ដោយ៖ បូ សាវី | ថ្ងៃសៅរ៍ ទី8 សីហា 2015, 04:55 PM
http://vodhotnews.com
ជនដៃដល់ លឹម ស្នេហ៍គំនិត ហៅធូ (រូបថត៖ បូ សាវី)
មន្ដ្រីនគរបាលខេត្ដសៀមរាបឲ្យដឹងថា នៅថ្ងៃនេះសមត្ថកិច្ចបានបញ្ជូនបុរសម្នាក់ជាកូនប្រសារប្រធាន ពន្ធនាគារខេត្ដនេះទៅតុលាការ ដើម្បីចាត់វិធានការតាមនិតិវិធីច្បាប់ ករណីប្រើហិង្សាលើស្ត្រីជាមន្ត្រីនគរបាល ចរាចរណ៍។
គេហទំព័រអគ្គស្នងការដ្ឋាននគរបាលជាតិចុះផ្សាយថា នៅម៉ោងប្រមាណ១០ព្រឹកថ្ងៃទី០៨ ខែសីហានេះ សមត្ថកិច្ច បាននាំខ្លួនលោក លឹម ស្នេហ៍គំនិត ហៅធូ កូនប្រសារប្រធានពន្ធនាគារទៅតុលាការ ដើម្បីដោះស្រាយតាម និតិវិធីច្បាប់ ករណីប្រើហិង្សាលើស្ត្រីជាមន្រី្ដនគរបាលចរាចរណ៍មួយរូបដែលកំពុងបំពេញការងារនៅតាមដងផ្លូវ ។
គេហទំព័រដដែលឲ្យដឹងថា កាលពីថ្ងៃទី០៤ ខែសីហានេះ ជនសង្ស័យ លោក លឹម ស្នេហ៍គំនិត ហៅធូ បានប្រើហិង្សាលើស្ដ្រីជានគរបាលចរាចរណ៍ជាច្រើនដៃបណ្ដាលឲ្យរងរបួស ខណៈមន្ដ្រីនគរបាលចរាចរណ៍រូបនោះបំពេញការងារនៅចំណុច ផ្លូវមាត់ស្ទឹងសៀមរាបក្រុងសៀមរាប ។ ប្រភពបន្ដថា មូលហេតុដែលកើតហិង្សានោះ ដោយសារ សមត្ថកិច្ចឃាត់ម៉ូតូ ជនសង្ស័យដែលជិះមិនពាក់មួកសុវត្ថិភាព និងម៉ូតូគ្មានស្លាកលេខ ៕
សូមសរសេរមកលោក បូ សាវី តាមរយៈ savy@vodhotnews.com
Thug head !
His father in law is the head of prison, then five stars prison room will be reserved for his son in law. And he can stay home with his wife at night.
Very good example !!
ឪពុកជាប្រធានពន្ធ័ធនាគាតើជឿទេថាកូនប្រសាររបស់គាត់អនុវត្តទោសពេញលេញដូចអ្នកទោស ដ៍ទៃនោះ? គួរតែយកកូនប្រសាបាតសង្គមនេះផ្ទេរទៅដាក់គុកនៅខេត្តផ្សេងទើបអាចធានាថាគាត់ នេះនិងអនុវត្តទោសពេញលេញបាន។
>. នៅស្រុកខ្មែរ មានបុគ្គលខ្លះ មានសាច់ញាតិ ធ្វើធំ បន្តិចបន្តួច ក្អេងក្អាង ល្មើស ច្បាប់ !