Fri, 10 July 2015
ស៊ូ វុទ្ធី and ឆាយ ច័ន្ទនីដា
ភ្នំពេញប៉ុស្តិ៍
ខណៈដែលល្បីថា ជនបង្កហិង្សាលោក សុខ ប៊ុន កំពុងស្ថិតនៅប្រទេសសិង្ហបុរីអំឡុងពេលសមត្ថកិច្ចកំពុងតាមឃាត់ខ្លួន រីឯអ្នករងគ្រោះអតីតពិធីការិនីស៊ីធីអិនកញ្ញា សាសា ក៏ត្រូវបានក្រុមគ្រួសារប្រាប់ថា កំពុងស្វែងរកការព្យាបាលរបួសនៅមន្ទីរពេទ្យឯប្រទេសថៃដែរនោះក៏មានព័ត៌មានលេចឮថា ខាងលោកព្រមទទួលសំណងបញ្ចប់រឿង ៤ ម៉ឺនដុល្លារ ក្រោយល្បីថាប្តឹងទារសំណងមួយលានដុល្លារអាមេរិក។
ប៉ុន្តែជុំវិញព័ត៌មានទទួលយកសំណងចំនួន ៤ ម៉ឺនដុល្លារ និងថាលោកបានប្រកាសប្ដឹងទារសំណងចំនួនលានដុល្លារនោះត្រូវបានឪពុកកញ្ញា ឯក សុជាតា ហៅ សាសា បដិសេធទាំងស្រុង។
ផ្តល់បទសម្ភាសជាមួយ ភ្នំពេញប៉ុស្តិ៍ លោកឧកញ៉ា អ៊ុត ធី បានបដិសេធថា៖ «ក្នុងពាក្យបណ្តឹងដាក់ប្តឹងលោក សុខ ប៊ុន រឿងប្រើហិង្សាលើកូនស្រីខ្ញុំ អតីតពិធីការិនី កញ្ញា សាសា កាលពីរាត្រីថ្ងៃទី ២ ខែកក្កដា នោះ ខ្ញុំមិនបានទាមទារសំណងហើយក៏គ្មានដាក់ថាយកមួយលានដុល្លារនោះដែរ គ្មានទេ»។
ក្រោពីការលាន់មាត់ថា៖ «មួយលានយកមកធ្វើអ្វី បើយកពីរលានយកទៅជួយកាកបាទក្រហមទាំងអស់» នោះឪពុក កញ្ញា ឯក សុជាតា ហៅ សាសា បានបញ្ជាក់ទៀតថា៖ «ក្នុងពាក្យបណ្តឹងនោះខ្ញុំមិនបានទាមទារសំណងអ្វីទាំងអស់ ក្នុងនោះគឺប្តឹងរកយុត្តិធម៌តាមច្បាប់ឲ្យកូនស្រីខ្ញុំតែប៉ុនហ្នឹងទេ»។
ជាមួយការលើកឡើងនេះ លោក អ៊ុត ធី ក៏បានបញ្ជាក់ជុំវិញដំណឹងទទួលសំណង ៤ ម៉ឺនដុល្លារបញ្ចប់រឿងក្ដីដោយលោកអះអាងទៀតថា៖ «មិនមានទេព័ត៌មាននេះវាជារឿងមិនពិតទេ។ នោះគឺជាការប្រឌិតឡើងតែប៉ុណ្ណោះ»។
នារសៀលថ្ងៃសុក្រ ទី ១០ ខែកក្កដានេះ កញ្ញា សាសា ក៏បានបង្ហោះសារក្នុងបណ្ដាញហ្វេសប៊ុករបស់នាងពីទីក្រុងបាងកកដោយនាងសរសេរបញ្ជាក់ច្បាស់ៗថា៖ «គ្រួសារខ្ញុំមិនដែលនិយាយរឿងលុយ ឬសំណងអ្វីនៅឡើយទេទោះជាប៉ុន្មានលានក៏ដោយសូមឲ្យចេញមុខដោះស្រាយចំពោះមុខច្បាប់ !»៕
ព្ញសូរតែកាកបាតក្រហម ឆ្អែត…
ឥទ្បូវគេឈប់ហៅថា កាកបាទក្រហមហើយ គេហៅថាកាកបាទក្ររហាម