ដោយ៖ ណុល ដារ៉ា
ថ្ងៃចន្ទ ទី12 មករា 2015
http://vodhotnews.com
ស្តាប់សំឡេង៖ |
ចម្លងទុក |
មើលរូបភាពបន្ថែម
ផ្ទះបណ្តែតទឹករបស់ជនជាតិវៀតណាម ស្ថិតក្នុងខេត្តកំពុងឆ្នាំង
ក្នុងការយាងត្រឡប់មករកឆាកនយោបាយវិញ របស់សម្ដេចក្រុមព្រះនរោត្តម រណឫទ្ធិ នៅដើមឆ្នាំ២០១៥នេះ ក្រៅពីលើកតម្កើងខ្លួនឯង ទ្រង់ក៏បានសរសើរ និងរិះគន់លោកនាយករដ្ឋមន្ត្រី ហ៊ុន សែន ផងដែរ ។
សរសើរត្រង់ថាលោកហ៊ុន សែន ជាអ្នកនាំមកវិញនូវរបបរាជានិយមអាស្រ័យធម្មនុញ្ញ ដល់ព្រះរាជាណាចក្រកម្ពុជារហូតដល់បច្ចុប្បន្ន ។ ឯការរិះគន់វិញ ព្រះអង្គមានបន្ទូលថា លោក ហ៊ុន សែន គ្មានឆន្ទៈចង់បង្កើតក្រសួងអន្តោប្រវេសន៍ ដើម្បីគ្រប់គ្រងលំហូរចូលជនបរទេសមកកាន់កម្ពុជាឡើយ ។
ក្រោយការបោះឆ្នោតជាតិឆ្នាំ១៩៩៣ ដែលរៀបចំដោយអង្គការសហប្រជាជាតិ ហៅកាត់ថា UNTAC គណបក្សប្រជាជនកម្ពុជាបានចាញ់ឆ្នោត ។ កាលនោះមនុស្សសំខាន់បីនាក់របស់គណបក្សនេះ រួមមានលោកស៊ិន សុង, ស៊ិន សេន (ស៊ិន ពិនសេន) និងសម្ដេចនរោត្តម ចក្រពង្ស បានបញ្ចេញទ័ព និងរទេះតង់ ក្នុងបំណងបង្កើតតំបន់អប្បគមន៍នៅខេត្តភាគខាងកើត ជាប់ព្រំដែនជាមួយប្រទេសវៀតណាម ។
ដើម្បីបញ្ចៀសការបែកបាក់ជាតិបន្តទៀត សម្ដេចព្រះនរោត្តម សីហនុ បានបង្កើតឲ្យមាននាយករដ្ឋមន្ត្រីពីរសម្រាប់កម្ពុជា គឺសម្ដេចក្រុមព្រះនរោត្តម រណឫទ្ធិ ជានាយករដ្ឋមន្ត្រីទី១ ឯលោក ហ៊ុន សែន ជានាយករដ្ឋមន្ត្រីទី២ ។
ក្រៅពីនោះ ក្រសួងសំខាន់ៗពីរដែលទាក់ទងនឹងកម្លាំងប្រដាប់អាវុធ ក៏មានសហរដ្ឋមន្ត្រីដែរ គឺក្រសួងការពារជាតិ មានលោក ទៀ បាញ់ មកពីគណបក្សប្រជាជនកម្ពុជា និងលោក ទា ចំរ៉ាត់ មកពីគណបក្សហ្វ៊ុនស៊ិនប៉ិច ។ ឯក្រសួងមហាផ្ទៃមានលោក ស ខេង មកពីគណបក្សប្រជាជនកម្ពុជា និងលោក យូ ហុកគ្រី មកពីគណបក្សហ្វ៊ុនស៊ិនប៉ិច ។
នៅពេលនោះ ក្រៅពីព័ត៌មានចង់បង្កើតក្រសួងអន្តោប្រវេសន៍ ដោយបំបែកចេញពីក្រសួងមហាផ្ទៃ ក៏មានព័ត៌មានពីការចង់បំបែកខេត្តកំពង់ចាមជាពីរផងដែរ គឺខេត្តកំពង់ចាម និងខេត្តត្បូងឃ្មុំ ។ ប៉ុន្តែព័ត៌មានទាំងនោះបានរលត់ទៅវិញ រហូតដល់ក្រោយការបោះឆ្នោតជាតិអាណត្តិទី៥ ដែលគណបក្សសង្គ្រោះជាតិឈ្នះឆ្នោតនៅខេត្តនេះបាន១០អាសនៈ ឯគណបក្សប្រជាជនកម្ពុជាបានតែ៨អាសនៈ ការបំបែកខេត្តដូចព័ត៌មានលេចឮនៅទសវត្សរ៍ឆ្នាំ១៩៩០នោះ បានក្លាយជាការពិត ។
