ដោយ៖ ឡាយ សាមាន | ថ្ងៃអង្គារ ទី21 កក្កដា 2015
http://vodhotnews.com
ស្តាប់សំឡេង៖ |
ចម្លងទុក |
អ្នកវិភាគមួយចំនួនលើកឡើងថា ប្រសិនបើអង្គការសហប្រជាជាតិ មិនអាចរកឃើញផែនទីដែលកម្ពុជាបានតម្កល់ទុកនៅទីនោះទេ នឹងធ្វើឲ្យប៉ះពាល់ដល់បូរណភាពទឹកដីកម្ពុជា ក្នុងការផ្ទៀងផ្ទាត់ ការបោះបង្គោលព្រំដែនជាមួយប្រទេសជិតខាង។
ការលើកឡើងនេះ បន្ទាប់ពីលោកនាយករដ្ឋមន្ត្រី ហ៊ុន សែន បានអះអាងថា រហូតមកដល់ពេលនេះ អង្គការសហប្រជាជាតិនៅមិនទាន់រកឃើញផែនទីរបស់ប្រទេសកម្ពុជានៅឡើយ។
សាស្រាចារ្យនយោបាយ លោក សូ ចន្ថា មានប្រសាសន៍ថា ប្រសិនបើអង្គការសហប្រជាជាតិរកមិនឃើញផែនទីកម្ពុជាដែលតម្កល់ទុកនៅទីនោះពិតមែន នឹងធ្វើឲ្យកម្ពុជាគ្មានអំណះអំណាងអ្វីដើម្បីធ្វើការតស៊ូមតិជាមួយប្រទេសជិតខាង ជាពិសេសប្រទេសវៀតណាមនោះទេ។ មួយវិញទៀត លោកថាស្ថាប័នពិភពលោកមួយនេះ នឹងធ្វើឲ្យបាត់បង់ទំនុកចិត្តពីប្រទេសមហាអំណាចធំៗ ដោយសារការធ្វេសប្រហែសរបស់ខ្លួន។ លោកថា៖ “វាធ្វើឲ្យប៉ះពាល់ប្រយោជន៍កម្ពុជា។ ប្រយោជន៍យ៉ាងម៉េច? ពីព្រោះផែនទីដែលយើងតម្កល់អង្គការសហប្រជាជាតិ ជាផែនទីពិតប្រាកដដែលអង្គការសហប្រជាជាតិបានទទួលកម្ពុជា ជាសមាជិកនៃអង្គការសហប្រជាជាតិ ឆ្នាំ១៩៥៤។ អ៊ីចឹងប្រសិនជាផែនទីនេះរកមិនឃើញទេ វាធ្វើឱ្យកម្ពុជាគ្មានអំណះអំណាងគ្រប់គ្រាន់ដើម្បីធ្វើការតស៊ូមតិជាមួយប្រទេសជិតខាង ជាពិសេសគឺប្រទេសវៀតណាម។ មានន័យថាយើងអត់មានឯកសារផ្លូវការ ដើម្បីតតាំងជាមួយវៀតណាមទេ។ អ៊ីចឹងកន្លែងនេះហើយដែលធ្វើឲ្យមានបញ្ហាផលប្រយោជន៍បូរណភាពទឹកដីរបស់កម្ពុជា”។
លោក សូ ចន្ថា ថ្លែងថា ការដែលអង្គការសហប្រជាជាតិមិនទាន់រកឃើញផែនទីរបស់កម្ពុជាឃើញនោះ អាចថាស្ថាប័នពិភពលោកមួយនេះ មានប្រព័ន្ធរដ្ឋបាលខ្សោយ។ តែលោកថា នេះគ្រាន់តែជាឆ្លើយបំភ្លឺរបស់មន្ត្រីរដ្ឋាភិបាលនៅទីសាធារណៈប៉ុណ្ណោះ មិនមែនមែនជាការឆ្លើយតបពីមន្ត្រីអង្គការសហប្រជាជាតិនោះទេ។
