាមច្ឆាជាតិដែលកំពុងរងការបាត់បង់ជាបណ្ដើរៗនេះ ។ លោកបន្ថែមថា «ខ្ញុំសូមឲ្យតែសមត្ថកិច្ចជួយបង្ក្រាប់ឲ្យបាន ឲ្យធ្វើម៉េចបាត់អំពើពុករលួយនេះឲ្យអស់។ ធម្មតាតែចុះមក១០-៣០ម៉ឺនយកញាត់ហោប៉ៅ។ សូម្បីតែត្រីទើបនឹងញាស់ពីមេមកក៏មិនអាចរស់បានដែរ» ។
VOD មិនអាចទាក់ទងនាយខណ្ឌរដ្ឋបាលជលផល ខេត្ដសៀមរាប លោក ព្រិន សាវិន បានទេ ដោយទូរសព្ទចូលច្រើនដងប៉ុន្ដែមិនមានអ្នកទទួល ។ ប៉ុន្ដែអភិបាលស្ដីទីស្រុកជីក្រែង លោក ពៅ ប៊ុនធឿន មានប្រសាសន៍ថា លោកទទួលស្គាល់បទល្មើសកើតឡើង ប៉ុន្ដែមិនបានដឹងពីការឃុបឃិតរបស់សមត្ថកិច្ចនិងជនល្មើសនោះទេ ។ លោកថា លោកនឹងឲ្យមន្ដ្រីជំនាញចុះអន្ដរាគមន៍លើការជាបន្ដបន្ទាប់ ។ លោកថា «ឥឡូវខ្ញុំកំពុងតែជំរុញឲ្យជំនាញជលផល ជំនាញបរិស្ថានទន្លេសាបនោះ ចុះបង្ក្រាបជាប្រចាំហើយ ចុះបង្ក្រាបជាបន្តបន្ទាប់។ កន្លងមកវាមានបញ្ហាដូចជាដាក់ឆ្នុក ដូចជាស្បៃមុង ដូចជាការចិញ្ចឹមត្រីរ៉ស់ ត្រីឆ្តោខុសច្បាប់» ។
ទោះជាយ៉ាងណា ប្រធានសម្ព័ន្ធប្រជានេសាទកម្ពុជា លោក ឡុង សុចែត មានប្រសាសន៍ថា បទល្មើសនេសាទខុសច្បាប់កើតឡើងស្ទើរគ្រប់ទីកន្លែង ខណៈត្រីសំបូរនៅរដូវទឹកស្រក ហើយករណីនេះកើតឡើង ដោយសារមន្ដ្រីជំនាញមកពីតាមបណ្ដាស្ថាប័នក្រសួងនានាជាអ្នកឃុបឃិតគ្នា ។ លោកបន្ដថា ដើម្បីបទស្កាត់បទល្មើសនេសាទ ឲ្យមានប្រសិទ្ធភាព លុះត្រារដ្ឋាភិបាលត្រូវដាក់កំណត់វិធានការណ៍ ឲ្យអាជ្ញាធរមូលដ្ឋានធានាខុសត្រូវ នៅកន្លែងនីមួយៗ ៕
សូមសរសេរមកលោក បូ សាវី តាមរយៈ savy@vodhotnews.com
ត្រូវតែបង្កើតសហគមន៍នេសាទដែលមានច្បាប់ មានលិខិតបទដ្ឋានគតិយុត្តិ
ពិសេសគឺព្រះរាជក្រិត្យនិងអនុក្រិត្យស្ដីពីសហគមន៍នេសាទ
រួចហើយត្រូវផ្ដល់សិទ្ធិអំណាចឲ្យពួកគាត់គ្រប់គ្រងព្រោះពួកគាត់ជាម្ចាស់ធនធានធម្មជាតិ
មិនត្រូវឲ្យមានមន្ត្រីជំនាញដែលស្កាត់មកតាំងពីណាពីណីអត់ដឹងស្អីមកវ៉ាងទីធ្វើខ្លួនឯង
ជាអ្នកចេះដឹងនិងជាអ្នកគ្រប់គ្រងមកត្រួតត្រាលើពួកសហគមន៍ដែលជាម្ចាស់ស្រុកម្ចាស់
ធនធានបែបគ្រាន់បើ។ នយោបាយឆ្កួតលីលាចឹងបានវារលាយធនធានធម្មជាតិអស់ស្ទើ
គ្មានសល់។ មើលចុះព្រៃឈើ ត្រី តូចធំ វាអស់ដោយសាអ្វី??? គឺវាអស់វារលាយរលត់ដោយ
សាស្នាដៃអាពួកមន្រ្តីជំនាញនិងតែម្ដងដែលវាមានសិទ្ទិមានអំណាចមកកាប់មកបំផ្លាញ
មកឃុបឃិតជាមួយជនល្មើសគ្រប់ទីកន្លែង។ នេះហើយជាគោលការនយោបាយដឹកនាំ
ប្រទេសឲ្យសេដ្ឋកិច្ចប្រទេសជាតិធ្លាក់ចុះគ្មានថ្ងៃក្រោករួច។
បង្កើតស្ថាបន័ច្រើន បង្កើត ជំនាញច្រើន ធនធានធម្មជាតិក៏ឆាប់ហិនហោចច្រើន។
មានតែប្រទេសខ្មែរមួយទេដែលបង្កើតសហគមន៍ព្រៃឈើ និងសហគមន៍នេសាទហើយ
មិនផ្ដល់សិទ្ធិអំណាចឲ្យសហគមន៍ចាប់បទល្មើស និងជនល្មើស ។ សហគមន៍បានត្រឹមតែ
ការពារនិងថែរក្សា ធ្វើគង់វង្សនិងរីកចំរើន និងមានសិទ្ធិត្រឹមតែរាយការណ៍ នៅពេលបាន
ឃើញនិងជួបបទល្មើសនិងជនល្មើស គឺទុកឲ្យមន្ត្រីជំនាញជាអ្នកចាប់ចង និងពិន័យ។
ប៉ុន្តែមន្ត្រីជំនាញច្រើនតែទៅឃុបឃិតជាមួយពួកល្មើស ទៅយកតែលុយពីជនល្មើសរួច
ហើយបណ្ដោយឲ្យជនល្មើសធ្វើសកម្មភាពបន្តទៀត។
ោ
តើប្រជាជនសហគមន៍មានទឹកចិត្តការពារទេបើផលប្រយោជន៍បានទៅលើមន្ត្រីជំនាញ???
បើមន្រ្តីជំនាញជាជនល្មើសស៊ុំគ្រលំឃុបឃិតជាមួយជនល្មើសដើម្បីតែផលប្រយោជន៍បក្ស
ពួកខ្លួន?
មន្ត្រីជំនាញទាំងនេះជាអ្នកប្រឆាំងនិងគោលការនយោបាយរបស់រដ្ឋាភិបាលពិសេសអ្នកដឹកនាំ
ប្រទេសដែលមានលោកហ៊ុនសែនបានចុះហត្ថលេខានិង បោះត្រា ឈ្មោះក្រហមយ៉ាងណា
ក៏មន្ត្រីទាំងនោះមិនខ្វល់មិនគោរពគឺពួកគាត់ប្រែជាបំភិតបំភៃប្រជាជនមូលដ្ឋានឲ្យខ្លាចមិនហ៊ាន
និយាយការពិតអំពីទង្វើអាក្រក់របស់ពួកគេ។
លោកហ៊ុនសែនគួរតែត្រូវពិនិត្យពិច័យឲ្យបានច្បាស់ ពិសេសត្រូវចំណាយពេលវេលាអានរាល់
ឯកសារដែលពាក់ពន័ឲ្យយល់ច្បាស់មុននឹងចុះហត្ថលេខាបោះត្រាក្រហម ។ ព្រោះថានៅក្នុង
ឯកសារច្បាប់ បទដ្ឋានទាំងនោះវាមិនបានឆ្លើយតបទៅនិងតម្រូវការរបស់ប្រជាពលរដ្ឋដែល
ជាជនរងគ្រោះ វាបង្កប់តែបញ្ហា សម្រាប់ប្រជាជន ឯផលប្រយោជន៍វាបានទៅលើមន្ត្រីជំនាញ
ដែលស៊ីប្រាកខែរជាតិ ហើយបំផ្លាញជាតិថែមទៀត។ ជាក់ស្ដែងដូចជានយោបាយឲ្យមានការ
កាត់ឡូត៍នេសាទ កែប្រែដីធ្លី និងព្រៃឈើ ហើយមានការបង្កើតសហគមន៍ដើម្បីប្រជាជនថ្នាក់
មូលដ្ឋានមានសិទ្ធិទទួលផលនិងគ្រប់គ្រងការពារ ប៉ុន្តែផ្ទុយទៅវិញគឺសហគមន៍មានសិទ្ធិត្រិម
តែការពារគ្រប់គ្រង រីឯការទទួលផលគឺត្រូវបានទៅលើមន្ត្រីជំនាញឯណោះវិញ
មិនត្រឹមតែប៉ុណ្ណោះថែមទាំងចូលរួមបំផ្លាញធនធានជាមួយនិងជនល្មើសនិងថែមទៀត។
ដើម្បីស្ដារធនធានប្រទេសជាតិឡើងវិញទាល់តែរដ្ឋាភិបាលត្រូវតែរំលាយមន្រ្តីសា្ថបន័
ជំនាញទាំងនោះចេញ។ ឧទាហរណ៍កាលពីជំនាន់សង្គមរាស្ដ្រនិយម គ្មានមន្ត្រីជំនាញណា
ច្រើនស្កេកស្កះដូចនេះទេ គឺមានត្រឹមតែមន្ត្រីមេព្រៃប៉ុណ្ណោះ និងមេជលផលប៉ុណ្ណោះ។
ឥឡូវមានទាំងមន្ត្រីការិយាល័យ មន្ត្រីសង្កាត់ មន្ត្រីខណ្ឌ មន្ត្រីនាយកដ្ឋាន មន្ត្រីរដ្ឋលេខាដ្ឋាន
មន្ត្រីអាជ្ញាធរដែនដី មន្ត្រីយោធា មន្ត្រីនគបាល មន្ត្រីបរិស្ថាន មន្ត្រីសេដ្ឋកិច្ច ។ល។
មន្រ្តីទាំងអស់នេះគឺសុទ្ធតែចូលរួមកំទេចបំផ្លិចបំផ្លាញធនធានធម្មជាតិដណ្ដើមគ្នា
ហែកស៊ីដូចសត្វឆ្កែអីចឹង! ចឹងហើយបានធនធានស្រុកខ្មែរវាឆាប់ហិនហោច
ព្រោះតែអំណាច រៀងៗខ្លួន ជំនាញរៀងៗខ្លួន និងអាងមានខ្នងរៀងៗខ្លួន ដែមមានក្រុម
ឧកញ្ញានិងឯកឧត្តមនៅពីក្រោយ។ ដូចនេះ ហត្ថលេខា និងត្រាក្រហមរបស់លោកហ៊ុនសែន
អត់មានតំលៃ ត្រូវបានក្រុមនេះកោតខ្លាចនិងគោរពត្រាប់តាម។