ខណៈនេះ សម្ដេចក្រុមព្រះនរោត្តម រណឫទ្ធិ បានរំឭកឡើងវិញពីចេតនាចង់បង្កើតក្រសួងអន្តោប្រវេសន៍នោះ ។ តើរវាងការបង្កើតក្រសួងអន្តោប្រវេសន៍ និងការពង្រឹងនាយករដ្ឋានអន្តោប្រវេសន៍ដែលមានស្រាប់ មួយណាសំខាន់ជាង?
បណ្ឌិតវិទ្យាសាស្ត្រនយោបាយ លោក សុខ ទូច មានប្រសាសន៍ថា ការបង្កើតក្រសួងបន្ថែមមិនមែនជាដំណោះស្រាយនោះទេ ។ លោកយល់ថា ត្រឹមនាយកដ្ឋានក៏ធ្វើការបានដែរ តាមរយៈការពង្រឹងការអនុវត្តច្បាប់ ហើយដើម្បីអនុវត្តន៍ច្បាប់ឲ្យមានប្រសិទ្ធភាព រដ្ឋត្រូវគិតគូរដល់ជីវភាពមន្ត្រីរាជការរបស់ខ្លួនឲ្យបានរស់នៅសមរម្យ ។ លោកបណ្ឌិត សុខ ទូច ស្ដីបន្ទោសដល់ការបង្កើតក្រសួងថ្មីៗជាច្រើន ប៉ុន្តែមិនបានបម្រើផលប្រយោជន៍ពិតប្រាកដដល់ជាតិ ដូចជាមានក្រសួងកសិកម្ម និងក្រសួងបរិស្ថាន តែរលាយព្រៃឈើ មានក្រសួងអភិវឌ្ឍន៍ជនបទ ប៉ុន្តែផ្លូវថ្នល់នៅតែដីហុយជាដើម ។ លោកថា «ទេសចរច្រើន យើងមានហើយក្រសួងទេសចរណ៍ ប៉ុន្តែយើងគ្រប់គ្រងទេសចរណ៍អត់បាន ឥឡូវអន្តោប្រវេសន៍មកច្រើន យើងចង់បង្កើតអន្តោប្រវេសន៍មួយទៀត ចុះបើក្នុងករណីទៅថ្ងៃអនាគត ត្រីច្រើនត្រូវបង្កើតក្រសួងមួយទៀតដើម្បីគ្រប់គ្រងត្រី ឧបមាដឹកត្រីចេញការនេសាទខុសច្បាប់យើងត្រូវបង្កើតក្រសួងមួយទៀត ដោយគ្រប់គ្រងមិនបានយើងត្រូវបង្កើតក្រសួងមួយទៀត នេះយើងត្រូវតែយកមកពិចារណា ។ អ៊ីចឹងទេនាយកដ្ឋានអន្តោប្រវេសន៍ហ្នឹង រៀបចំច្បាប់ មានច្បាប់ហើយត្រូវអនុវត្ត ហើយបើធ្វើមិនបានទេ ដកចេញទៅ» ។
លោកបណ្ឌិត សុខ ទូច បន្តថាការបង្កើតក្រសួងច្រើនជាការបង្កើនបន្ទុកចំណាយថវិកាជាតិ ។
អតីតប្រធានមជ្ឈមណ្ឌលសិទ្ធិមនុស្សកម្ពុជា បច្ចុប្បន្នអ្នកវិភាគឯករាជ្យលោក អ៊ូ វីរៈ មានប្រសាសន៍ថា ទាក់ទងនឹងបញ្ហាអន្តោប្រវេសន៍ គឺមានបីចំណុច ។ ទី១ លោកថា កន្លងមករដ្ឋាភិបាលមិនមានឆន្ទៈដោះស្រាយបញ្ហាអន្តោប្រវេសន៍ឡើយ ព្រោះបញ្ហានេះគឺទាក់ទងជាមួយជនជាតិវៀតណាម មិនមែនជារឿងអន្តោប្រវេសន៍ទូទៅទេ ។ លោក អ៊ូ វីរៈ បន្ថែមថា ចំណុចទី២ គឺទាក់ទងនឹងបញ្ហាផ្ទៃក្នុងបក្ស ។ លោកថា ការបង្កើតក្រសួងអន្តោប្រវេសន៍ វាត្រូវផ្ដាច់ចេញពីក្រសួងមហាផ្ទៃ ដែលធ្វើឲ្យក្រសួងនេះមិនសប្បាយចិត្ត ។ ឯចំណុចទី៣ លោក អ៊ូ វីរៈ មានប្រសាសន៍ថាវាទាក់ទងនឹងថវិកា ។ លោកអ៊ូ វីរៈ យល់ថាត្រឹមតែនាយកដ្ឋានដែលមានស្រាប់ក៏គ្រប់គ្រាន់ដែរ ។ លោកបញ្ជាក់ថា «តើ[ការបង្កើត]ក្រសួងអន្តោប្រវេសន៍ចាំបាច់ដែរឬអត់? ចំពោះខ្ញុំមិនចាំបាច់ទេ ប៉ុន្តែក្រសួងមហាផ្ទៃត្រូវតែពង្រឹងនូវការអនុវត្តច្បាប់អន្តោប្រវេសន៍របស់យើង ខ្ញុំមើលទៅវាអាចមានភាពរលូតបាត់ទៅហើយ» ។
ជារឿយៗ បក្សប្រឆាំងតែងតែរិះគន់រដ្ឋាភិបាល ថាមិនមានតួលេខច្បាស់លាស់ អំពីជនអន្តោប្រវេសន៍វៀតណាមនៅកម្ពុជា ហើយការមិនគ្រប់គ្រងឲ្យបានច្បាស់លាស់លើជនអន្តោប្រវេសន៍វៀតណាម ជាបុព្វហេតុមួយផងដែរ ដែលធ្វើឲ្យបក្សប្រជាជនបាត់សំឡេងឆ្នោតយ៉ាងច្រើន ។
អ្នកច្បាប់នៃអង្គការអាដហុកលោក នី ចរិយា មានប្រសាសន៍ថាការបង្កើតក្រសួងមិនមែនជារឿងមួយដែលចាំបាច់ទេ ។ លោកយល់ថា អ្វីដែលសំខាន់គឺការពង្រឹងយន្តការអនុវត្តក្នុងការទប់ស្កាត់បញ្ហាដែលកើតមានឡើង ។ លោកពន្យល់ថា «ពង្រឹងការអនុវត្តគឺប្រសើរជាង[ការបង្កើតក្រសួង] ។ ឧទាហរណ៍ថាមានក្រសួងអន្តោប្រវេសន៍ ហើយក្រសួងហ្នឹងធ្វើផ្តេសផ្តាសទៅ ក៏វាមិនបានជាផលប្រយោជន៍អីសម្រាប់ក្នុងការគ្រប់គ្រងជនអន្តោប្រវេសន៍ដែរ ។ យើងឧទាហរណ៍ជាងស្តែង ដូចក្រសួងកិច្ចការនារី ក្រសួងបរិស្ថាន និងក្រសួងអភិវឌ្ឍន៍ជនបទ ដែលបានបង្កើតឡើងដោយស្នាព្រះហស្ថរបស់សម្តេចក្រុមព្រះ សួរថាតើមានប្រសិទ្ធភាពទេ» ។
ផ្អែកតាមមតិអ្នកវិភាគខាងលើ ឃើញថាការបង្កើតក្រសួងអន្តោប្រវេសន៍ មិនមែនជាការចាំបាច់នោះទេ ផ្ទុយទៅវិញ វានឹងជាការបង្កើនបន្ទុកលើការចំណាយថវិកាជាតិ។ អ្នកវិភាគទាំងអស់ឯកភាពគ្នាថា ការពង្រឹងការអនុវត្តច្បាប់គឺជារឿងសំខាន់ ៕
សូមសរសេរមកលោក ណុល ដារ៉ា តាមរយៈ dara@vodhotnews.com
អំពេីពុករលួយ ដែលបានធ្វេីអោយគ្រប់ ក្រសួង មានទុពលភាព។
ពេលបៀវត្ស បង្កេីន តាមកំរិតជីវភាពសមរម្យ ជំរុញកាន់អនុវត្តន៏ ច្បាប់ការងារ /សិលធម៌ និងពិន័យ ឬផ្តន្ទាទោស
អ្នកមានអំណាចពុករលួយ ប្រសិទ្ធិភាពឬសមត្ថភាពនឹងកេីតមានឡេីង ជាលទ្ធផល។
តំឡេីងក្រសួងកាន់តែច្រេីន លួចកាន់តែច្រេីន មិនចេះចប់។ ទីបំផុត រាស្ត្រ ក្ររហាម ខ្ញុំគេដដែល។