អ្នកវិភាគនយោបាយលោកបណ្ឌិត សុខ ទូច មានប្រសាសន៍ថា ប្រសិនបើកម្ពុជាគ្មានផែនទីច្បាស់លាស់ទេ នឹងធ្វើឲ្យប៉ះពាល់ដល់លំនឹងនយោបាយ ប្រជាជនមិនបានរៀនពីភូមិសាស្ត្រនយោបាយ ជាពិសេសនឹងធ្វើឲ្យកម្ពុជារឹតតែបាត់បង់ទឹកដីថែមទៀត។ យ៉ាងណាក៏ដោយលោកសង្ឃឹមថា អង្គការសហប្រជាជាតិ នឹងផ្តល់ឯកសារទាក់ទងនឹងព្រំដែនមកឲ្យកម្ពុជាក្នុងពេលឆាប់ៗខាងមុខ សម្រាប់យកមកផ្ទៀងផ្ទាត់ក្នុងការបោះបង្គោលព្រំដែន។ លោកបញ្ជាក់ថា៖ “កម្ពុជា(ប្រជាជន)១៥លាននាក់ ក្នុង១៥លាននោះ ក៏មានប្រជាជនភាគតិចជាច្រើនដែលរស់នៅក្នុងប្រទេសកម្ពុជា។ ហើយបើយើងមិនបានធ្វើព្រំដែនទេ នឹងមានការបាត់បង់ព្រំដែនបន្តទៀត អ៊ីចឹងយើងបោះបង្គោលព្រំដែន យើងអាចទៅលើផែនទីដែលបានមានរួចស្រេច ហើយយើងនឹងចាំផ្ទៀងផ្ទាត់ បើសិនជាករណី យើងឃើញថាសេចក្តីសង្ឃឹមរបស់អ្នកស្រាវជ្រាវក៏ដូចជារាជរដ្ឋាភិបាល ក៏ដូចប្រជាជនកម្ពុជាហ្នឹង គឺរង់ចាំមើលឯកសាររបស់មហាអំណាច ពីព្រោះយើងឃើញខ្មែរមានចរិតមួយ មិនសូវជឿជាក់គ្នាឯងទេ ជឿជាក់បរទេស”។
បើតាមអ្នកវិភាគរូបនេះ ការដែលអង្គការសហប្រជាតិមិនទាន់រកឃើញផែនទីកម្ពុជា អាចដោយសារស្ថាប័នមួយនេះ មានឯកសារច្រើនពេកដែលប្រទេសលើពិភពលោកបានតម្កល់នៅទីនោះ គឺមិនមែនតម្កល់តែផែនទីកម្ពុជាតែមួយនោះទេ។
កាលពីថ្ងៃទី០៦ ខែកក្កដា លោកនាយករដ្ឋមន្ត្រី ហ៊ុន សែន បានសរសេរលិខិតមួយច្បាប់ទៅអគ្គលេខាធិការអង្គការសហប្រជាជាតិ លោក បាន គីមូន ដោយស្នើសុំផែនទីកម្ពុជាដែលតម្កល់នៅអង្គការប្រជាជាតិ ។ លោក ហ៊ុន សែន អះអាងថា ការសុំផែនទីនេះដើម្បីផ្ទៀងផ្ទាត់ជាមួយផែនទីដែលរដ្ឋាភិបាលបានប្រើប្រាស់ដោះស្រាយបញ្ហាព្រំដែនជាមួយប្រទេសជិតខាង។ បន្ទាប់ពីការស្នើសុំនោះ អ្នកនាំពាក្យអង្គការសហប្រជាជាតិ ប្រាប់ VOD តាមរយៈអ៊ីម៉េលថា អង្គការបានបញ្ជូនព័ត៌មានមួយចំនួនទៅរដ្ឋាភិបាលកម្ពុជាស្តីអំពីសំណើសុំផែនទី និងកំពុងតែស្វែងរកឯកសារមួយចំនួនទៀត៕
សូមសរសេរមកលោក ឡាយ សាមាន តាមរយៈ samean@vodhotnews.com
រកមិនឃើញផែនទីដូចបាត់ប្លង់ផ្ទះចឹង បាត់ប្លង់ផ្ទះវាមាននៅសល់អីទៀតវាមិនរលាយ ចង់អ្នកណាយក
កន្លែងណាក៏គ្មានសិទ្ធតវាជាមួយគេដែរ ដីអត់ប្លង់
Please don’t panic guys.
