ដោយ៖​ ពៅ មេត្តា​
ថ្ងៃអាទិត្យ ទី22 មិនា 2015
http://vodhotnews.com

មើលរូបភាពបន្ថែម

រូបភាពសមត្ថកិច្ចចុះ​យុទ្ធនាការ​បង្ក្រាប​ការលក់ដូរ​ទំនិញ​ខូច​គុណភាព ​(រូបភាពពី​គេហទំព័រ​អគ្គស្នងការ​នគរបាល​ជាតិ)

​មន្ត្រី​សមត្ថកិច្ច​ធ្វើការ​ពាក់ព័ន្ធ​និង គុណភាព​ចំណីអាហារ​នៅ​ខេត្ត​ប៉ៃលិន បាន​ចុះ​ត្រួតពិនិត្យ និង​ដកហូត​ទំនិញ​​ខូច​គុណភាពចំនួន​៧​ប្រភេទ​នៅក្នុង​ផ្សារ​ម៉ា​ត​កាស៊ីណូ និងនៅតាម​តូ​បលក់​ទំនិញ​នៅ​ក្នុង​ឃុំ​ស្ទឹង​កាច់ ស្រុក​​សាលា​ក្រៅ។​

​គេហទំព័រ​អគ្គស្នងការ​នគរបាល​ជាតិ​ចុះផ្សាយ​ថាយុទ្ធនាការ​បង្ក្រាប​ការលក់ដូរ​ទំនិញ​ខូច​គុណភាព​នេះ ធ្វើ​ឡើង​​នៅ​ថ្ងៃទី​២០​ ខែ​​មីនា ដោយ​មាន​ការសហការ​រវាងមន្ត្រី​កាន់​កុងត្រូល និងមន្ត្រី​ពាណិជ្ជកម្ម​ខេត្ត​ប៉ៃលិន​ ។ ទំនិញ​ដែល​ខូច​គុណភាព​ទាំងនោះ​ សមត្ថកិច្ច​រកឃើញ ត្រូវបាន​គេ​កោស​លេខ​កូដ​ចេញ រួច​ដាក់​បន្ត​ដែល​អាច​ធ្វើឲ្យ​ប៉ះពាល់​ធ្ងន់ធ្ងរ​ដល់​សុខភាព​អ្នកប្រើប្រាស់​​ ។​

​គេហទំព័រ​ដដែល​បញ្ជាក់ថា ទំនិញ​ទាំង​៧​ប្រភេទ​ដែល​មន្ត្រី​ជំនាញ ដកហូត​បាន​រួម​មាន​ទឹកក្រូចfanta ១៦​ដប ម្ស៉ៅ​ស៊ុប​រ៉​ត​ឌី​១៣​កញ្ចប់ ស្រា​បៀរ blackcat ៩​កំប៉ុង ភេសជ្ជៈ Vigoo ២​កំប៉ុង ទឹកដូង កំប៉ុង​៨​ដប និង ភេសជ្ជៈ ខា​រ៉ា​បាវ ២៤​ដប​ ។ ក្រោយពេល​ដកហូត​ទំនិញ​ទាំងនេះ សមត្ថកិច្ច​បាន​អប់រំ​អាជីវករ​ទាំងនោះ ឲ្យ​ឈប់ល​ក់​ទំនិញ​ខូច​គុណភាព​ទៀត ហើយ​ថា បើ​មិន​រាងចាល សមត្ថកិច្ច​នឹង​អនុវត្ត​តាម​ផ្លូវច្បាប់​ ៕

សូម​សរសេរ​មក​លោក ពៅ មេត្តា តាមរយៈ minpov@vodhotnews.com