ដោយ ឡេង ម៉ាលី
2015-05-25
RFA
ស្ដាប់ ឬ ទាញយកសំឡេង
ទិដ្ឋភាពនៃសាលាក្ដីខ្មែរក្រហម កាលពីថ្ងៃទី៣ ខែកុម្ភៈ ឆ្នាំ២០១២។ Photo courtesy of ECCC
អង្គជំនុំជម្រះសាលាដំបូងនៃសាលាក្ដីខ្មែរក្រហម នៅថ្ងៃទី២៥ ខែឧសភា បន្តធ្វើសវនាការលើអង្គហេតុស្ដីពីការដ្ឋានការងារ នៅទំនប់ ១ មករា ខេត្តកំពង់ធំ។ នៅទំនប់ ១ មករា ខេត្តកំពង់ធំ ជាការដ្ឋានធ្វើការដោយបង្ខំធ្ងន់ធ្ងរមួយ ដែលត្រូវបានសាលាក្ដីដាក់បញ្ចូលទៅក្នុងសំណុំរឿង ដើម្បីជំនុំជម្រះអតីតមេដឹកនាំខ្មែរក្រហម នៃរបបកម្ពុជាប្រជាធិបតេយ្យ។
សវនាការនៅថ្ងៃទី២៥ ឧសភា អង្គជំនុំជម្រះសាលាដំបូងស្ដាប់សក្ខីកម្មរបស់សាក្សីមួយរូបទៀត គឺលោកស្រី មាស ឡៃហួរ ដែលអតីតជានារីកងចល័តនៅការដ្ឋានពលកម្មដោយបង្ខំ ឈ្មោះទំនប់ ១ មករា ខេត្តកំពង់ធំ។
សាក្សី មាស ឡៃហួរ ជម្រាបអង្គជំនុំជម្រះថា ការធ្វើការនៅការដ្ឋានទំនប់ ១ មករា ក្នុងខេត្តកំពង់ធំ នោះ ជាសមរភូមិពលកម្មក្ដៅ ព្រោះមិនមានពេលសម្រាកគ្រប់គ្រាន់ទេ ហើយមានគ្រោះថ្នាក់ផង៖ «»។
លោកស្រី មាស ឡៃហួរ ថ្លែងថា ការធ្វើការធ្ងន់ ប៉ុន្តែរបបអាហារមិនគ្រប់គ្រាន់ទេ ដោយលោកស្រីប្រៀបធៀបថា មានគុណភាពតិចជាងបបរបាយជ្រូកសព្វថ្ងៃនេះ។
សាក្សីបញ្ជាក់ថា ពេលខ្លះឈឺ ក៏ត្រូវតែទៅធ្វើការដែរ ព្រោះខ្លាចរងការកសាង និងទណ្ឌកម្មបង្អត់បាយ។ មានពលករធ្វើការនៅទំនប់ ១ មករា ជាច្រើននាក់បានស្លាប់ដោយសារតែការរស់នៅ និងការបរិភោគមិនមានអនាម័យ ជាពិសេសគឺទឹកមិនស្អាត ១២ ហើយពេលឈឺ មិនមានពេទ្យព្យាបាលត្រឹមត្រូវទេ។
សាក្សី មាស ឡៃហួរ បន្តថា អ្នកធ្វើពលកម្មនៅសមរភូមិក្ដៅទំនប់ ១ មករានោះ គឺជាកងចល័តពិសេស ដែលមានទាំងប្រជាជនចាស់ និងប្រជាជនថ្មី។ កងចល័តទាំងនោះត្រូវធ្វើការលើកធ្ងន់ដោយបង្ខំ ប្រមាណ ១៨ម៉ោងក្នុងមួយថ្ងៃ ហើយមានកងឈ្លប និងយោធាយាមឃ្លាំមើលផង៖ «»។
សវនាការស្ដាប់សក្ខីកម្មរបស់សាក្សី មាស ឡៃហួរ នៅមិនទាន់បញ្ចប់ទេ គឺនឹងត្រូវភាគីការពារក្ដីជនជាប់ចោទសួរជាបន្តទៀត នៅថ្ងៃអង្គារ ទី ២៦ ឧសភា៕
កំណត់ចំណាំចំពោះអ្នកបញ្ចូលមតិនៅក្នុងអត្ថបទនេះ៖ ដើម្បីរក្សាសេចក្ដីថ្លៃថ្នូរ យើងខ្ញុំនឹងផ្សាយតែមតិណា ដែលមិនជេរប្រមាថដល់អ្នកដទៃប៉ុណ្ណោះ។
អត្ថបទដែលទាក់ទង
- សាលាក្ដីខ្មែរក្រហមចែកសាលក្រមដល់មន្ត្រីតុលាការនិងមន្ត្រីអនុវត្តច្បាប់៤ខេត្តជាប់មាត់សមុទ្រ
- សាលាក្ដីខ្មែរក្រហមបន្តស្ដាប់អតីតអ្នកបច្ចេកទេសនៅការដ្ឋានទំនប់១មករា
- សម្ភាសអ្នកនិពន្ធសៀវភៅ “នៅពេលពពកធ្លាក់ពីលើមេឃ (វគ្គ២)
- សម្ភាសអ្នកនិពន្ធសៀវភៅ “នៅពេលពពកធ្លាក់ពីលើមេឃ (វគ្គ១)
- សាលាក្ដីខ្មែរក្រហមចែកសៀវភៅសាលក្រមដល់និស្សិត
- សាលាក្ដីខ្មែរក្រហមកោះហៅអ្នកនិពន្ធភាពយន្តឯកសារឲ្យផ្ដល់សក្ខីកម្មសំណុំរឿង០០២វគ្គ២
- បទសម្ភាសន៍អំពីភាពចម្រូងចម្រាសរវាងសហចៅក្រមស៊ើបអង្កេតជាតិនិងអន្តរជាតិ
- ទស្សនៈចំពោះជនសង្ស័យ អោ អាន និងអ៊ឹម ចែម ជាអតីតមន្ត្រីខ្មែរក្រហម
- ទស្សនៈចំពោះជនសង្ស័យជាអតីតកងនាវាចរណ៍ក្នុងរបបខ្មែរក្រហមលោក មាស មុត
i al way say the K-R court in phnom_penh is a joke’ ha ha ‘ how can they get justice to people? this court just cheat the whole srok khmer and the international’ .funny court’ the killers still sit and do corruption every day and work in parliament ‘how do they get justice? this court need to find out the first khmer rouge who created? the veitcong and china’ help them to killed khmer .theses two countries more responsibility then other countries.the whole srok khmer are victim ‘GOD bless all cambodian people’