If not able to find Cambodia map of scale 1/100 000 at the UN hypothetically, the UN should be able to obtain from elsewhere such as France,with its verification whether it’s copied from original map.
Importance is source of map where we get it from, along with the back up. If all failed, map currently got from France can be perhaps verified by both from France as member of the UN or possibly it is verified by the UN as it has capacity of doing so, I believe.
Samneang
វា មិនអាចបាត់ ទេ ! ប្រយ័ត្ន វៀតណាម វា មានរនុកក្នុង ប្រើល្បិច !
ផែនទី ប្រវត្តិសាស្ត្រ ខ្មែរ នៅប្រទេសបារាំង ក៏មានដែរ !
ពួក UN ដូចជាអន់ហួសហេតុពេកហើយ សូម្បិតែផែនទីខ្មែរពឹងពាក់ជាផ្លូវការឱ្យរក្សាទុក
ក៍ថែរក្សាមិនបានដែរ ឬមួយនៅក្នុង UN មានហ្វូងចោរ ?
It’s really sound ridiculous to talk about losing Cambodia Map at the UN. I don’t think it would happen, but if it is happen, Cambodian people inside and outside of the country must work together and launch a serious local and international diplomatic effort. I don’t think the current Cambodian Gov. is reliable any more.
please do not lost your confident ,the world organization they did their work very careful . of cause they have those map but the reason is if they showing, it may harm to these nation. they knew all about it that right they gave us a full sovereignty . but sovereignty that they gave us have been stolen or given to those thief nation. remember the HO CHI MIN policy was hiding among all these nation in this region…… PEACE TO ALL cAMBODIAN
Hun Sen asked UN, France, England, USA to help with Cambodia’s Map. Not a problem at all for these countries to help Cambodia such a small country. After all the Human Rights abuses in Cambodia, these powerful countries and Community (UN) will have a second thought about helping Cambodia.
អសបកំពង់រៀបចំបង្កើតគណកម្មាការស្រាវជ្រាវរុករកឯកសារតំកល់ចាស់ៗ តែនៅខ្វះបុគ្គលិកជំនាញទុកដាក់ឯកសារនិងផែនទី។ ហើយបច្ចុប្បន្នក៏កំពង់ពិចារណាបង្កើតជាមុនសិននូវគណកម្មាការជ្រើសរើសបុគ្គលិកបន្ថែមទៀត ។ បើបងប្អូនមានចំណាប់អារម្មណ៏និងជំនាញ បទពិសោធន៏ដូចបានរៀបរាប់ខាងលើ សូមជួយធ្វើជាប្រធាន/សមាជិកគណកម្មាការជ្រើសរើស ឬជាប្រធាន/សមាជិកគណកម្មាការស្រាវជ្រាវរុករកឯកសារតំកល់ចាស់ៗ ចូលបំរើការងារអសបផង។
កំពង់ភ្លីងភ្លង់កណ្តាលទឹក ហៅអ្នកស្រុកឲជួយ គេមិនជួយ គេធ្វើមិនដឹងមិនឮ។ ខំហៅនាយសំពៅ ក៏នាយសំពៅទាំង២-៣នាក់ មិនឃើញ ទៅហួស។ បន្តិចទៀតអស់ខ្យល់កណ្តាលទឹក។ ចប់ ។ តើខ្មែរទាំងអស់គ្នាសុខចិត្តចប់តាមអ្នកដឹកនាំដូចនេះដែរឬទេ?
អន់ដល់ម្លឹង???
ដល់ថ្នាក់មកអង្វសុំផែនទីលោក សម រង្ស៊ី ទិញទៅហើយ នៅមានផ្លូវអីទៀត
នេះហើយពូជមេដឹកនាំល្ងង់ខ្លៅ ស្ដាប់តែពួកអាវែកវាយអែបស៊ីអបព្រុសបញ្ជោរសុំស៊ីពែរ៍
មានមន្រ្តីសម្រាប់ប្រើគគោក ទុកឱ្យពួកវាធ្វើចោរពុករលួយ សូម្បីតែផែនទីទឹកដីខ្មែរមួយ
ក៍ល្ងង់ខ្លៅពឹងចោរយួនគូសឱ្យយកមកប្រើដែរ ភ្លើណាស់ ។