ដោយ៖ ពៅ មេត្តា | ថ្ងៃអាទិត្យ ទី9 សីហា 2015, 05:17 PM
http://vodhotnews.com
កម្មការនីដែលរងគ្រោះពីការបាញ់ប្រហារពីអតីតអភិបាលក្រុងបាវិតលោក ឈូក បណ្ឌិត
កម្មការនីដែលរងការបាញ់ប្រហារពីអតីតអភិបាលក្រុងបាវិត កាលពីដើមឆ្នាំ២០១២ សម្តែងការព្រួយបារម្ភថា លោក ឈូក បណ្ឌិតដែលតុលាការចោទថា ជាអ្នកបាញ់នោះមិនស្ថិតនៅក្នុងពន្ធនាគារដូចការផ្សព្វផ្សាយរបស់ព័ត៌មាននានានោះទេ ។
អតីតអភិបាលក្រុងបាវិត លោក ឈូក បណ្ឌិត ដែលតុលាការកំពូលចោទថា បាញ់កម្មការនីក្នុងពេលតវ៉ាឲ្យមានរបួសនោះបានរត់គេចខ្លួនមួយរយៈ ហើយបានចេញសារភាពកំហុសកាលពីថ្ងៃសៅរ៍ម្សិលមិញនៅស្នងការដ្ឋាននគរបាលរាជធានីភ្នំពេញ។ បន្ទាប់ពីចេញមុខសារភាពមក ទណ្ឌិតរូបនេះ ត្រូវសមត្ថកិច្ចបញ្ជូនទៅឃុំខ្លួននៅពន្ធនាគារខេត្តស្វាយរៀង ។
តែនៅថ្ងៃនេះ កម្មការនីម្នាក់ក្នុងចំណោមបីនាក់ដែលរងរបួសពីការបាញ់ប្រហារនោះ អ្នកស្រី នុត សាខន ប្រាប់VODនៅថ្ងៃអាទិត្យនេះថា អ្នកស្រីមិនជឿថា អ្នកដែលសមត្ថកិច្ចនាំខ្លួនទៅឃុំនៅពន្ធនាគារនោះជាលោក ឈូក បណ្ឌិតទេ ព្រោះពេលនាំខ្លួនទៅ មានលក្ខណៈបិទបាំងគឺមានពាក់បួក និង បិទមុខជិត ធ្វើឲ្យរូបគាត់មិនអាចចំណាំថា ជាអ្នកណាទេ។ អ្នកស្រីនៅតែបារម្ភខ្លាច ទណ្ឌិតរូបនេះ ធ្វើបាបពួកគាត់ជាថ្មីទៀត ។
អ្នកស្រី នុត សាខន ឲ្យដឹងទៀតថា រហូតដល់ពេលនេះ អ្នកស្រី និង កម្មការនីរងគ្រោះពីរនាក់ផ្សេងទៀត មិនទាន់ទទួលបានសំណងជួសជុលការខូចខាត និង សំណងជំងឺចិត្តពីលោក ឈូក បណ្ឌិតនៅឡើយទេ ។
នៅរសៀលនេះ VOD មិនទាន់អាចសុំការបកស្រាយបន្ថែមពីលោក ផាន់ រតនា ព្រះរាជ្ញារងសាលាដំបូងខេត្តស្វាយរៀងនៅឡើយទេ។ ប៉ុន្តែកាលពីម្សិលមិញលោក ប្រាប់អ្នកសារព័ត៌មានថា បន្ទាប់ពីនាំលោកឈូក បណ្ឌិត ទៅសាលាដំបូងខេត្តនេះហើយ និង បញ្ជូនទៅឃុំខ្លួនពន្ធនាគារ ។
អតីតអភិបាលក្រុងបាវិត លោក ឈូក បណ្ឌិត ត្រូវតុលាការរកឃើញថា ជាខ្មាន់កាំភ្លើងបាញ់កម្មការនី៣នាក់ឲ្យរងរបួស កាលពីថ្ងៃទី២០ ខែកុម្ភៈ ឆ្នាំ២០១២ នៅរោងចក្រកៅវ៉េ ខេត្តស្វាយរៀង ៕
សូមសរសេរមកលោក ពៅ មេត្តា តាមរយៈ minpov@vodhotnews.com
រឿងមិនទុកចិត្ត ដោយខ្លាច ឈូក បណ្ឌិតមិននៅក្នុងគុក វាស្រួលិនិត្យទេ។ គឺត្រូវធ្វើអញ្ចេះ គឺនរណាខ្លះ ដែលមិនជឿ ត្រូវនាំគ្នាទៅចូលជា់ប់គុក ដេកគ្រែជាប់នឹងឈូកបណ្ឌិត តែម្តងទៅ។
ហើយបើជាស្រីស្អាតទេ ត្រូវជួយមើលថែសុខភាពគាត់ផងទៅ!
ទីបំផុត ទណ្ឌិត ឈូក បណ្ឌិត ប្រើ «ស្ទីល» ឧកញ៉ា សុខ ប៊ុន ចូលសារភាពតាមការប្រកាសរបស់បុរសខ្លាំង។ប៉ុន្តែប្រយ័ត្នតជាប់គុកតែឈ្មោះ តែកាយនៅក្រៅឃុំ សូមបងប្អូនជួយតាមដានផង៕
ហា ហា ហា សួរស្តី ពួកអាផ្កាប់មុខ cnrp យ៉ាងម៉េចហើយ បែកគ្នាប៉ុន្មានឆ្នាំ តើសល់ពីងាប់ប៉ុន្មាន ជាប់គុកបុ៉ន្មាន រត់ចោលស្រុកបុ៉ន្មាន នៅចាំអញអត់ អញគឺ th អ្នកខ្លាំង អ្នកមែន អ្នកឃ្លាំមើលកំណែទំរង់រដ្ឋាភិបាលអាណត្តិទី5 បាត់អញមួយរយ:នេះ ដោយជាប់លេងហ្វេសបុកវើយ បើអាណាខ្លាំងមកជួបគ្នាតាមង្វេសបុកវិញ ហា ហា ហា
This is the consequence of dictatorship leader. Nobody believes or trusts to this kind of leader. More actions they have done, the most hatred of people will be fall on them. More cheating they have made, the most untruthful will fall on them. More lying they have made, most of people will not believe them!