ដោយ៖ ណាត សុភាព | ថ្ងៃអាទិត្យ ទី9 សីហា 2015
http://vodhotnews.com
លោក ស ខេង (ឆ្វេង) និង លោក កឹម សុខា (ស្តាំ)
គណបក្សទាំងពីរនិងរដ្ឋសភាឲ្យដឹងថា ការប្រជុំនៅថ្ងៃចន្ទស្អែកនេះ មិនមានការផ្លាស់ប្តូរដូចការផ្សព្វផ្សាយព័ត៌មានក្នុងស្រុកមួយចំនួនទេ គឺនៅរក្សាថ្ងៃដដែល ដើម្បីជជែកពីបញ្ហានយោបាយនាពេលបច្ចុប្បន្ន និងដោះស្រាយបញ្ហាផ្សេងៗទៀត ។
ប្រតិកម្មនេះ ធ្វើឡើងបន្ទាប់ពីព័ត៌មានក្នុងស្រុកមួយចំនួនផ្សព្វផ្សាយតាមគេហទំព័ររបស់ខ្លួនថា ប្រធានស្តីទីគណបក្សសង្គ្រោះជាតិ ដឹកនាំដោយលោក កឹម សុខា និងប្រធានក្រុមតំណាងរាស្ត្រមតិភាគច្រើន ដឹកនាំដោយលោក ស ខេង នឹងជួបគ្នាក្នុងវិមានរដ្ឋសភា នៅថ្ងៃទី១១ ខែសីហា ឆ្នាំ២០១៥ វេលាម៉ោង៣ល្ងាច ពោលគឺមិនមែនជួបគ្នានៅថ្ងៃ១០ ខែសីហានោះទេ ។
អ្នកនាំពាក្យរដ្ឋសភាលោក ឈាង វុន មានប្រសាសន៍ប្រាប់VODនៅថ្ងៃអាទិត្យនេះថា សេចក្តីប្រកាសព័ត៌មានដែលផ្សព្វផ្សាយតាមគេហទំព័រមួយចំនួន ដែលមានខ្លឹមសារថា ថ្នាក់ដឹកនាំគណបក្សទាំងពីរ នឹងប្តូរថ្ងៃជួបប្រជុំនោះមិនពិតទេ ។ លោកថា គណបក្សទាំងពីរនៅតែរក្សាជំហរជួបប្រជុំនៅវិមានរដ្ឋសភា ថ្ងៃចន្ទស្អែកនេះ តាមពេលវេលាម៉ោងដដែល ។
អ្នកនាំពាក្យគណបក្សសង្គ្រោះជាតិលោក អ៊ូ ច័ន្ទឫទ្ធិ ប្រាប់វីអូឌី (VOD)ថា នៅថ្ងៃចន្ទ ទី១០ ខែសីហា ស្ងែកនេះ លោក កឹម សុខា នឹងជួបជាមួយលោក ស ខេង នៅវេលាម៉ោង ៥ លា្ងច នៅវិមានរដ្ឋសភា ។ លោកបន្តថា ជារឿងធម្មតាតំណាងរាស្ត្រក្រុមភាគតិច និងតំណាងរាស្ត្រមតិភាគច្រើនតែងតែជួបគ្នា ដើម្បីដោះស្រាយបញ្ហាផ្សេងៗនាពេលកន្លងមក ។ យ៉ាងណាក៏ដោយលោកបញ្ជាក់ថា ក្នុងជំនួបនោះលោកកឹម សុខា អាចនឹងជជែកពីការវិវត្តន៍នយោបាយនាពេលបច្ចុប្បន្នផងដែរ ។
គួរបញ្ជាក់ថា គម្រោងជួបគ្នានេះ ធ្វើឡើងស្របពេលដែលស្ថានការណ៍នយោបាយនៅកម្ពុជាហាក់ដូចជាឡើងកម្តៅឡើងវិញ បន្ទាប់ពីតុលាការបានសើរើសំណុំរឿងចាស់ ចេញដីកាចាប់ខ្លួនសកម្មជនគណបក្សប្រឆាំងជាបន្តបន្ទាប់ ចោទពីបទដឹកនាំកុបកម្មនៅក្បែរទីលានប្រជាធិបតេយ្យកាលពីថ្ងៃទី១៥ ខែកក្កដា ឆ្នាំ ២០១៤ ។ ការចេញដីកានេះផងដែរ ធ្វើឡើងតែមួយថ្ងៃ បន្ទាប់ពីលោកនាយករដ្ឋមន្ត្រី ស្នើឲ្យតុលាការសើរើចាប់អ្នកដែលបង្កហិង្សានៅក្បែរទីលានប្រជាធិបតេយ្យមកផ្តន្ទាទោសតាមច្បាប់ ។
យ៉ាងណាក៏ដោយ ចំណាត់ការតក់ក្រហល់នេះ ត្រូវបានសង្គមស៊ីវិលជាតិ និងអន្តរជាតិ រួមទាំងអ្នកវិភាគនយោបាយផងនោះ ចាត់ទុកថាជារឿងនយោបាយសុទ្ធសាធ ដើម្បីគំរាមដល់គណបក្សប្រឆាំងកុំឲ្យចុះពិនិត្យព្រំដែនកម្ពុជា វៀតណាម ៕
សូមសរសេរមកលោក ណាត សុភាព តាមរយៈ sopheap@vodhotnews.com
I do hope you two guys will raise people’s issues to put on board. Please do not debate over your own party interests, but our whole social justice such as land, employment and wage, border and many other important things. Any criminal matters do not involve in the government duty, but they are with regard to the justice system only in case Cambodia complies with its constitute stating that the legilature, the executive and the juditure are independently seperated powers. Impunity culture should be high time to be abolished because it is hugely distastrious weapons to kill our people and nation. What ashamed when politicians attempt to defend their violent activists and associates, and what embarrassing for our nation in the front of diplomatic representatives working in our country. I wish you guys will regard our people as the best interest and above your own individuals and parties’. If successful to do so, it will help promote our national prestige in the world. This prestige is not only pride of you guys, but also our next and next, next generations and endless time.