៉ខ្មែរនៅធ្វេី ខ្ញុំ អ្នកធំសីុកេរ្តិ(អំណាច) អ្នកមានជាងគេ ឡេីងមហាឧកញ៉ា កម្ពុជាខ្ចីគេដដែល ៉។
សំនៀង
ប្រទេសមួយត្រឹមត្រូវ លូតលាស់ គឺច្បាប់ បើមិនគោរពច្បាប់អ្វីក៏អាចមានដែរ ដូចជា
ក្រសួង បរិស្ថាន រលាយព្រៃឈើ
ក្រសួង យុត្តិធម៍ រលួយពេញប្រទេស
ក្រសួងការងារ ពលរដ្ឋខ្ញុំបរទេស ហើយក្នុងស្រុកសីុមិនគ្រប់
ក្រសួង អប់រំ គ្រូលក់នំ ចិញ្ចឹមជីត សាលាលេចទឹក
ក្រសួងសុខាភិបាល មានលក់ថ្នាំក្លែងក្លាយ មន្រីគ្មានក្រមសីលធម៍
ក្រសួងមហាផ្ទៃ ប៉ូលីសគ្មានជំនាញ កាន់កាំភ្លើងរេលកៃស្លាប់ពលរដ្ឋ ឃុបឃិតពួកឈ្មួញខុសច្បាប់
ទាំងអស់នេះសុទ្ធតែត្រូវការច្បាប់មើលថែ
this is a very good question to current leaders and our nation. the way I’m thinking these two importance point is a must.1 immigration reform will make our country standing on our nation sovereignty be for Asian community come in affect . 2 to make our country in stable situation this government have to make a big change. clean up all corruption among this leadership in the whole nation. the way I see our country having too many government worker or representative this way was not good for our nation. too many representative is just good for CPP party only . because of the state budget have limited ,and have to pay too many gov sector that not including the over warming number of every high level in this gov.they did it just to take from state budget to get rich . the budget have to be reduce for individual in a small amount that mad corruption start it way. this situation is not safe for any country in the world.please think about that>>>>>>>>>>>>>> to solving Vietnamese immigration is so easy to do it . just like the way I said it. at first set up the refugee camp and those illegal Vietnamese let UNHCR take care it .that way HUN SEN will out of trouble maker master. PEACE TO ALL CAMBODIAN